Glovo’нун Купуялык саясаты

Мазмуну

1.  Келишимдин предмети                                                                    

2.  Кыскача маалымат

3.  Жеке дайындар боюнча сиздин укуктарыңыз                                                                                             

4.  Сиздин жеке дайындарыңыздын көзөмөлдөөчүсү                                         

5. КОЛДОНУУЧУЛАР үчүн пайдалуу маалымат:
5.1 Дайындарды иштетүүнүн максаттары жана укуктук негизи эмнеде?
5.2 Сиз жөнүндө кандай дайындар сакталат жана сиздин жеке дайындарыңыз кантип чогултулат?
5.3 Сиздин дайындарыңыз эмне үчүн берилет жана алардын алуучулары кимдер?
5.4 Сиздин дайындарыңызды канча убакытка чейин сактайбыз?

●      I Тиркеме - Жалпы сактоо мөөнөттөрү жана Колдонуучуларга карата колдонулуучу сактоо мөөнөттөрү

6. КУРЬЕРЛЕР үчүн пайдалуу маалымат:
6.1 Дайындарды иштетүүнүн максаттары жана укуктук негизи эмнеде?
6.2 Сиз жөнүндө кандай дайындар сакталат жана сиздин жеке дайындарыңыз кантип чогултулат?
6.3 Сиздин дайындарыңыз эмне үчүн берилет жана алардын алуучулары кимдер?
6.4 Сиздин дайындарыңызды канча убакытка чейин сактайбыз?

●      I Тиркеме - Жалпы сактоо мөөнөттөрү жана Курьерлерге карата колдонулуучу сактоо мөөнөттөрү 

7.  ӨНӨКТӨШТӨР үчүн пайдалуу маалымат:
7.1 Дайындарды иштетүүнүн максаттары жана укуктук негизи эмнеде?7
.2 Сиз жөнүндө кандай дайындар сакталат жана сиздин жеке дайындарыңыз кантип чогултулат?
7.3 Сиздин дайындарыңызды канча убакытка чейин сактайбыз?

●      I Тиркеме - Жалпы сактоо мөөнөттөрү жана Өнөктөштөргө карата колдонулуучу сактоо мөөнөттөрү 

8.  ИНВЕСТОРЛОР үчүн пайдалуу маалымат:
8.1 Дайындарды иштетүүнүн максаттары жана укуктук негизи эмнеде?
8.2 Сиз жөнүндө кандай дайындар сакталат жана сиздин жеке дайындарыңыз кантип чогултулат?
8.3 Сиздин дайындарыңызды канча убакытка чейин сактайбыз?

●     I тиркеме - Жалпы сактоо мөөнөттөрү

9.  ЖУМУШ ИЗДӨӨЧҮЛӨР үчүн пайдалуу маалымат:
9.1 Дайындарды иштетүүнүн максаттары жана укуктук негизи эмнеде?
9.2 Сиз жөнүндө кандай дайындар сакталат жана сиздин жеке дайындарыңыз кантип чогултулат?
9.3 Сиздин дайындарыңызды канча убакытка чейин сактайбыз?

●      I тиркеме - Жалпы сактоо мөөнөттөрү

10.  КЫЗЫКДАР ТАРАПТАР үчүн пайдалуу маалымат:
10.1 Дайындарды иштетүүнүн максаттары жана укуктук негизи эмнеде??
10.2 Сиз жөнүндө кандай дайындар сакталат жана сиздин жеке дайындарыңыз кантип чогултулат?
10.3 Сиздин дайындарыңызды канча убакытка чейин сактайбыз?

●      I тиркеме - Жалпы сактоо мөөнөттөрү

11.  ВЕБ-САЙТТЫН КОНОКТОРУ үчүн пайдалуу маалымат:
11.1 Дайындарды иштетүүнүн максаттары жана укуктук негизи эмнеде?
11.2 Сиз жөнүндө кандай дайындар сакталат жана сиздин жеке дайындарыңыз кантип чогултулат?
11.3 Сиздин дайындарыңызды канча убакытка чейин сактайбыз?

●      I тиркеме - Жалпы сактоо мөөнөттөрү                      

12. Биз эл аралык дайындарды берүүнү аткарабызбы?

13.  Биз автоматтык чечим кабыл алуу ыкмаларын колдонобузбу?                                                        

14.  Биз профилдештирүүнү аткарабызбы?                                                                       

15.  Биз кандай коопсуздук чараларын колдонобуз?                                                                                    

16.  Аныктамалар            

II тиркеме - Glovo компанияларынын тобуна кирген компаниялардын дайындары           

1. Келишимдин предмети

Биздин милдеттенмелерибиз
Glovo Колдонуучулардын/Курьерлердин/Жумуш издөөчүлөрдүн/Өнөктөштөрдүн/Инвесторлордун/Кызыкдар тараптардын/Веб-сайттын конокторунун (мындан ары, биргеликте — “Маалымат субъекттери” деп аталат) купуялыгын сактоого жана жеке дайындарын коргоого милдеттенет. Бул мааниде алганда, бул Купуялык саясатынын максаты маалымат субъекттерине Glovo’нун маалыматтарды иштетүү иш-аракеттери жөнүндө Маалыматтарды коргоо боюнча жалпы жоболордун (GDPR) жана жергиликтүү мыйзамдардын талаптарына ылайык маалымат берүү болуп саналат.

Купуялык саясатынын максаты

Бул Купуялык саясаты, Маалыматтарды коргоонун жалпы жоболоруна ылайык, биздин веб-сайттагы байланыш формасы аркылуу биз менен байланышкан маалымат субъекттеринин жеке дайындарын иштетүү боюнча маалыматты камтыйт.

Дайындарды иштетүү саясаты боюнча өз укуктарын колдонуу үчүн, бул иштетүүгө катышкан бардык кызыкдар тараптар, ошондой эле биздин маалымат субъекттери негизги веб-сайттан: glovoapp.com>>Биз менен байланышыңыз>>Саясаттар, же Колдонмодон: Жардам>>Буйрутмага тиешеси жок>>Саясаттар бөлүмдөрүнө кирип, тиешелүү болгон менюну тандай алышат.

Бул Купуялык саясатында Glovo жеке дайындарды кантип чогултат жана иштетет, маалыматты иштетүүгө катышкан кызыкдар тараптар, ошондой эле Маалымат субъекттеринин дайындарды иштетүүгө байланыштуу укуктары жөнүндө маалыматтар камтылган.

Эрежелерди толук түшүнүү үчүн, дайындарды иштетүүгө катышкан тараптарга жана маалымат субъекттерине бул документ менен, ошондой эле биздин учурдагы купуялык эрежелерибиз тууралуу негизги идеяларды камтыган сереп менен таанышып чыгууну жана маал-маалы менен аларды кайра окуп турууну сунуштайбыз.

Купуялык саясатына өзгөртүүлөрдү жана жаңыртууларды киргизүү

Glovo’нун ишмердүүлүгү туруктуу негизде өнүгүп турушуна байланыштуу, бул Купуялык саясатынын текстине кээде өзгөртүүлөр же жаңыртуулар киргизилиши мүмкүн.

Бул Купуялык саясаты жаңыртылгандан кийин биздин Платформаны колдонуу менен, Европа Биримдигине кирген жана андан тышкаркы өлкөлөрдө жашаган Маалымат субъекттери жаңыртылган же өзгөртүлгөн Купуялык саясатын жергиликтүү мыйзам тарабынан уруксат берилген ченде кабыл алышат.

Купуялык саясатынын текстине олуттуу өзгөртүүлөр жана толуктоолор киргизилген учурда, Glovo ал тууралуу электрондук почта же билдирүүнүн жеткирилишин камсыз кылуучу башка каналдар аркылуу Маалымат субъекттерине алдын ала кабарлайт.

Glovo эч кандай шарттарда Маалымат субъекттеринин жеке дайындарын коргоого байланыштуу саясаттарын же ыкмаларын жумшартуу максатында өзгөртпөйт.

Дагы деле шекшип жатасызбы? Анда дайындарды коргоо боюнча адисибиз менен байланышыңыз

Маалымат субъекттеринин бул Купуялык саясатына байланыштуу кандайдыр бир шектенүүлөрү болсо же документ тууралуу толугураак маалымат алууну каалашса, алар каалаган убакта төмөнкү электрондук почта боюнча дайындарды коргоо боюнча адисибиз менен байланыша алышат: dpo@glovoapp.com.

2. Кыскача маалымат 

3. Жеке дайындар боюнча сиздин укуктарыңыз кандай?

Сиз каалаган убакта төмөндө көрсөтүлгөн негизги веб-сайтыбыздагы форманы толтуруп, укуктарыңызды акысыз колдоно аласыз: glovoapp.com>>Биз менен байланышуу>>Саясаттар, же Колдонмодон төмөнкү бөлүмдөргө кириңиз: Жардам>>Буйрутмага тиешеси жок>>Саясаттар. 

Ошондой эле, төмөнкү электрондук почта дарегине электрондук кат жөнөтүү менен укуктарыңызды колдоно аласыз: gdpr@glovoapp.com.

Электрондук катта сиз кайсы укукту колдонгуңуз келгенин жана мүмкүн болсо, Платформада катталган идентификациялык дайындар көрсөтүлүшү керек. Сиздин инсандыгыңызды текшерүү үчүн кошумча дайындар керек болсо, сиз менен байланышабыз.

Сиз Glovo’ну колдонууга тиешелүү төмөнкү укуктарды колдоно аласыз:

1. Кайсы дайындар иштетилип жатканын жана аларга карата кандай иштетүү операциялары аткарылып жатканын билүү үчүн жеке дайындарга кирүү укугу;
   
2. Жеке дайындарга байланыштуу туура эмес маалыматтарды оңдоо укугу;
   
3. Мүмкүн болгон учурда, дайындарды өчүрүү боюнча сурам жөнөтүү аркылуу жеке дайындарды өчүрүү укугу.
   
4. Маалыматтарды иштетүүнүн тактыгы, мыйзамдуулугу же зарылчылыгы шек жараткан учурда, сиздин жеке дайындарыңызды иштетүүнү чектөөнү талап кылуу укугу (мындай учурда биз доомат жиберүү же дооматтарга жооп берүү максатында дайындарды сактап кала алабыз). 
5. Башка кызмат көрсөтүүчүгө дайындарыңызды өткөрүп берүүнү талап кылуу укугу. Мындай учурда биз сизге дайындарыңыздын көчүрмөсүн беребиз. Ал эми сиз аны башка кызмат көрсөтүүчүгө жибере аласыз. Эгер ал тууралуу сурам жиберип, аны техникалык жактан аткарууга мүмкүн болсо, биз дайындарыңызды сиздин атыңыздан башка кызмат көрсөтүүчүгө түздөн-түз өткөрүп бере алабыз.
   
