კომპანიის საფირმო სახელწოდება: შპს ,,გლოვოაფფ ჯორჯია“

საიდენტიფიკაციო ნომერი: 402099475

იურიდიული მისამართი: საქართველო, თბილისი, დიდუბის რაიონი, დ. აღმაშენებლის გამზ, N129ა, მაღაზია N4.

საკონტაქტო საშუალება მომხმარებლებთან: GLOVOს პლატფორმაზე (მობილურ ან ვებ აპლიკაციაში) არსებული ,,ჩატი“ (,,დახმარება“ / ,,HELP” > ,,მხადაჭერის ცენტრი“ / "Support Center”)

1.        სამართლებრივი ურთიერთობა GLOVOს, პარტნიორსა და მომხმარებელს შორის

1.1      GLOVO (www.glovoapp.com) წარმოადგენს „ელექტრონული კომერციის შესახებ“ საქართველოს კანონით გათვალისწინებულ შუალედური მომსახურების მიმწოდებელს და ამავდროულად, არის მოთხოვნაზე დამყარებული მრავალპროფილური ტექნოლოგიური კომპანია, რომლის ძირითადი საქმიანობაა შუამავალი პლატფორმის შემუშავება და მართვა, რომელიც საშუალებას აძლევს რესტორნებს, სასურსათო მაღაზიებს და სხვა მაღაზიებს (შემდგომში -  „პარტნიორი“ / ,,მოვაჭრე“) შესთავაზონ თავიანთი პროდუქტები მომხმარებელს მობილური ან ვებ აპლიკაციის საშუალებით (შემდგომში - ,,პლატფორმა“). პლატფორმის გამოყენებით შეკვეთის განთავსებისას, მომხმარებლებს შეუძლიათ მოითხოვონ პროდუქტებისა და სერვისების შეძენა ან/და შეგროვება ზემოაღნიშნული პარტნიორების ობიექტებიდან პირადად ან კურიერის მეშვეობით.

1.2     პარტნიორის მიერ სარეალიზაციოდ შეთავაზებულ პროდუქციის ჭრილში, სამართლებრივი ურთიერთობა მომხმარებელსა და პარტნიორს შორის რეგულირდება GLOVOს მონაწილეობის გარეშე (თუ GLOVO თავად არ არის კონკრეტული პროდუქტის გამყიდველი/მოვაჭრე), დამოუკიდებლად. თუ, ცალკეულ შემთხვევაში, GLOVO იქნება რომელიმე პროდუქტის გამყიდველი (მოვაჭრე) „მომხმარებლის უფლებების დაცვის შესახებ“ საქართველოს კანონის შესაბამისად, აღნიშნულის თაობაზე პლატფორმაზე მიეთითება კონკრეტული გასაყიდი პროდუქტის აღწერაში. თუ GLOVO თავად არ არის კონკრეტული პროდუქტის გამყიდველი/მოვაჭრე, პარტნიორი ერთპიროვნულად არის პასუხისმგებელი მის მიერ განთავსებული პროდუქტის შესახებ ინფორმაციის უტყუარობასა და შესაბამისობაზე, აგრეთვე, პროდუქციასთან დაკავშირებულ ნებისმიერ უფლებრივ თუ ნივთობრივ ნაკლსა და პროდუქციის უკან დაბრუნებაზე.

