ზოგადი წესები და პირობები

ზოგადი წესები და პირობები QCommerce

ბოლო განახლების თარიღი: 2025 წლის ივლისი

გამოყენების წინამდებარე ზოგადი წესებისა და პირობების და იურიდიული ინფორმაციის (შემდგომში, „პარტნიორებისთვის განკუთვნილი წესები და პირობები“) საფუძველზე Glovoapp 23, S.A. (შემდგომში, „GLOVO“) პარტნიორისთვის (შემდგომში, „პარტნიორი“ ან „პარტნიორები“) ხელმისაწვდომს ხდის ვებსაიტს, რომლის დომენის მისამართია www.glovoapp.com და Glovo-ს მობილურ აპლიკაციას (ერთობლივად მოხსენიებული, როგორც APP). გამოყენების წინამდებარე ზოგადი წესები და პირობები ვრცელდება თითოეული პარტნიორის მიერ პლატფორმისა და მასთან დაკავშირებული საიტებისა თუ GLOVO-ს მიერ www.glovoapp.com მისამართიდან დაკავშირებული საიტების (შემდგომში, ერთობლივად მოხსენიებული, როგორც „საიტი“) გამოყენებაზე. საიტი ეკუთვნის GLOVO-ს. ამ საიტის გამოყენებით, თქვენ ეთანხმებით გამოყენების ზოგად წესებსა და პირობებს. თუ მათ არ ეთანხმებით, გთხოვთ, თავი შეიკავოთ საიტის გამოყენებისგან.

პარტნიორებისთვის განკუთვნილი წინამდებარე პირობების მიზნებისთვის, მუქი შრიფტით მონიშნულ ტერმინებს ექნებათ შემდეგი მნიშვნელობა:

• Marketplace-ის მომსახურებები: ტექნოლოგიური შუამავლობა პარტნიორის მიერ შეთავაზებული პროდუქტების ან/და მომსახურებების GLOVO APP-ზე ხელმისაწვდომობისა და GLOVO APP-ის მომხმარებლებთან მიწოდების მიზნით საკუთარი საკურიერო სამსახურის მეშვეობით იმ ტერიტორიაზე, სადაც წარმოდგენილია GLOVO . APP-ში ობიექტის პროფილის შექმნა, APP-ის მილიონობით მომხმარებლისთვის ხილვადობა, გაყიდვების გენერირება, გადახდის ზღურბლი, გაყიდვების ანგარიშგებასა და პარტნიორის საოპერაციო მონაცემებზე წვდომა, ბიზნესის ზრდის ხელშეწყობა.
• მანდატარების საშუამავლო მომსახურებები: ტექნოლოგიური შუამავლობა პარტნიორის მიერ შეთავაზებული პროდუქტების ან/და მომსახურების GLOVO APP-ზე ხელმისაწვდომობისა და GLOVO APP-ის მომხმარებლებთან მიწოდების მიზნით დამოუკიდებელი კურიერების ან/და კომპანიების მეშვეობით, რომლებიც თავიანთ მომსახურებას გასწევენ GLOVO APP-ის მეშვეობით („მანდატარი“ ან „მანდატარები“).

1. მიზანი

1. პარტნიორებისთვის წინამდებარე წესებისა და პირობების ზოგადი მიზანია პარტნიორის მიერ შეთავაზებული პროდუქტების ან/და მომსახურებების APP-ის მეშვეობით ხელმისაწვდომობის უზრუნველყოფა. APP-ის მეშვეობით GLOVO: (ა) ქმნის ობიექტის პროფილს APP-ში; (ბ) უზრუნველყოფს ტექნოლოგიურ შუამავლობას ლიდების გენერირებასა და გადახდების დამუშავებაში, ასევე სხვა მომსახურებებს, რომლებიც დაკავშირებულია ობიექტს-შიდა გაყიდვებსა და მანდატარების მეშვეობით პროდუქტების მიწოდებასთან; და (გ) აგვარებს შეკვეთებთან დაკავშირებულ ინციდენტებს. სავალდებულოა, რომ პარტნიორი წარმოადგენდეს მისი ყველა პროდუქტის ფიზიკურ „საცალო მოვაჭრეს”, „მიმწოდებელსა“ თუ „გამყიდველს“, ხოლო, Marketplace-ის მომსახურებების შემთხვევაში, ის ასევე პასუხისმგებელია ამ პროდუქტებთან დაკავშირებული მომსახურებების მიწოდებაზე. დასაშვებია, პარტნიორს გააჩნდეს რამდენიმე დაწესებულება ან ობიექტი (შემდგომში „აფილირებული ობიექტები“), რომელთა შესახებ დეტალური ინფორმაცია GLOVO-ს წინასწარ უნდა წარედგინოს, რათა მოხდეს მათი აქტივაცია და APP-ში ჩართვა. 
2. იმ პარტნიორებთან დაკავშირებით, რომლებიც მხოლოდ Marketplace-ის მომსახურებებს იყენებენ, GLOVO: 
3. არც ერთ შემთხვევაში არ იქნება პასუხისმგებელი პარტნიორის მიერ საკუთარი კურიერების მეშვეობით მიწოდებულ მომსახურებებზე, ხარჯებზე, ტრენინგებზე, დაზღვევაზე, აღჭურვილობაზე, კონტრაქტებზე, შრომით ან საგადასახადო ვალდებულებებზე ან რაიმე სხვა სახის პასუხისმგებლობაზე, რომელიც შეიძლება დაკავშირებული იყოს ასეთი კურიერების დაქირავებასთან ან წარმოიშვას ასეთი ურთიერთობიდან, და ყველა ასეთი პასუხისმგებლობა სრულად ეკისრება პარტნიორს. 
4. იმოქმედებს, როგორც პარტნიორის მიერ დანიშნული გადახდების შემგროვებელი აგენტი, რომლის ერთადერთი მიზანია, გარე მომწოდებლის მიერ APP-ში წარმოდგენილი გადახდების დამუშავების ფუნქციის მეშვეობით პარტნიორის სახელით გადახდების მიღება.  პარტნიორი ეთანხმება იმას, რომ GLOVO-სთვის (ან GLOVO-სთან აფილირებული პირისათვის, რომელიც მოქმედებს, როგორც GLOVO-ს აგენტი) გადახდილი თანხა ჩაითვლება უშუალოდ პარტნიორისთვის გადახდილ თანხად. შეძლებს, დანიშნოს პარტნიორი, როგორც იმ მომსახურების გადასახადის შემგროვებელი აგენტი (განსაზღვრულია ქვემოთ), რომელიც მომხმარებლებზე უშუალოდ Glovo-ს მიერ არის დაკისრებული იმ ტერიტორიებზე, სადაც ანგარიშსწორება დაშვებულია ნაღდი ფულით. 

1.3. იმ პარტნიორებთან დაკავშირებით, რომლებიც საშუამავლო მომსახურებებს იყენებენ მანდატარებისთვის, GLOVO ვალდებულია, APP-ის მეშვეობით:

1. საშუალება მისცეს პარტნიორის მსგავს კომპანიებს დაუკავშირდნენ მანდატარებს (როგორც ეს განსაზღვრულია GLOVO APP-ის გამოყენების ზოგად წესებში). შესაძლებელი გახადოს პროდუქტების ფასის ნაღდი ფულით გადახდა პარტნიორის ობიექტზე, იმ მანდატარის მეშვეობით, რომელიც პროდუქტს აგროვებს. ეს უნდა აისახოს შესაბამის ინვოისებში და გავლენას არ მოახდენს ქვემოთ მოცემულ 3.1 პუნქტში აღწერილი APP-ის გამოყენების საფასურის გაანგარიშებაზე.

თითოეული მხარე პასუხისმგებელია მხოლოდ საკუთარ თანამშრომლებზე, წინამდებარე „პარტნიორებისთვის განკუთვნილი წესებისა და პირობების“ შესრულებასა და ამ შეთანხმებით გათვალისწინებული საკუთარი ვალდებულებების შესრულებასთან დაკავშირებით. 

წინამდებარე „პარტნიორებისთვის განკუთვნილი წესებისა და პირობებიდან“ გამომდინარე ურთიერთობა წარმოადგენს მკაცრად საქმიან ურთიერთობას იმ დამოუკიდებელ მხარეებს შორის, რომლებიც თანხმდებიან, რომ ბაზარზე თავი ყოველთვის წარმოადგინონ დამოუკიდებელ ოპერატორებად, რათა თავიდან აირიდონ ნებისმიერი გაუგებრობა იმ მომსახურებებთან დაკავშირებით, რომლებსაც ისინი გასწევენ. ორივე მხარე თანხმდება, რომ ერთობლივად კეთილსინდისიერად იმუშავებს თანამშრომლობაზე დაფუძნებულ გარკვეულ პროექტებზე.

2. წინამდებარე წესებისა და პირობების ვადა და ხანგრძლივობა

2.1. პარტნიორი იღებს ვალდებულებას, GLOVO-სთვის მითითებულ საათებში შეინარჩუნოს აქტიური პროფილი APP-ზე, წინამდებარე „პარტნიორებისთვის განკუთვნილი წესებისა და პირობების“ ხელმოწერის დღიდან ოცდაოთხი (24) თვის განმავლობაში („საწყისი პერიოდი“), რომელიც განუსაზღვრელი ვადით გაგრძელდება იმავე ხანგრძლივობის თანმიმდევრული პერიოდებით.

2.2.  იმ შემთხვევაში, თუ ერთ-ერთ მხარეს ურთიერთობის შეწყვეტა სურს, ის ვალდებულია, სულ მცირე, სამოცი (60) დღით ადრე წერილობითი შეტყობინების გზით აცნობოს მეორე მხარეს შეწყვეტის თაობაზე. იმ შემთხვევაში, თუ პარტნიორი დაარღვევს აღნიშნული შეტყობინების გაგზავნის ვადას, GLOVO უფლებამოსილია, პარტნიორს დამატებით გადაახდევინოს APP-ის მეშვეობით ბოლო სამი (3) თვის განმავლობაში განხორციელებული ტრანზაქციების საერთო თანხის ათი პროცენტი (10%), ასევე, ის იტოვებს უფლებას, გააუქმოს პარტნიორის პროფილი ვებგვერდზე, რომლის ხელმისაწვდომობა უზრუნველყოფილია GLOVO-ს მიერ („,,მოვაჭრის” ან ,,მენეჯერ პორტალი“).

ანალოგიურად, პარტნიორებისთვის განკუთვნილი წინამდებარე წესებითა და პირობებით განსაზღვრული რომელიმე ვალდებულების დარღვევა წარმოადგენს სახელშეკრულებო ურთიერთობის შეწყვეტის საფუძველს, გარდა იმ შემთხვევისა, თუ ასეთი დარღვევა გამოსწორდება მეორე მხარის მიერ დარღვევის შესახებ დამრღვევი მხარისთვის შეტყობინების გაგზავნიდან თხუთმეტი (15) დღის ვადაში; გარდა ამისა, პარტნიორის მიერ პარტნიორებისთვის განკუთვნილი წინამდებარე წესებითა და პირობებით განსაზღვრული GLOVO-ს სასარგებლოდ დარიცხული შეთანხმებული მომსახურების საფასურის ზედიზედ ორი თვის განმავლობაში გადაუხდელობა ასევე წარმოადგენს სახელშეკრულებო ურთიერთობის შეწყვეტის საფუძველს. GLOVO ასევე იტოვებს უფლებას, ნებისმიერ დროს და განუსაზღვრელი ვადით შეზღუდოს, შეაჩეროს, წაშალოს პარტნიორის პროდუქტები ან/და მომსახურებები, ან/და პარტნიორის პროფილი აპლიკაციაში. GLOVO აღნიშნული გადაწყვეტილების თაობაზე, იმ ფაქტებისა და გარემოებების განმარტებასთან ერთად, რომელიც ამ გადაწყვეტილებას დაედო საფუძვლად, პარტნიორს აცნობებს მისი პროფილის საბოლოო წაშლამდე თხუთმეტი (15) დღით ადრე. გარდა იმ შემთხვევისა, თუ GLOVO-ს ასეთი ვალდებულება გამომდინარეობს სამართლებრივი ან მარეგულირებელი კანონმდებლობიდან. თუ პარტნიორი განმეორებით არღვევს წინამდებარე „წესებსა და პირობებს“, GLOVO უფლებამოსილია, არ დაიცვას ზემოაღნიშნული შეტყობინების ვადა.

2.3.იმ შემთხვევაში, თუ GLOVO-ს სურს, ჩაასწოროს/ამოშალოს მუხლი ან განსაზღვროს დამატებითი მუხლი, ის ვალდებულია, ამის თაობაზე ინფორმაცია მიაწოდოს პარტნიორს წერილობითი ფორმით და ელფოსტის ან WebApp-ისა თუ Manager Portal-ის მეშვეობით, სულ მცირე, თხუთმეტი (15) კალენდარული დღით ადრე იმ თარიღიდან, როდესაც მას სურს, რომ ასეთი შესწორება/ამოშლა/დამატება ძალაში შევიდეს. იმ შემთხვევაში, თუ ზემოაღნიშნული ვადა ამოიწურება და პარტნიორს ჯერ არ გამოუთქვამს საკუთარი პოზიცია აღნიშნულ ცვლილებასთან დაკავშირებით, შეტყობინების შინაარსი ცვლილების/წაშლის/დამატების თაობაზე ჩაითვლება ორივე მხარისთვის ძალაში შესულად და იმოქმედებს ურთიერთობის ხანგრძლივობის შესაბამისი ვადით. ცვლილების/წაშლის/დამატების თაობაზე შეტყობინების ძალაში შესვლის შემდეგ პარტნიორის მიერ APP-ზე წვდომის გაგრძელება ან მისი გამოყენება ჩაითვლება პარტნიორის მიერ აღნიშნულ ცვლილებაზე დათანხმებად.

3. ფინანსური პირობები

3.1. APP-ით სარგებლობისა და მანდატარების მიერ უზრუნველყოფილი მიტანის მომსახურების ნაწილისთვის გადასახდელი თანხა, თუ ასეთი მომსახურება შეთანხმებულია მხარეთა შორის, გამოითვლება შეთანხმებული პროცენტისა (%) და დღგ-ის (ასეთის არსებობის შემთხვევაში) საფუძველზე, რომელიც ეფუძნება პარტნიორის მიერ GLOVO APP-ში განთავსებული პროდუქტების ან/და მომსახურებების საერთო გაყიდვების (პროდუქტები/მომსახურებები + მოქმედი გადასახადები) ღირებულებას (შემდგომში მოხსენიებული, როგორც „შეთანხმებული მომსახურებების საფასური“). მხარეები აცხადებენ, რომ შეთანხმებული მომსახურებების საფასურის გაანგარიშების პროცენტი შეთანხმებულია თავისუფლად, კეთილსინდისიერად და ორივე მხარის პირობებისა და საჭიროებების გათვალისწინებით. 

გარდა ამისა, შესაბამის შემთხვევებში, პარტნიორი გადაიხდის მიტანისა და ნაღდი ფულის შეგროვების იმ მომსახურების საფასურს, რომელიც უზრუნველყოფილია მანდატარის მიერ. ასეთ შემთხვევაში პარტნიორს მსგავსი მომსახურებებისთვის ინვოისი უნდა წარუდგინოს უშუალოდ მანდატარმა ან მხარეთა შორის უშუალო შეთანხმების არსებობის შემთხვევაში, ინვოისის ხელახლა წარდგენა მოხდება GLOVO-ს მიერ.

Marketplace-ის მომსახურებებისთვის შეთანხმებული მომსახურების საფასურის დაანგარიშება ხორციელდება შემდეგი წესით: (i)  GLOVO-ს საკუთარი შეთავაზებების გამოქვითვა; (ii) მომხმარებლისთვის თანხის დაბრუნების გამოქვითვის გარეშე; და (iii) წარმატებით მიწოდების ფაქტის მიუხედავად.

  პარტნიორი აცხადებს, რომ GLOVO მომხმარებლებს პლატფორმის გამოყენებისთვის მომსახურების საფასურს აკისრებს, რათა სხვა მიზნებთან ერთად, მუდმივად გააუმჯობესოს GLOVO-ს საერთო მომსახურებები, უზრუნველყოს მათთვის სავაჭრო ობიექტების უფრო ფართო არჩევანი და გააუმჯობესოს მომხმარებლების გამოცდილება (შემდგომში, „მომსახურების გადასახადი“). 

ზემოაღნიშნულთან დაკავშირებით და იმ პარტნიორებისთვის, რომლებიც მხოლოდ Marketplace-ის მომსახურებებით სარგებლობენ, იმ ტერიტორიებზე, სადაც გადახდა ნაღდი ფულით ხდება, პარტნიორი თანახმაა, რომ პლატფორმით სარგებლობის პერიოდში პარტნიორის კურიერების მიერ შეგროვებული ნაღდი ფულის ოდენობა დაემატოს იმ შეთანხმებული მომსახურების საფასურს, რომელსაც პარტნიორი Marketplace-ის აღნიშნული მომსახურებებისთვის იხდის. თანხის ორივე ოდენობა გადაეცემა GLOVO-ს.

3.2. შესაძლოა, მხარეები შეთანხმდნენ სასურველი პარტნიორობის საფუძველზე ამ ურთიერთობის დამყარებაზე, რომელიც მოიცავს პარტნიორის ბრენდს შესაბამისი კანონმდებლობით დადგენილ მთელ ტერიტორიაზე, რამდენადაც ეს დაშვებულია მოქმედი კანონმდებლობით. იმ შემთხვევაში, თუ პარტნიორი მსგავს პარტნიორობას დაიწყებს დარგში არსებულ სხვა ფირმებთან (ეს მოიცავს, მათ შორის, მაგრამ არა მხოლოდ შემდეგს: Deliveroo, UberEats, JustEat, Wolt, Jumia, Pyszne, Bolt, Meituan, Yandex, Yango), GLOVO იტოვებს უფლებას, გაზარდოს მოქმედი შეთანხმებული მომსახურების საფასურის პროცენტი არაუმეტეს 30%-მდე. ასეთი ზრდა ძალაში შევა იმ დღიდან, როდესაც პარტნიორი დაიწყებს თანამშრომლობას დარგის მესამე მხარესთან.

3.3. პარტნიორი: ა) ნიშნავს GLOVO-ს , როგორც გადახდების შეგროვების აგენტს, რომლის ერთადერთი მიზანია, APP-ში ჩაშენებული და მესამე მხარის წარმომადგენლის მიერ უზრუნველყოფილი გადახდების დამუშავების ფუნქციის მეშვეობით დაადასტუროს გადახდები პარტნიორის სახელით; და ბ) თანხმდება, რომ GLOVO-სთვის (ან GLOVO-სთან აფილირებული კომპანიისთვის, რომელიც მოქმედებს როგორც ამ უკანასკნელის აგენტი) გადახდა ჩაითვლება უშუალოდ პარტნიორისთვის განხორციელებული გადახდის ეკვივალენტად.  GLOVO არც ერთ შემთხვევაში არ იმოქმედებს, როგორც შუამავალი ან არ იქნება პასუხისმგებელი პირი ნაღდი ფულით გადახდილ ტრანზაქციებზე.