6. Төмөнкү байланыш формасы аркылуу  сурам жиберип, Жеке дайындарыңызды иштетүүгө  каршы чыгуу укугу (веб-сайттан: glovoapp.com>>Биз менен байланышуу>>Саясаттар же Колдонмодон: Жардам>>Буйрутмага тиешеси жок>>Саясаттар) жана сиздин дайындарыңыздын социалдык тармактар ​​тарабынан иштетилишине жана/же резюмеңизди иштетилишине каршы чыгуу укугу.
   
7. Эгерде сиз Колдонуучу болуп, кандайдыр бир жарнамалык билдирүүлөрдү алууну каалабасаңыз, электрондук кат же коммерциялык максаттагы билдирүүлөр менен жиберилген шилтеме аркылуу каалаган жарнамалык билдирүүлөргө жазылууңузду токтото аласыз.
   
   Push-эскертмелерди өчүрүү менен, буйрутмалардын статусу тууралуу билдирмелерди дагы ала албай каларыңызды эскертебиз.
   
   

Сиз каалаган убакта gdpr@glovoapp.com дарегине кат аркылуу кайрылып, профилдештирүүгө каршылык билдире аласыз.

Эгер Glovo дайындарды коргоо боюнча мыйзамды бузуп жатат деп ойлосоңуз:

Кээ бир жагдайларда жогорудагы укуктарды Glovo ишке ашыра албашы мүмкүн болгон же натыйжалуу аткара албашы мүмкүн болгон учурлар кездешишин эске алыңыз — мисалы, сиз бизге бардык жеке дайындарыңызды өчүрүү сурамын жиберип, бирок ошол эле учурда сиз биз менен келишимдик мамиледе болгонуңузда.

Эскертмелер жана өзгөртүүлөр

Glovo’нун ишмердүүлүгү туруктуу негизде өнүгүп турушуна байланыштуу, бул Купуялык саясатынын, Cookie файлдары тууралуу саясатынын жана Колдонуу шарттарынын тексттерине дагы өзгөртүүлөр киргизилиши мүмкүн.

Ал документтерге олуттуу өзгөртүүлөр жана толуктоолор киргизилген учурда, Glovo бардык Колдонуучуларга/ Курьерлерге/ Жумуш издөөчүлөргө/ Өнөктөштөргө/ Инвесторлорго/ Кызыкдар тараптарга/ Веб-сайттын конокторуна ал тууралуу электрондук почта же билдирүүнүн жеткирилишин камсыз кылуучу башка каналдар аркылуу билдирүүлөрдү жөнөтөт.

Бирок, Glovo эч кандай шарттарда кардарлардын мурда сакталган жеке дайындарын коргоого байланыштуу саясаттарын же ыкмаларын жумшартуу максатында өзгөртпөйт.

Которулган документ менен бул документтин испан тилиндеги текстинин ортосунда айырмачылыктар болгон учурда испан тилинде жазылган текст артыкчылыкка ээ болот. 

4. Сиздин жеке дайындарыңыздын көзөмөлдөөчүсү ким?

Glovo платформасын жана башка формаларды колдонууга байланышкан сиздин жеке маалыматтарыңызды башкарган Дайындар көзөмөлдөөчүсү: “ГЛОВО КЕЙДЖИ” ЖЧКсы, Эркиндик пр. 64 Б, 18-кеңсе, Биринчи май району, Бишкек, 720040

Жогоруда келтирилген маалыматтарга кошумча катары, Glovo компаниялар тобунун ар бир компаниясы жөнүндө толук маалымат ушул Купуялык саясатынын 1-тиркемесинде келтирилген.

Андан тышкары, Glovo веб-сайтта же Колдонмодо (мындан ары — “Платформа”) катталган колдонуучулардын (мындан ары — “Колдонуучулар”) же курьерлердин (мындан ары — “Курьерлер”), ошондой эле, Glovo’нун Платформасында жеткиликтүү болгон формаларды колдонуп, Glovo менен байланышкан адамдардын дайындарын Glovo компаниялар тобунун компаниялары менен кызматтарды сунуштоо максатында бөлүшө алат.

5. КОЛДОНУУЧУЛАР үчүн пайдалуу маалымат:

5.1Дайындарды иштетүүнүн максаттары жана укуктук негизи эмнеде?

Glovo сиздин жеке дайындарыңызды төмөнкү максаттарда иштетет:

1. Юридикалык максаттарда.
2. Келишим түзүү максатында.
3. Коопсуздук максатында.
4. Статистика жана изилдөө максаттарында.
5. Жарнамалык жана коммерциялык максаттарда.
6. Жарнамалык эмес максаттарда.

Юридикалык максаттар

Glovo сиздин жеке дайындарыңызды төмөнкү максаттарда иштетет:

1) биздин Платформабызга жана бардык колдонуучуларга каршы жасалган шылуунчулук жана потенциалдуу кылмыш аракеттерин аныктоо жана иликтөө;

2) мыйзам боюнча дайындарыңызды белгилүү бир убакытка чейин сактоо талап кылынганда, мыйзам талаптарын аткаруу (дайындарды сактоо боюнча маалыматты II тиркемеден караңыз);

3) маалыматтарды коргоо боюнча жалпы жоболордун (GDPR) жана жергиликтүү мыйзамдардын талаптарына ылайык укуктарды аткаруу боюнча сурамдарыңызды башкаруу жана аткаруу;

4) биздин топко кирген компанияларга каршы берилген соттук дооматтар тууралуу кабарлоо, аларга каршылык билдирүү жана коргонуу;

5) жогоруда айтылган жагдайлардын баарында, Glovo сизден алынган же биздин Платформабыз аркылуу сиз аткарган аракеттердин натыйжасында алынган бардык дайындарды (мисалы, сиз менен Өнөктөштүн, сиз менен Курьердин ортосундагы, сиз менен биздин Платформанын чат системасы аркылуу жүргүзүлгөн сүйлөшүүлөр)  зарыл болгон учурларда ар кандай дооматтарды жана/же соттук арыздарды тапшыруу жана/же алардан коргонуу жана Колдонуучунун буйрутмаларына байланыштуу келип чыккан инциденттерди башкаруу максаттарында пайдаланууга укуктуу.

Келишим түзүү максаттары
Glovo сиздин жеке дайындарыңызды төмөнкү максаттарда иштетет:

1) сизге жеке аккаунт түзүү мүмкүнчүлүгүн берүү;

2) сизге сиз сураган кызматтарды жана Платформадагы бардык кошумча функцияларды колдонуу мүмкүнчүлүгүн берүү;

3) Сиз көрсөткөн жеткирүү дарегине эң жакын Өнөктөштөрдү жана Курьерлерди аныктоо (бул, жогоруда айтылгандай, Платформанын сурамы боюнча пайдаланууга макулдук берген болсоңуз, жайгашкан жериңизди аныктоо кызматтарын колдонууну камтышы мүмкүн);

4) сиздин атыңыздан төлөмдөрдү иштеп чыгуу жана чогултуу;

5) Буйрутмаңызды сиз тандаган Өнөктөшкө өткөрүп берүү жана анын аткарылышы тууралуу статусун сизге билдирүү;

7) сизге чечимдерди кабыл алуу жана кызматты колдонуу боюнча жардам берүү, анын ичинде сиз мурда буйрутма берген мекемелерден кайра ыкчам буйрутма берүү мүмкүнчүлүгүн түзүү же мурунку буйрутмаларыңыздын же жаңы колдонуучулардын арасында “популярдуу” болгон тандоолордун негизинде сизге жаңы мекемелерди сунуштоо. Ага кошумча, Платформада сизге мурдагы таржымалдарыңыздын негизинде, автоматтык түрдө аныкталган чыпкалар боюнча ар жолу сизге ылайыкташтырылган сунуштарды бере алабыз;

8) буйрутмаларыңыз боюнча чектерди жөнөтүү;

9) сиздин буйрутмаларыңызга байланышкан жагдайларды башкаруу жана суроолоруңузга жооп берип, колдоо көрсөтүү;

10) буйрутмаңыз боюнча жооптуу Курьер менен түз байланышууга уруксат берүү;

11) буйрутмаларыңыз менен кандайдыр бир жагдайлар жаралган учурда Өнөктөштөргө сиз менен байланышуу мүмкүнчүлүгүн камсыз кылуу;

12) промо-коддор же банк аркылуу төлөмдү кайтаруу жолу менен төлөмдү кайтаруу процессин аткаруу;

13) биздин кызматтарыбызга, жоболорго жана шарттарга, купуялык саясатына, Cookie файлдарын иштетүү боюнча саясатына жана башка корпоративдик документтерге олуттуу өзгөртүүлөр же жаңыртуулар киргизилгенде, сизге кабарлоо.

 Коопсуздук максаттары
Glovo сиздин жеке дайындарыңызды төмөнкү максаттарда иштетет:

1) зыяндуу же кооптуу аракеттердин алдын алуу жана аныктоо максатында түзмөгүңүздү, жайгашкан жериңизди (анын ичинде, макулдук берген болсоңуз, геолокация дайындарын), профилиңизди, колдонуу статистикаңызды жана башка дайындарыңызды (мисалы, төлөм боюнча жана идентификация боюнча шылуунчулук кылуу, башка бирөөнүн аккаунтуна кирип алуу, фишинг, акцияларды кыянаттык менен пайдалануу) колдонуу;

2) из колдонгон төлөм ыкмасына байланыштуу шылуунчулук же кылмыш жасоого алып келиши мүмкүн болгон бардык аракеттерге көз салуу; эгер кандайдыр бир шектүү аракеттер аныкталса, Glovo берилген дайындарды сактоого жана тийиштүү иликтөө жүргүзүү үчүн аларды компетенттүү органдарга өткөрүп берүүгө укуктуу;

3) Платформа аркылуу буйрутмалаган айрым өнүмдөргө карата коюлган мыйзам талаптарын (мисалы, алкоголдук ичимдиктерди буйрутмалоо үчүн талап кылынган курактык чектөөлөр) сактаңыз.

Статистика жана изилдөө максаттарында

Glovo сиздин статистикаңызды жеке дайындарыңыздын негизинде төмөнкү максаттарда иштетет:

1) тенденцияларды, кардарлардын сатып алууга байланыштуу жүрүм-турумдарын жана мүнөздөмөлөрүн талдоо;

2) Платформаны колдонуу статистикаңызды түшүнүү;

3) сунушталган кызматтарды башкаруу жана жакшыртуу, анын ичинде кызматтардын сапатын жакшыртуу үчүн жаңы же башка функцияларды жана кызматтарды кошуу мүмкүнчүлүгү.