1.3     იმ შემთხვევაში, როდესაც პროდუქტის რეალიზაციისას GLOVO არ წარმოადგენს გამყიდველს (მოვაჭრეს) და იგი მხოლოდ „ელექტრონული კომერციის შესახებ“ საქართველოს კანონით განსაზღვრული შუალედური მომსახურების მიმწოდებელია,  ის მომხმარებლის წინაშე პასუხისმგებელია  როგორც კურიერის მიერ პროდუქტის ტრანსპორტირებისას გამოწვეულ ზიანზე (პროდუქტის დაკარგვა ან დაზიანება), (რაც, თავის მხრივ, არ გამორიცხავს კურიერის, როგორც გადაზიდვის/გადატანის სერვისის მიმწოდებლის პასუხისმგებლობას მომხმარებლის წინაშე იმ ფარგლებში, რაც არ ექცევა „ელექტრონული კომერციის შესახებ“ და „მომხმარებლის უფლებების დაცვის შესახებ“ კანონების რეგულირების სფეროში) ასევე, პლატფორმის გაუმართვაობით გამოწვეულ ზიანზე, რამაც გამოიწვია „მომხმარებლის უფლებების დაცვის შესახებ“ და „ელექტრონული კომერციის შესახებ“ საქართველოს კანონებით გათვალისწინებული მომხმარებლის/მომსახურების მიმღების უფლებ(ებ)ის დარღვევა.

1.4     იმ შემთხვევაში, როდესაც GLOVO არ წარმოადგენს გამყიდველს/მოვაჭრეს, კონკრეტული გასაყიდი პროდუქტის აღწერაში მითითებული იქნება შესაბამისი პარტნიორის (მოვაჭრის) სახელწოდების, საიდენტიფიკაციო ნომრის, მისამართის, ელექტრონული ფოსტის, ტელეფონის ნომრების და პარტნიორის მიერ შემუშავებული დამატებითი პირობების  შესახებ ინფორმაცია (არსებობის შემთხვევაში), რომელთა მეშვეობითაც, მომხმარებელს შეეძლება პარტნიორთან კომუნიკაცია.

2.        ანგარიშის შექმნა

2.1         GLOVOს  მომსახურებით სარგებლობისთვის აუცილებელია ანგარიშის (პროფილის) შექმნა. ანგარიშის გასახსნელად, მომხმარებელი უნდა მიჰყვეს პლატფორმაზე განთავსებულ ინსტრუქციას; მიუთითოს მოთხოვნილი ინფრომაცია და საჭიროებისამებრ, გაიაროს ვერიფიკაცია.

2.2          ანგარიშის შექმნის დროს მითითებული მონაცემების სიზუსტეზე სრული პასუხისმგებლობა ეკისრება მომხმარებელს.

2.3          GLOVO უფლებას იტოვებს, მომხმარებელს დამატებით მოსთხოვოს პლატფორმაზე მითითებული მონაცემების სიზუსტის დადასტურება. მიღებული მონაცემები დამუშავდება GLOVOს კონფიდენციალურობის პოლიტიკისა და კანონმდებლობის შესაბამისად.

2.4          ანგარიშის დეტალების უსაფრთხო შენახვაზე პასუხისმგებლობა ეკირება მომხმარებელს. თუ მომხმარებელს აქვს ეჭვი, რომ მესამე პირს შეიძლება ჰქონდეს მისი ანგარიშის დეტალები, მან დაუყონებლივ უნდა შეცვალოს მის პლატფორმაზე ანგარიშში შესაბამისი მონაცემ(ებ)ი.

3.        შეკვეთის გაფორმება

3.1              GLOVOს პლატფორმის მეშვეობით, ნებისმიერი პარტნიორის მიერ მომხმარებლებისთვის შეთავაზებული პროდუქციის ღირებლების მესაკუთრეს წარმოადგენს შესაბამისი პარტნიორი და იგი ერთპიოვნულად ადგენს გასაყიდი პროდუქციის საფასურს.

3.2              GLOVOს პლატფორმის გამოყენებით პროდუქციის შესყიდვისათვის, მომხმარებელი აფიქსირებს შეკვეთას პლატფორმაზე არსებულ შესაბამისი პარტნიორის/მოვაჭრის გვერდზე/სექციაში სასურველი რაოდენობის პროდუქციის არჩევით  და შესაბამისი საფასურის გადახდით. პლატფორმაზე გადახდის პროცესის დადასტურებისა და მომხმარებლის ელექტრონული ფოსტის მისამართზე შესაბამისი შეტყობინების გაგზავნის შემდეგ, შეკვეთა გაფორმებულად ითვლება; მისი დასრულება კი - ხდება პროდუქციის მომხარებლისათვის ჩაბარებისთანავე.