3.4. პარტნიორის მიერ შეთავაზებული და ნაღდი ფულით გადახდილი პროდუქტებისა ან/და მომსახურების საერთო გაყიდვების თანხა პარტნიორის მიერ GLOVO-სთვის დაუყოვნებლივ გადახდილ უნდა იქნას მათი დარიცხვიდან შვიდი (7) კალენდარული დღის განმავლობაში. გადახდის დაგვიანება იწვევს დაჯარიმებას გადაუხდელი თანხის 0,1%-ის ოდენობით დაგვიანების ყოველი დღისთვის.

3.5. GLOVO იტოვებს უფლებას, პირდაპირ GLOVO-ს ხელთ არსებული პარტნიორი-ს ბალანსიდან გამოქვითოს ან მიიღოს ნებისმიერი ის თანხა, რომლის შესაბამისი დავალიანებაც ერიცხება პარტნიორს და რომელიც არ გადახდილა მისი დარიცხვიდან ოცდაათი (30) დღის ვადაში. 

3.6. GLOVO ვალდებულია, აუნაზღაუროს პარტნიორს APP-ის მეშვეობით გენერირებული გაყიდვებიდან მიღებული ნებისმიერი თანხა, რომელსაც დააკლდება შეთანხმებული მომსახურების საფასური და პარტნიორის მიერ გადასახდელი ნებისმიერი ის თანხა, რომელიც პირდაპირ ან არაპირდაპირ დაკავშირებულია APP-ის გამოყენებასთან (შემდგომში, „გადასახდელი თანხა“), ქვემოთ წარმოდგენილის შესაბამისად: 

• თითოეული თვის პირველი დღიდან მე-7 დღემდე (ორივე დღის ჩათვლით) გენერირებული გაყიდვების მთლიანი ოდენობისთვის, რომელსაც აკლდება დაბრუნებები ან ნებისმიერი სხვა ჯარიმა, GLOVO ვალდებულია, აანაზღაუროს საფასური არაუგვიანეს მიმდინარე თვის მე-8 დღიდან 5 (ხუთი) სამუშაო დღის ვადაში.
• თითოეული თვის მე-8 დღიდან მე-14 დღემდე (ორივე დღის ჩათვლით) გენერირებული გაყიდვების მთლიანი რაოდენობისთვის, რომელსაც აკლდება დაბრუნებები ან ნებისმიერი სხვა ჯარიმა, GLOVO ვალდებულია, აანაზღაუროს საფასური არაუგვიანეს მიმდინარე თვის მე-15 დღიდან 5 (ხუთი) სამუშაო დღის ვადაში.
• თითოეული თვის მე-15 დღიდან 21-ე დღემდე (ორივე დღის ჩათვლით) გენერირებული გაყიდვების მთლიანი რაოდენობისთვის, რომელსაც აკლდება დაბრუნებები ან ნებისმიერი სხვა ჯარიმა, GLOVO ვალდებულია, აანაზღაუროს საფასური არაუგვიანეს მიმდინარე თვის 22-ე დღიდან 5 (ხუთი) სამუშაო დღის ვადაში.
• თითოეული თვის 22-ე დღიდან 28-ე დღემდე (ორივე დღის ჩათვლით) გენერირებული გაყიდვების მთლიანი რაოდენობისთვის, რომელსაც აკლდება დაბრუნებები ან ნებისმიერი სხვა ჯარიმა, GLOVO ვალდებულია, აანაზღაუროს საფასური არაუგვიანეს მიმდინარე თვის 29-ე დღიდან 5 (ხუთი) სამუშაო დღის ვადაში.
• თითოეული თვის 29-ე დღიდან თვის ბოლო დღემდე (ორივე დღის ჩათვლით) გენერირებული გაყიდვების მთლიანი რაოდენობისთვის, რომელსაც აკლდება დაბრუნებები ან ნებისმიერი სხვა ჯარიმა, GLOVO ვალდებულია, აანაზღაუროს საფასური არაუგვიანეს მომდევნო თვის 1-ელი დღიდან 5 (ხუთი) სამუშაო დღის ვადაში.

თუმცა, იმ შემთხვევაში, თუ პარტნიორი ისურვებს, აპლიკაციის მეშვეობით განხორციელებული გაყიდვებიდან მიღებული გადახდები (შეთანხმებული მომსახურების საფასურის, გაუქმებული შეკვეთების ღირებულების, ჯარიმებისა და გადაუხდელი ინვოისების გაქვითვით) მიიღოს სტანდარტულ გადახდამდე ადრე (შემდგომში — „გადახდის წინასწარი მიღება“), პარტნიორი ადასტურებს და ეთანხმება, რომ მას დაეკისრება შესაბამისი საკომისიო („საავანსო გადახდა"), რომელიც განისაზღვრება ,,მენეჯერ პორტალში" და იქნება ცნობილი პარტნიორისათვის საავანსო გადახდის დადასტურებამდე. აღნიშნული საკომისიო დაემატება უკვე შეთანხმებულ მომსახურების საფასურს.

პარტნიორს ნებისმიერ დროს შეუძლია შეაჩეროს ,,საავანსო გადახდის" გამოწერა ,,მოვაჭრის" ან ,,მენეჯერ პორტალიდან". პარტნიორი ასევე ადასტურებს, რომ თუ GLOVO მიიჩნევს, რომ არსებობს თაღლითობის რისკი (მაგალითად, ყალბი შეკვეთების შექმნა), მას შეუძლია „გადახდის წინასწარი მიღების” სერვისის დეაქტივაცია პარტნიორისათვის წინასწარი შეტყობინების გარეშე.

3.7. GLOVO-ს უფლება აქვს პარტნიორისთვის დააწესოს დამატებითი გადასახადი („პრაიმ შეკვეთის საკომისიო“), რათა შესაბამისი წვდომა მისცეს იმ მომხმარებლების სპეციალურ ჯგუფს, რომლებიც GLOVO-ს აპლიკაციაში გამოირჩევიან მაღალი მოთხოვნითა და შეკვეთების სიხშირით („პრაიმ მომხმარებლები“), ასევე მათზე მორგებული სპეციალური აქციების განხორციელების მიზნით.

,,პრაიმ შეკვეთის საკომისიო” არის ფიქსირებული თანხა 1 ლარამდე,  თითოეულ შეკვეთაზე და მისი გადახდა ეკისრება პარტნიორს. ,,პრაიმ შეკვეთის საკომისიო” დეტალურად და ნათლად იქნება აღწერილი და პარტნიორებისთვის განკუთვნილი წესებისა და პირობების 3.5 პუნქტის შესაბამისად აისახება საბოლოო ინვოისში. ,,პრაიმ მომხმარებლების” მიერ განთავსებული შეკვეთების დამუშავებითა და შესრულებით პარტნიორი ეთანხმება ,,პრაიმ შეკვეთის საკომისიოს” გამოყენებას.

GLOVO იტოვებს უფლებას, პარტნიორისათვის წინასწარი შეტყობინებით გადახედოს და დააკორექტიროს ,,პრაიმ შეკვეთის საკომისიოს” პირობები, წინამდებარე წესებსა და პირობებში განსაზღვრული დებულებების შესაბამისად.

3.8. GLOVO უფლებამოსილია, APP-ზე რეგისტრაციისთვის დააკისროს პარტნიორსა და მასთან აფილირებულ თითოეულ კომპანიას გააქტიურების საფასური  სამასი (300) ლარის ოდენობით, რომელსაც დაემატება დღგ (ასეთის არსებობის შემთხვევაში). ეს თანხა ჩამოიჭრება მის მიერ გაცემული პირველი ინვოისის თანხიდან ან, თუ აღნიშნული თანხა არ არის განსაზღვრული პირველ ინვოისში — ყოველ შემდგომ ინვოისში, აღნიშნული თანხის სრულად ჩამოჭრამდე. დამატებით, და მხოლოდ მხარეთა შეთანხმების შემთხვევაში, პარტნიორი ყოველთვიურად გადაუხდის GLOVO-ს 25 ლარამდე თანხას (შემდგომში, „პლატფორმის გამოყენების საკომისიო“), რომელიც ორ კვირაში ერთხელ გამოიქვითება APP-ის მეშვეობით გაყიდული საერთო გაყიდვების თანხიდან, გადახდის იმავე პროცესის მიხედვით, რაც 3.4 პუნქტშია აღნიშნული. იმ შემთხვევაში, თუ სამომხმარებლო ფასების ინდექსი (CPI) დადებით ცვლილებას დააფიქსირებს, GLOVO იტოვებს უფლებას, დააკორექტიროს ის CPI განაკვეთის შესაბამისად. ეს საკომისიოები, შესაძლოა, დროდადრო შეიცვალოს. იმ შემთხვევაში, თუ პარტნიორს მიეწოდება სიმ-ბარათი, პლატფორმის საკომისიოში გათვალისწინებული იქნება დამატებითი ყოველთვიური საფასური 11 ლარამდე  ოდენობით. 

3.9. „მოწყობილობა“ შეიძლება გულისხმობდეს GLOVO-ს მიერ მიწოდებულ მოწყობილობებს (პრინტერით ან მის გარეშე) ან GLOVO-ს მიერ მიწოდებულ ტელეფონებსა თუ პლანშეტებს.  პარტნიორი ეთანხმება, რომ GLOVO ინარჩუნებს საკუთრების სრულ უფლებას იმ მოწყობილობებზე, რომლებიც პარტნიორს  GLOVO-მ მიაწოდა. როგორც წინამდებარე ხელშეკრულების მოქმედების, ისე მისი შეწყვეტის შემდგომ პერიოდში;

GLOVO იტოვებს სრულ უფლებას, ნებისმიერ დროს, GLOVO-ს შეხედულებისამებრ, უზრუნველყოს, განაახლოს, შეცვალოს, ჩაანაცვლოს ან დაიბრუნოს მოწყობილობა, ან სხვა გადამცემი აღჭურვილობა ან პროგრამული უზრუნველყოფა;

იმ შემთხვევაში, როცა პარტნიორსა და GLOVO-ს შორის არსებული სახელშეკრულებო ურთიერთობა დასრულდება, პარტნიორი ვალდებული იქნება დააბრუნოს მოწყობილობა უნაკლო მდგომარეობაში — ნივთის ნორმალური და პასუხისმგებლობიანი გამოყენებით გამოწვეული ნორმალური ცვეთის გათვალისწინებით — თანამშრომლობის დასრულებიდან არაუმეტეს თხუთმეტი (15) კალენდარული დღის განმავლობაში. GLOVO უფლებამოსილია, მოწყობილობების შეგროვების პროცესის კოორდინაციის მიზნით დაუკავშირდეს პარტნიორს . იმ შემთხვევაში, თუ პარტნიორი არ დააბრუნებს მოწყობილობას GLOVO-ს მოთხოვნის შესაბამისად, პარტნიორს დაეკისრება ჯარიმა ექვსას ოთხმოცდაათი (690) ლარის ოდენობით. იგივე ოდენობის ჯარიმა ვრცელდება მოწყობილობის დაკარგვის ან მისი არასათანადო გამოყენების შედეგად დაზიანების შემთხვევაში.

იმ შემთხვევაში, თუ პარტნიორი მოწყობილობას GLOVO-სგან შეიძენს, პარტნიორი გახდება მოწყობილობის მესაკუთრე და ზემოთ განსაზღვრული ჯარიმა და დაბრუნების პირობები მასზე არ გავრცელდება.

4. პარტნიორის ვალდებულებები 

4.1 პარტნიორს ეკისრება შემდეგი ვალდებულებები: 

1.  GLOVO-ს წარუდგინოს და ასევე, Manager Portal-ში გაითვალისწინოს თითოეული თავისი პროდუქტისა თუ სერვისის შესახებ ნებისმიერი საჭირო ინფორმაცია და ალერგენების შესახებ ინფორმაცია იმ ფორმით, რა ფორმითაც ეს მოთხოვნილია GLOVO-ს მიერ.  პარტნიორი იღებს ვალდებულებას, რომ სრულად იყოს პასუხისმგებელი ამ ინფორმაციის GLOVO-ს მომხმარებლებისთვის მიწოდებაზე და ათავისუფლებს GLOVO-ს ნებისმიერი იმ პასუხისმგებლობისგან, რომელიც შეიძლება დადგეს ნებისმიერ აქედან გამოწვეულ ზარალთან ან ზიანთან დაკავშირებით. ნებისმიერ შემთხვევაში, APP-ში გამოქვეყნებული პროდუქტების და/ან მომსახურების აღწერილობები ყოველთვის მკაცრად უნდა შეესაბამებოდეს პარტნიორის მიერ წარმოდგენილ ინფორმაციას. APP-ში მითითებულ აღწერილობასა და პარტნიორის დაწესებულებაში რეალურად შეთავაზებულ პროდუქტებს ან/და მომსახურებებს შორის არსებულ ნებისმიერ შეუსაბამობაზე (მათ შორის და არა მხოლოდ, სხვაობა APP-ში მითითებულ ფასსა და ობიექტზე შეთავაზებულ ფასს შორის) პასუხისმგებლობა დაეკისრება პარტნიორს და, შესაბამისად, ამ უკანასკნელმა უნდა დაფაროს დამატებითი ხარჯი, რომელიც შეიძლება წარმოიშვას აღნიშნულის გამო.
2. პარტნიორი აცნობიერებს და თანხმდება, რომ APP-ში აქტივაციისათვის მან უნდა შეინარჩუნოს მენიუში მისი პროდუქტების საერთო ფოტოებისა და აღწერილობების სულ მცირე 100% და შეასრულოს სხვა მოთხოვნილი ვალდებულებები (როგორიცაა კვებით ღირებულებასთან დაკავშირებული ინფორმაციის მითითება).  პარტნიორი კისრულობს ვალდებულებას, შეავსოს GLOVO-ს პლატფორმაზე არსებული მენიუ პროდუქტების რეალური ფოტოების, აღწერილობებისა და სხვა საჭირო ინფორმაციის მითითების გზით. GLOVO იტოვებს უფლებას, შეავსოს მონაცემები პარტნიორის მენიუში იმ შემთხვევაში, თუ პარტნიორმა ინფორმაცია წინასწარ არ მიაწოდა. 
3. პარტნიორთათვის განკუთვნილი წესებითა და პირობებით განსაზღვრული ჰიგიენის წესებისა და საზოგადოებრივი ჯანმრთელობის ვალდებულებების შესრულების, მათ შორის, მხარეების მიერ შეთანხმებული ეფექტურობისა და ლოჯისტიკის კრიტერიუმებთან შესაბამისობის მიზნით GLOVO APP-ის მეშვეობით დამუშავებული შეკვეთები მხოლოდ საკუთარ ან იმ სამზარეულოში მოამზადოს, რომელიც მისთვის ხელმისაწვდომი გახადა GLOVO-მ. 
4.  პარტნიორი იღებს ვალდებულებას, გულმოდგინედ მოამზადოს შეკვეთა, საკუთარი რისკითა და ხარჯებით, GLOVO-ს მიერ შეთავაზებულ ან პარტნიორის მიერ შერჩეულ ვადებში. იმ შემთხვევაში, თუ პარტნიორი დაარღვევს მომზადების დროს და დააგვიანებს 10 წუთზე მეტი ხნის განმავლობაში, პარტნიორმა უნდა გაითვალისწინოს, რომ მას შესაძლოა დაეკისროს საბაზისო გადასახადი 2 ლარის ოდენობით, ხოლო ზემოაღნიშნული დროის გასვლის შემდეგ, მანდატარის მიერ შეკვეთის წამოღებამდე — ყოველ წუთზე 0,2 ლარი. GLOVO იტოვებს უფლებას, შეცვალოს წუთების ზღვარი, რომელიც არ შეიძლება იყოს 10 წუთზე ნაკლები. 
5. იმ შემთხვევაში, თუ სახეზეა არასრული, არასწორი მიწოდება, ან პროდუქტის ან მომსახურების ხარისხის პრობლემა, რომლის გამომწვევი მიზეზები დაკავშირებულია პარტნიორთან, პარტნიორი ვალდებულია, აიღოს სრული პასუხისმგებლობა ხარჯებზე (მათ შორის გადასახადებზე), რომელიც დაკავშირებული იქნება არასრული პროდუქტის ან სერვისის ფასთან, მასთან დაკავშირებულ გადასახადებთან და ჯარიმასთან, რომლის ღირებულება პროდუქტისა და დღგ-ის (ასეთის არსებობის შემთხვევაში) ოდენობის 30%-ს შეადგენს (რომელიც ჩამოიჭრება ანგარიშსწორების შემდეგი ციკლისას)
6.  პარტნიორის მიზეზით მთლიანი შეკვეთის გაუქმების შემთხვევაში (მაგ. თუ მისი ობიექტი დაკეტილია მითითებულ სამუშაო საათებში, თუ მას არ აქვს შეკვეთის სრულად შესასრულებლად საჭირო პროდუქტები ან ნებისმიერი სხვა მიზეზით, რომელიც ხელს უშლის პარტნიორს შეკვეთის მომზადებაში), პარტნიორს შეიძლება დაეკისროს ჯარიმა xx(x)-ის ოდენობით + დღგ (ასეთის არსებობის შემთხვევაში) თითოეული გაუქმებული შეკვეთისთვის (რომელიც ჩამოიჭრება ანგარიშსწორების შემდეგი ციკლისას).
7. ნებისმიერი ზემოაღნიშნულ საკითხზე პრეტენზიის არსებობის შემთხვევაში, პარტნიორი უფლებამოსილია, წარუდგინოს წერილობითი პრეტენზია GLOVO-ს ამ პუნქტთან დაკავშირებული რაიმე უსწორობის შეტყობიდან მხოლოდ ერთი (1) კალენდარული თვის განმავლობაში. GLOVO-მ უნდა დაადასტუროს საჩივრის მიღება ათი (10) სამუშაო დღის განმავლობაში და გასწიოს გონივრულ ძალისხმევა საჩივრის კეთილსინდისიერად განსახილველად და გადასაწყვეტად.
8. წარმოადგინოს ბანკის მიერ გაცემული ცნობა, რომელიც ადასტურებს ანგარიშის მფლობელობას, ასევე, თავის თავზე აიღოს ხარჯები, რომლებიც შეიძლება წარმოიშვას ანგარიშის ნომერთან დაკავშირებით მცდარი ინფორმაციის მოწოდებით. 
9.  პარტნიორმა არ უნდა მიაწოდოს ანგარიშის მონაცემები მესამე პირებს, რომლებიც არ არიან ავტორიზებული GLOVO-ს მიერ. იმ შემთხვევაში, თუ პარტნიორი გადაწყვეტს, ხელშეკრულება დადოს მესამე მხარის ინტეგრატორთან ან ინტეგრირებულ POS სისტემასთან, ინტეგრატორის ან პარტნიორის მიერ ყველა ოპერაციული ფუნქციის დანერგვასა და შემუშავებაზე უნდა იზრუნოს პარტნიორმა.
10. GLOVO უფლებამოსილია შესთავაზოს, ხოლო პარტნიორს შეუძლია მიიღოს მონაწილეობა, პრომოაქციებსა და აქტივობებში, რომლებიც მიზნად ისახავს პარტნიორის პოზიციონირებისა და ხილვადობის გაძლიერებას APP-ში. ეს აქტივობები დარეგულირდება მხარეებს შორის შეთანხმებული პირობებით. ასევე, დასაშვებია, GLOVO-მ  პარტნიორს მიაწოდოს მარკეტინგული მომსახურებები (პრომოაქციები, რეკლამა...), პარტნიორის მოთხოვნითა და GLOVO-ს წესების შესაბამისად, რომელიც ვრცელდება იმ კონკრეტულ მომსახურებაზე, რომლის ფარგლებშიც GLOVO  პარტნიორს მოთხოვნილ მარკეტინგულ მომსახურებებს მიაწვდის. მარკეტინგული მომსახურებები რეგულირდება საკუთარი წესებითა და პირობებით, რომლებიც ხელმისაწვდომია Manager Portal-ში.  პარტნიორისთვის ცნობილია, რომ მხარდაჭერისა და ტექნიკური მიზნებისთვის GLOVO უფლებამოსილია, მიიღოს პარტნიორის ტელემეტრიული მონაცემები, კერძოდ, მომხმარებლის ID, თარიღი, დრო და სხვა ინფორმაცია თვითმომსახურების ინსტრუმენტიდან.
11. იმისათვის, რომ საზოგადოებისთვის თანამშრომლობა უფრო თვალსაჩინო გახდეს GLOVO-ს მიერ მოწოდებული ვიზუალური და მარკეტინგული მასალების (როგორიცაა, მათ შორის, ობიექტების კარებზე მისაწებებელი სტიკერები) განთავსება მფლობელობაში არსებულ ობიექტებში. ეს მასალები თავისუფლად უნდა შეირჩეს GLOVO-ს მიერ, იმ პირობით, რომ ისინი სრულ შესაბამისობაში იქნება ყველა შესაბამის და მოქმედ კანონთან, წესებსა და რეგულაციასთან.
12. მხარეები აცნობიერებენ, რომ GLOVO-ს შეუძლია, შეიმუშაოს დამატებითი ფასიანი მომსახურებები, რომლებიც ხელმისაწვდომი გახდება Manager Portal-ის მეშვეობით.
13. GLOVO-სთვის ხელმისაწვდომი გახადოს საკომუნიკაციო არხი, ელექტრონული ფოსტის, SMS-ის და ნებისმიერი მყისიერი შეტყობინების პლატფორმის, მათ შორის, მაგრამ არა მხოლოდ, Whatsapp-ის მეშვეობით, მხარეთა შეთანხმების შესაბამისად. ანალოგიურად, პარტნიორი იღებს ვალდებულებას, GLOVO-სთვის ხელმისაწვდომი გახადოს ტელეფონის ნომერი და ელფოსტის მისამართი, როგორც დამატებითი საკომუნიკაციო არხები, ნებისმიერი სახის კომუნიკაციის მიზნებისთვის. აღნიშნული მონაცემები არ იქნება გამოყენებული სხვა მიზნებისთვის. მონაცემთა დამუშავების შესახებ დამატებითი ინფორმაციისთვის, პარტნიორს შეუძლია გაეცნოს Glovo-ს კონფიდენციალურობის პოლიტიკას (Glovo-ს სამართლებრივი წესები და პირობები).
14. პარტნიორი ერთპიროვნულადაა პასუხისმგებელი თავისი პროდუქტების ფასების დადგენაზე. თუმცა, პარტნიორის სარეკლამო და ბიზნესის განვითარებისთვის GLOVO-ს ძალისხმევის ბოროტად სარგებლობის თავიდან არიდების ერთადერთი მიზნიდან გამომდინარე, პარტნიორი  გარანტიას აძლევს GLOVO-ს , რომ GLOVO-ს მომხმარებლებს GLOVO APP-ით გაყიდულ პროდუქტებს უფრო მაღალ ფასად არ შესთავაზებს, ვიდრე პარტნიორის მიერ შეთავაზებულ პლატფორმასა და მაღაზიებშია, ასეთის არსებობისას (შემდგომში მოხსენიებული, როგორც „პარიტეტის მოდელი“). პარიტეტის მოდელის დარღვევის შემთხვევაში, GLOVO-ს უფლება აქვს, გადაახდევინოს პარტნიორს  დამატებითი 10% იმ პროდუქტების ან/და მომსახურებების მთლიანი გაყიდვებიდან, რაც მიღებულია დარღვევის პერიოდის განმავლობაში პარტნიორის მიერ GLOVO APP-ის გამოყენებით.
15.  პარტნიორი  უფლებამოსილია, ჰქონდეს წვდომა უპირატესობებზე, რომლებიც ეფუძნება მის საქმიანობას წინამდებარე ხელშეკრულების შესაბამისად. ეს უპირატესობები შეიძლება მოიცავდეს, მათ შორის, ფინანსურ წახალისებებს, ბონუსებს ან სხვა ორმხრივად შეთანხმებულ ჯილდოებს. პარტნიორის საქმიანობა პერიოდულად უნდა შეფასდეს, ხოლო საქმიანობის შეფასების კრიტერიუმები დაფუძნებული უნდა იყოს მეტრიკებსა და საქმიანობის ძირითად ინდიკატორებზე (KPI-ები), რომლებიც მოცემულია აქ. აღნიშნული მაჩვენებლები და KPI-ები პერიოდულად შეიძლება დაექვემდებაროს ცვლილებას, თუ ამას საჭიროდ მიიჩნევს GLOVO. GLOVO იტოვებს უფლებას, თავისი შეხედულებისამებრ, ჩაასწოროს ან შეცვალოს უპირატესობები პარტნიორის ეფექტიანობის მიხედვით, რომელიც განისაზღვრება მაჩვენებლებისა და KPI-ების მიხედვით. იმ შემთხვევაში, თუ პარტნიორი ხშირად ვერ აკმაყოფილებს საქმიანობის შეთანხმებულ სტანდარტებს, GLOVO იტოვებს უფლებას, შეწყვიტოს წინამდებარე ხელშეკრულება მეორე მხარისთვის 15 დღით ადრე გაგზავნილი წერილობითი შეტყობინების გზით. 