Жарнамалык жана коммерциялык максаттар

Glovo сиздин жеке дайындарыңызды төмөнкү максаттарда иштетет:

1) маркетингдик, коммуникациялык, изилдөө жана иштеп чыгуу иштерин аткаруу;

2) сиз берген дайындардын (мисалы, фокус-группаларда, сурамжылоолордо, кызматтарды баалоодо, кардарлардын канааттануу даражасы боюнча сурамжылоолордо берген жоопторуңуз, пикирлериңиз, ж.б. маалыматтар) жардамы менен кызматтарыбызды оффлайн режиминде да, Платформада да жакшыртуу жолдорун талдап, изилдөө;

3) сизге Колдонмодо, электрондук почта аркылуу же башка байланыш каражаттарынын жардамы менен, анын ичинде үчүнчү тараптын веб-сайттарында же үчүнчү тараптын колдонмолорунда жарнамаларды көрсөтүү үчүн Cookie файлдарын же башка технологияларды колдонуу менен жекелештирилген сунуштарды, жарнамаларды, арзандатууларды, рекомендацияларды, пикирлерди жана опцияларды көрсөтүү (Cookie файлдарын колдонуу саясатыбызга ылайык жана сиздин макулдугуңуз менен гана);

4) Glovo’нун же өнөктөштөрүбүздүн өнүмдөрүн же кызматтарын жарнамалоо үчүн сиздин буйрутмаңыз менен бирге сизди кызыктырышы мүмкүн болгон үлгүлөрдү же акысыз өнүмдөрдү жеткирип, жарнамалык иш-чараларды өткөрүү;

5) Колдонуучулар арасында конкурстар, лотереялар, аукциондор, викториналар, конкурстар сыяктуу жарнамалык иш-чараларды өткөрүү (Колдонуучулар мындай иш-чараларга катышуу үчүн катталып жана/же мындай иш-чараларга өз маалыматтарын жөнөткөн болсо);

6) сизге же сиздикине окшош мүнөздөмөлөргө ээ болгон Glovo кызматтарын колдонууга кызыкдар болгон башка колдонуучуларга кайрылуу максатында Facebook же башка провайдерлердин жардамы менен ыңгайлаштырылган аудиторияларды түзүү; Facebook же башка үчүнчү тараптардын платформасында купуялык жөндөөлөрүңүздү башкара аласыз;

7) коомдук тармактардагы профилдериңизде жарыяланган билдирүүлөрүңүздү коммерциялык же маркетингдик материалдар катары колдонуу; эгер сиз Glovo’ну атайын белгилеген болсоңуз (хэштег же @ аркылуу).

Биз маркетингге тиешелүү билдирүүлөрдү колдонуучулардын Колдонмодогу аракеттерине (анын ичинде алардын мурунку буйрутмаларына) жараша жана анын Колдонмо, онлайн жарнактар, мурунку электрондук каттар, жарнамалар жана башка нерселер менен аракеттешүүлөрүнө жараша жекелештиребиз. Бирок, мындай жекелештирүү автоматташтырылган каражаттар аркылуу гана жүргүзүлбөйт, юридикалык күчкө ээ эмес жана Колдонуучуга терс таасирин тийгизбейт.

Glovo жарнамалык билдирүүлөрдү Колдонуучунун мобилдик түзмөгүндөгү Push-эскертмелер аркылуу жөнөтө алат. Колдонуучу бул жарнамалык билдирүүлөрдү алууну каалабаса, билдирүүлөр борборунан жазылууну токтото алат. Push-эскертмелерди өчүрүү менен, Колдонуучу буйрутмалардын статусу тууралуу билдирмелерди дагы ала албай каларын эскертебиз.

Жарнамалык эмес максаттар

Glovo сиздин жеке дайындарыңызды төмөнкү максаттарда иштетет:

1) биздин Колдонмо аркылуу берилген Буйрутмалардын ар бири үчүн чектерди түзүү жана жиберүү;

2) Платформадагы же кызматтын иштөөсүндөгү ар кандай жагдайлар, анын ичинде буйрутмаларыңызга байланыштуу жагдайлар жөнүндө сизге маалымдоо; Мындай маалымат электрондук почта, SMS же сиз жана Glovo тарабынан колдонулушу мүмкүн болгон башка билдирүү колдонмолору аркылуу жөнөтүлүшү мүмкүн;

2) Glovo’нун Жоболор менен шарттарына, Купуялык саясатына, Cookie файлдарын колдонуу боюнча саясатына, кызматтарына өзгөртүүлөр киргизилгенде, алар тууралуу сизге маалымдоо жана жалпысынан жарнамалык эмес билдирүүлөрдү жөнөтүү;

3) Glovo’нун камсыздандыруу полиси тарабынан төлөнүшү мүмкүн болгон зыян же күтүлбөгөн окуялар жөнүндө сиз кабарлаганда, камсыздандыруу боюнча арызды карап чыгуу.

5.2 Сиз жөнүндө кандай дайындар сакталат жана сиздин жеке дайындарыңыз кантип чогултулат?

Glovo сиз тууралуу төмөнкү дайындарды сактайт:

1.      Сиз түздөн-түз берген маалымат:

1.1. Каттоо дайындары: Glovo платформасында аккаунт түзгөнүңүздө сиз берген маалымат: колдонуучунун аты жана электрондук почтасы.

1.2. Колдонуучунун профили жөнүндө маалымат: Glovo кызматын колдонуу үчүн Платформага сиз киргизген маалымат, мисалы, мобилдик телефонуңуздун номери жана жеткирүү дареги. Сиз каалаган убакта профилиңиздеги жеке дайындарыңызды көрүп жана өзгөртө аласыз.

1.3. Төлөм маалыматы: буйрутмаларды иштетүү үчүн талап кылынган төлөм маалыматы; картанын маалыматтары биздин электрондук төлөм боюнча кызмат көрсөтүүчүлөрүбүз тарабынан иштетилет; алар маалыматтарды түздөн-түз сизден алышат. Glovo бул дайындарга компетенттүү органдардын сурамы боюнча зарыл болгон учурларда гана кире алат; 

Glovo өз колдонуучуларына төлөм маалыматын же картанын реквизиттерин сактап коюу мүмкүнчүлүгүн сунуштайт. Бул учурда, картанын реквизиттери токенизацияланат (уникалдуу кодго айландырылат). Бул токенди Glovo платформасында колдонууга болот. Бул Glovo’го платформаны колдонууну жеңилдетүү менен сизге төлөм жүргүзүүнү каалаган сайын картанын реквизиттерин киргизүү зарылчылыгынан арылтып, кошумча коопсуздукту камсыз кылууга мүмкүндүк берет; анткени картанын реквизиттери биздин тутумдарда эч качан сакталбайт. Сиз каалаган убакта бул токенди профилиңиздин тиешелүү бөлүмүнөн өчүрүп коё аласыз.

1.4. Кошумча маалымат: Glovo’го башка максаттар үчүн берилген маалымат (мисалы, Glovo’дон эсеп-фактураларды алуу үчүн жиберилген сүрөтүңүз же эсеп коюу дарегиңиз).

1.5. Glovo менен болгон мурунку аракеттешүүлөр жөнүндө маалымат: платформаны колдонуу боюнча жиберген сурамдарыңызды же арыздарыңызды чечүү үчүн байланыш формасы аркылуу (веб-сайт: glovoapp.com>>Биз менен байланышыңыз>>Саясаттар, Колдонмо: Жардам>> Буйрутмага тиешеси жок>>Саясаттар), электрондук почта аркылуу же кардарларды тейлөө кызматынын телефону аркылуу сиз берген маалымат.

1.6. Кырсыктар тууралуу маалымат: Glovo менен келишим түзгөн камсыздандыруу компанияларына камсыздандыруу боюнча арыздарды жиберүү же башка аракеттерди жасоо максатында Платформа аркылуу кызматтарды көрсөтүүгө катышкан тараптар тууралуу маалымат.

1.7. Glovo менен болгон маектешүүлөр тууралуу маалымат: Кызматтарыбыздын сапатын жакшыртуу жана кепилдөө максатындагы, ошондой эле коопсуздук максатындагы инциденттерди, сурамдарды же башка кеңештерди берүү үчүн маектешүүлөрдү транскрипциялоо жана жаздыруу.

1.8. Коммуникациялар жөнүндө маалымат: Колдонуучулар менен Курьерлердин ортосундагы кандайдыр бир инцидентти же талаш-тартыштарды чечүү үчүн же бийлик органдарынан алынган сурамдарды аткаруу үчүн зарыл болгондо, Платформадагы чат тутумунда Курьер менен алмашкан билдирүүлөрүңүз. Glovo билдирүүлөргө өтө зарыл болгон учурларда гана кирет жана өзүнүн колдонуучуларынын купуялуулугун жана Платформада алмашылган бардык маалыматтардын купуялуулугун ар дайым сактоого милдеттенет.

1.9. Сурамдарыңызда, комментарийлериңизде же суроолоруңузда берген бардык кошумча маалымат.

2.  Колдонуучулар тарабынан кыйыр түрдө берилген маалымат :

2.1. Платформаны колдонуудан алынган дайындар: Glovo сиздин Платформага кирген сайын жасаган аракеттериңизден алынган бардык маалыматтарды чогултат.

2.2. Колдонмо жана түзмөк боюнча маалыматтар: Glovo сиз Кызматка кирүү үчүн колдонгон түзмөгүңүз жана колдонмоңуз тууралуу дайындарды сактайт:

1) сиздин компьютериңиз же уюлдук телефонуңуз аркылуу Интернетке туташуу үчүн колдонгон IP дарегиңиз

2) Интернет байланышыңыз, браузердин түрү, версиясы жана операциялык системасы жана аппараттын түрү сыяктуу компьютериңиз же уюлдук телефонуңуз тууралуу маалымат;

3) ресурстун бирдиктүү көрсөткүчү (URL) үчүн толук серептөө таржымалы (биздин сайттагы же Колдонмодогу серептөөлөрүңүздүн чоо-жайы, басылган шилтемелер, ж.б.), анын ичинде кирүүлөрүңүздүн датасы жана убактысы 

4) сиздин аккаунтуңуздан алынган дайындар: сиз жасаган буйрутмалар, ошондой эле сиз калтырган сын-пикирлер жана/же комментарийлер жөнүндө маалымат;

5) сиздин тандоолоруңуз жана серептөө таржымалыңыз.

2.3. Колдонуучу каяктан келгени тууралуу маалыматтар: эгерде сиз Glovo платформасына тышкы булак аркылуу кирген болсоңуз (мисалы, башка веб-сайттан же социалдык тармактан алынган шилтеме боюнча, эгер сиз бул веб-сайттарда авторизациядан өткөн болсоңуз), Glovo ал булак тууралуу дайындарды чогултат.

2.4. Инциденттерди башкаруунун натыйжасында алынган маалыматтар: эгер сиз Glovo платформасына Байланыш формасы (веб-сайтта: glovoapp.com>>Биз менен байланышыңыз>>Саясаттар же Колдонмодо: Жардам>> Буйрутмага тиешеси жок>>Саясаттар), Glovo чаты же Glovo телефон номери аркылуу кирген болсоңуз, Glovo кабыл алынган билдирүүлөрдү сиз колдонгон форматта чогултат жана аларды учурдагы же келечектеги окуяларды башкаруу үчүн колдонуп жана сакташы мүмкүн.