3.3              მომხმარებლის არჩევანისამებრ, მისთვის შეკვეთის ჩაბარება შესაძლებელია, როგორც კურიერის მეშვეობით, ასევე, მომხმარებლის მიერ პირადად, ე.წ. ,,წაღების” (Pick-up) ფუნქციის გამოყენებით.

4.        კანონისმიერი და კომერციული გარანტია

4.1             თუ პროდუქცია ნაკლის მქონე აღმოჩნდა, მომხმარებელს უფლება აქვს, გამყიდველს (მოვაჭრეს) მოსთხოვოს ნაკლის აღმოფხვრა (პროდუქციის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.

4.2             პროდუქციის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, გამყიდველს (მოვაჭრეს) მოსთხოვოს პროდუქციის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, პროდუქციის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.

4.3             პროდუქცია შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება პროდუქციის ბუნებისა და იმ მიზნის გათვალისწინებით, რომლისთვისაც მან ეს პროდუქცია შეიძინა.

4.4             პროდუქციის უსასყიდლოდ შეკეთება ან შეცვლა გულისხმობს გამყიდველის (მოვაჭრის) მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა პროდუქციის ხელშეკრულებით გათვალისწინებულ პირობებთან შესაბამისობის უზრუნველსაყოფად.

4.5             მომხმარებელს უფლება აქვს, მოითხოვოს პროდუქციის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:

ა) პროდუქციის შეკეთება ან შეცვლა შეუძლებელია;

ბ) გამყიდველმა (მოვაჭრემ) პროდუქცია გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;

გ) გამყიდველის (მოვაჭრის) მიერ პროდუქციის შეკეთება ან შეცვლა მომხმარებელს მნიშვნელოვან შეფერხებას შეუქმნის.

4.6             მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.

4.7             მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.

4.8             მომხმარებელს უფლება აქვს, ისარგებლოს ზემოხსენებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა.

4.9             თუ მომხმარებელმა პროდუქციის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა პროდუქციის მიწოდებისას, თუ, პროდუქციის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი გამყიდველს (მოვაჭრეს) ეკისრება. თუ მომხმარებელმა პროდუქციის ნაკლი პროდუქციის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა პროდუქციის მიწოდებისას, მომხმარებელს ეკისრება.

4.10          კონკრეტულ პროდუქტს კანონისმიერ გარანტიასთან ერთად შეიძლება გააჩნდეს კომერციული გარანტია, რომლის პირობები მითითებული იქნება ამ პროდუქტის აღწერაში. კომერციული გარანტია არ ზღუდავს კანონისმიერი გარანტიის პირობებს.

4.11          პარტნიორი/მოვაჭრე ვალდებულია, გონივრულ ვადაში დააკმაყოფილოს მომხმარებლის მოთხოვნა, ნაკლის მქონე პროდუქციის უსასყიდლოდ შეკეთების, შეცვლის, ფასის შემცირების ან ხელშეკრულებაზე უარის თქმის და ნივთის დაბრუნების შესახებ. პროდუქციის შეკეთება ან შეცვლა უზრუნველყოფილი უნდა იყოს ისეთ ვადებში, რომ მომხმარებელს არ შეექმნას მნიშვნელოვანი შეფერხება პროდუქციის ბუნებისა და იმ მიზნის გათვალისწინებით, რომლისთვისაც მან შეკვეთა გააფორმა. სტანდარტულ შემთხვევებში, შეკეთების ვადა არ უნდა აღემატებოდეს 30 კალენდარულ დღეს.

5.  მომსახურების მიმღების გარანტია

5.1             მოვაჭრე ვალდებულია მომხმარებელს მომსახურების ხელშეკრულებით გათვალისწინებული პირობების შესაბამისი მომსახურება გაუწიოს.