4.2 რაც შეეხება პარტნიორის მიერ უზრუნველყოფილ მიტანის მომსახურებებს, პარტნიორი დამატებით ვალდებულია:

1. უზრუნველყოს, რომ პარტნიორის კურიერს, რომელიც მიწოდების მომსახურებებს უზრუნველყოფს: ა) ჰქონდეს საჭირო მართვის მოწმობა; ბ) საჭიროების შემთხვევაში, ჰქონდეს მოქმედი მესამე მხარის პასუხისმგებლობის საავტომობილო დაზღვევის პოლისი, ასევე საქონლის ტრანსპორტირების დაზღვევის პოლისი; გ) პარტნიორისგან უზრუნველყოფილი უნდა ჰქონდეს უსაფრთხოების მინიმალური დაფარვა (მაგალითად, უბედური შემთხვევის დაზღვევა); და დ) დროულად იხდიდეს და ასრულებდეს თავის საგადასახადო და სოციალური უზრუნველყოფის ვალდებულებებს.
2.  პარტნიორსა და კურიერს შორის პოტენციური პრეტენზიის შეუზღუდავად, შეკვეთის მიწოდებასთან ან პროდუქტის ხარისხთან დაკავშირებული ნებისმიერი ინციდენტისთვის პასუხისმგებლობა (მაგალითად, დაბრუნება, პრეტენზიები ან საჩივრები პროდუქტების ცუდ მდგომარეობაში ყოფნის, არასრული მიწოდების ან დაგვიანების შესახებ) ეკისრება პარტნიორს.
3. პირდაპირ მიაწოდოს GLOVO-ს მომხმარებლების პირადი მიწოდებისა და პროდუქციის გაყიდვის ანგარიში და მომხმარებლების მოთხოვნის შემთხვევაში, მოთხოვნილი პროდუქტებისა და მომსახურების ანგარიში.

5. ინტელექტუალური საკუთრება

5.1. წინამდებარე „პარტნიორებისთვის განკუთვნილი წესებისა და პირობების“ მოქმედების განმავლობაში პარტნიორი ანიჭებს GLOVO-ს უსასყიდლო, არაექსკლუზიურ, მსოფლიო მასშტაბით მოქმედ ლიცენზიას, ასევე უფლებას, გამოიყენოს მისი ინტელექტუალური საკუთრება, მათ შორის და არა მხოლოდ: საავტორო უფლებები, ნოუჰაუ, სასაქონლო ნიშნები, სურათები, ტექსტი და ზოგადად, მის ვებსაიტზე გამოქვეყნებული მთელი შიგთავსი („ინტელექტუალური საკუთრება“), რომელთა გამოყენებაც მოხდება: i) წინამდებარე პარტნიორებისთვის განკუთვნილი წინამდებარე ,,წესებისა და პირობების“ შესრულების მიზნით, ii) მარკეტინგული საქმიანობის განსახორციელებლად პარტნიორის ონლაინ შეკვეთებისთვის და iii) სხვა დაკავშირებული მიზნებისთვის. ზემოაღნიშნული არ გულისხმობს პარტნიორის მიერ თავისი ინტელექტუალური საკუთრების უფლებების GLOVO-სთვის გადაცემას (თუ ხელშეკრულებით სხვა რამ არ არის განსაზღვრული). 

 პარტნიორი აცხადებს, იძლევა გარანტიას და თანხმდება, რომ ის წარმოადგენს ინტელექტუალური საკუთრების მფლობელს (მფლობელობა დასტურდება მოქმედი საკუთრების ფაქტით ან ლიცენზიით/უფლებით) და პარტნიორს აქვს უფლება მისცეს GLOVO-ს ასეთი ინტელექტუალური საკუთრების გამოყენების უფლება ან ქველიცენზია წინამდებარე წესებისა და პირობების მიზნებისათვის და არ არსებობს მესამე მხარე, რომლის ინტელექტუალური საკუთრების უფლებებსაც ის არღვევს.  პარტნიორი ვალდებულია, არ გააფორმოს რაიმე ისეთი ხელშეკრულება, რომელიც GLOVO-ს ამ პუნქტში აღწერილი მიზნებისთვის პარტნიორის ინტელექტუალური საკუთრების გამოყენებას აუკრძალავს.

ყველა ბრენდი, დომენის სახელწოდება, კომპიუტერული პროგრამა და სხვა პროდუქტი, რომელიც წარმოადგენს საავტორო და სამრეწველო საკუთრების ობიექტს APP-თან მიმართებაში, მათ შორის მათი შესაძლო სამომავლო ცვლილებები, წარმოადგენს GLOVO-ს ინტელექტუალურს საკუთრებას.  პარტნიორი კისრულობს ვალდებულებას, არ დაარეგისტრიროს და არ შეიტანოს განაცხადი აღნიშნული ან მსგავსი ობიექტების რეგისტრაციაზე, არ შეცვალოს, არ გადააკეთოს და არ გააუქმოს ისინი, ასევე, ღიად აცხადებს, რომ პარტნიორთათვის განკუთვნილ წინამდებარე წესებისა და პირობების არცერთი დებულება არ ანიჭებს მას აღნიშნულ უფლებებთან დაკავშირებით რაიმე სამომავლო უფლებას.

6. მონაცემები

წინამდებარე წესებისა და პირობების მოქმედებისას და შეკვეთების შესრულების მიზნით, პარტნიორი იღებს წვდომას Glovo-ს მომხმარებლების ისეთ პერსონალურ მონაცემებზე, როგორიცაა მომხმარებლის სახელი, ტელეფონის ნომერი და მისამართი ან მომხმარებლების მიერ მოწოდებული ნებისმიერი სხვა ინფორმაცია, რომელიც ითვლება, რომ საჭიროა, შეკვეთების მისაწოდებლად. მონაცემთა დამუშავების მიზნებისთვის ორივე მხარე დამოუკიდებლად მოქმედებს, როგორც მონაცემთა დამუშავებაზე პასუხისმგებელი პირი.  პარტნიორისთვის ცნობილია, რომ ის არის მონაცემთა დამუშავებაზე პასუხისმგებელი პირი შეკვეთების, პლატფორმის გამოყენებისა და წინამდებარე წესებისა და პირობების კონტექსტში დამუშავებული პერსონალური მონაცემებისთვის.  პარტნიორი აცხადებს და იძლევა გარანტიას, რომ დაამუშავებს პერსონალურ მონაცემებს „პერსონალურ მონაცემთა დაცვის შესახებ“ საქართველოს კანონის, აგრეთვე, მონაცემთა დაცვის ნებისმიერი სხვა მოქმედი კანონმდებლობის შესაბამისად და კისრულობს სრულ პასუხისმგებლობას დამუშავებაზე პერსონალური მონაცემების მიღების მომენტიდან. მონაცემების გადაცემა ხორციელდება მხოლოდ შეკვეთების შესრულების მიზნით. ამ მიზნით, პარტნიორი: (i) იღებს ვალდებულებას, არ დაამუშავოს მონაცემები რაიმე დამატებითი მიზნებისთვის, გარდა იმ შემთხვევისა, როდესაც მას აქვს ამის მოქმედი სამართლებრივი საფუძველი, ნებისმიერ შემთხვევაში, ის სრულად არის პასუხისმგებელი შეკვეთების შესრულების გარდა სხვა მიზნებისთვის განხორციელებულ ნებისმიერ დამუშავებაზე; და (ii) იღებს ვალდებულებას, დაიცვას GLOVO ნებისმიერი ორგანოს ან მესამე მხარის მიერ წარდგენილი ნებისმიერი პრეტენზიისგან, მათ შორის იურიდიული ხარჯებისა და სახელშეკრულებო მოთხოვნის აღსრულებისგან. მხარეები თანხმდებიან, კეთილსინდისიერად ითანამშრომლონ მონაცემთა უსაფრთხოების ნებისმიერ დარღვევასთან დაკავშირებით, რომელიც გავლენას მოახდენს წინამდებარე ხელშეკრულების ფარგლებში გადაცემულ პერსონალურ მონაცემებზე.

წინამდებარე წესებსა და პირობებში შემავალი პერსონალური მონაცემები დამუშავდება სახელშეკრულებო ურთიერთობის მართვისა და ზედამხედველობის მიზნით. დამუშავების სამართლებრივი საფუძველია წინამდებარე ხელშეკრულების შესრულება. მონაცემები შეინახება სახელშეკრულებო ურთიერთობის განმავლობაში მისი დასრულების შემდეგ, იმ პერიოდის განმავლობაში, რაც საჭიროა ნებისმიერ პოტენციურ სამართლებრივ პასუხისმგებლობასთან დაკავშირებული დავის მოსაგვარებლად.

თითოეული მხარე ვალდებულია, აცნობოს მონაცემთა სუბიექტებს, რომელთა მონაცემებსაც ის ამუშავებს, ასეთი დამუშავების შესახებ და ასევე, მიუთითოს, რომ მათ შეუძლიათ გამოიყენონ წვდომის, გასწორების, წაშლისა და გასაჩივრების უფლება მოთხოვნის წარდგენით (მითითებით „მონაცემთა დაცვა“) შემდეგ ელფოსტის მისამართებზე: gdpr@glovoapp.com. პერსონალურ მონაცემთა დაცვის საკითხებთან დაკავშირებით GLOVO-ს საკონტაქტო პირია პერსონალურ მონაცემთა დაცვის ოფიცერი -  შპს ,,მონაცემთა დაცვის ოფიცერი“ (+995 555 50 51 58; info@dpo.ge www.dpo.ge).

7. შესაბამისობა

7.1. პარტნიორებისთვის განკუთვნილ წინამდებარე წესებსა და პირობებთან შესაბამისობის მიზნით, პარტნიორი და მისი თანამშრომლები, აგენტები და წარმომადგენლები ვალდებულნი არიან, სრულად დაიცვან ყველა შესაბამისი ადგილობრივი კანონი მექრთამეობის, უკანონო შემოსავლების ლეგალიზაციისა და ტერორიზმის დაფინანსების აღკვეთის შესახებ და ნებისმიერი ანტიტერორისტული და სხვა შესაბამისი კანონმდებლობა, რომელიც შეიძლება ვრცელდებოდეს მის საქმიანობაზე. გარდა ამისა, მან თავისი საქმიანობა უნდა განახორციელოს ეთიკის, პატიოსნებისა და კეთილსინდისიერების ყველაზე მკაცრი პრინციპებისა და იდეალების შესაბამისად, თავიდან აირიდოს უკანონო ბიზნეს საქმიანობაში ნებისმიერი მონაწილეობა როგორც პირდაპირ, ისე მესამე მხარეების მეშვეობით.

წინამდებარე ხელშეკრულებით პარტნიორი აცხადებს, რომ შესაბამისობაშია Glovo-ს მესამე მხარის ქცევის კოდექსთან („კოდექსი“) და აცხადებს, რომ გაეცნო მის შინაარსს და იძლევა გარანტიას, რომ არ დაარღვევს მასში მოცემულ დებულებებს. კოდექსისა და სხვა პოლიტიკების მოძიება პარტნიორს შეუძლია Glovo-ს შესაბამისობის ვებსაიტზე: https://compliance.glovoapp.com/public/compliance. 

მოთხოვნის შემთხვევაში, პარტნიორი იღებს ვალდებულებას, მაქსიმუმ 30 (ოცდაათი) დღის ვადაში ორგანიზებულად და ვალიდური სახით წარუდგინოს GLOVO-ს დამადასტურებელი დოკუმენტები მისი საქმიანობის კანონიერებასთან დაკავშირებით. ასევე, საჭიროების შემთხვევაში, აუდიტის მიზნებისთვის, წარმოადგინოს დამატებითი განმარტებები მისი საქმიანობის შესახებ. დოკუმენტების წარმოუდგენლობა გამოიწვევს მონაცემთა გადაცემის შეჩერებას Glovo-ს მიერ მოთხოვნილი დოკუმენტების ფაქტობრივ მიწოდებამდე. კანონის ან მესამე მხარის ქცევის კოდექსის დარღვევის შემთხვევაში GLOVO უფლებამოსილია, შეწყვიტოს საქმიანი ურთიერთობა პარტნიორთან ნებისმიერი სახის ჯარიმის გარეშე.

8. სხვადასხვა

8.1. წინამდებარე წესებსა და პირობებზე დათანხმებით პარტნიორი იღებს ვალდებულებას, ჰქონდეს სამოქალაქო პასუხისმგებლობის დაზღვევის ზოგადი პოლისი. აღნიშნული პოლისი გაცემული უნდა იყოს ლიცენზირებული სადაზღვევო კომპანიის მიერ. გარდა ამისა, დაუშვებელია მისი გაუქმება ან ალიმიტის რსებითად შემცირება. წინამდებარე დოკუმენტით განსაზღვრული პოლისის არსებობის დამადასტურებელი დოკუმენტაცია პარტნიორის მიერ GLOVO-ს უნდა მიეწოდოს მისი მოთხოვნისთანავე. პოლისით განსაზღვრული ლიმიტები არავითარ შემთხვევაში არ ზღუდავს პარტნიორის ვალდებულებებს, რომლებიც გათვალისწინებულია ამ პარტნიორებისთვის განკუთვნილი წინამდებარე წესებითა და პირობებით.