2.5. “cookie” файлдарынан алынган маалыматтар: Glovo өзүнүн жана үчүнчү тараптын cookie файлдарын Колдонуучунун серептөөсүн жеңилдетүү үчүн, ошондой эле статистикалык (жана башка) максаттар үчүн колдонот (кошумча маалымат алуу үчүн, Cookie файлдарын колдонуу боюнча саясатты караңыз).

2.6. Геолокация дайындары: Glovo сиздин жайгашкан жериңиз боюнча дайындарды, анын ичинде компьютериңиздин же мобилдик түзмөгүңүздүн реалдуу убакыттагы географиялык орду тууралуу маалыматты чогултат (андай дайындарды колдонууга уруксат берген болсоңуз).

2.7. Үчүнчү тараптардан алынган маалыматтар:

1) Glovo үчүнчү тараптардан сиздин жеке дайындарыңызды же маалыматыңызды сиз үчүнчү тараптарга аларды Glovo менен бөлүшүүгө уруксат берген болсоңуз гана чогултат. Мисалы, эгер сиз Glovo’до Facebook же Google аккаунтуңуз аркылуу аккаунт түзсөңүз, бул платформалар сиздин Facebook/Google профилиңизде киргизилген жеке дайындарыңызды (мисалы, Колдонуучунун аты-жөнү, жынысы же жашы сыяктуу) бизге бериши мүмкүн.

2) Эгер сиз бизге социалдык тармактардан (анын ичинде Twitter, Facebook жана Whatsapp) билдирүү жөнөтүүнү тандасаңыз, биз сиз берген маалыматты ушул Купуялык саясатында белгиленген максаттарда, анын ичинде сиздин сурамыңызга жооп берүү, сизге колдоо кызматын көрсөтүү жана көйгөйлөрүңүздү чечүүгө жардам берүү максаттарында чогултабыз.

5.3. Сиздин дайындарыңыз эмне үчүн берилет жана алардын алуучулары кимдер?

Glovo бардык коммерциялык өнөктөштөр, техникалык адистер, кызматтарды камсыздоочулар же көз карандысыз үчүнчү тараптар келишим боюнча аларга берилген маалыматты Glovo’нун көрсөтмөлөрүнө, ушул Купуялык саясатына жана маалыматтарды коргоо боюнча тиешелүү мыйзамдарга ылайык иштетүүгө милдеттүү экендигине кепилдик берет.

Биз сиздин жеке маалыматтарыңызды биздин көрсөтмөлөргө ылайык иш алып барбаган үчүнчү тараптарга ачыкка чыгарбайбыз. Мындан тышкары, биз өз ара аракеттешүүлөрүбүздө Купуялык саясатында каралган милдеттенмелерди бузуп, кардарлардын жеке дайындарын коммерциялык максаттарда сатуу, ижарага берүү, бөлүшүү же башка жолдор менен ачыкка чыгаруу сыяктуу иштерди жасабайбыз.

Буйрутманы аткарууда дайындар төмөнкү адамдар менен бөлүшүлүшү мүмкүн:

1.  Өнүмдү алып кетүү жана жеткирүү тапшырмасын аткарган Курьер.
2. Эгерде сиз буюмду сатып алууну буйрутмалаган болсоңуз, ал буюмду саткан мекеме. Сиз жогоруда аталган кызмат көрсөтүүчүлөр менен түздөн-түз байланышып, буйрутмаларды аларга өзүңүз берген болсоңуз, Glovo ал аткаруучулардын андай дайындарды колдонуу аракети үчүн жооп бербейт.
3.  Glovo инциденттер жөнүндө эскертме жиберүү же кызмат тууралуу калтырылган терс пикирдин себептерин иликтөө боюнча кызматташкан Кардарларды тейлөө кызматтары; дайындар кызматтарды көрсөтүү учурунда пайда болушу мүмкүн болгон ар кандай инциденттерди жөнгө салуу үчүн колдонулат.
4. Төлөм платформасы жана төлөм боюнча кызмат көрсөтүүчүлөр - төлөмдүн суммасы сиздин аккаунтуңуздан алынышы үчүн.
5. Телекоммуникациялык кызмат көрсөтүүчүлөр, алар буйрутмалар же алар менен байланышкан инциденттер тууралуу билдирүүлөрдү жөнөтүү үчүн колдонулганда.
6. Glovo’нун атынан кардарлардын кызмат менен канааттануу деңгээли тууралуу сурамжылоо кызматтарын көрсөтүүчү провайдерлер .

Дайындарыңызды үчүнчү жактар менен бөлүшүү:

Платформа аркылуу сунушталган кызматтарды көрсөтүүнү камсыздоо үчүн, Glovo айрым жеке дайындарыңызды төмөнкү тараптар менен бөлүшүшү мүмкүн:

1. Кызмат көрсөтүүчүлөр: таңгактарды жөнөтүүчү, буйрутмаларды аткарган жана/же жеткирүүгө байланышкан инциденттерди чечкен кызмат көрсөтүүчүлөр сиздин жеке дайындарыңызга өз милдеттерин аткарышы үчүн гана зарыл болгондо кирүү мүмкүнчүлүгүнө ээ. Алар аталган жеке дайындарды ушул Купуялык саясатында жана дайындарды коргоо боюнча каралган тиешелүү мыйзамдарга ылайык иштетүүгө милдеттенишет.
   
2. Дарыканалар: Колдонуудагы мыйзамдарга ылайык, Glovo Колдонуучуларга товарларды саткан фармацевттер дарылар боюнча кеңеш бериши үчүн, аларга атыңызды жана телефон номериңизди бере алат.
   
3. Төлөм боюнча кызмат көрсөтүүчүлөр: Колдонмого картаңыздын номерин киргизгениңизде, ал маалымат Glovo менен келишим түзгөн Төлөм платформаларында түздөн-түз сакталат. Бул картаңыздан төлөмдү алууга мүмкүндүк берет. Төлөм боюнча кызмат көрсөтүүчүлөрдү тандоодо аларда колдонулган коопсуздук чаралары, ошондой эле төлөм кызматтары боюнча мыйзамдарда талап кылынган коопсуздук стандарттарынын жана PCI стандартынын коопсуздук боюнча Төлөм карталары тармагындагы маалыматтардын коопсуздук стандартынын (PCI DSS) талаптарын сактоо эрежеси эске алынат. Glovo эч кандай шарттарда мындай дайындарды сактабайт.
   
4. Шылуунчулукка каршы күрөшүү боюнча кызмат көрсөтүүчүлөр: Glovo аткарылган транзакциялардын тобокелдигин баалоо үчүн, шылуунчулукка каршы күрөшүү кызматын көрсөтүүчү компаниялар менен дайындарыңызды бөлүшөт.
   
5. Айрым дайындарды жашыруун жиберүү боюнча кызмат көрсөтүүчүлөр: Үчүнчү тараптын кызмат көрсөтүүчүлөрү тарабынан дайындарыңыз кыянаттык менен колдонулбашы үчүн, аларга дайындарыңыз жашырылып, кызмат көрсөтүү максатындагы маалыматыңыз гана берилиши мүмкүн. Мисалы, Glovo телефон номериңизди үчүнчү жактарга берип, аларды анонимдүү кылып жашырып туруп, сиз буйрутмалаган кызматтарды аткарган кызмат көрсөтүүчүлөргө номериңизди ушул форматта бериши мүмкүн.
   
6. Күзөт кызматын көрсөткөн компаниялар жана укук коргоо органдары жана агенттиктер: Glovo өзүнүн кардарларынын аккаунттарындагы жеке дайындарын мыйзамдын талаптарын аткаруу үчүн, “Колдонуу шарттарынын” эрежелерин аткаруу же колдонуу үчүн же Glovo’нун, анын колдонуучуларынын же үчүнчү жактардын укуктарын, мүлкүн же коопсуздугун коргоо үчүн муктаждык болгон учурларда ачыкка чыгарышы мүмкүн. Ага алдамчылыктан коргоо жана кредиттик тобокелдикти азайтуу үчүн башка компаниялар жана уюмдар менен, ошондой эле укук коргоо органдары жана агенттиктери менен маалымат алмашууну камтыйт.
   
7. Чалуу борбору жана инциденттерди жөнгө салуу кызматтары: Колдоо кызматынын жана чалуу борборлорунун иштөөсүн камсыз кылуу, кардарлардын канааттануу даражасын өлчөө жана административдик колдоо кызматтарын көрсөтүү үчүн, сиздин дайындарыңыз Европа экономикалык аймагынын чегинен тышкары жайгашкан компанияларга ачыкка чыгарылышы мүмкүн.
   
8. Телекоммуникация кызматтары: Сизге телефон боюнча байланыш кызматтарын көрсөтүү үчүн, Glovo сиз менен байланышуу максатында коопсуз линияларды жана системаларды камсыз кылган телекоммуникациялык компанияларга кайрылышы мүмкүн.
   
9. Glovo тобундагы компаниялар: Өз кызматтарын камсыз кылуу үчүн, Glovo айрым жеке дайындарыңызды колдонуучулар биздин кызматтарыбызга кайрылган географиялык аймактардагы туунду компанияларына өткөрүп бериши мүмкүн. Сиз Glovo кызматы жеткиликтүү болгон өлкөдөн Платформага катталганыңызда, сиздин дайындарыңыз Ирландияда жайгашкан, Испаниянын Glovoapp23, SA компаниясына таандык болгон Glovo маалымат базасында сакталат. Европа экономикалык аймагынын чегинен тышкары жайгашкан туунду компанияларга тиешелүү учурларда, дайындар Европа Комиссиясы жана Маалыматтарды коргоо боюнча жалпы жоболор (GDPR) тарабынан аныкталган тутумдардын жардамы менен жеке дайындарды коргоо боюнча тийиштүү деңгээлде иш жүргүзгөн өлкөлөргө же Европа Комиссиясы тарабынан бекитилген жана маалымат субъекттеринин укуктарынын сакталышына кепилдик берген келишимдер аркылуу өткөрүлүп берилет.
   
10. Колдонуучулар туташтырган социалдык тармактар: Эгер сиз Glovo аккаунтуңузду башка социалдык тармактарга же үчүнчү тараптын платформаларына туташтырсаңыз, Glovo мындай социалдык тармактарга же үчүнчү тараптарга берилген маалыматты тиешелүү социалдык тармактын же үчүнчү тараптын платформасынын купуялык саясатына ылайык колдоно алат.
    
11. Glovo менен коммерциялык максатта байланышкан үчүнчү тараптар: Glovo сиздин жеке дайындарыңызды Glovo менен байланышкан үчүнчү тараптарга төмөнкү шарттарда өткөрүп бере алат: сиз дайындарыңызды өткөрүп берүүгө ачык жана так макулдук берген болсоңуз, жана дайындарды өткөрүп берүүнүн максаты жана алуучу жөнүндө кабардар болгон болсоңуз.
    
12. Компаниянын ээсинин өзгөрүшү: Эгер Glovo’го ээлик кылуучу компания өзгөрсө же анын активдеринин басымдуу бөлүгү үчүнчү тарап тарабынан сатылып алынса, Glovo сизге дайындарды иштетүү боюнча кызматтарды көрсөтүүнү улантуу үчүн, дайындарды жаңы ээлик кылуучу уюмдарга өткөрүп берери жөнүндө кабарлайт.
    