5.2             მომხმარებელმა ხელშეკრულებით გათვალისწინებული ვადის გადაცილების ან ნაკლის აღმოჩენის შემთხვევაში მოვაჭრეს უნდა განუსაზღვროს მომსახურების გაწევის/ნაკლის აღმოფხვრის გონივრული დამატებითი ვადა, გარდა იმ შემთხვევისა, როდესაც ეს, მომსახურების ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.

5.3             დამატებითი ვადის უშედეგოდ გასვლის შემთხვევაში მომხმარებელს უფლება აქვს:

ა) მოვაჭრის ხარჯით მომსახურების გაწევა ან ნაკლის აღმოფხვრა სხვა პირს შესთავაზოს;

ბ) მოითხოვოს მომსახურების ფასის ადეკვატური შემცირება;

გ) უარი თქვას ხელშეკრულებაზე და მოითხოვოს ზიანის ანაზღაურება საქართველოს კანონმდებლობით დადგენილი წესით.

5.4             დამატებითი ვადის განსაზღვრა სავალდებულო არ არის, თუ აშკარაა, რომ ამას არავითარი შედეგი არ ექნება, ან მომხმარებელმა ხელშეკრულების შესრულება მომსახურების დროულად მიღებას დაუკავშირა.

5.5             თუ მოვაჭრემ დროულად არ დაიწყო მომსახურების გაწევა ან მომსახურების პროცესი უსაფუძვლოდ ჭიანურდება, რაც მომსახურების დათქმულ ვადაში გაწევას შეუძლებელს ხდის, მოვაჭრეს არ აქვს უფლება, მოითხოვოს მომსახურების პროცესში გაწეული ხარჯების ანაზღაურება, აგრეთვე, გაწეული მომსახურების საზღაური, თუ მომხმარებელმა ხელშეკრულების ნაწილობრივი შესრულებისადმი ინტერესი დაკარგა.

6.           პროდუქციის უპირობოდ დაბრუნების პირობები

6.1.            მომხმარებელს უფლება აქვს, უპირობოდ, ყოველგვარი საფუძვლის მითითების გარეშე, უარი თქვას ხელშეკრულებაზე და მოითხოვოს შეძენილი პროდუქციის უკან დაბრუნება 14 (თოთხმეტი) კალენდარული დღის ვადაში.

6.2.            6.1. პუნქტში მითითებული ვადა აითვლება:

ა) მომსახურების გაწევასთან დაკავშირებული შეკვეთის შემთხვევაში − შეკვეთის განთავსებიდან;

ბ) ნასყიდობასთან დაკავშირებული შეკვეთის შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) პროდუქციის მფლობელობაში მიღებიდან;

გ) მომხმარებლის მიერ პროდუქციის ნაწილ-ნაწილ შეკვეთის შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ბოლო ნივთის მფლობელობაში მიღებიდან;

დ) საქონლის რეგულარულად (განსაზღვრული პერიოდულობით) მიწოდების ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ნივთის მფლობელობაში პირველად მიღებიდან.

6.3.        6.2. პუნქტში აღნიშნული მოთხოვნის სარგებლობისთვის მომხმარებელი ვალდებულია შეავსოს ნივთის დაბრუნების ფორმა და გაგზავნოს მოვაჭრის ელ. ფოსტის მისამართზე, რომელიც მოცემული იქნება პროდუქციის აღწერაში.

6.4. მხოლოდ იმ შემთხვევაში, თუ პროდუქტის აღწერაში GLOVO მითითებულია, როგორც ამ პროდუქტის გამყიდველი/მოვაჭრე, მომხმარებელს შეუძლია, პროდუქციის დაბრუნების ფორმა გამოაგზავნოს ელ. ფოსტის მისამართზე: claims.georgia@glovoapp.com

6.5. ხელშეკრულებაზე უარის თქმის და პროდუქციის უპირობოდ დაბრუნების შემთხვევაში, მომხმარებელი ვალდებულია:

6.5.1.       პარტნიორს/მოვაჭრეს ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა; გარდა იმ შემთხვევისა, როდესაც პარტნიორმა/მოვაჭრემ თავად იკისრა პროდუქციის უკან წაღების ვალდებულება.