8.2. იმ შემთხვევაში, თუ პარტნიორი პირდაპირ ან არაპირდაპირ ჩაიდენს ისეთ ქმედებას, რომელმაც შესაძლოა, დააზიანოს GLOVO-ს სახელი და საქმიანი რეპუტაცია (მაგ. GLOVO-ს ბიზნესის შესახებ ინფორმაციის GLOVO-ს კონკურენტებისთვის მიწოდება ან GLOVO-ს შესახებ ნეგატიურ კონტექსტში საუბარი, GLOVO-ს ბრენდის გამოყენებით სხვა პლატფორმების პოპულარიზაცია, როგორიცაა, მაგალითად, GLOVO APP-ში დამუშავებული შეკვეთის ფარგლებში პრომოაქციების, ფლაერებისა და ნებისმიერი სხვა სახის კომერციული კომუნიკაციის საკუთარი ან მესამე მხარის პლატფორმების სასარგებლოდ გამოყენება), GLOVO იტოვებს უფლებას, შეწყვიტოს პარტნიორებისთვის განკუთვნილი წინამდებარე წესებისა და პირობების, ასევე პარტნიორთან დადებული ხელშეკრულებების მოქმედება და პარტნიორის მიერ მიყენებული ზიანის ანაზღაურებისთვის მიმართოს სასამართლოს. 

8.3. გარდა ამისა, პარტნიორებისთვის განკუთვნილ წინამდებარე წესებსა და პირობებზე დათანხმებით პარტნიორი კისრულობს ვალდებულებას, ხელშეკრულების მოქმედების პერიოდში არ შექმნას ან გაყიდოს აპლიკაციები, რომლებიც პირდაპირ კონკურენციას გაუწევს GLOVO APP-ს. აღნიშნული ვალდებულება ხელს არ უშლის პარტნიორს შეიმუშავოს ან შეიძინოს აპლიკაციები თავისივე პროდუქტების ექსკლუზიური გაყიდვისთვის.  პარტნიორი იღებს ვალდებულებას, არ გამოიყენოს GLOVO-ს მომსახურებით უზრუნველყოფილი სარეკლამო ან მარკეტინგული საქმიანობა საკუთარი გაყიდვების არხებისთვის, კერძოდ კი, თავი შეიკავოს GLOVO APP-ის მეშვეობით განთავსებულ შეკვეთებში ისეთი სარეკლამო მასალის ჩართვისგან, როგორიცაა საკუთარ არხების ბროშურები ან ფლაერები.

8.4. იმ შემთხვევაში, თუ ეს აშკარად არ არის განსაზღვრული პარტნიორებისთვის განკუთვნილ წინამდებარე წესებსა და პირობებში ან არ არის შეთანხმებული სამომავლოდ წერილობით, პარტნიორს არ აქვს უფლება გამოაქვეყნოს პრეს რელიზი და მოიხსენიოს GLOVO პარტნიორებისთვის განკუთვნილ წინამდებარე წესებსა და პირობებთან დაკავშირებით ან სხვაგვარად, GLOVO-ს წინასწარი წერილობითი თანხმობის გარეშე.

8.5. პარტნიორი აცხადებს, რომ ის იცნობს და შესაბამისობაშია საქართველოს და ევროპულ კანონმდებლობასთან, ფლობს საქმიანობისთვის საჭირო ყველა აუცილებელ ლიცენზიას და იყენებს მონაცემთა დაცვის კანონმდებლობას საკუთარ ეკონომიკურ საქმიანობაში. გარდა ამისა, პარტნიორი აცნობიერებს, რომ GLOVO უფლებამოსილია, ზემოაღნიშნულ რეგულაციებთან შესაბამისობის მიზნით (მაგ. (EU) 2019/2161 „Omnibus Directive“, Digital Services Act და სხვა) APP-ში პროაქტიულად განახორციელოს გარკვეული ცვლილებები. 

8.6. GLOVO იტოვებს უფლებას, გამოიყენოს ის პარამეტრები, რომლებსაც იგი მოსახერხებლად მიიჩნევს პარტნიორის APP-ის ფარგლებში კლასიფიკაციისა და პოზიციონირებისთვის. რეიტინგის მისანიჭებლად გამოყენებული ძირითადი პარამეტრები მოიცავს GLOVO-ს მომხმარებელთა პრეფერენციებს, პარტნიორების ეფექტურობას, მათ შორის, შეკვეთების შესრულების ეფექტურობის კუთხით, წამოღებისა და მიტანის ზონას, რადიუსსა და მიტანის სავარაუდო დროს. ზემოაღნიშნულ პარამეტრებში რაიმე არსებითი ცვლილების შესახებ GLOVO აცნობებს პარტნიორს თხუთმეტი (15) დღით ადრე.

8.7. GLOVO იტოვებს უფლებას, განახორციელოს ხილვადობის გაზრდის დაფინანსებული ქმედებები, რომლის ღირებულებასაც დაფარავს მისი რომელიმე პარტნიორი, რამაც შეიძლება გავლენა მოახდინოს პარტნიორების კლასიფიკაციასა და პოზიციონირებაზე APP-ში და ზემოთ მითითებულ პარამეტრებზე. ხილვადობის გაზრდის დაფინანსებული ქმედებების არასრული სია შეიძლება მოიცავდეს ისეთ ქმედებებს, როგორიცაა ჯვარედინი გაყიდვა, მიზნობრივი შერჩევა, ასევე შედარებით თვალსაჩინო ან მოსახერხებელი პოზიციონირება APP-ში. თითოეული მათგანი განსაზღვრული საფასურის სანაცვლოდ ხორციელდება. GLOVO უზრუნველყოფს, რომ ხილვადობის გაზრდის დაფინანსებული ქმედებები ყოველთვის არადისკრიმინაციულ საფუძველზე და მოქმედი კანონმდებლობის შესაბამისად განხორციელდეს, განსაკუთრებით კონფიდენციალურობისა და მომხმარებელთა დაცვის სფეროებში.

8.8. GLOVO იტოვებს უფლებას, გადასცეს წინამდებარე ხელშეკრულებით განსაზღვრული უფლებები ნებისმიერ სუბიექტს, რომელსაც პირდაპირ ან არაპირდაპირ ფლობს GLOVO ( GLOVO-ს ჯგუფში შემავალი კომპანიები და შვილობილი საწარმოები). იმ შემთხვევაში, თუ GLOVO ან GLOVO-ს ჯგუფში შემავალი რომელიმე კომპანია ან შვილობილი ჩართულია შერწყმის, გაერთიანების, კორპორაციული კონტროლის ცვლილების, აქტივების არსებითი გადანაწილების, რესტრუქტურიზაციასა თუ ლიკვიდაციის პროცესებში, GLOVO უფლებამოსილია, მისი ერთპიროვნული გადაწყვეტილებით გადასცეს ან დაუთმოს წინამდებარე შეთანხმებით განსაზღვრული უფლებები დაკავშირებულ მხარეს ან რომელიმე მასთან აფილირებულ კომპანიას.

8.9. იმ შემთხვევაში, თუ პარტნიორთან დაფიქსირდა რაიმე ინციდენტი, პრობლემა ან მას აქვს რაიმე საჩივარი ან პრეტენზია GLOVO-ს მიერ გაწეულ მომსახურებასთან დაკავშირებით, პარტნიორი უფლებამოსილია, დაუკავშირდეს GLOVO-ს უფასოდ, WebApp-ის, Manager Portal-ის ან ნებისმიერი სხვა შეთანხმებული არხის მეშვეობით.  პარტნიორის საჩივრის ან პრეტენზიის მიღების შემდეგ, დაიწყება საჩივრების განხილვის შიდა პროცედურა, რათა მხარდაჭერის გუნდმა მოახდინოს საქმეზე შემდგომი რეაგირება და დაამუშაოს ის მისი შესწავლისა და გადაჭრის მიზნით. GLOVO იღებს ვალდებულებას, განიხილოს საჩივარი გონივრულ ვადაში და საჩივრის შედეგები ავტორს ინდივიდუალურად და მარტივი გზით აცნობოს.

8.10. არცერთი მხარე არ არის პასუხისმგებელი პარტნიორებისთვის განკუთვნილი წინამდებარე წესებითა და პირობებით გათვალისწინებული კუთვნილი ვალდებულებების დარღვევაზე, თუ მათი აღსრულება გადაიდო ან შეუძლებელია ფორსმაჟორული გარემოების გამო, იმ პირობით, რომ დაზარალებული მხარე აცნობებს და შეატყობინებს მეორე მხარეს ფორსმაჟორული გარემოების ბუნების, მასშტაბის, სავარაუდო ხანგრძლივობისა და ეფექტის შესახებ. დაზარალებული მხარე ვალდებულია, მიმართოს ნებისმიერ გონივრულ და შესაძლებელ ზომას ზიანის ან მეორე მხარის შეფერხების მინიმუმამდე შესამცირებლად. „ფორსმაჟორული გარემოება“ განიმარტება შემდეგნაირად: (ა) წინააღმდეგობა, ომი, შემოსევები და გარე საომარი მოქმედებები, ტერორიზმი, სამოქალაქო ომი, მასობრივი გამოსვლები, ადგილობრივი საზოგადოებების ბლოკადა, რევოლუცია, აჯანყება ან გადატრიალება; (ბ) მიწისძვრა, წყალდიდობა, ხანძარი, აფეთქება და ნებისმიერი სხვა სტიქიური უბედურება, გარდა ნორმალური ამინდის პირობებისა, მიუხედავად სიმძიმისა; (გ) გაფიცვა ან შრომითი კონფლიქტი ეროვნულ ან რეგიონულ დონეზე, ან ისეთი გაფიცვა, რომელიც გავლენას ახდენს პერსონალზე, რომელიც დაზარალებულ მხარეს არ დაუქირავებია, მის ქვეკონტრაქტორებზე (ნებისმიერ დონეზე) და მომწოდებლებზე, მაგრამ მნიშვნელოვნად მოქმედებს სამუშაოს ძირითად ნაწილზე; და (დ) ადგილობრივი თვითმმართველობის ან სამთავრობო ორგანოს ნებისმიერი ქმედება ან უმოქმედობა, რომელიც გავლენას ახდენს კომპანიის მიერ მისი საქმიანობისთვის საჭირო ლიცენზიებზე, ნებართვებზე, ავტორიზაციაზე ან დამტკიცებებზე; მათ შორის და არა მხოლოდ, თუ ეს მოვლენები: (i) სცდება მხარის კონტროლსა და ნებას, (ii) დაზარალებული მხარის გონივრული გულმოდგინების მიუხედავად გარდაუვალია; და (iii) არ არის გამოწვეული დაზარალებული მხარის მიერ პარტნიორებისთვის განკუთვნილი წინამდებარე წესებითა და პირობებით გათვალისწინებული ვალდებულებების დარღვევით და არც დაზარალებული მხარის ბრალით ან დაუდევრობით.

9. იურისდიქცია და გამოსაყენებელი სამართალი

9.1. პარტნიორებისთვის განკუთვნილი წინამდებარე წესები და პირობები რეგულირდება საქართველოს მოქმედი კანონმდებლობით. 

9.2. მხარეები თანხმდებიან, მათ შორის არსებული უთანხმოების შემთხვევაში, შეთანხმებას მიაღწიონ მოლაპარაკების გზით. შეთანხმების მიუღწევლობის შემთხვევაში, მხარეები უფლებამოსილნი არიან დავის გადაწყვეტის მიზნით მიმართონ საქართველოს საერთო იურისდიქციის სასამართლოებს. 
9.3.პარტნიორებისთვის განკუთვნილი წინამდებარე წესებსა და პირობებს და ნებისმიერ სხვა პირობებს შორის შეუსაბამობის შემთხვევაში უპირატესობა მიენიჭება წინამდებარე პირობებს, თუკი წერილობით სხვა რამ არ არის განსაზღვრული.

პარტნიორებისთვის განკუთვნილი წინამდებარე წესებისა და პირობების მეშვეობით, GLOVOAPP23, S.A. და მისი აფილირებული კომპანიები (შემდგომში მოხსენიებული, როგორც „GLOVO“) პარტნიორებისთვის (შემდგომში, „პარტნიორი“ ან „პარტნიორები“) ხელმისაწვდომს ხდის ვებსაიტს დომენით: www.glovoapp.com და Glovo-ს მობილურ აპლიკაციას (შემდგომში, ერთობლივად მოხსენიებული, როგორც APP ან პლატფორმა). პარტნიორებისთვის განკუთვნილი წინამდებარე წესები და პირობები ვრცელდება თითოეული პარტნიორის მიერ პლატფორმის გამოყენებაზე და ასევე, ნებისმიერი დაკავშირებული საიტისა თუ საიტების გამოყენებაზე, რომელიც უზრუნველყოფილია GLOVO-ს მიერ შემდეგი ვებსაიტის მეშვეობით: www.glovoapp.com (ერთობლივად მოხსენიებული, როგორც „საიტი“). საიტი ეკუთვნის GLOVO-ს. წინამდებარე საიტის გამოყენებით  პარტნიორი ეთანხმება  პარტნიორებისთვის განკუთვნილ წინამდებარე წესებსა და პირობებს. თუ მათ არ ეთანხმებით, გთხოვთ, თავი შეიკავოთ საიტის გამოყენებისგან.

1. მიზანი

1.1 პარტნიორებისთვის განკუთვნილი წინამდებარე წესებისა და პირობების ზოგადი მიზანია პარტნიორის მიერ შეთავაზებული პროდუქტების ან/და მომსახურებების APP-ის მეშვეობით ხელმისაწვდომობის უზრუნველყოფა. 

GLOVO: (ა) უზრუნველყოფს ტექნოლოგიურ შუამავლობას ლიდების გენერირებასა და გადახდების დამუშავებაში, ასევე სხვა მომსახურებებს, რომლებიც დაკავშირებულია ობიექტს-შიდა გაყიდვებსა და დამოუკიდებელი მანდატარების (მანდატარების საშუამავლო სერვისები) მეშვეობით პროდუქტების მიტანასთან; და (ბ) აგვარებს შეკვეთებთან დაკავშირებულ ინციდენტებს.  პარტნიორი მოქმედებს, როგორც ყველა პროდუქტის „საცალო გამყიდველი“, „მიმწოდებელი“ ან „გამყიდველი“. დასაშვებია, რომ  პარტნიორს გააჩნდეს რამდენიმე დაწესებულება ან ობიექტი, რომელთა შესახებ დეტალური ინფორმაცია GLOVO-ს უნდა წარედგინოს წინასწარ, რათა მოხდეს მათი აქტივაცია და APP-ში ჩართვა. 

1.2. GLOVO უზრუნველყოფს პარტნიორის წვდომას APP-ზე, რომელიც პარტნიორმა უნდა გამოიყენოს სათანადოდ, საქმიანად და პროფესიონალურად, მხოლოდ GLOVO-ს მომხმარებლების მიერ განხორციელებული ყველა შეკვეთის დამუშავების მიზნით. APP ნებისმიერ დროს უნდა დარჩეს GLOVO-ს საკუთრებაში.  პარტნიორმა არ უნდა დაუშვას და არც სხვას მისცეს უფლება, პირდაპირ ან ირიბად: დააკოპიროს, შეცვალოს, უკუინჟინერიით დაამუშავოს, დეკომპილირება მოახდინოს ან სხვაგვარად სცადოს APP-ის ნებისმიერი საწყისი კოდის ან ძირითადი იდეების რეკონსტრუქცია ან აღმოჩენა, GLOVO-ს წინასწარი წერილობითი თანხმობის გარეშე. GLOVO იტოვებს უფლებას, პერიოდულად განაახლოს APP და პარტნიორის-ის აღჭურვილობა (მაგ. შეგროვების გადაწყვეტა). პარტნიორმა კითხვის ნიშნის ქვეშ არ უნდა დააყენოს APP-ის საკუთრება, სისწორე და აღსრულებადობა.

1.3. APP პარტნიორისთვის  ხელმისაწვდომია „როგორც არის“ იმ ფორმით და პარტნიორი აცნობიერებს და ეთანხმება, რომ მას არ აქვს უფლება (ლიცენზიის თუ საკუთრების საშუალებით) APP-ზე ან მის რომელიმე ნაწილზე. GLOVO არ იძლევა გარანტიას და კონკრეტულად უარყოფს ყველა გამოხატულ თუ ნაგულისხმევ გარანტიასა თუ განცხადებას (მათ შორის, ნებისმიერი ნაგულისხმევი გარანტია სავაჭრო ვარგისიანობის შესახებ) GLOVO-ს მიერ მოწოდებული სერვისების პროგრამული უზრუნველყოფის ან APP-ის სიზუსტესთან დაკავშირებით.

1.4. პარტნიორი აცნობიერებს და ეთანხმება, რომ პარტნიორებისთვის განკუთვნილი წინამდებარე წესებისა და პირობების შესაბამისად განსაზღვრული შეტყობინების მეშვეობით GLOVO-ს ერთპიროვნული შეხედულებისამებრ, შესაძლოა, ნებისმიერ დროს, გაითიშოს APP-ის მოქმედება და ეს მასზე რაიმე პასუხისმგებლობის დაკისრებას არ გამოიწვევს. GLOVO უფლებამოსილია, ყოველგვარი ლიმიტის გარეშე შეზღუდოს ან შეაჩეროს პარტნიორის ან/და მომხმარებლების მიერ APP-ის ან მისი ნებისმიერი ნაწილის გამოყენების უფლება, თუ დადგება ქვემოთ ჩამოთვლილი რომელიმე გარემოება: 

a. ნებისმიერი რეგულარული ტექნიკური მომსახურებისთვის ან შემოწმებისთვის, იმ პირობით, რომ GLOVO ყველაფერს გააკეთებს იმისათვის, რომ ასეთი საკითხები არასამუშაო საათებში განხორციელდეს;

b. სატელეკომუნიკაციო კავშირის დაკარგვა;

c. ეროვნული საგანგებო მდგომარეობა, მომსახურების ობიექტის გაუმართავობა ან მომსახურების უკონტროლო მოხმარება.

GLOVO არ იქნება პასუხისმგებელი რაიმე პირდაპირ თუ არაპირდაპირ ზიანზე, რომელიც წარმოიქმნება ამ პუნქტის დებულებებიდან გამომდინარე ნებისმიერი შეჩერების ან შეზღუდვის გამო. 