    Glovo туруктуу негизде өнүгүп жаткандыктан, кызматыбыздын айрым бөлүмдөрү, активдери, акциялары же юридикалык жактары сатылып же сатып алынышы мүмкүн жана ага байланыштуу маалымат субъекттеринин дайындары дагы башкаларга өткөрүлүшү мүмкүн. Ал маалымат Glovo тарабынан алынганда, ал Купуялык саясатыбызда белгиленген башка маалымат менен бирдей шарттарда каралат. Сиз аталгандай өткөрүп берүүлөр болушу мүмкүн экенин жана биз жеке дайындарыңызды ушул Купуялык саясатында сүрөттөлгөн максаттар үчүн колдонушубуз мүмкүн экенин билгениңизди моюнга аласыз. Жаңы дайындар көзөмөлдөөчүсү Колдонуучуларга өзүнүн идентификациялык маалыматтарын берет. Glovo өзүнүн дайындарды иштетүү боюнча милдеттерин аткарарын жана эгерде качандыр бир мезгилде дайындар көзөмөлдөөчүсү өзгөрүүчү болсо, ал тууралуу Колдонуучуларга билдирүүгө милдеттүү экенин билдирет. Мындай иштетүү Glovo менен түзүлгөн келишим боюнча жүзөгө ашырылат.
13. Камсыздандыруу компаниялары: Glovo өзү жана аны менен кызматташкан тараптар аткарган иш-аракеттердин натыйжасында келип чыккан дооматтарды жана жоготууларды жөнгө салуу жана иштетүү үчүн, өзү кызматташкан камсыздандыруучу компанияларга жана камсыздандыруу брокерлерине сиздин дайындарыңызды бере алат.

Сиздин дайындарыңыз төмөнкү учурлардан башка шарттарда үчүнчү жактарга берилбейт:

1) Glovo үчүнчү тараптар менен кызматташса, суралган кызматтарды көрсөтүү үчүн зарыл болгондо;

2) Glovo’го сиз ачык жана так мааниде уруксат бергенде;

3) компетенттүү орган тарабынан анын тике милдеттерине ылайык (мыйзамсыз аракеттерди иликтөө, алдын алуу же чара көрүү максаттарында) талап кылынган учурларда;

4) же мыйзам талап кылган учурларда.

Дайындарыңызды Glovo’нун Өнөктөштөрү менен бөлүшүү:

Glovo сиздин дайындарыңызды айрым шарттарда гана Glovo’нун кээ бир алдыңкы Өнөктөштөрү менен төмөнкүдөй учурларда бөлүшө алат:

1) тиешелүү кутучадан белгилөө аркылуу макулдугуңузду алгандан кийин. Алар: (а) сиз берген биринчи буйрутмада же (б) Өнөктөштүн мекемеси аркылуу мурда буйрутмаларды жасап, аларды төлөөнү улантуу үчүн өткөн ар бир буйрутмада болушу мүмкүн.

Макулдугуңузду бергенден кийин, сиз каалаган убакта, Байланыш формасынын жардамы менен аны жокко чыгара аласыз (веб-сайт: glovoapp.com>>Биз менен байланышыңыз>>Саясаттар же Колдонмо аркылуу: Жардам>>Буйрутмага тиешеси жок>>Саясаттар).

2) Өнөктөш менен дайындарды бөлүшүү келишимине кол коюу жана бардык укуктук, коргоо жана техникалык чаралардын аткарылышын камсыз кылуу аркылуу.

 5.4 Сиздин дайындарыңызды канча убакытка чейин сактайбыз?

Glovo сиздин дайындарыңызды келишимдик мамилелердин мөөнөтү аяктаганга чейин жана ал мөөнөт аяктагандан кийин, тиешелүү соттук дооматтарды коюу же алардан коргонуу үчүн мыйзам тарабынан талап кылынган мөөнөткө чейин сактоого тийиш. Дайындарды сактоонун максималдуу мөөнөтү он беш (15) жыл. Ал Glovo’нун мыйзам боюнча талап кылынган милдеттенмелерин аткаруу үчүн, атап айтканда, коомдук коопсуздукту сактоо жана өзүн коргоо максатында, кылмыштарды иликтөөдө жана ачууда укук коргоо органдарына көмөк көрсөтүү, же кылмыш жоопкерчилигине байланыштуу маселелерге, салыктарга, социалдык камсыздоо маселелерине байланыштуу тиешелүү чараларды көрүү үчүн зарыл.

Көрсөтүлгөн мөөнөт, II тиркемеде келтирилген сактоо мөөнөттөрүнүн таблицасында белгиленгендей, дайындарды иштеп чыгуунун максаттарына карата колдонулуучу мыйзамдардын талаптарына жараша кыскараак болушу мүмкүн.

6. КУРЬЕРЛЕР үчүн пайдалуу маалымат:

Glovo Курьерлердин жеке дайындарын төмөнкү максаттарда иштетет:

1. Юридикалык максаттарда.
2. Келишим түзүү максатында.
3. Коопсуздук максатында.
4. Статистика жана изилдөө максаттарында.
Юридикалык максаттар

Glovo сиздин жеке дайындарыңызды төмөнкү максаттарда иштетет:

1) биздин Платформабызга жана бардык колдонуучуларга каршы жасалган шылуунчулук жана потенциалдуу кылмыш аракеттерин аныктоо жана иликтөө;

2) мыйзам боюнча дайындарыңызды белгилүү бир убакытка чейин сактоо талап кылынганда, мыйзам талаптарын аткаруу (дайындарды сактоо боюнча маалыматты II тиркемеден караңыз);

3) маалыматтарды коргоо боюнча жалпы жоболордун (GDPR) жана жергиликтүү мыйзамдардын талаптарына ылайык укуктарды аткаруу боюнча сурамдарыңызды башкаруу жана аткаруу;

4) биздин топко кирген компанияларга каршы берилген соттук дооматтар тууралуу кабарлоо, аларга каршылык билдирүү жана коргонуу;

5) Платформаны колдонуудан келип чыккан буйрутма, жеткирүү көйгөйлөрү жана ар кандай жалпы инциденттерге байланыштуу арыздарыңызды аткаруу жана башкаруу.

Келишим түзүү максаттары

Glovo сиздин жеке дайындарыңызды төмөнкү максаттарда иштетет:

1) Glovo’нун ишмердигин башкаруу жана платформа аркылуу кызматтарды көрсөтүү үчүн колдонуучуларга Glovo платформасына кирүүгө жана аны менен аракеттешүүгө мүмкүнчүлүк берүү;

2) кызмат көрсөтүү башталганга чейин сиздер үчүн маалымат сессияларын өткөрүү (фокус-группалар); технологиялык платформа аркылуу провайдерлер сунуштаган кызматтарга коюлган талаптарды аткаруу; ошондой эле келишимдик мамилелерден келип чыккан милдеттенмелерди аткаруу;

3) көрсөтүлүүчү кызматтар боюнча сиздин оюңузду жана сын-пикирлериңизди билүү үчүн Платформаны колдонуу тажрыйбаңызды жана фокус-топтордун натыйжалуулугун изилдөө;

4) талап кылынган учурларда, сизди кызматтарды көрсөтүү үчүн зарыл болгон жабдуулар жана материалдар менен камсыз кылуу;

5) буйрутманы жеткирүү учурунда сиз кырсыкка кабылган учурларда камсыздандыруу полисин иштетүү;

6) сизге буйрутмаларды дайындоо жана Кардарларга алардын буйрутмаларын жеткирүү учурунда аларга сиздин бараткан жериңизди көрсөтүү;

7) кызматтарды көрсөтүүдө сизге кардарларды тейлөө борборлоруна кайрылуу аркылуу жардам көрсөтүү;

8) биздин кызматтарыбызга, жоболорго жана шарттарга, купуялык саясатына, Cookie файлдарын иштетүү боюнча саясатына жана башка корпоративдик документтерге олуттуу өзгөртүүлөр же жаңыртуулар киргизилгенде, сизге кабарлоо.

Коопсуздук максаттары

Glovo сиздин жеке дайындарыңызды төмөнкү максаттарда иштетет:

1) коноктордун Курьердик борбордун объекттерине кирүүсүн көзөмөлдөө жана товарлардын жана объекттердин сакталышын камсыз кылуу;

2) туура эмес төлөмдөрдүн, акчаны адалдоонун (айрыкча  төлөм накталай акча менен жүргүзүлгөндө) алдын алуу жана аныктоо үчүн колдонуучунун түзмөгү, жайгашкан жери, профили, колдонуу тажрыйбасы жана башка дайындарын колдонуу;

3) бийлик органдары, администрация же сот тарабынан жиберилген сурам боюнча Glovo’дон иликтөө максаттарында маалымат суралганда (мисалы, баңги заттарга, шылуунчулукка, терроризмге каршы күрөшүү долбоорлордун алкагында), мамлекеттик органдар менен кызматташат.

4) келишимдин шарттарын чечмелөөгө же аткарууга байланыштуу тараптардын ортосунда талаш-тартыш келип чыккан учурда Glovo’нун кызыкчылыктарын коргоо;

5) компенсацияларды төлөө, бухгалтерлик эсеп жүргүзүү, салык салуу жана каржылык милдеттенмелерди аткаруу.

Статистика жана изилдөө максаттарында

Glovo сиздин статистикаңызды жеке дайындарыңыздын негизинде төмөнкү максаттарда иштетет:

1) идентификацияланбаган, жалпы дайындардын негизинде статистикалык жана каржылык эсептөөлөрдү жүргүзүү;

2) аракеттешүүлөрдүн сапатын баалоо жана сиздин пикириңизди изилдөө үчүн ыктыярдуу жана анонимдүү анкеталарды, ошондой эле сизге кызыктуу болушу мүмкүн болгон сурамжылоолорду, конкурстарды жана билдирүүлөрдү жөнөтүү.

6.2 Сиз жөнүндө кандай дайындар сакталат жана сиздин жеке дайындарыңыз кантип чогултулат?

Glovo сиз тууралуу төмөнкү дайындарды сактайт:

1.   Аты-жөнүңүз: келишимдик мамилелерди ишке ашыруу.

2.   Өздүк күбөлүгүңүздүн номери / Чет элдик жарандын картасы: келишимдик мамилелерди ишке ашыруу – эсеп коюу жана мыйзам боюнча тиешелүү болгон талаптарды аткарууну камсыздоо.

3.   Социалдык камсыздандыруу күбөлүгүңүздүн номери: төлөмдөрдү көзөмөлдөө жана мыйзам боюнча тиешелүү болгон талаптарды аткаруу.

4.   Банктык эсептериңиздин реквизиттери жана эсеп коюу үчүн дайындарыңыз: келишимдик милдеттенмелерди аткаруу же сатып алууларды же кызматтарды көзөмөлдөө үчүн зарыл болгон учурларда колдонууга эсеп коюу үчүн дайындар, учурдагы эсептердин дайындары же кредиттик карталардын номерлери.