6.5.2.       გასწიოს საქონლის დაბრუნებასთან დაკავშირებული პირდაპირი (უშუალო) ხარჯი, გარდა იმ შემთხვევისა, როდესაც პარტნიორმა/მოვაჭრემ თავად იკისრა ამ ხარჯის გაწევა ან მომხმარებელს არ მიაწოდა ინფორმაცია იმის შესახებ, რომ პროდუქციის დაბრუნების შემთხვევაში, ეს ხარჯი წარმოიშობოდა.

6.6.            მომხმარებლის მიერ დისტანციურ ხელშეკრულებაზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.

6.5.            პარტნიორს/მოვაჭრეს ან მის მიერ განსაზღვრულ მესამე პირს დაუბრუნოს პროდუქცია ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა, გარდა იმ შემთხვევისა, როდესაც პარტნიორმა/მოვაჭრემ თავად იკისრა პროდუქციის უკან წაღების ვალდებულება;

6.6.            გასწიოს მხოლოდ პროდუქციის დაბრუნებასთან დაკავშირებული პირდაპირი (უშუალო) ხარჯი, გარდა იმ შემთხვევისა, როდესაც პარტნიორმა/მოვაჭრემ თავად იკისრა ამ ხარჯის გაწევა ან მომხმარებელს არ მიაწოდა ინფორმაცია იმის შესახებ, რომ პროდუქციის დაბრუნების შემთხვევაში, ეს ხარჯი წარმოიშობოდა.

6.7.            პარტნიორი/მოვაჭრე ვალდებულია ნივთის უკან დაბრუნების შეტყობინების მიღებიდან 14 კალენდარული დღის განმავლობაში, უკან დაუბრუნოს მომხმარებელს მის მიერ გადახდილი თანხა. მოვაჭრეს უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება, გარდა იმ შემთხვევისა, როდესაც პარტნიორმა/მოვაჭრემ თავად იკისრა პროდუქციის უკან წაღება.

6.8.            დაბრუნებული პროდუქტის თანხის ანაზღაურება მოხდება გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს.

7.           მომხმარებელს არ აქვს უფლება, უპირობოდ უარი თქვას ხელშეკრულებაზე თუ:

7.1            გამყიდველმა (მოვაჭრემ) ხელშეკრულებით გათვალისწინებული მომსახურება (არ იგულისხმება საქონლის შეძენა) სრულად გასწია, მან მომსახურების გაწევა მომხმარებლის წინასწარი თანხმობით დაიწყო და მომხმარებელმა იცოდა, რომ მომსახურების სრულად მიღების შემთხვევაში დაკარგავდა ხელშეკრულებაზე უარის თქმის უფლებას;

7.2            ხელშეკრულებით გათვალისწინებულია, რომ მიწოდებული საქონლის ან მომსახურების ფასი დამოკიდებულია ფინანსურ ბაზარზე არსებულ ცვლილებაზე, რომელსაც გამყიდველი (მოვაჭრე) ვერ აკონტროლებს და რომელიც ხელშეკრულებაზე უარის თქმის უფლების განხორციელებისთვის ამ კანონით დადგენილ ვადაში წარმოიშვა;

7.3          საქონელი ან მომსახურება მომხმარებლის ინდივიდუალური შეკვეთით არის დამზადებული/შესრულებული;

7.4          მიწოდებული საქონელი მალფუჭებადია ან მას მოკლე ვარგისობის ვადა აქვს;

7.5          მომხმარებელს მიეწოდა ჰერმეტულად დაცული საქონელი, მისი ჰერმეტულობა მიწოდების შემდეგ დაირღვა და, ამდენად, საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო;

7.6          მიწოდებული საქონელი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს;