1.5. პარტნიორებისთვის განკუთვნილი წინამდებარე წესებიდან და პირობებიდან წარმოშობილი ურთიერთობა არის მკაცრად საქმიანი ურთიერთობა დამოუკიდებელ მხარეებს შორის, რომლებიც თანხმდებიან, რომ ბაზარზე ყოველთვის წარმოდგენილი იქნებიან, როგორც დამოუკიდებელი ოპერატორები და უზრუნველყოფენ, რომ არ მოხდეს მათ მიერ შეთავაზებულ მომსახურებათა აღრევა. ორივე მხარე თანხმდება, რომ ერთობლივად კეთილსინდისიერად იმუშავებს თანამშრომლობაზე დაფუძნებულ გარკვეულ პროექტებზე. მხარეები უფლებამოსილნი არიან, ნებისმიერ დროს, ერთობლივი შეთანხმებითა და დანართის ხელმოწერის გზით, შეცვალონ პარტნიორებისთვის განკუთვნილი წინამდებარე წესები და პირობები. თითოეული მხარე პასუხისმგებელია მხოლოდ საკუთარი თანამშრომლების მიერ პარტნიორებისთვის განკუთვნილი წინამდებარე წესებისა და პირობებისა და ამ ხელშეკრულებით გათვალისწინებული საკუთარი ვალდებულებების შესრულებაზე. 

1. ვადა და შეწყვეტა

2.1. პარტნიორი ვალდებულია, უზრუნველყოს, რომ GLOVO-სთვის მითითებულ საათებში მისი პროფილი აპლიკაციაზე გააქტიურებული იყოს წინამდებარე „პარტნიორებისთვის განკუთვნილი წესებისა და პირობების“ ხელმოწერის დღიდან ოცდაოთხი (24) თვის განმავლობაში, რომელიც გახანგრძლივდება იმავე ვადით.

2.2. თუ რომელიმე მხარეს სურს ურთიერთობის შეწყვეტა, მან მეორე მხარეს უნდა აცნობოს შეწყვეტის შესახებ, სულ მცირე ოთხმოცდაათი (90) დღით ადრე, წერილობითი შეტყობინების გზით. იმ შემთხვევაში, თუ პარტნიორი დაარღვევს ზემოაღნიშნულ შეტყობინების ვადას, GLOVO უფლებამოსილია, დამატებით დააკისროს პარტნიორს თორმეტი (12) თვის განმავლობაში APP-ის მეშვეობით განხორციელებული ტრანზაქციების საერთო თანხის ათი პროცენტი (10%), ასევე, ის იტოვებს უფლებას, მოახდინოს პარტნიორის პროფილის დეზაქტივაცია იმ საიტზე, რომელიც GLOVO-მ ხელმისაწვდომი გახადა პარტნიორისთვის მისი პროფილის მართვის მიზნით (შემდგომში „გამყიდველის პორტალი ან Manager Portal“).

2.3. პარტნიორებისთვის განკუთვნილი წინამდებარე წესებისა და პირობების ნებისმიერი დარღვევა წარმოადგენს ურთიერთობის შეწყვეტის საფუძველს, თუ ასეთი დარღვევა არ გამოსწორდება დაზარალებული და არადამრღვევი მხარის მიერ ასეთი დარღვევის შესახებ მეორე მხარის შეტყობინებიდან თხუთმეტი (15) დღის განმავლობაში. 

2.4. იმ შემთხვევაში, თუ პარტნიორი პირდაპირ ან არაპირდაპირ ჩაიდენს ისეთ ქმედებას, რომელმაც შესაძლოა დააზიანოს GLOVO-ს იმიჯი და საქმიანი რეპუტაცია (მაგ. GLOVO-ს ბიზნესის შესახებ ინფორმაციის GLOVO-ს კონკურენტებისთვის მიწოდება ან GLOVO-ს შესახებ ნეგატიურ კონტექსტში საუბარი, GLOVO-ს ბრენდის გამოყენებით სხვა პლატფორმების პოპულარიზაცია, როგორიცაა, მაგალითად GLOVO APP-ში დამუშავებული შეკვეთის ფარგლებში პრომოაქციების, ფლაერებისა და ნებისმიერი სხვა სახის კომერციული კომუნიკაციის საკუთარი ან მესამე მხარის პლატფორმების სასარგებლოდ გამოყენება) GLOVO იტოვებს უფლებას, შეწყვიტოს პარტნიორებისთვის განკუთვნილი წინამდებარე წესებისა და პირობების, ასევე პარტნიორთან დადებული ხელშეკრულებების მოქმედება და პარტნიორის მიერ მიყენებული ზიანის ანაზღაურებისთვის მიმართოს სასამართლოს. 

2.5. პარტნიორის მიერ „პარტნიორებისთვის განკუთვნილი წინამდებარე წესებითა და პირობებით“ განსაზღვრული GLOVO-ს სასარგებლოდ დარიცხული საკომისიოს ზედიზედ ორი თვის განმავლობაში გადაუხდელობა ასევე წარმოადგენს სახელშეკრულებო ურთიერთობის შეწყვეტის საფუძველს.

2.6. იმ შემთხვევაში, თუ GLOVO-ს სურს, ჩაასწოროს, ამოშალოს  მუხლი ან  განსაზღვროს დამატებითი მუხლი, GLOVO ვალდებულია, ამის თაობაზე წერილობით აცნობოს პარტნიორს შესწორების ან დამატების ძალაში შესვლამდე, სულ მცირე, თხუთმეტი (15) კალენდარული დღით ადრე. იმ შემთხვევაში, თუ აღნიშნული ვადა ისე ამოიწურება, რომ პარტნიორი არ გამოთქვამს წინააღმდეგობას, შეტყობინებული ცვლილების/ამოღების/დამატების შინაარსთან დაკავშირებით, აღნიშნული ცვლილება გახდება სავალდებულოდ შესასრულებელი ორივე მხარისთვის  და ძალაში დარჩება ურთიერთობის ხანგრძლივობის სრული პერიოდის განმავლობაში. ასეთი ცვლილებების ძალაში შესვლის შემდეგ APP-ში  პროდუქტებისა და სერვისების წარდგენის გაგრძელება პარტნიორის მიერ, ჩაითვლება  პარტნიორის მიერ მის დადასტურებად.

ნებისმიერ ცვლილებას, რომლის შეტანაც GLOVO-ს პარტნიორებისთვის განკუთვნილ წინამდებარე წესებსა და პირობებში შეიძლება სურდეს, არ ექნება რეტროაქტიული ხასიათი, გარდა იმ შემთხვევისა, თუ GLOVO ვალდებულია აღნიშნულ ცვლილებასთან დაკავშირებით დაიცვას სამართლებრივი ან მარეგულირებელი მოთხოვნები ან როდესაც ასეთი ცვლილებები პარტნიორისთვის სარგებლის მომტანია. 

2.7. იმ შემთხვევაში, თუ პარტნიორს სურს შესწორების შეტანა, აღნიშნული მხარე დაუკავშირდება GLOVO-ს გამყიდველის პორტალის, Manager Portal-ის ან ნებისმიერი სხვა შეთანხმებული არხის მეშვეობით. იმისათვის, რომ შემოთავაზებული შესწორება მხარეთათვის სავალდებულოდ შესასრულებელი გახდეს აუცილებელია, მისი GLOVO-ს მიერ მიღება აშკარა ფორმით განხორციელდეს.

2.8. GLOVO იტოვებს უფლებას, ნებისმიერ დროს შეზღუდოს ან შეაჩეროს პარტნიორის პროდუქტები და/ან მომსახურებები, რომლებიც შემოთავაზებულია APP-ში  პარტნიორის პროფილის მეშვეობით რაც, მაგალითისთვის და შეუზღუდავად, შეიძლება მოიცავდეს ჯანმრთელობის მდგომარეობის შესახებ გაფრთხილებებს, კანონმდებლობით აკრძალულ ნივთებს და მსგავს გარემოებებს. GLOVO აცნობებს ამ გადაწყვეტილებას პარტნიორს, მიაწვდის ასეთი გადაწყვეტილების მიღების გონივრულ დასაბუთებას, ასევე განმარტავს მისი მოტივაციის ფაქტებსა და გარემოებებს. 

GLOVO იტოვებს უფლებას, ნებისმიერ დროს და განუსაზღვრელი ვადით წაშალოს პარტნიორის პროფილი APP-ში. GLOVO აღნიშნული გადაწყვეტილების თაობაზე, იმ ფაქტებისა და გარემოებების განმარტებასთან ერთად, რომელიც ამ გადაწყვეტილებას დაედო საფუძვლად, პარტნიორს აცნობებს მისი პროფილის საბოლოო წაშლამდე ოცდაათი (30) დღით ადრე. იმ შემთხვევაში, თუ პარტნიორის პროფილის წაშლა განპირობებულია GLOVO-ს მიმართ მოქმედი სამართლებრივი ან ნორმატიული ვალდებულებით, ასევე პარტნიორის მიერ პარტნიორებისთვის განკუთვნილი წინამდებარე წესებისა და პირობების განმეორებითი დარღვევით, GLOVO არ იქნება ვალდებული, დაიცვას შეტყობინების გაგზავნის ზემოხსენებული ოცდაათდღიანი (30) ვადა.  

2.9. აღნიშნულ შეჩერებამდე ან შეზღუდვამდე  პარტნიორი უფლებამოსილია, წარადგინოს საჩივარი GLOVO-ს გამყიდველის პორტალის ან ელფოსტის მეშვეობით , თუ ის არ ეთანხმება იმ მიზეზებს, რამაც აიძულა GLOVO , შეეზღუდა, შეეჩერებინა და/ან ამოეშალა მისი პროდუქტები და/ან მომსახურებები, ან GLOVO-ს მიერ მიღებულ სხვა გადაწყვეტილებას. საჩივრის მიღების შემდეგ, დაიწყება შიდა პროცედურა, რომლის მონიტორინგს, შესწავლასა და გადაწყვეტას განახორციელებს GLOVO-ს მხარდაჭერის ჯგუფი, რომელიც ახორციელებს მის განხილვას, გადაწყვეტასა და გადაწყვეტილების გონივრულ ვადაში გაცნობას ინდივიდუალური და მარტივი გზით.

1. ფინანსური პირობები

3.1. APP-ის გამოყენებისა და მანდატარების მიერ მიტანის მომსახურების ღირებულების დაანგარიშება მოხდება შეთანხმებული პროცენტის (%) + დღგ-ის მიხედვით, პარტნიორის მიერ GLOVO-ს აპის მეშვეობით გაყიდული პროდუქტების ან/და სერვისების საერთო მოცულობის მიხედვით (შემდგომში „სახელშეკრულებო მომსახურების საფასური“). მხარეები აცხადებენ, რომ სახელშეკრულებო მომსახურების საფასურის  გაანგარიშების პროცენტი შეთანხმებულია თავისუფლად, კეთილსინდისიერად და ორივე მხარის პირობებისა და საჭიროებების გათვალისწინებით.

გარდა ამისა, პარტნიორი ვალდებულია, აანაზღაუროს მანდატარების მიერ გაწეული მომსახურების საფასური. ასეთ შემთხვევაში პირდაპირ მანდატარმა უნდა წარუდგინოს პარტნიორს  ასეთი მომსახურებების საფასური, ან მხარეთა შორის უშუალო შეთანხმების არსებობის შემთხვევაში ინვოისი ხელახლა უნდა წარედგინოს GLOVO-ს მიერ.

პარტნიორი აცნობიერებს, რომ GLOVO მომხმარებლებს პლატფორმის გამოყენებისთვის მომსახურების საფასურს აკისრებს, რათა სხვა მიზნებთან ერთად, უწყვეტად გააუმჯობესოს GLOVO-ს მიერ შეთავაზებული საერთო მომსახურება, უზრუნველყოს მომხმარებლებისთვის პარტნიორების უფრო ფართო არჩევანი და გააუმჯობესოს სამომხმარებლო გამოცდილება (შემდგომში „მომსახურების საფასური“).

3.2. მოქმედი კანონმდებლობით დაშვებული მაქსიმალური მოცულობით, მხარეები შეიძლება შეთანხმდნენ ამ ურთიერთობის დამყარებაზე სასურველი პარტნიორობის ფარგლებში. იმ შემთხვევაში, თუ პარტნიორი APP-ს სასურველი პარტნიორობის ფარგლებში იყენებს, GLOVO-ს შეუძლია პარტნიორს წინა პარაგრაფში შეთანხმებული სახელშეკრულებო მომსახურების საფასურის გარდა, 5%-ის გადახდა დააკისროს, თუ პარტნიორი პარტნიორობას დაიწყებს დარგში არსებულ სხვა მსგავს კომპანიებთან (მათ შორის და არა მხოლოდ): Deliveroo, UberEats, Amazon Prime Now, JustEat, Wolt, Jumia, Ifood and Pyszne, Bolt, Meituan, Yandex, Yango. ასეთი ზრდა ძალაში შევა იმ თარიღიდან, როდესაც პარტნიორი დაიწყებს თანამშრომლობას სექტორის მესამე მხარესთან.

3.3. პარტნიორი: ა) ნიშნავს GLOVO-ს გადახდების შემგროვებელ აგენტად, მხოლოდ იმ მიზნით, რომ APP-ში მესამე მხარის მიმწოდებლის მიერ მიწოდებული გადახდის დამუშავების ფუნქციის მეშვეობით მიიღოს გადახდები პარტნიორის სახელით; და ბ) ეთანხმება იმას, რომ GLOVO-სთვის (ან GLOVO-ს აგენტის სახით მოქმედი GLOVO-ს აფილირებული კომპანიისთვის) განხორციელებული ნებისმიერი გადახდა ჩაითვლება უშუალოდ პარტნიორისთვის გადახდილად.

3.4. GLOVO ვალდებულია, აუნაზღაუროს პარტნიორს APP-ის მეშვეობით გენერირებული გაყიდვებიდან მიღებული ნებისმიერი თანხა, რომელსაც დააკლდება შეთანხმებული მომსახურების საფასური და პარტნიორის მიერ გადასახდელი ნებისმიერი ის თანხა, რომელიც პირდაპირ ან არაპირდაპირ დაკავშირებულია APP-ის გამოყენებასთან (შემდგომში, „გადასახდელი თანხა“), ქვემოთ წარმოდგენილის შესაბამისად: 

● თითოეული თვის პირველი დღიდან მე-7 დღემდე (ორივე დღის ჩათვლით) გენერირებული გაყიდვების მთლიანი ოდენობისთვის, რომელსაც აკლდება დაბრუნებები ან ნებისმიერი სხვა ჯარიმა, GLOVO ვალდებულია, აანაზღაუროს საფასური არაუგვიანეს მიმდინარე თვის მე-8 დღიდან 5 (ხუთი) სამუშაო დღის ვადაში.

● თითოეული თვის მე-8 დღიდან მე-14 დღემდე (ორივე დღის ჩათვლით) გენერირებული გაყიდვების მთლიანი რაოდენობისთვის, რომელსაც აკლდება დაბრუნებები ან ნებისმიერი სხვა ჯარიმა, GLOVO ვალდებულია, აანაზღაუროს საფასური არაუგვიანეს მიმდინარე თვის მე-15 დღიდან 5 (ხუთი) სამუშაო დღის ვადაში.

● თითოეული თვის მე-15 დღიდან 21-ე დღემდე (ორივე დღის ჩათვლით) გენერირებული გაყიდვების მთლიანი რაოდენობისთვის, რომელსაც აკლდება დაბრუნებები ან ნებისმიერი სხვა ჯარიმა, GLOVO ვალდებულია, აანაზღაუროს საფასური არაუგვიანეს მიმდინარე თვის 22-ე დღიდან 5 (ხუთი) სამუშაო დღის ვადაში.

● თითოეული თვის 22-ე დღიდან 28-ე დღემდე (ორივე დღის ჩათვლით) გენერირებული გაყიდვების მთლიანი რაოდენობისთვის, რომელსაც აკლდება დაბრუნებები ან ნებისმიერი სხვა ჯარიმა, GLOVO ვალდებულია, აანაზღაუროს საფასური არაუგვიანეს მიმდინარე თვის 29-ე დღიდან 5 (ხუთი) სამუშაო დღის ვადაში.

● თითოეული თვის 29-ე დღიდან თვის ბოლო დღემდე (ორივე დღის ჩათვლით) გენერირებული გაყიდვების მთლიანი რაოდენობისთვის, რომელსაც აკლდება დაბრუნებები ან ნებისმიერი სხვა ჯარიმა, GLOVO ვალდებულია, აანაზღაუროს საფასური არაუგვიანეს მომდევნო თვის 1-ელი დღიდან 5 (ხუთი) სამუშაო დღის ვადაში.

3.5. მიუხედავად ზემოაღნიშნულისა, იმ შემთხვევაში, თუ პარტნიორს სურს მიიღოს გადახდები APP-ის მეშვეობით განხორციელებული გაყიდვებისთვის (კონტრაქტით გათვალისწინებული მომსახურების საფასურის გამოკლებით) გადახდის სტანდარტულ თარიღამდე (შემდგომში მოხსენიებული, როგორც „საავანსო გადახდა“), პარტნიორი აღიარებს და ეთანხმება, რომ მას ასეთი გადახდის („საავანსო გადახდა“) მიღებისთვის დაეკისრება საკომისიო, რომელიც განისაზღვრება გამყიდველის პორტალში, დათანხმებამდე. წინამდებარე საავანსო გადახდის საკომისიო დაემატება უკვე შეთანხმებულ სახელშეკრულებო მომსახურების საფასურს.  პარტნიორი უფლებამოსილია, ნებისმიერ დროს გააუქმოს საავანსო გადახდის გამოწერა უშუალოდ გამყიდველის პორტალიდან.  პარტნიორი აცნობიერებს, რომ იმ შემთხვევაში, თუ GLOVO მიიჩნევს, რომ არსებობს თაღლითობის რისკი (მაგ. ყალბი შეკვეთების შექმნის რისკი), ის უფლებამოსილია, პარტნიორისთვის წინასწარი შეტყობინების გარეშე გააუქმოს საავანსო გადახდა. პარტნიორი აცნობიერებს, რომ ის არ მიიღებს საავანსო გადახდას, თუ აღმოჩნდება, რომ მისი ბალანსი უარყოფითია (სახეზეა GLOVO-სთვის გადასახდელი ინვოისები).

3.6. GLOVO იტოვებს უფლებას GLOVO -ს სარგებლობაში არსებული პარტნიორის ანგარიშიდან პარტნიორის სახელით მისი არსებული ნაშთებიდან პირდაპირ გამოქვითოს, ჩამოაჭრას, დაიბრუნოს ნებისმიერი გადასახდელი თანხა, ასეთი თანხის დარიცხვიდან ოცდაათი (30) დღის ვადაში.

3.7. GLOVO-ს უფლება აქვს პარტნიორისთვის დააწესოს დამატებითი გადასახადი („პრაიმ შეკვეთის საკომისიო“), რათა შესაბამისი წვდომა მისცეს იმ მომხმარებლების სპეციალურ ჯგუფს, რომლებიც GLOVO-ს აპლიკაციაში გამოირჩევიან მაღალი მოთხოვნითა და შეკვეთების სიხშირით („პრაიმ მომხმარებლები“), ასევე მათზე მორგებული სპეციალური აქციები 1 ლარი,  (დღგ.-ს გარეშე) თითოეულ შეკვეთაზე და მისი გადახდა ეკისრება პარტნიორს. ,,პრაიმ შეკვეთის საკომისიო” დეტალურად და ნათლად იქნება აღწერილი და პარტნიორებისთვის განკუთვნილი წესებისა და პირობების 3.5 პუნქტის შესაბამისად აისახება საბოლოო ინვოისში. ,,პრაიმ მომხმარებლების” მიერ განთავსებული შეკვეთების დამუშავებითა და შესრულებით პარტნიორი ეთანხმება ,,პრაიმ შეკვეთის საკომისიოს” გამოყენებას.