5.   Фото: жол коопсуздугу, эсептик дайындарды шылуунчулук максаттарда колдонуунун алдын алуу жана коомдук коопсуздук.

6.   Сүрөт: видеокөзөмөл жана компаниянын имараттарына кирүүлөрдү көзөмөлдөө.

7.   Колдоо кызматына кайрылганда үндөрдү жазуу (биометрикалык маалыматтары жок): келишимдик мамилелерди ишке ашыруу жана мыйзам боюнча тиешелүү талаптарды аткаруу.

8.   Кол тамгаңыз: келишимдик мамилелерди ишке ашыруу.

9.   Туулган күнүңүз: мыйзам талаптарын аткаруу.

10.    Туруктуу жашаган жериңиз тууралуу маалымат (резидент/резидент эмес): мыйзам боюнча.

11.    Кырсыкка кабылуу учурларында камсыздандыруу полиси: кырсыкка кабылууда чыгымдардан камсыздандыруу процессин башкаруу.

12.    Айдоочулук күбөлүк: жол коопсуздугу үчүн.

13.    Жеке унаа каражаты: келишимдик мамилелерди ишке ашыруу.

14.    Жеке унаа каражатынын камсыздандыруу полиси: келишимдик мамилелерди ишке ашыруу.

15.    Геолокация: жол коопсуздугун камсыз кылуу жана салыктык жана бухгалтердик милдеттенмелерди аткаруу боюнча кызматтарды көрсөтүүдө кызмат көрсөтүүчүнүн жайгашкан жерин башкаруу.

16.    Телефон номери жана электрондук почтасы (Байланыш дайындары): келишимдик мамилелерди ишке ашыруу жана байланыш каналдары (мисалы, SMS, электрондук почта, Whatsapp билдирүүлөрү, ж.б.) аркылуу билдирүүлөрдү жөнөтүү аркылуу Курьер менен байланышуу мүмкүнчүлүгүн камсыз кылуу.

17.    Интернет байланышы: келишимдик мамилелерди ишке ашыруу.

18.    Сүйлөшүүлөр тууралуу маалымат: Кызматтарыбыздын сапатын, ошондой эле инциденттерди жөнгө салууну жакшыртуу жана кепилдөө жана коопсуздук максатында жардам берүү үчүн Курьерлер менен Glovo’нун ортосундагы маектешүүлөрдү транскрипциялоо жана жаздыруу.

6.3 Сиздин дайындарыңыз эмне үчүн берилет жана алардын алуучулары кимдер?

Сиздин дайындар Glovo менен келишимдик мамилелерди түзүү, аткаруу жана токтотуу үчүн зарыл болгон учурларда гана үчүнчү тараптарга ачыкка чыгарылышы мүмкүн. Дайындарды иштетүүчүлөр катары дайындалган үчүнчү тараптын маалымат алуучулары төмөнкүлөр:

1) бухгалтердик эсеп, эмгек, салык, камсыздандыруу, юридикалык жана техникалык маселелер боюнча кеңешчилер жана консультанттар;
2) мамлекеттик бийлик органдары (салык органдары, социалдык камсыздандыруу мекемелери ж.б.);
3) улуттук коопсуздук органдары, соттор, элдештирүү комиссиялары жана арбитраждык органдар;
4) укуктук маселелерди жөнгө салуучу мамлекеттик органдар.

Милдеттенмелерди аткаруу учурунда жана сиз өзүңүздүн милдеттериңизди аткарышыңызга кепилдик берүү үчүн, дайындарыңыз төмөнкү тараптарга ачыкталат:

1) Glovo менен коммерциялык келишим түзгөн мекемелер;
2) сиз аткарууга макул болгон буйрутмаларды жайгаштырган колдонуучулар;
3) сизге жеңилдиктери жана/же арзандатуулары бар коммерциялык сунуштарды берген тышкы кызмат көрсөтүүчүлөр.

Glovo ушуну менен сизге Дайындар Glovo тобундагы компанияларга жогоруда аталган максаттарда ачыкка чыгарылышы мүмкүн экенин билдирет.

Маалыматтар, ошондой эле Европа Биримдигинин алкагында жана анын чегинен тышкары жайгашкан, компьютердик маалыматтарды сактоо жана башкаруу үчүн жооптуу болгон Glovo тобуна кирген компанияларга же үчүнчү тараптарга, тараптардын ортосундагы келишимдик мамилелерди башкаруу максаттары үчүн гана жана тиешелүү маалыматтарды коргоо шарттарына ылайык өткөрүлүп берилиши мүмкүн. Бул документ менен Glovo сиздин дайындарыңызды ачыкка чыгарууда жогоруда аталган мыйзамдардын талаптарын сактоону камсыз кылуу үчүн талап кылынган бардык чаралар көрүлгөнүн билдирет.

6.4 Сиздин дайындарыңызды канча убакытка чейин сактайбыз?

Glovo сиздин дайындарыңызды келишимдик мамилелердин мөөнөтү аяктаганга чейин жана ал мөөнөт аяктагандан кийин, тиешелүү соттук дооматтарды коюу же алардан коргонуу үчүн мыйзам тарабынан талап кылынган мөөнөткө чейин сактоого тийиш. Дайындарды сактоонун максималдуу мөөнөтү он беш (15) жыл. Ал Glovo’нун мыйзам боюнча талап кылынган милдеттенмелерин аткаруу үчүн, атап айтканда, коомдук коопсуздукту сактоо жана өзүн коргоо максатында, кылмыштарды иликтөөдө жана ачууда укук коргоо органдарына көмөк көрсөтүү, же кылмыш жоопкерчилигине байланыштуу маселелерге, салыктарга, социалдык камсыздоо маселелерине байланыштуу тиешелүү чараларды көрүү үчүн зарыл.

Көрсөтүлгөн мөөнөт, II тиркемеде келтирилген сактоо мөөнөттөрүнүн таблицасында белгиленгендей, дайындарды иштеп чыгуунун максаттарына карата колдонулуучу мыйзамдардын талаптарына жараша кыскараак болушу мүмкүн.

7. ӨНӨКТӨШТӨР үчүн пайдалуу маалымат:

7.1 Дайындарды иштетүүнүн максаттары жана укуктук негизи эмнеде?

Glovo сиздин жеке дайындарыңызды төмөнкү максаттарда иштетет:

1) сизге өз аккаунтуңузду түзүүгө жана Glovo менен кызматташууга, бизнесиңизге потенциалдуу кардарларды тартууга жана төлөмдөрдү иштетүү үчүн технологиялык каражаттар менен камсыз кылып жана дүкөндө сатууга жана продукцияны жеткирүүгө байланышкан башка кызматтарды көрсөтүүгө, ошондой эле аларды аткарууда келип чыккан инциденттерди жөнгө салууга мүмкүнчүлүк берүү;

2) суроолоруңузга жооп берүү же консультация берүү аркылуу сизге колдоо көрсөтүү.

7.2 Сиз жөнүндө кандай дайындар сакталат жана сиздин жеке дайындарыңыз кантип чогултулат?

Glovo сиз тууралуу төмөнкү дайындарды сактайт:

1. Сиз түздөн-түз берген маалымат:

1.1.  Каттоо дайындары: Glovo платформасында аккаунт түзгөнүңүздө сиз берген маалымат: колдонуучунун аты жана электрондук почтасы.

1.2. Колдонуучунун профили тууралуу маалымат телефон номери жана электрондук почтасы; кызматташууну ишке ашыруу жана ар кандай байланыш каналдары, мисалы: SMS, электрондук почта аркылуу Өнөктөш же Инвестор менен байланышуу. 

1.3. Glovo менен жүргүзүлгөн сүйлөшүүлөрдүн маалыматы  Кызматтарыбыздын сапатын жакшыртуу жана кепилдөө максатында, ошондой эле коопсуздук максатында инциденттерди жөнгө салуу, сурамдарды карап чыгуу же башка кеңештерди берүү үчүн маектешүүлөрдү транскрипциялоо жана жаздыруу.

1.4. Сурамдарыңызда, комментарийлериңизде же суроолоруңузда берген бардык кошумча маалымат  

7.3 Сиздин дайындарыңызды канча убакытка чейин сактайбыз? 

Glovo сиздин дайындарыңызды келишимдик мамилелердин мөөнөтү аяктаганга чейин жана ал мөөнөт аяктагандан кийин, тиешелүү соттук дооматтарды коюу же алардан коргонуу үчүн мыйзам тарабынан талап кылынган мөөнөткө чейин сактоого тийиш. Дайындарды сактоонун максималдуу мөөнөтү он беш (15) жыл. Ал Glovo’нун мыйзам боюнча талап кылынган милдеттенмелерин аткаруу үчүн, атап айтканда, коомдук коопсуздукту сактоо жана өзүн коргоо максатында, кылмыштарды иликтөөдө жана ачууда укук коргоо органдарына көмөк көрсөтүү, же кылмыш жоопкерчилигине байланыштуу маселелерге, салыктарга, социалдык камсыздоо маселелерине байланыштуу тиешелүү чараларды көрүү үчүн зарыл.

Көрсөтүлгөн мөөнөт, II тиркемеде келтирилген сактоо мөөнөттөрүнүн таблицасында белгиленгендей, дайындарды иштеп чыгуунун максаттарына карата колдонулуучу мыйзамдардын талаптарына жараша кыскараак болушу мүмкүн.

8. ИНВЕСТОРЛОР үчүн пайдалуу маалымат:

8.1 Дайындарды иштетүүнүн максаттары жана укуктук негизи эмнеде?

Glovo сиздин жеке дайындарыңызды төмөнкү максаттарда иштетет:

1) Инвестордун юридикалык ишмердигин комплекстүү түрдө текшерүү боюнча Glovo’нун шайкештик моделинин талаптарын аткаруу;

2) Инвестор катары сиз менен болгон мамилени формалдаштыруу;

3) Сизге Glovo’нун корпоративдик иштери жана ал иштердин натыйжалары жөнүндө кабарларды жиберип туруу.

8.2 Сиз жөнүндө кандай дайындар сакталат жана сиздин жеке дайындарыңыз кантип чогултулат?

1. Сиз түздөн-түз берген маалымат:

1.1.  Каттоо дайындары: Glovo платформасында аккаунт түзгөнүңүздө сиз берген маалымат: колдонуучунун аты жана электрондук почтасы.

1.2. Колдонуучунун профили тууралуу маалымат:  телефон номери жана электрондук почтасы; кызматташууну ишке ашыруу жана ар кандай байланыш каналдары, мисалы: SMS, электрондук почта. 

1.3. Glovo менен жүргүзүлгөн сүйлөшүүлөрдүн маалыматы: Кызматтарыбыздын сапатын жакшыртуу жана кепилдөө максатында, ошондой эле коопсуздук максатында инциденттерди жөнгө салуу, сурамдарды карап чыгуу же башка кеңештерди берүү үчүн маектешүүлөрдү транскрипциялоо жана жаздыруу.