7.7          ხელშეკრულების პირობების შესაბამისად, მომხმარებელმა გამყიდველი (მოვაჭრე) გადაუდებელი სარემონტო/ტექნიკური მომსახურების გასაწევად გამოიძახა. ეს შეზღუდვა არ ვრცელდება ამ ვიზიტის ფარგლებში აღნიშნული მომსახურების მიღმა გაწეულ დამატებით მომსახურებაზე;

7.8          სახეზეა დალუქული აუდიო ან ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა;

7.9          სახეზეა ჟურნალ-გაზეთები ან სხვა სახის პერიოდული გამოცემა, გარდა იმ შემთხვევისა, როდესაც მათი/მისი მიწოდების საფუძველი სააბონენტო ხელშეკრულებაა;

7.10          მომხმარებელმა საჯარო აუქციონის შედეგად შეიძინა პროდუქტი;

7.11          ხელშეკრულება დაიდო უძრავი ქონების არასაცხოვრებელი მიზნით გადაცემაზე, საქონლის გადაზიდვაზე, სატრანსპორტო საშუალების ქირავნობაზე, კვების ორგანიზებაზე ან დასვენებასთან დაკავშირებულ მომსახურებაზე და მასში მითითებულია ხელშეკრულების შესრულების განსაზღვრული თარიღი ან პერიოდი;

7.12          მომხმარებელს ციფრული შინაარსი მიეწოდა არამყარი მატარებლით და ხელშეკრულების შესრულება მომხმარებლის წინასწარი თანხმობით დაიწყო.

7.13          ხელშეკრულებით გათვალისწინებულია ალკოჰოლური სასმელების მიწოდება, რომელთა ფასი შეთანხმდა ხელშეკრულების დადების მომენტში, ხოლო მიწოდება მოხდება 30 დღის შემდეგ, ამასთანავე, აღნიშნული ფასი დამოკიდებულია ბაზარზე არსებულ მერყეობაზე, რომელსაც გამყიდველი (მოვაჭრე) ვერ აკონტროლებს;

7.14          შეძენილია სპორტული ან კულტურული ღონისძიების ბილეთები, გარდა იმ შემთხვევისა, როდესაც პროდუქტის გვერდზე მითითებულია დაბრუნების შესაძლებლობა.

7.15. შეძენილია 30 ლარამდე ღირებულების პროდუქტი.

8.           GLOVOს ვალდებულებები

 8.1.      GLOVO, როგორც შუამავალი ტექნოლოგიური პლატფორმა, ერთმნიშვნელოვანდ პასუხისმგებელია შეკვეთის ნებისმიერი ნაკლისთვის, რაც გამოწევულია პლატფორმის ტექნიკური გაუმართავობით; ასევე, თუ პროდუქციის ან მომსახურების ნაკლი გამოწვეულია შეკვეთის ტრანსპორტირებით GLOVOს კონტრაქტორი კურიერის მიერ, GLOVO უზრუნველყოფს მომხმარებლისათვის შეკვეთის თანხის ანაზღაურებას. GLOVOს მიერ შესრულებული ნებისმიერი თანხის დაბრუნება, რაც ხდება მომხმარებლის კმაყოფილების მაღალი სტანდარტის უზრუნველსაყოფად, არ განიხილება, როგორც უარის თქმა პასუხისმგებლობის იმ გამორიცხვაზე, რაც დამახასიათებელია GLOVOსათვის, როგორც შუამავლი ტექნოლოგიური პლატფორმისთვის.

8.2.      როდესაც GLOVO წარმოადგენს ,,ელექტრონული კომერციის შესახებ“ საქართველოს კანონით განსაზღვრულ შუალედური მომსახურების მიმწოდებელს, მომხმარებლის მიერ ნებისმიერი პროდუქტის უპირობოდ დაბრუნება, ისევე, როგორც პარტნიორის მიერ შესაბამისი თანხის დაბრუნება, განხორციელდება GLOVOს ჩართულობის გარეშე, პარტნიორის დაბრუნების პოლიტიკისა და წინამდებარე წესებისა და პირობების მე-6 მუხლის შესაბამისად.