GLOVO იტოვებს უფლებას, პარტნიორისათვის წინასწარი შეტყობინებით გადახედოს და დააკორექტიროს ,,პრაიმ შეკვეთის საკომისიოს” პირობები, წინამდებარე წესებსა და პირობებში განსაზღვრული დებულებების შესაბამისად.

GLOVO უფლებამოსილია, დააკისროს პარტნიორსა და მის თითოეულ აფილირებულ პირს დააკისროს APP-ში რეგისტრაციის გააქტიურების საკომისიო, 100 ლარამდე ოდენობით და დღგ. ეს თანხა ჩამოიჭრება მის მიერ გაცემული პირველი ინვოისის თანხიდან ან, თუ აღნიშნული თანხა არ არის განსაზღვრული პირველ ინვოისში — ყოველ შემდგომ ინვოისში, აღნიშნული თანხის სრულად ჩამოჭრამდე. დამატებით და მხოლოდ იმ შემთხვევაში, როდესაც ეს შეთანხმებულია მხარეებს შორის, პარტნიორი ვალდებულია აუნაზღაუროს GLOVO-ს ყოველთვიური საკომისიო 50 ლარამდე ოდენობით (შემდგომში „პლატფორმის საკომისიო“), რომელიც ორ კვირაში ერთხელ გამოიქვითება APP-ის მეშვეობით განხორციელებული მთლიანი გაყიდვებიდან, იმავე გადახდის პროცესის შესაბამისად, რაც აღწერილია 3.4 პუნქტში. იმ შემთხვევაში, თუ სამომხმარებლო ფასების ინდექსი (CPI) დადებით ცვლილებას დააფიქსირებს GLOVO იტოვებს უფლებას, დააკორექტიროს ის CPI განაკვეთის შესაბამისად. იმ შემთხვევაში, თუ პარტნიორს მიეწოდება SIM-ბარათი, პლატფორმის საკომისიოში გათვალისწინებულია დამატებითი ყოველთვიური საფასური 15 ლარამდე ოდენობით თითოეულ ობიექტზე. 

3.8. „მოწყობილობა“ შეიძლება გულისხმობდეს GLOVO-ს მიერ მიწოდებულ მოწყობილობებს (პრინტერით ან მის გარეშე) ან GLOVO-ს მიერ მიწოდებულ ტელეფონებისა თუ პლანშეტების „შეგროვების გადაწყვეტას“.  პარტნიორი თანხმდება, რომ GLOVO-მ შეინარჩუნოს სრული მფლობელობა მოწყობილობაზე/მოწყობილობებზე ან/და მომწოდებლისა თუ Manager Portal-ზე, რომელიც პარტნიორს მიეწოდება GLOVO-ს მიერ, პარტნიორებისთვის განკუთვნილი წინამდებარე წესებისა და პირობების ხანგრძლივობის ვადით და მისი შეწყვეტის შემდგომ; GLOVO იტოვებს სრულ უფლებას, ნებისმიერ დროს GLOVO-ს შეხედულებისამებრ, უზრუნველყოს, განაახლოს, შეცვალოს, ჩაანაცვლოს ან დაიბრუნოს მოწყობილობა ან პარტნიორთა ვებაპის აპლიკაცია, ან სხვა გადამცემი აღჭურვილობა თუ პროგრამული უზრუნველყოფა;

ნებისმიერ შემთხვევაში, როდესაც დასრულდება სავაჭრო ურთიერთობა პარტნიორსა და GLOVO-ს შორის, პარტნიორს მოეთხოვება დააბრუნოს მოწყობილობა იდეალურ მდგომარეობაში (ნივთის ნორმალური და პასუხისმგებლობიანი გამოყენებით გამოწვეული ნორმალური ცვეთის გათვალისწინებით) თანამშრომლობის დასრულებიდან არაუგვიანეს თხუთმეტი (15) კალენდარული დღის განმავლობაში. იმ შემთხვევაში, თუ პარტნიორი არ დააბრუნებს მოწყობილობას GLOVO-ს მოთხოვნის შესაბამისად, პარტნიორს დაეკისრება ჯარიმა თითოეულ მიწოდებულ მოწყობილობაზე 690 ლარის ოდენობით;

1. პარტნიორის ვალდებულებები

4.1. პარტნიორი ვალდებულია:

a. მიაწოდოს GLOVO-ს ყველა საჭირო ინფორმაცია (მათ შორის, ინფორმაცია საკვების დეტალებისა და ალერგენების შესახებ) და ტექნიკური მონაცემების ფურცელი მისი თითოეული პროდუქტისა თუ მომსახურების შესახებ GLOVO-ს მიერ მოთხოვნილი ფორმით.  პარტნიორი ღებს ვალდებულებას, რომ სრულად იყოს პასუხისმგებელი ამ ინფორმაციის GLOVO-ს მომხმარებლებისთვის მიწოდებაზე და ათავისუფლებს GLOVO-ს ნებისმიერი იმ პასუხისმგებლობისგან, რომელიც შეიძლება დადგეს მისთვის ინფორმაციის ნაკლებობის შედეგად გამოწვეული ნებისმიერი ზიანიდან. ინფორმაცია უნდა გაზიარდეს CSV ან Excel ფაილში და მოიცავდეს შემდეგ ელემენტებს: პროდუქტის ID-ებს, პროდუქტის EAN-ებს (ასეთის არსებობის შემთხვევაში), პროდუქტის დასახელებებს, პროდუქტის კატეგორიებს და სურათების URL-ს APP-ში ატვირთვისთვის შესაფერის ფორმატში. ასევე, პარტნიორს აქვს წონის ერთეულის გაზიარების შესაძლებლობა ასაწონი ნივთებისთვის. 

b. GLOVO-ს მუდმივი ინფორმირება APP-ში ხელმისაწვდომი პროდუქტების შესახებ, და სასურველია, თითოეულ საცალო ვაჭრობის ობიექტში არსებული მარაგის ერთეულების შესახებ, მინიმუმ ყოველდღიური განახლებით. ამ მხრივ, განახლებები შეიძლება განხორციელდეს ინტეგრაციის (აპლიკაციის პროგრამირების ინტერფეისი „API“) ან უსაფრთხო ფაილების გადაცემის პროტოკოლის („SFTP“) გადაწყვეტის მეშვეობით, პარტნიორისთვის ელექტრონული ფოსტით გასაგზავნი პროცესის, სპეციფიკური მახასიათებლების, ინსტრუქციებისა და დეტალების შესაბამისად. იმ შემთხვევაში, თუ პარტნიორი ვერ ახერხებს პროდუქტების განახლებას ამ პროცესის შესაბამისად, მან უნდა უზრუნველყოს ინფორმაციის ხელით განახლება მოწოდებული თვითმომსახურების ინსტრუმენტის, კერძოდ, Manager Portal-ის მეშვეობით.

c. იმ შემთხვევაში, თუ პარტნიორი ინტეგრირებული გადაწყვეტის მეშვეობით მუშაობს, პარტნიორი იღებს ვალდებულებას რომ მას დააინსტალირებს პირველი ობიექტის გააქტიურებიდან, მაქსიმუმ, ორ (2) თვეში, API-ს შემთხვევაში, ხოლო, სამ (3) კვირაში, SFTP-ს შემთხვევაში. იმ შემთხვევაში, თუ არ გამოიყენება ინტეგრირებული გადაწყვეტა,  პარტნიორი იღებს ვალდებულებას, GLOVO-ს მოთხოვნის შემთხვევაში გამყიდველის პორტალის მეშვეობით აცნობოს მას APP-ზე განთავსებული პროდუქტების და/ან მომსახურების მარაგში ნებისმიერი არარსებობის ან დაზიანების შესახებ. 

d. იმ შემთხვევაში, თუ პარტნიორი ვერ შეძლებს მიაწოდოს GLOVO-ს მარაგების შესახებ ზუსტი ინფორმაცია, ის უფლებას აძლევს GLOVO-ს, გამოიყენოს მანქანური სწავლება მარაგების ამოწურვის პროგნოზირებისთვის და შეცვალოს პროდუქტების ხელმისაწვდომობა ამის საფუძველზე.

e. იმ შემთხვევაში, თუ მას არ მარაგში არ აქვს შეკვეთის მოსამზადებლად საჭირო ერთეულები, პარტნიორმა უნდა შეცვალოს ინფორმაცია გამოყენებულ შეგროვების გადაწყვეტაში (მათ შორის, მაგრამ არა მხოლოდ, Pelican, Instaleap, პარტნიორის საკუთარი შეგროვების გადაწყვეტა), რათა განაახლოს შეკვეთა და უზრუნველყოს, რომ მომხმარებელმა სწორად დაიბრუნოს თანხა და მიიღოს განახლებული ინფორმაცია შეკვეთის შესახებ. 

f. ხელმისაწვდომობის შემთხვევაში, იმ შემთხვევაში, თუ პარტნიორს სურს, გაუზიაროს პარტნიორის მიერ დაფინანსებული აქციები GLOVO-ს , მან უნდა გაუზიაროს მას შესაბამისი promo_ids, პრომოაქციების ტიპები, promo_prices, შეტანილი პროდუქტები, დაწყების თარიღი და, შესაძლებლობის შემთხვევაში, დასრულების თარიღი. ეს ინფორმაცია უნდა გაზიარდეს API ან SFTP ფაილებით. ასევე, პარტნიორს შეუძლია ხელით მართოს თავისი პრომოაქციები Manager Portal-ის მეშვეობით. გარდა ამისა, პარტნიორი აცნობიერებს, რომ სარეკლამო აქტივობების შეზღუდვები შეიძლება გავრცელდეს გარკვეული კატეგორიის პროდუქტებზე და ის სრულად არის პასუხისმგებელი აკრძალული სარეკლამო აქტივობების ან პრომოაქციების შედეგად წარმოქმნილ ნებისმიერ ჯარიმაზე. 

g. იმ შემთხვევაში, თუ პარტნიორი მუშაობს ინდივიდუალური შეგროვების გადაწყვეტით (ანუ არ იყენებს Glovo-ს შიდა შეგროვების ინსტრუმენტებს), პარტნიორი იღებს ვალდებულებას, რომ სრულად ჰქონდეს დანერგილი გადაწყვეტა, რომელიც უზრუნველყოფს შემდეგ მინიმალურ ფუნქციონალურობას: შეკვეთის მიღება, შეკვეთის მომზადება (ერთეულების ამოღება, ჩანაცვლება, დამატება, ფასების შეცვლა, შეწონილი ერთეულების მართვა, მომხმარებლის პრეფერენციების მართვა ჩანაცვლებისთვის), შეკვეთის მთლიანი ფასის შეცვლა, შეკვეთის წამოსაღებად მზად მონიშვნა და გაუქმებული შეკვეთების შესახებ შეტყობინების მიღება. Glovo წინასწარ შეგატყობინებთ API-ში ნებისმიერი ცვლილების/ახალი ვერსიის შესახებ და პარტნიორი იღებს ვალდებულებას, რომ ის სრულად დანერგოს მაქსიმუმ ოთხი (4) თვის განმავლობაში. იმ შემთხვევაში, თუ პარტნიორის მიერ შემოთავაზებული შეგროვების გადაწყვეტა ვერ აკმაყოფილებს მინიმალურ ფუნქციებს, პარტნიორი ვალდებულია, გამოიყენოს GLOVO-ს მიერ შემოთავაზებული შეგროვების გადაწყვეტები. 

h. პირდაპირ მომხმარებლებს დაუბრუნოს ნებისმიერი თანხა, იმ შემთხვევაში, თუ პროდუქტები დაბრუნდება პირდაპირ პარტნიორის ობიექტზე, შესყიდვის ქვითრითა და GLOVO-ს შეკვეთის ინვოისით/ქვითრით. იმ შემთხვევაში, თუ პროდუქტი არ აკმაყოფილებს პარტნიორის მიერ შემუშავებულ დაბრუნების პოლიტიკას, ან თუ არსებობს რაიმე ეჭვი ბოროტად გამოყენების ან პარტნიორებისთვის განკუთვნილი წესებისა და პირობების საწინააღმდეგო ნებისმიერი ქმედების შესახებ, პარტნიორმა ამის შესახებ უნდა შეატყობინოს GLOVO-ს გამყიდველის პორტალის ან ელფოსტის საშუალებით.

i. პარტნიორი პასუხისმგებელია APP-ის მეშვეობით გაყიდული პროდუქტების დაბრუნების პოლიტიკის განსაზღვრასა და მართვაზე.  პარტნიორი თანახმაა, (i) გამოიყენოს იგივე დაბრუნების პოლიტიკა, რაც მისი ფიზიკური ობიექტები იყენებენ, (ii) GLOVO-ს მიაწოდოს პირდაპირი URL ან მისი ეკვივალენტი, რომელშიც დეტალურად იქნება აღწერილი მათი დაბრუნების ოფიციალური წესები და მასთან დაკავშირებული სამართლებრივი პირობები. ეს აისახება APP-ში და (iii) წერილობით შეატყობინოს GLOVO-ს დაბრუნების პოლიტიკაში შესული ნებისმიერი ცვლილების შესახებ, რომელიც განსხვავდება ობიექტში არსებული პრაქტიკისგან და დაუყოვნებლივ შესაბამისად განაახლოს დაკავშირებული დაბრუნების პოლიტიკა შესაბამისად.

j. თუ პარტნიორის პროდუქტი GLOVO-ს მომხმარებლამდე ცუდ მდგომარეობაში მიაღწევს (მაგ., თუ მას მოქმედების ვადა გაუვიდა ან დაძველებულია), მხოლოდ და მხოლოდ პარტნიორის ბრალეულობით, პარტნიორი საკუთარ თავზე იღებს პასუხისმგებლობას და ვალდებულებას, მომხმარებელს აუნაზღაუროს პროდუქტის ღირებულება (დღგ-ს ჩათვლით); ასევე, პარტნიორი ვალდებულია, თვითონ დაფაროს მიტანის საფასური (ასეთის არსებობის შემთხვევაში).

k. თუ მთელი შეკვეთა გაუქმდა პარტნიორის მიზეზით (მაგალითად, ობიექტი დაკეტილია იმ საათებში, რომლებიც სამუშაო საათებად ითვლება, მარაგში არ არის რომელიმე პროდუქტი, რომელიც აუცილებელია შეკვეთის შესასრულებლად ან ნებისმიერი სხვა მიზეზით, რის გამოც შეკვეთის მომზადება ვერ ხერხდება), პარტნიორმა უნდა გადაიხადოს ჯარიმა 3 GEL-ის ოდენობით, დამატებული დღგ, თითოეული გაუქმებული შეკვეთისთვის (ჯარიმა გადაიხდება ბილინგის მომდევნო ციკლისას).

l. პარტნიორი ვალდებულებას იღებს, რწმუნებული (მანდატარი) მისი მოსვლიდან 10 წუთზე მეტხანს არ ალოდინოს. თუ პარტნიორი ზემოთ მითითებულ დროზე მეტხანს ალოდინებს მას, GLOVO უფლებას იტოვებს, გამოიყენოს ჯარიმა 4 ლარამდე ოდენობით (გადასახადის ჩათვლით, ასეთის არსებობის შემთხვევაში). პარტნიორი თანახმაა, გადაიხადოს საბაზისო თანხა 2 ლარის ოდენობით და წუთობრივი გადასახადი 0,2ლარი/წთ-ში ოდენობით, ზემოთ მითითებული დროის ამოწურვიდან რწმუნებულის მიერ შეკვეთის აღების მომენტამდე

m. მიაწოდოს თავისი საბანკო ანგარიშის ნომრის უტყუარი მონაცემები და გაიღოს ნებისმიერი ხარჯი, რომელიც შეიძლება წარმოიშვას ნებისმიერი სახის ყალბი ინფორმაციის მიწოდებით ანგარიშის ნომერთან დაკავშირებით, მუდმივად განაახლოს ასეთი ინფორმაცია და ცვლილებების შემთხვევაში, GLOVO ჩააყენოს საქმის კურსში. 

n. GLOVO-სთვის ხელმისაწვდომი გახადოს საკომუნიკაციო არხი, ელექტრონული ფოსტის, SMS-ის და ნებისმიერი მყისიერი შეტყობინების პლატფორმის მეშვეობით (მათ შორის, Whatsapp-ის, მაგრამ არა მხოლოდ), მხარეთა შეთანხმების შესაბამისად. ანალოგიურად, პარტნიორი იღებს ვალდებულებას, GLOVO-სთვის ხელმისაწვდომი გახადოს ტელეფონის ნომერი და ელფოსტის მისამართი, როგორც დამატებითი საკომუნიკაციო არხები, ნებისმიერი სახის კომუნიკაციის მიზნებისთვის. აღნიშნული მონაცემები არ იქნება გამოყენებული სხვა მიზნებისთვის. მონაცემთა დამუშავების შესახებ დამატებითი ინფორმაციისთვის პარტნიორს შეუძლია გაეცნოს Glovo-ს კონფიდენციალურობის დებულებას.

o. იმისათვის, რომ საზოგადოებისთვის თანამშრომლობა უფრო თვალსაჩინო გახდეს GLOVO-ს მიერ მოწოდებული ვიზუალური და მარკეტინგული მასალები (როგორიცაა, მათ შორის, სტიკერები მისი ობიექტების კარებზე) განთავსდეს მის და მისი ფრენჩაიზის მფლობელ ობიექტებში. ეს მასალები შეირჩევა GLOVO-ს მიერ, თავისი სურვილისამებრ, იმ პირობით, რომ ისინი სრულ შესაბამისობაში იქნება ყველა შესაბამის და მოქმედ კანონთან, წესდებასა და რეგულაციასთან.

p. GLOVO უფლებას იტოვებს, აპში, პარტნიორის ობიექტში ჩაატაროს მარკეტინგული ღონისძიებები, რომელთა მიზანი ხილვადობის ამაღლებაა და უკავშირდება მის მიერ არჩეულ ბრენდებს (მესამე მხარეები). პარტნიორი აცნობიერებს, რომ GLOVO-ს უფლება აქვს, მოლაპარაკებები აწარმოოს ნებისმიერ ბრენდთან, საკუთარი შეხედულებისამებრ. GLOVO ვალდებულებას იღებს, აცნობოს პარტნიორს ყველა სამომავლო აქტივობის შესახებ. GLOVO-ს ღონისძიებები პროდუქტებთან დაკავშირებით, რომლებსაც პარტნიორი ჰყიდის, მკაცრად მარკეტინგული ხასიათის უნდა იყოს. ის მიმართული უნდა იყოს ხილვადობის გაუმჯობესებაზე და ხელს არ უნდა უშლიდეს პრომოაქციებსა და კამპანიებს, რომლებსაც ატარებს პარტნიორი.