1.4. Сурамдарыңызда, комментарийлериңизде же суроолоруңузда берген бардык кошумча маалымат.

8.3 Сиздин дайындарыңызды канча убакытка чейин сактайбыз? 

Glovo сиздин дайындарыңызды келишимдик мамилелердин же инвестициялык мамилелердин мөөнөтү аяктаганга чейин жана ал мөөнөт аяктагандан кийин, тиешелүү соттук дооматтарды коюу же алардан коргонуу үчүн мыйзам тарабынан талап кылынган мөөнөткө чейин сактоого тийиш. Дайындарды сактоонун максималдуу мөөнөтү он беш (15) жыл. Ал Glovo’нун мыйзам боюнча талап кылынган милдеттенмелерин аткаруу үчүн, атап айтканда, коомдук коопсуздукту сактоо жана өзүн коргоо максатында, кылмыштарды иликтөөдө жана ачууда укук коргоо органдарына көмөк көрсөтүү, же кылмыш жоопкерчилигине байланыштуу маселелерге, салыктарга, социалдык камсыздоо маселелерине байланыштуу тиешелүү чараларды көрүү үчүн зарыл.

Көрсөтүлгөн мөөнөт, II тиркемеде келтирилген сактоо мөөнөттөрүнүн таблицасында белгиленгендей, дайындарды иштеп чыгуунун максаттарына карата колдонулуучу мыйзамдардын талаптарына жараша кыскараак болушу мүмкүн.

9. ЖУМУШ ИЗДӨӨЧҮЛӨР үчүн пайдалуу маалымат:

9.1 Дайындарды иштетүүнүн максаттары жана укуктук негизи эмнеде?

Glovo сиздин жеке дайындарыңызды төмөнкү максаттарда иштетет:

1) Glovo’до пайда болгон же пайда болуучу жумуш орундарына сиздин ылайыктуулугузду баалоо. Ага кошумча, Glovo сиздин дайындарыңызды тиешелүү вакансияга ылайык келишиңизди аныктоо үчүн зарыл деп эсептелген интервьюларды өткөрүү, билимиңизди текшерүү, сиз мурда иштеген компаниялар менен байланышуу, рекомендацияларыңызды текшерүү, сиздин жалпы жөндөмдөрүңүздү жана тажрыйбаларыңызды баалоо үчүн иштеп чыгат.

2) сизди кызыктырышы мүмкүн болгон жумуш орундарыбыз тууралуу маалымат берүү.

9.2 Сиз жөнүндө кандай дайындар сакталат жана сиздин жеке дайындарыңыз кантип чогултулат?
Glovo сиз тууралуу төмөнкү дайындарды сактайт:

1. Сиз түздөн-түз берген маалымат:
   

1.1.  Каттоо маалыматтары: Glovo компаниясына вакансияга тапшырууда же вакансияларга байланыштуу сизди кызыктырган маалыматты сураганыңызда сиз берген маалымат, анын ичинде сиздин резюмеңиздин дайындары жана интервью учурунда сиз берген кошумча маалымат, адистик билимиңизди же жөндөмүңүздү баалоонун жыйынтыктары, сиз иштеген мурунку компаниялардан жана сунуштардан алынган маалымат.

1.2. Академиялык жана кесиптик квалификациялар жөнүндө маалыматтар: билими, иш тажрыйбасы, кесиптик бирикмелерде мүчөлүгү, тренингдер, квалификациялык даражасы.

1.3. Сурамдарыңызда, комментарийлериңизде же суроолоруңузда берген бардык кошумча маалымат.

 9.3 Сиздин дайындарыңызды канча убакытка чейин сактайбыз?

Сиздин дайындарыңыз тандоо процесси бүткөнчө сакталат жана, эгерде тандоодон өтпөй калсаңыз, тандоо процесси аяктагандан кийин эки (2) жыл бою сакталат — ал талапкерге ал тапшырган вакансияга окшош же болушу мүмкүн болгон башка вакансияларды сунуштоо үчүн жасалат.

Эгер сиз биздин Glovo Careers порталында катталган болсоңуз, сиздин жеке дайындарыңыз сиздин колдонуучу же жумуш издөөчү катары иштеткен профилиңизге киргизген маалыматыңыз өчүрүлгөнчө сакталышы мүмкүн.

Кээ бир учурларда, айрым маалыматтарды мыйзам боюнча талап кылынган жоболорду аткаруу үчүн (мисалы, сиздин арызыңыз боюнча шылуунчулук болгон учурда) сактоого туура келиши мүмкүн. Мындай учурда II тиркемедеги таблицада келтирилген жалпы сактоо мөөнөттөрү колдонулат.

I ТИРКЕМЕ – ЖАЛПЫ САКТОО МӨӨНӨТТӨРҮ

10. КЫЗЫКДАР ТАРАПТАР үчүн пайдалуу маалымат:

10.1 Дайындарды иштетүүнүн максаттары жана укуктук негизи эмнеде?

Glovo сиздин жеке дайындарыңызды төмөнкү максаттарда иштетет:

1) Glovo тарабынан сунушталган өнүмдөр жана/же кызматтар боюнча суроо-талаптарыңызды иштеп чыгуу жана эки тараптын ортосундагы потенциалдуу мамилелерди башкаруу;

2) сиздин сурамдарыңызда көрсөтүлгөндөргө окшош Glovo’нун өнүмдөрү жана/же кызматтары боюнча жарнамалык, коммуникациялык, изилдөө иштерин жүргүзүү.

10.2 Сиз жөнүндө кандай дайындар сакталат жана сиздин жеке дайындарыңыз кантип чогултулат?

Glovo сиз тууралуу төмөнкү дайындарды сактайт:

1. Сиз түздөн-түз берген маалымат:
   
   

1.1.  Каттоо маалыматтары: биздин өнүмдөрүбүзгө жана/же кызматтарыбызга байланыштуу маалымат талап кылынганда сиз берген маалымат.

1.2. Сурамдарыңызда, комментарийлериңизде же суроолоруңузда берген бардык кошумча маалымат.

10.3 Сиздин дайындарыңызды канча убакытка чейин сактайбыз?

Glovo сиздин дайындарыңызды сурамыңыз боюнча сизге тиешелүү жоопторду берүү үчүн керектүү болгон убакытка чейин жана ал мөөнөт аяктагандан кийин, тиешелүү соттук дооматтарды коюу же алардан коргонуу үчүн мыйзам тарабынан талап кылынган мөөнөткө чейин сактоого тийиш.

Көрсөтүлгөн мөөнөт, II тиркемеде келтирилген сактоо мөөнөттөрүнүн таблицасында белгиленгендей, дайындарды иштеп чыгуунун максаттарына карата колдонулуучу мыйзамдардын талаптарына жараша өзгөртүлүшү мүмкүн.

11. ВЕБ-САЙТТЫН КОНОКТОРУ үчүн пайдалуу маалымат:11.1 Дайындарды иштетүүнүн максаттары жана укуктук негизи эмнеде?

Glovo сиздин жеке дайындарыңызды төмөнкү максаттарда иштетет:

1) Glovo веб-сайтында же биздин блогдо калтырган комментарийлериңизге көз салуу. Ага, сиздин макулдугуңуз боюнча, сиз комментарий калтырган макалага жазылган жаңы комментарийлер жөнүндө билдирме, ошондой эле блогдо же биздин веб-сайтта жарыяланган жаңы посттор жөнүндөгү маалымат дагы кириши мүмкүн;

2) сурамдарыңызга жооп берүү.

11.2 Сиз жөнүндө кандай дайындар сакталат жана сиздин жеке дайындарыңыз кантип чогултулат?

Glovo сиз тууралуу төмөнкү дайындарды сактайт:

1. Сиз түздөн-түз берген маалымат:
   
   

1.1.  Каттоо маалыматтары: биздин өнүмдөрүбүзгө жана/же кызматтарыбызга байланыштуу маалыматты сураганда сиз берген маалымат.

1.2. Сурамдарыңызда, комментарийлериңизде же суроолоруңузда берген бардык кошумча маалымат.

1.3. Cookie файлдарынан алынган маалыматтар: GLOVO өзүнүн колдонуучулары үчүн навигацияны жеңилдетүү үчүн жана статистикалык максаттар үчүн өзүнүн жана үчүнчү тараптын cookie файлдарын колдонот (Cookie файлдарын колдонуу боюнча саясатты караңыз).

11.3 Сиздин дайындарыңызды канча убакытка чейин сактайбыз?

Glovo сиздин дайындарыңызды сурамыңыз боюнча сизге тиешелүү жоопторду берүү үчүн керектүү болгон убакытка чейин жана ал мөөнөт аяктагандан кийин, тиешелүү соттук дооматтарды коюу же алардан коргонуу үчүн мыйзам тарабынан талап кылынган мөөнөткө чейин сактоого тийиш.

Көрсөтүлгөн мөөнөт, II тиркемеде келтирилген сактоо мөөнөттөрүнүн таблицасында белгиленгендей, дайындарды иштеп чыгуунун максаттарына карата колдонулуучу мыйзамдардын талаптарына жараша өзгөртүлүшү мүмкүн.

Glovo веб-сайтында жана/же блогунда жарыяланган макалаларыбызга калтырылган комментарийлер пост жарыяланып турганда чексиз убакытка чейин сакталышы мүмкүн

12. Биз эл аралык дайындарды берүүнү аткарабызбы?

Кызмат көрсөтүүчүлөрдү тандоодо Glovo сиздин дайындарыңызды Европалык Экономикалык Аймактын чегинен тышкаркы өлкөлөргө, мисалы, Америка Кошмо Штаттарына өткөрүп бериши мүмкүн. Мындай учурларда, Glovo дайындарды жөнөтөрдөн мурун, ал кызмат көрсөтүүчүлөр Европа Комиссиясы тарабынан белгиленген стандарттык жоболорду жана минималдуу коопсуздук стандарттарын аткарышарын жана алар дайындарды ар дайым Glovo’нун көрсөтмөлөрүнө ылайык дайындар иштетишерин текшерет.

Дайындарды эл аралык деңгээлде өткөрүп берүү үчүн негиздер жана көрсөтмөлөр

Glovo кызмат көрсөтүүчүлөр менен келишимдик мамиледе болуп, ага ылайык кызмат көрсөтүүчүлөр Glovo’нун көрсөтмөлөрүн аткарууга жана дайындарды коргоо үчүн талап кылынган коопсуздук чараларын кабыл алууга макул болушат.

Эгер Евробиримдиктин же ЕБга мүчө мамлекеттердин мыйзамдары боюнча Glovo’дон дайындарды кошумча иштетүү талап кылынса, Glovo бул мыйзам талаптарын аткаруудан мурун кызмат көрсөтүүчүгө ал тууралуу кабарлайт.