q. საჭიროების შემთხვევაში, დაეთანხმოს პროგრამული უზრუნველყოფის გამოყენებას, რომელსაც GLOVO უზრუნველყოფს შეგროვების მიზნით და დაამატოს ზოგიერთი შეკვეთის ან/და პროდუქტის ცვლილების და ჩანაცვლების ვარიანტი, თუ შეკვეთები თავიდან ბოლომდე გროვდება და მზადდება პარტნიორის მიერ. 

r. GLOVO უფლებამოსილია შესთავაზოს, ხოლო პარტნიორს შეუძლია მიიღოს მონაწილეობა პრომოაქციებსა და მოქმედებებში, რომლებიც მიზნად ისახავს პარტნიორის პოზიციონირებისა და ხილვადობის გაუმჯობესებას აპში. ეს მოქმედებები რეგულირდება მხარეებს შორის შეთანხმებული პირობებით და ექვემდებარება მას.

s. პარტნიორი ერთპიროვნულადაა პასუხისმგებელი თავისი პროდუქტების ფასების დადგენაზე. თუმცა, პარტნიორის სარეკლამო და ბიზნესის განვითარებისთვის GLOVO-ს ძალისხმევის ბოროტად სარგებლობის თავიდან არიდების ერთადერთი მიზნიდან გამომდინარე, პარტნიორი გარანტიას აძლევს GLOVO-ს, რომ GLOVO-ს აპის მეშვეობით გაყიდულ პროდუქტებს GLOVO-ს მომხმარებლებს იმაზე მაღალ ფასად არ შესთავაზებს, ვიდრე ეს პარტნიორის მიერ შეთავაზებულ პლატფორმასა და ფიზიკურ ობიექტებშია, ასეთის არსებობის შემთხვევაში (შემდგომში მოხსენიებული, როგორც „პარიტეტის მოდელი“). ეს არ გამორიცხავს პარტნიორისთვის მიტანის ტარიფების დამოუკიდებლად დაწესების შესაძლებლობას თავისი ობიექტებისთვის, თავის გაყიდვების არხებში. პარტნიორმა, შესაძლოა, მოითხოვოს GLOVO-სგან, აპში პასუხისმგებლობის უარყოფის განცხადების ან თეგის ჩვენება (რომელიც ხილული იქნება აპის ყველა მომხმარებლისთვის) იმის შესახებ, რომ აპის ვირტუალურ ობიექტში შემოთავაზებული ფასები იგივეა, რაც ფიზიკურ ობიექტებში. GLOVO წაშლის ყოველ ასეთ უარყოფას ნებისმიერ დროს, პარტნიორის მოთხოვნის საფუძველზე. პარიტეტის მოდელის დარღვევის შემთხვევაში, GLOVO-ს უფლება აქვს, გადაახდევინოს პარტნიორს მაქსიმუმ დამატებითი 5 პროცენტი იმ პროდუქტების ან/და მომსახურებების მთლიანი გაყიდვებიდან, რაც მიღებულია დარღვევის პერიოდის განმავლობაში პარტნიორის მიერ GLOVO აპის გამოყენებით. 

t. პარტნიორი ვალდებულია უზრუნველყოს იმ თანამშრომლების ადგილზე ყოფნა, რომლებიც პასუხისმგებელი იქნებიან მაღაზიის მარაგებიდან პროდუქციის შერჩევასა და შეფუთვაზე GLOVO APP-ის მეშვეობით განთავსებული ონლაინ შეკვეთების შესასრულებლად, მაღაზიის სრული სამუშაო საათების განმავლობაში („ფიქერები“).

4.2. პარტნიორისთვის ინციდენტების მართვის მომსახურების შეთავაზებისას, აპის მომხმარებლებთან კონტაქტის უზრუნველყოფით, GLOVO ნებისმიერ შემთხვევაში უბრალო შუამავლის როლს ასრულებს. პასუხისმგებლობა ფინანსურ ხარჯებსა და ინციდენტის შედეგებზე სრულად და ყველა შემთხვევაში ეკისრება პარტნიორს.

4.3. მხარეები თანხმდებიან, რომ პარტნიორებისთვის განკუთვნილ ამ წესებსა და პირობებში შემავალ ტერიტორიებთან დაკავშირებით, GLOVO-ს სრული უფლება ექნება, დაადგინოს მომსახურების დაფარვის ინდექსი ან რადიუსი პარტნიორის თითოეული ობიექტისთვის. ამას გარდა, მხარეები თანხმდებიან, რომ პარტნიორებისთვის განსაზღვრული „წესები და პირობები“ გავრცელდება პარტნიორის ყველა ინტეგრირებულ ობიექტზე, ისევე, როგორც მის ფრენჩაიზებზე.

4.4. აპის მომხმარებლებისთვის ხარისხიანი მომსახურების უზრუნველსაყოფად პარტნიორი ვალდებულებას იღებს, დაიცვას მომსახურების დანართი №2-ით განსაზღვრული დონეები (შემდგომში „ მომსახურების დონის ხელშეკრულება“ ან „SLA“). 

4.5. პარტნიორი აცხადებს და იძლევა გარანტიას, რომ: 

• პროდუქტები შეესაბამება მოქმედ კანონმდებლობას (მათ შორის, მაგრამ არ შემოიფარგლება მხოლოდ სურსათის უვნებლობისა და ეტიკეტირების რეგულაციებით).
• პროდუქტები შეესაბამება GLOVO-ს მოთხოვნებს, რომლებიც GLOVO-მ შეიძლება პერიოდულად მიაწოდოს პარტნიორს (ასეთის არსებობის შემთხვევაში).
• საჭიროების შემთხვევაში, პროდუქცია მზადდება პარტნიორის მიერ, ხარისხის დარგობრივი სტანდარტების შესაბამისად
• (ასეთის არსებობის შემთხვევაში), მის მიერ Glovo-სთვის მიწოდებული ინფორმაცია კვებისა და ალერგიების შესახებ ზუსტია და შეესაბამება მოქმედ კანონმდებლობას. მან უნდა დაიცვას ყველა მოქმედი კანონი და რეგულაცია, მოიპოვოს და შეინარჩუნოს ყველა საჭირო ლიცენზია, ნებართვა და თანხმობა (მათ შორის, შეუზღუდავად, ნებისმიერი სანიტარიული ან საკვებსა და სასმელთან ან/და ჯანმრთელობასა და უსაფრთხოებასთან დაკავშირებული კანონმდებლობა ან/და რეგულაციები), რომლებიც შეიძლება საჭირო გახდეს პარტნიორებისთვის წინამდებარე წესებითა და პირობებით ნაკისრი ვალდებულებების შესასრულებლად.

პარტნიორი ვალდებულია, დაიცვას, აანაზღაუროს ზარალი და თავიდან ააცილოს Glovo-ს, მის მთავარ, შვილობილ კომპანიებს და მათ შესაბამის დირექტორებს, თანამდებობის პირებსა და თანამშრომლებს ნებისმიერი პრეტენზია, სარჩელი, ქმედება, სასამართლოს გადაწყვეტილება, მოთხოვნა, პასუხისმგებლობა, დანაკარგის, ზიანის, ხარჯების ან დანახარჯების (ადვოკატის მოსაკრებლის ჩათვლით) ანაზღაურება, ასევე, გადაიხადოს ზიანის ანაზღაურების ნებისმიერი საბოლოო ოდენობა, ჯარიმა ან ანგარიშსწორების თანხა და Glovo-ს მიერ გაწეული ნებისმიერი ვალდებულება ან ხარჯები, რაც გამოწვეულია: (i) ზემოაღნიშნული განცხადებებისა და გარანტიების ნებისმიერი დარღვევით; და (ii) ასეთი დარღვევის გამო, ნებისმიერი გამოძიებით ან სამართლებრივი თუ ადმინისტრაციული სამართალწარმოებით ნებისმიერ სამთავრობო, მარეგულირებელ ან სასამართლო დაწესებულებაში, ნებისმიერ იურისდიქციაში და ნებისმიერი მოქმედი კანონმდებლობის შესაბამისად; და (ii) ასეთი დარღვევის შედეგად წარმოქმნილი ნებისმიერი პრეტენზია პირდაპირ ან არაპირდაპირ, ნებისმიერი კერძო ან საჯარო მესამე მხარისგან, რომელიც აცხადებს, რომ Glovo არღვევს წინამდებარე პუნქტს.

4.6. პარტნიორი , თავისი ხარჯებით, დაიცავს Glovo-ს, მის მთავარ, შვილობილ კომპანიებს და მათ დირექტორებს, თანამშრომლებს ან აგენტებს (ერთად „დაზარალებული პირები“) შემდეგისგან:

• ნებისმიერი პრეტენზია, რომელიც სიმართლის შემთხვევაში, წარმოადგენს წინამდებარე წესებისა და პირობების დარღვევას პარტნიორის, მისი თანამშრომლების, აგენტების ან წარმომადგენლების მხრიდან;
• ნებისმიერი პრეტენზია, რომელიც დაკავშირებულია ნებისმიერი პირის ტრავმასთან ან გარდაცვალებასთან, ან ნებისმიერი საკუთრების დაზიანებასთან, რომელიც დაკავშირებულია პარტნიორის ვალდებულებებთან, რომლებიც წარმოიშობა ან გამომდინარეობს პარტნიორებისთვის განსაზღვრული წინამდებარე წესებიდან და პირობებიდან;  
• ნებისმიერი პრეტენზია, რომელიც სხვაგვარად გამომდინარეობს პარტნიორის, მისი თანამშრომლების, აგენტების ან წარმომადგენლების დაუდევრობით, მოქმედებით ან უმოქმედობით; ან 
• ნებისმიერი პრეტენზია, რომელიც დაკავშირებულია პარტნიორის რომელიმე თანამშრომელთან. 

ყოველგვარი ეჭვის თავიდან ასაცილებლად, პარტნიორი პასუხისმგებელია ნებისმიერ პროდუქტთან დაკავშირებით მომხმარებლის მიერ გამოთქმულ ყველა და ნებისმიერ პრეტენზიაზე, მათ შორის (მაგრამ არა მხოლოდ) საკვებით მოწამვლასთან დაკავშირებულ ნებისმიერ პრეტენზიაზე. პარტნიორი ვალდებულია, დაიცვას დაზარალებული პირები ნებისმიერი ხარჯისგან, დანაკარგისგან, პრეტენზიისგან, პასუხისმგებლობის ზიანისგან და საკომისიოსგან (გონივრული იურიდიული მოსაკრებლის ჩათვლით), რომელიც დაკავშირებულია ამ გარემოებებთან, ან აანაზღაუროს შესაბამისი ზარალი. კანონით გათვალისწინებული სავალდებულო დებულებების გარდა, რომლებიც ეწინააღმდეგება წინამდებარე ხელშეკრულებას, პარტნიორებისთვის განკუთვნილ წინამდებარე წესებსა და პირობებში არაფერი ზღუდავს პარტნიორის პასუხისმგებლობას Glovo-ს ან მისი მომხმარებლების მიმართ.

პარტნიორებისთვის განკუთვნილ წინამდებარე წესებსა და პირობებში არაფერი ზღუდავს ან გამორიცხავს პარტნიორის პასუხისმგებლობას თაღლითობის, თაღლითური ქმედების, მისი ან მისი თანამშრომლების, აგენტებისა თუ ქვეკონტრაქტორების დაუდევრობით გამოწვეული სიკვდილის ან სხეულებრივი ტრავმების გამო, გარემოებებიდან გამომდინარე.

არც ერთი მხარე არ არის პასუხისმგებელი მეორის წინაშე რაიმე არაპირდაპირ ან შედეგობრივ დანაკარგზე ან ზიანზე, რომელიც წარმოიშობა პარტნიორებისთვის განკუთვნილი წინამდებარე წესებისა და პირობების შესაბამისად ან მათთან დაკავშირებით.

1. ინტელექტუალური საკუთრება

5.1. პარტნიორმა თავი უნდა შეიკავოს ნებისმიერი ბიზნეს საიდუმლოების ან კონფიდენციალური ინფორმაციის გამჟღავნებისგან, რომელზეც მას წვდომა ჰქონდა GLOVO-სთან პროფესიული ურთიერთობის ფარგლებში. ამასთან დაკავშირებით მხარეები კონფიდენციალურ ინფორმაციად განიხილავენ ყველა და ნებისმიერ მონაცემსა და დოკუმენტს, რომელზეც პარტნიორმა პირდაპირ ან ირიბად მიიღო წვდომა, მათ შორის, ყველა დოკუმენტს, კვლევას, ანალიზს, წინადადებას, ხელშეკრულების პროექტებს, განზრახულობათა წერილს, მიმოწერას (როგორც წერილობითი, ისე ელექტრონული ფორმით), ისევე, როგორც ყველა და ნებისმიერ შენიშვნას შეხვედრებიდან, პრეზენტაციებიდან, ბიზნესგეგმებიდან, მოდელებიდან და პროცესებიდან, მონაცემებს ფასების, ტარიფების, ხარჯების და ა.შ. შესახებ (წერილობითი და ელექტრონული ფორმით) თუ ნებისმიერი სხვა იურიდიული, კომერციული, საბუღალტრო, პირადი ან ტექნიკური ხასიათის ინფორმაციას, რომელიც ეხება GLOVO-ს ან მის სამართლებრივ სტატუსს, რეალურ, სახელშეკრულებო და სხვა უფლებებს, ვალდებულებებს, კომერციულ საქმიანობას, კლიენტებს, ბიზნესპარტნიორებს, მფლობელებს, თანამშრომლებს და სხვ. 

5.2. ამას გარდა, წინამდებარე „პარტნიორებისთვის განკუთვნილ წესებსა და პირობებზე“ დათანხმებით, პარტნიორი კისრულობს ვალდებულებას, ხელშეკრულების მოქმედების პერიოდში არ შექმნას ან გაყიდოს აპები, რომლებიც პირდაპირ კონკურენციას გაუწევს GLOVO-ს აპს. აღნიშნული ვალდებულება ხელს არ უშლის პარტნიორს შექმნას ან შეიძინოს აპები თავისივე პროდუქტების ექსკლუზიური გაყიდვისთვის. პარტნიორი იღებს ვალდებულებას, არ გამოიყენოს GLOVO-ს მომსახურებით უზრუნველყოფილი სარეკლამო ან მარკეტინგული საქმიანობა საკუთარი გაყიდვების არხებისთვის, კერძოდ კი, თავი შეიკავოს GLOVO-ს აპის მეშვეობით განთავსებულ შეკვეთებში საკუთარ არხებზე ისეთი სარეკლამო მასალის ჩართვისგან, როგორიცაა ბროშურები ან ფლაერები.

5.3. ყველა ბრენდი, დომენის სახელწოდება, კომპიუტერული პროგრამა და სხვა პროდუქტი, რომელიც წარმოადგენს საავტორო და სამრეწველო საკუთრების ობიექტს აპთან მიმართებაში (მათ შორის მათი შესაძლო სამომავლო ცვლილებები) წარმოადგენს GLOVO-ს ინტელექტუალურ საკუთრებას. პარტნიორი კისრულობს ვალდებულებას, არ დაარეგისტრიროს და არ შეიტანოს განაცხადი აღნიშნული ან მსგავსი ობიექტების რეგისტრაციაზე, არ შეცვალოს, არ გადააკეთოს და არ გააუქმოს ისინი, ასევე, ღიად აცხადებს, რომ პარტნიორებისთვის განკუთვნილი წინამდებარე წესებისა და პირობების არცერთი დებულება არ ანიჭებს მას აღნიშნულ უფლებებთან დაკავშირებით რაიმე სამომავლო უფლებას.

5.4. თუ წინამდებარე ხელშეკრულებით ან დანართით სხვა რამ არ არის გათვალისწინებული, პარტნიორს არ აქვს უფლება გამოაქვეყნოს პრესრელიზი და მოიხსენიოს GLOVO პარტნიორებისთვის განკუთვნილ წინამდებარე წესებთან და პირობებთან დაკავშირებით ან სხვაგვარად, GLOVO-სგან წინასწარი წერილობითი თანხმობის გარეშე.

5.5. წინამდებარე „პარტნიორებისთვის განკუთვნილი წესებისა და პირობების“ მოქმედების განმავლობაში, პარტნიორი  ანიჭებს GLOVO-ს  უფასო არაექსკლუზიურ, მსოფლიო მასშტაბით მოქმედ ლიცენზიას, ასევე უფლებას, გამოიყენოს მისი ინტელექტუალური საკუთრება (მათ შორის და არა მხოლოდ): სასაქონლო ნიშნები, სურათები, ტექსტი და ზოგადად, მის ვებსაიტზე გამოქვეყნებული მთელი კონტენტი („ინტელექტუალური საკუთრება“), რომელიც წარმოდგენილია პარტნიორის  მიერ: i) „პარტნიორებისთვის განკუთვნილი წინამდებარე წესებისა და პირობების“ შესრულების მიზნით, ii) მარკეტინგული საქმიანობის განსახორციელებლად ონლაინ შეკვეთებისთვის; და iii) სხვა დაკავშირებული მიზნებისთვის. ზემოაღნიშნული არავითარ შემთხვევაში არ გულისხმობს პარტნიორის  მიერ თავისი ინტელექტუალური საკუთრების უფლების GLOVO-სთვის გადაცემას (თუ სხვა ხელშეკრულებით სხვაგვარი რამ არ არის განსაზღვრული). 

5.6. პარტნიორი აცხადებს, იძლევა გარანტიას და თანხმდება, რომ ის წარმოადგენს პარტნიორის ინტელექტუალური საკუთრების მფლობელს (მფლობელობა დასტურდება მოქმედი ქონებით ან ლიცენზიით) და პარტნიორს აქვს უფლება, მისცეს GLOVO-ს ასეთი ინტელექტუალური საკუთრების გამოყენების ლიცენზია ან ქველიცენზია წინამდებარე წესებისა და პირობების მიზნებისთვის და არ არსებობს მესამე მხარე, რომლის ინტელექტუალური საკუთრების უფლებებსაც ის არღვევს.  პარტნიორი ვალდებულია, არ გააფორმოს შემდგომი ხელშეკრულებები, რომლებიც შეიძლება ზღუდავდეს GLOVO-ს მიერ პარტნიორის ინტელექტუალური საკუთრების უფლებების გამოყენებას  .