Glovo жеке көрсөтмөлөр аркылуу кызмат көрсөтүүчүгө мурда берилген көрсөтмөлөрүн өзгөртүп, толуктап же алмаштыра алат жана ал үчүн тиешелүү көрсөтмөлөрдү каалаган убакта чыгарууга укуктуу. Ага, башка нерселер менен катар, дайындарды оңдоо, жок кылуу жана тыюу салуу боюнча көрсөтмөлөр кирет. Берилген көрсөтмөлөрдүн баары Glovo тарабынан дагы, кызмат көрсөтүүчү тарабынан дагы документтештирилиши керек.

Кызмат көрсөтүүчүлөргө коюлган талаптар

Кызмат көрсөтүүчүлөр дайындарды башкы келишимге жана Glovo’нун көрсөтмөлөрүнө ылайык гана чогултууга, иштетүүгө же колдонууга укуктуу. Бул, өзгөчө, жеке дайындарды үчүнчү өлкөгө же эл аралык уюмдарга өткөрүп берүүгө тиешелүү.

Тышкы кызмат көрсөтүүчүлөр Glovo тарабынан берилген көрсөтмөлөр алардын пикири боюнча дайындарды коргоо мыйзамдарынын талаптарына туура келбесе, ал тууралуу Glovo’го билдирүүгө милдеттүү. Ал тургай, кызмат көрсөтүүчүлөр тиешелүү көрсөтмөлөр Glovo тарабынан тастыкталып же өзгөртүлгөнгө чейин аларды аткарууну токтотуп турууга укуктуу. Кызмат көрсөтүүчүлөр мыйзамга карама-каршы келгендиги айкын болгон көрсөтмөлөрдү аткаруудан баш тартууга милдеттүү.

13. Биз автоматтык чечим кабыл алуу ыкмаларын колдонобузбу?

Glovo Колдонуучуга/Курьерге/Жумуш издөөчүгө олуттуу таасир эте турган чечимдерди дайындарды автоматташтык түрдө иштетүүнүн негизинде гана кабыл албайт (мисалы, биздин Колдонуучулар мурда бир нерсе буйрутма берген мекемелерден кайра буйрутма кылуу). Glovo’до чечим кабыл алуу процесстери адам аркылуу гана ишке ашырылат (мисалы, сунуштарды алуу үчүн Колдонуучу жооп бериши керек болгон шарттар аныкталат (мисалы, жайгашкан жер).

Курьерлер үчүн юридикалык таасири бар автоматташтырылган чечимдерди кабыл алууда төмөнкүлөр эске алынууга тийиш:

1.       Чечимдерди кабыл алууда Курьерлердин жеке маалыматтарын автоматташтык түрдө иштетүүдө алынган маалыматтар гана эмес, ошондой эле зарыл болгон учурда кызмат көрсөтүүнү баалоо маалыматтары да эске алынат.

2.       Эске алынуучу бардык параметрлер кардарлар же мекемелер тарабынан кол менен киргизилет.

3.       Мындай чечимдерди кабыл алуу үчүн колдонулган бардык параметрлер жана көрсөткүчтөр ар дайым, аны кайсы Курьер аткарганына карабастан, тейлөөгө жана шарттарды аткарууга гана тиешелүү.

4.       Төмөндө айтылгандай, профилдер Курьерлердин жеке дайындары же жеке мүнөздөмөлөрү боюнча түзүлбөйт.

5.       Эч кандай шарттарда Курьерлердин жеке сапаттары же алардын кесиптик ишмердүүлүгүнө тиешеси жок фактылар эске алынбайт.

6.       Натыйжалар Курьерлердин мурунку өз ыктыяры менен аткарган аракеттерине гана негизделет.

7.       Курьерлер менен Glovo’до болгон дайындардын ортосунда ката жана/же дал келбестиктер болгон учурда натыйжаларга оңдоолор киргизилиши мүмкүн.

8.       Курьерлерге өз укуктарын колдонууга эч кандай тоскоолдук кылынбайт.

9.       Курьерлерге товарды же кызматты колдонууга тоскоолдук кылынбайт.

10.   Курьерлерге башкалар менен келишимдик мамилерлерди түзүүгө тоскоолдук кылынбайт.

14. Биз профилдештирүүнү аткарабызбы?

Колдонмону иштетүүдө, Glovo кызматты Колдонуучулардын муктаждыктарына жараша ылайыкташтырып, жакшыртуу үчүн аларды Колдонмону иштетүү жөнүндө берген маалыматтарынын негизинде категорияларга бөлөт.

Классификация жеке дайындарды колдонуу менен гана жүргүзүлөт. Колдонуучулар бизге берген маалыматты (мисалы, мурунку буйрутмалар жана жаңы колдонуучулардын арасында популярдуу болгон мекемелер жөнүндө маалымат) Колдонуучуларды кызыктырышы мүмкүн болгон окшош мекемелерди сунуштоо үчүн гана колдонобуз. Бул классификация биздин Колдонуучуларга алардын каалоолоруна ылайыктуу мазмунду, Өнөктөштөрдү же сунуштарды таап, сунуштоо үчүн гана мүмкүндүк берет жана Колдонуучулар үчүн Glovo, Өнөктөштөр же Курьерлер тарабынан кызматтарды көрсөтүү үчүн анын эч кандай юридикалык кесепеттери жок.

15. Биз кандай коопсуздук чараларын колдонобуз?

Glovo Европа Комиссиясы жана компетенттүү органдар тарабынан жеке дайындарды өзгөртүү, жоготуу же аларга уруксатсыз кирүү же иштетүүнүн алдын алуу боюнча иштелип чыккан жеке дайындардын мүнөзүнө жана кайра иштетүүнүн шарттарына ылайык талап кылынган коопсуздук деңгээлин сактоо үчүн талап кылынган зарыл чараларды көргөн. Жогоруда айтылгандай, берилген жеке дайындар маалымат субъекттеринин алдын ала берилген уруксатысыз үчүнчү жактарга ачыкка чыгарылбайт.

16. Аныктамалар    

Бул документтин максаттары үчүн:

a)      “Дайындар көзөмөлдөөчүсү” деген төмөнкүлөрдү билдирет: жеке дайындарды иштетүүнүн максаттарын жана каражаттарын аныктоо үчүн жооптуу уюм

b)      “Дайындарды иштетүүчү” деген төмөнкүлөрдү билдирет: көзөмөлдөөчүнүн атынан жеке дайындарды иштетүүгө жооптуу уюм

c)      “GDPR” деген төмөнкүлөрдү билдирет: Маалыматтарды коргоо боюнча жалпы жоболор ((ЕБ) 2016/679)

d)      “Гловер(лер)”ошондой эле “Курьер(лер)” деген төмөнкүлөрдү билдирет: колдонуучуга жеткирүү кызматтарын көрсөтүү үчүн жооптуу болгон жана мындай кызматтарды аткаруу үчүн Колдонуучунун жеке дайындарына кирүүгө укугу бар көз карандысыз адистер

e)      “Glovo” ошондой эле “биз” / “биздин” деген төмөнкүлөрдү билдирет: Колдонуучу(лар) же Курьер(лер) веб-сайтта же Колдонмодо биринчи жолу катталган өлкөгө тиешелүү Glovo компаниялар тобунун компаниясы. Мындай компаниянын юридикалык реквизиттери мындан ары “Сиздин жеке дайындарыңыздын көзөмөлдөөчүсү ким?” деген бөлүмдө камтылган.

f)        "Инвестор(лор)" деген төмөнкүлөрдү билдирет: финансылык киреше алуу максатында ишмердүүлүк үчүн капитал кошууга кызыкчылыгы болгон жак

g)      “Жумуш издөөчү” деген төмөнкүлөрдү билдирет: Glovo веб-сайтынан же Колдонмосунан жумуш издеп кайрылган адам(дар)

h)      “Жергиликтүү мыйзамдар” деген төмөнкүлөрдү билдирет: сиз жашаган өлкөдө колдонулуучу дайындарды коргоо боюнча мыйзам жоболору

i)        “Буйрутма(лар)” деген төмөнкүлөрдү билдирет: Колдонуучу Glovo платформасы аркылуу буйрутмалаган тамак-аш/азык-түлүктөр жана башка продукциялар жана/же кызматтар

j)        “Өнөктөш(төр)” деген төмөнкүлөрдү билдирет: Колдонуучуларга Glovo платформасы аркылуу алардын өнүмдөрүн жана/же кызматтарын сунуштаган жергиликтүү мекемелер, “товарларды чекене сатуучу”, “жеткизүүчү” же "сатуучу" физикалык мекемелер

k)      “Жеке дайындар” деген төмөнкүлөрдү билдирет: Колдонуучу(лар)га, Курьер(лер)ге, Жумуш издөөчү(лөр)гө, Өнөктөшкө(/төргө), Инвестор(лор)го, Кызыкдар тарап(тар)га, Веб-сайттын Конокторуна тиешелүү аларды идентификациялоого мүмкүндүк берген маалымат

l)        “Платформа” деген төмөнкүлөрдү билдирет: Glovo веб-сайты жана Колдонмо (экөө тең жана ар бири өз алдынча)

m)    “Колдонмо” деген төмөнкүлөрдү билдирет: “Колдонмо” сөзү “Платформа” деген сөз менен алмаштырылып колдонулат жана эки сөз тең бир маанини туюндурат: экөө тең жана ар бири өз алдынча Glovo веб-сайты жана Колдонмо

n)      “Жеке дайындарды иштетүү” ,ошондой эле “Дайындарды иштетүү аракет(тер)и” деген төмөнкүлөрдү билдирет: сиздин Жеке дайындарыңыз же алардын үстүнөн аткарылган ар кандай иш-аракеттер, мисалы, топтоо, уюштуруу, кирүү, кармоо, сактоо, ачыкка чыгаруу, ылайыкташтыруу, жок кылуу, өчүрүү же кандайдыр бир жол менен дайындарды колдонуу

o)      “Профилдештирүү” – бул компьютерлештирилген дайындарды талдоо жолу менен түзүлгөн колдонуучунун профилин түзүү жана колдонуу процесси, ошондой эле маалымат базаларында топтолгон дайындардын көлөмү боюнча схемаларды же корреляцияларды табууга мүмкүндүк берген алгоритмдерди же башка математикалык ыкмаларды колдонуу

p)      “Кызыкдар тараптар” деген төмөнкүлөрдү билдирет: Glovo’нун кызматтары боюнча маалымат алуу үчүн Glovo компаниясынын формалары аркылуу жеке дайындарын калтырган адамдар

q)      “Колдонуучу(лар)” деген төмөнкүлөрдү билдирет: Glovo веб-сайтында же Колдонмосунда катталган адам(дар)

r)       “Веб-сайттын коногу/коноктору” деген төмөнкүлөрдү билдирет: Glovo веб-сайтын карап чыккан, Glovo’нун постторуна комментарий калтырган же веб-сайт аркылуу кандайдыр бир суроолорду берген адам(дар)

I ТИРКЕМЕ – GLOVO КОМПАНИЯЛАРЫНЫН ТОБУНА КИРГЕН КОМПАНИЯЛАРДЫН ДАЙЫНДАРЫ