1. მონაცემები

წინამდებარე წესებისა და პირობების მოქმედებისას და შეკვეთების შესრულების მიზნით, პარტნიორი იღებს წვდომას Glovo-ს მომხმარებლების ისეთ პერსონალურ მონაცემებზე, როგორიცაა მომხმარებლის სახელი, ტელეფონის ნომერი და მისამართი ან მომხმარებლების მიერ მოწოდებული ნებისმიერი სხვა ინფორმაცია, რომელიც ითვლება, რომ საჭიროა, შეკვეთების მისაწოდებლად. მონაცემთა დამუშავების მიზნებისთვის ორივე მხარე დამოუკიდებლად მოქმედებს, როგორც მონაცემთა დამუშავებაზე პასუხისმგებელი პირი.  პარტნიორისთვის ცნობილია, რომ ის არის მონაცემთა დამუშავებაზე პასუხისმგებელი პირი შეკვეთების, პლატფორმის გამოყენებისა და წინამდებარე წესებისა და პირობების კონტექსტში დამუშავებული პერსონალური მონაცემებისთვის.  პარტნიორი აცხადებს და იძლევა გარანტიას, რომ დაამუშავებს პერსონალურ მონაცემებს „პერსონალურ მონაცემთა დაცვის შესახებ“ საქართველოს კანონის, აგრეთვე, მონაცემთა დაცვის ნებისმიერი სხვა მოქმედი კანონმდებლობის შესაბამისად და კისრულობს სრულ პასუხისმგებლობას დამუშავებაზე პერსონალური მონაცემების მიღების მომენტიდან. მონაცემების გადაცემა ხორციელდება მხოლოდ შეკვეთების შესრულების მიზნით. ამ მიზნით, პარტნიორი: (i) იღებს ვალდებულებას, არ დაამუშავოს მონაცემები რაიმე დამატებითი მიზნებისთვის, გარდა იმ შემთხვევისა, როდესაც მას აქვს ამის მოქმედი სამართლებრივი საფუძველი, ნებისმიერ შემთხვევაში, ის სრულად არის პასუხისმგებელი შეკვეთების შესრულების გარდა სხვა მიზნებისთვის განხორციელებულ ნებისმიერ დამუშავებაზე; და (ii) იღებს ვალდებულებას, დაიცვას GLOVO ნებისმიერი ორგანოს ან მესამე მხარის მიერ წარდგენილი ნებისმიერი პრეტენზიისგან, მათ შორის იურიდიული ხარჯებისა და სახელშეკრულებო მოთხოვნის აღსრულებისგან. მხარეები თანხმდებიან, კეთილსინდისიერად ითანამშრომლონ მონაცემთა უსაფრთხოების ნებისმიერ დარღვევასთან დაკავშირებით, რომელიც გავლენას მოახდენს წინამდებარე ხელშეკრულების ფარგლებში გადაცემულ პერსონალურ მონაცემებზე.

წინამდებარე წესებსა და პირობებში შემავალი პერსონალური მონაცემები დამუშავდება სახელშეკრულებო ურთიერთობის მართვისა და ზედამხედველობის მიზნით. დამუშავების სამართლებრივი საფუძველია წინამდებარე ხელშეკრულების შესრულება. მონაცემები შეინახება სახელშეკრულებო ურთიერთობის განმავლობაში მისი დასრულების შემდეგ, იმ პერიოდის განმავლობაში, რაც საჭიროა ნებისმიერ პოტენციურ სამართლებრივ პასუხისმგებლობასთან დაკავშირებული დავის მოსაგვარებლად.

თითოეული მხარე ვალდებულია, აცნობოს მონაცემთა სუბიექტებს, რომელთა მონაცემებსაც ის ამუშავებს, ასეთი დამუშავების შესახებ და ასევე, მიუთითოს, რომ მათ შეუძლიათ გამოიყენონ წვდომის, გასწორების, წაშლისა და გასაჩივრების უფლება მოთხოვნის წარდგენით (მითითებით „მონაცემთა დაცვა“) შემდეგ ელფოსტის მისამართებზე: gdpr@glovoapp.com. პერსონალურ მონაცემთა დაცვის საკითხებთან დაკავშირებით GLOVO-ს საკონტაქტო პირია პერსონალურ მონაცემთა დაცვის ოფიცერი -  შპს ,,მონაცემთა დაცვის ოფიცერი“ (+995 555 50 51 58; info@dpo.ge www.dpo.ge).

1. შესაბამისობა

7.1. ხელშეკრულებით გათვალისწინებული ვალდებულებების შესრულებისას, პარტნიორმა, მისმა თანამშრომლებმა, აგენტებმა და წარმომადგენლებმა სრულად უნდა დაიცვან ყველა შესაბამისი ადგილობრივი კანონი მექრთამეობის, უკანონო შემოსავლების ლეგალიზაციისა და ტერორიზმის დაფინანსების აღკვეთის შესახებ, ანტიმონოპოლიური და სხვა შესაბამისი კანონმდებლობა. საქმიანობის ეთიკის, პატიოსნებისა და კეთილსინდისიერების უმკაცრესი წესებისა და პრინციპების შესაბამისად განხორციელების გარდა, თავიდან აირიდოს უკანონო კომერციულ საქმიანობაში მონაწილეობა, როგორც პირდაპირ, ისე მესამე მხარეების მეშვეობით. 

7.2. წინამდებარე ხელშეკრულებით, პარტნიორი აცხადებს, რომ შეესაბამება Glovo-ს მესამე მხარის ქცევის კოდექსს („კოდექსი“) და აცხადებს, რომ გაეცნო მის შინაარსს და იძლევა გარანტიას, რომ არ დაარღვევს მასში მოცემულ დებულებებს. კოდექსისა და სხვა წესების მოძიება პარტნიორს შეუძლია Glovo-ს ვებსაიტზე, რომელიც ნორმატიული მოთხოვნების დაცვას ეძღვნება: https://compliance.glovoapp.com/public/compliance. 

7.3. მოთხოვნის შემთხვევაში, პარტნიორი კისრულობს ვალდებულებას, მაქსიმუმ 30 (ოცდაათ) დღეში სათანადოდ წარადგინოს მისი საქმიანობის კანონიერების დამამტკიცებელი დოკუმენტაცია და აუდიტის მიზნებისთვის გასცეს დამატებითი განმარტებები მისი საქმიანობის შესახებ (საჭიროების შემთხვევაში). დოკუმენტების წარმოუდგენლობა გამოიწვევს მონაცემთა გადაცემის GLOVO-ს მიერ მოთხოვნილი დოკუმენტების ფაქტობრივ მიწოდებამდე შეჩერებას.

7.4. პარტნიორის მხრიდან კანონის ან კოდექსის დარღვევის შემთხვევაში, GLOVO უფლებამოსილია, შეწყვიტოს საქმიანი ურთიერთობა პარტნიორთან ჯარიმების დაკისრების გარეშე.

1. სხვადასხვა

8.1. პარტნიორებისთვის განკუთვნილი წინამდებარე „წესებისა და პირობების“ მიღებით, პარტნიორი კისრულობს ვალდებულებას, იქონიოს სამოქალაქო პასუხისმგებლობის მოქმედი ზოგადი დაზღვევის პოლისი. ასეთი პოლისი გაცემული უნდა იყოს სანდო სადაზღვევო კომპანიის მიერ. ამას გარდა, დაუშვებელია მისი გაუქმება ან სადაზღვევო თანხის მნიშვნელოვნად შემცირება. წინამდებარე დოკუმენტით განსაზღვრული პოლისის არსებობის დამამტკიცებელი დოკუმენტაცია პარტნიორმა GLOVO-ს მისი მოთხოვნისთანავე უნდა წარუდგინოს. პოლისით განსაზღვრული ლიმიტები არავითარ შემთხვევაში არ ზღუდავს პარტნიორის ვალდებულებას, რომელიც გათვალისწინებულია პარტნიორებისთვის განკუთვნილი წინამდებარე წესებითა და პირობებით.

8.2. პარტნიორი იძლევა გარანტიას, რომ ფლობს GLOVO-ს აპში განთავსებული ყველა პროდუქტით/მომსახურებით ვაჭრობისთვის საჭირო ლიცენზიას. ამას გარდა, პარტნიორი თანახმაა, უზრუნველყოს ნებისმიერი ისეთი ლიცენზია, დოკუმენტაცია თუ სხვა ფაილი, რომელიც შეიძლება მოითხოვოს GLOVO-მ იმის დასადასტურებლად, რომ პარტნიორს  აქვს ამ პროდუქტებით ვაჭრობის კანონიერი უფლება. GLOVO-სთვის ამ ინფორმაციის მიუწოდებლობამ შეიძლება გამოიწვიოს პარტნიორებისთვის განკუთვნილი ამ წესებისა და პირობების ნაადრევად შეწყვეტა.

8.3. პარტნიორი კისრულობს ვალდებულებას, არ შელახოს GLOVO-ს იმიჯი და რეპუტაცია, ზიანი არ მიაყენოს მას. მას უფლება აქვს, გამოიყენოს GLOVO-ს ან/და პარტნიორის ბრენდი იმისთვის, რომ მოახდინოს საზოგადოებაში საკუთარი კომპანიის პოზიციონირება პარტნიორის სტატუსით ნებისმიერი მედია საშუალების გამოყენებით, რომელსაც იყენებს პარტნიორი ან/და GLOVO, თავისი პრომოაქციების წარმოებისა და მომხმარებელთა მოზიდვის მიზნით. GLOVO, თავის მხრივ, კისრულობს ვალდებულებას, არანაირად არ დააზიანოს პარტნიორის იმიჯი და რეპუტაცია ან არ ავნოს მას, პარტნიორის ბრენდის გამოყენებით იმისთვის, რომ საზოგადოებაში წარმოაჩინოს თავი, როგორც კომპანიონმა, მასმედიის ნებისმიერი საშუალებით, რომელსაც GLOVO იყენებს თავისი პრომოაქციების წარმოებისა და მომხმარებელთა მოზიდვის მიზნით.

8.4. პარტნიორი აცხადებს, რომ ინფორმირებულია და იცავს მოქმედ კანონმდებლობას, ფლობს ყველა საჭირო ლიცენზიას ოპერირებისა და მისი კატალოგის პროდუქტების გაყიდვისთვის, ისევე როგორც, პერსონალური მონაცემების დაცვის შესახებ კანონმდებლობას, თავისი ეკონომიკური საქმიანობის განსახორციელებლად.

8.5. პარტნიორებისთვის განკუთვნილი წინამდებარე წესებითა და პირობებით გათვალისწინებული ვალდებულებების შესასრულებლად, პარტნიორმა, მისმა თანამშრომლებმა, აგენტებმა და წარმომადგენლებმა სრულად უნდა დაიცვან ყველა მოქმედი ადგილობრივი კანონი, რომელიც ეხება მექრთამეობის, ფულის გათეთრებისა და ფინანსური ტერორიზმის წინააღმდეგ ბრძოლას, ანტიმონოპოლიური კანონები და ნებისმიერი სხვა, რომელიც შეიძლება ეხებოდეს საქმიანობას. ამას გარდა, მან თავისი საქმიანობა უნდა განახორციელოს ეთიკის, პატიოსნებისა და კეთილსინდისიერების ყველაზე მკაცრი პრინციპებისა და იდეალების შესაბამისად, თავიდან აირიდოს უკანონო ბიზნესსაქმიანობაში ნებისმიერი მონაწილეობა, როგორც პირდაპირ, ისე მესამე მხარეების მეშვეობით.

8.6. პარტნიორს ექნება წვდომა აპის მიერ გამყიდველის ან Manager Portal-ის მეშვეობით გენერირებულ შემდეგ ინფორმაციაზე: ინვოისები, შეკვეთები, მომხმარებლის რეიტინგები, გენერირებული შეკვეთების რაოდენობა, ასევე, მხარეებს შორის შეთანხმებული ნებისმიერი სხვა ინფორმაცია.

8.7. არცერთ შემთხვევაში პარტნიორს არ ექნება წვდომა სხვა პარტნიორთა ინფორმაციაზე, რომლებთანაც GLOVO-ს დადებული აქვს ხელშეკრულება. ამის მიუხედავად, შესაძლოა, პარტნიორს წვდომა ჰქონდეს გაერთიანებულ ინფორმაციაზე არასრულად შესრულებული შეკვეთების რაოდენობის, შეკვეთების მომზადების დროის, მათი მოცულობის ან სხვა საკითხის შესახებ. ეს შეეხება იმ ქალაქს ან რაიონს, რომელშიც პარტნიორი თავის პროდუქტებს ან მომსახურებას სთავაზობს. 

8.8. პარტნიორი ღიად აცხადებს თანხმობას და ადასტურებს, რომ GLOVO-ს უფლება აქვს, წინამდებარე ხელშეკრულება გადასცეს GLOVO-ს პირდაპირ ან ირიბად კუთვნილ ნებისმიერ კომპანიას ( GLOVO-ს ჯგუფის და შვილობილი კომპანიები). იმ შემთხვევაში, თუ GLOVO ან GLOVO-ს ჯგუფში შემავალი რომელიმე კომპანია ან შვილობილი კომპანია ჩართულია შერწყმის, კონსოლიდაციის, კორპორაციული კონტროლის ცვლილების, აქტივების არსებითი გადანაწილების, რესტრუქტურიზაციისა თუ ლიკვიდაციის პროცესებში, GLOVO უფლებამოსილია, მისი ერთპიროვნული დისკრეციით გადასცეს ან დაუთმოს წინამდებარე შეთანხმებით განსაზღვრული უფლებები დაკავშირებულ მხარეს ან მასთან აფილირებულ ნებისმიერ პირს. 

8.9. GLOVO იტოვებს უფლებას, განახორციელოს ხილვადობის გაზრდის დაფინანსებული ქმედებები, რომლის ღირებულებასაც დაფარავს მისი რომელიმე პარტნიორი, რამაც შეიძლება გავლენა მოახდინოს პარტნიორების კლასიფიკაციასა და პოზიციონირებაზე აპში და ზემოთ მითითებულ პარამეტრებზე. ხილვადობის გაზრდის დაფინანსებული ქმედებები, შესაძლოა, მოიცავდეს ისეთ ქმედებებს, როგორიცაა ჯვარედინი გაყიდვა, მიზნობრივი აუდიტორიის შერჩევა, ასევე შედარებით ხილული ან მოსახერხებელი პოზიციონირება აპში. თითოეული ამგვარი ქმედება გარკვეული ფასის სანაცვლოდ ტარდება. GLOVO უზრუნველყოფს, რომ ხილვადობის გაზრდის დაფინანსებული ქმედებები ყოველთვის არადისკრიმინაციულ საფუძველზე და მოქმედი კანონმდებლობის შესაბამისად განხორციელდეს, განსაკუთრებით კონფიდენციალურობისა და მომხმარებელთა უფლებების დაცვის სფეროებში.

8.10. იმ შემთხვევაში, თუ პარტნიორს წარმოეშვა ინციდენტი, პრობლემა, საჩივარი ან პრეტენზია GLOVO-ს მიერ გაწეულ მომსახურებასთან დაკავშირებით, პარტნიორი უფლებამოსილია, დაუკავშირდეს GLOVO-ს უფასოდ, ელფოსტის ან გამყიდველის პორტალის მეშვეობით.  პარტნიორის საჩივრის ან პრეტენზიის მიღების შემდეგ, დაიწყება საჩივრების განხილვის შიდა პროცედურა, რათა მხარდაჭერის გუნდმა მოახდინოს საქმეზე შემდგომი რეაგირება და დაამუშაოს ის, მისი შესწავლისა და გადაჭრის მიზნით. GLOVO იღებს ვალდებულებას, განიხილოს საჩივარი გონივრულ ვადაში და საჩივრის შედეგები მხარეებს ინდივიდუალურად, ხელმისაწვდომი ფორმით აცნობოს.

8.11. არცერთი მხარე არ არის პასუხისმგებელი პარტნიორებისთვის განკუთვნილი წინამდებარე წესებითა და პირობებით გათვალისწინებული კუთვნილი ვალდებულებების დარღვევაზე, თუ მათი აღსრულება გადაიდო ან შეუძლებელია ფორსმაჟორის გამო, იმ პირობით, რომ დაზარალებული მხარე აცნობებს და შეატყობინებს მეორე მხარეს ფორსმაჟორის ბუნების, მასშტაბის, სავარაუდო ხანგრძლივობისა და ეფექტის შესახებ. დაზარალებული მხარე ვალდებულია, მიმართოს ნებისმიერ გონივრულ ზომას მეორე მხარისთვის მიყენებული ზიანის ან შეფერხების მინიმუმამდე შესამცირებლად. „ფორსმაჟორული გარემოება“ განიმარტება შემდეგნაირად: (ა) ამბოხი, ომი, შემოსევები და გარე საომარი მოქმედებები, ტერორიზმი, სამოქალაქო ომი, მასობრივი გამოსვლები, ადგილობრივი საზოგადოებების ბლოკადა, რევოლუცია, აჯანყება ან გადატრიალება; (ბ) მიწისძვრა, წყალდიდობა, ხანძარი, აფეთქება და ნებისმიერი სხვა სტიქიური უბედურება, ნორმალური სინოპტიკური პირობების გარდა, სიმძიმის მიუხედავად; (გ) გაფიცვა ან შრომითი კონფლიქტი ეროვნულ ან რეგიონულ დონეზე, ან ისეთი გაფიცვა, რომელიც გავლენას ახდენს პერსონალზე, რომელიც დაზარალებულ მხარეს არ დაუქირავებია, მის ქვეკონტრაქტორებზე (ნებისმიერ დონეზე) და მომწოდებლებზე, მაგრამ მნიშვნელოვან გავლენას ახდენს სამუშაოს ძირითად ნაწილზე; და (დ) ადგილობრივი თვითმმართველობის ან სამთავრობო ორგანოს ნებისმიერი ქმედება ან უმოქმედობა, რომელიც გავლენას ახდენს კომპანიის მიერ მისი საქმიანობისთვის საჭირო ლიცენზიებზე, ნებართვებზე, ავტორიზაციაზე ან დამტკიცებებზე; მათ შორის (და არა მხოლოდ), თუ ეს მოვლენები: (i) სცდება მხარის კონტროლსა და ნებას, (ii) დაზარალებული მხარის გონივრული გულმოდგინების მიუხედავად გარდაუვალია; და (iii) არ არის გამოწვეული დაზარალებული მხარის მიერ პარტნიორებისთვის განკუთვნილი წინამდებარე წესებითა და პირობებით გათვალისწინებული ვალდებულებების დარღვევით და არც დაზარალებული მხარის ბრალით ან დაუდევრობით.

1. იურისდიქცია და მოქმედი კანონმდებლობა

9.1. წინამდებარე „პარტნიორებისთვის განკუთვნილი წესები და პირობები“ რეგულირდება საქართველოს მოქმედი კანონმდებლობით.

9.2. მხარეები იღებენ ვალდებულებას, მიაღწიონ მეგობრულ შეთანხმებას, მათ შორის დავის შემთხვევაში. შეთანხმების მიუღწევლობის შემთხვევაში, მხარეები უფლებამოსილი არიან, დავის გადაწყვეტის მიზნით მიმართონ საქართველოს საერთო იურისდიქციის სასამართლოებს.

9.3. პარტნიორებისთვის განკუთვნილ წინამდებარე წესებსა და პირობებს და ნებისმიერ სხვა პირობას შორის შეუსაბამობის შემთხვევაში, უპირატესობა მიენიჭება წინამდებარე პირობებს, თუკი წერილობით სხვა რამ არ არის განსაზღვრული.