8.3.      GLOVO არ იძლევა გარანტიას, რომ პლატფორმა იქნება მუდმივად ხელმისაწვდომი ან/და ყოველთვის იმუშავებს შეფერხების გარეშე, თუმცა, პასუხს აგებს პლატფორმის გაუმართაობით გამოწვეული ზიანისათვის, რომლითაც დაირღვა „მომხმარებლის უფლებების შესახებ“ საქართველოს კანონითა და „ელექტრონული კომერციის შესახებ“ საქართველოს კანონით გათვალისწინებული მომხმარებლის/მომსახურების მიმღების უფლებები.

დანართი 1

პროდუქციის დაბრუნების ფორმა

(თარიღი)

მომხმარებელი (სახელი  და გვარი) ---------------------------------

პირადი ნომერი:--------------------------------------------------------

მისამართი:---------------------------------------------------------------

ელ. ფოსტის მისამართი (არასავალდებულო) ----------------------

ტელ.(არასავალდებულო):---------------------------------------------

მოვაჭრე (სახელწოდება):-------------------------------------

საიდენტიფიკაციო ნომერი:----------------------------------

მისამართი:-----------------------------------------------------

ელ. ფოსტის მისამართი --------------------------------------

ტელ.:------------------------------------------------------------

განცხადება

(პროდუქციის უკან დაბრუნების შესახებ)

შეკვეთის გაფორმების თარიღი:-----------------------------------------------

შეკვეთის მომხმარებლის მიერ მიღების თარიღი.:--------------------------

პროდუქციის დასახელება:

--------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

გთხოვთ, უკან დაიბრუნოთ ჩემ მიერ შეძენილი პროდუქცია.

მომხმარებლის ხელმოწერა:------------------------------------------------

ბოლო განახლების თარიღი:  2023 წლის 31 აგვისტო

გამოყენებისა და ხელშეკრულების დადების ძირითადი წესები და პირობები (შემდგომში, „ძირითადი წესები და პირობები“) შეეხება Glovoapp23, S.A.-ს ვებსაიტს (შემდგომში, „Glovo”), რომლის დომენიცაა https://glovoapp.com და მასთან დაკავშირებულ მობილურ აპლიკაციას, ისევე, როგორც მასთან დაკავშირებულ ნებისმიერ საიტსა თუ საიტებს, რომლებსაც ბმული გაკეთებული აქვს https://glovoapp.com-დან Glovo-ს მიერ, და აფილირებულ კომპანიებსა და პარტნიორებს, როგორც ეს გაწერილია I დანართში, Glovo-ს მსოფლიო მასშტაბით არსებული საიტების ჩათვლით (შემდგომში კოლექტიურად მოხსენიებული, როგორც „საიტი“). საიტი წარმოადგენს Glovo-ს საკუთრებას. Glovo ამით ხდის საიტსა და მობილურ აპლიკაციას (შემდგომში და ერთობლივად, „აპლიკაცია“) ხელმისაწვდომს მომხმარებელთათვის (შემდგომში, „მომხმარებელი“ ან „მომხმარებლები“).

მოქმედი კანონმდებლობის დებულებათა შესაბამისად, ქვემოთ მოცემულია საიტის მფლობელის შემდეგი საიდენტიფიკაციო მონაცემები:

• კომპანიის სახელწოდება: შპს Glovoapp Georgia
• რეგისტრირებული მისამართი: დ. აღმაშენებლის გამზირი, №129ა, ობიექტი №4, დიდუბის რაიონი, თბილისი
• საგადასახადო საიდენტიფიკაციო ნომერი: 402099475

სარჩევი

1. მიზანი

2. „მომხმარებელთა“ წვდომა და რეგისტრაცია

3. მომსახურების ექსპლუატაცია და მომსახურების მოდელები

4. ეკონომიკური პირობები

5. შეკვეთების გაუქმება და უარის თქმის უფლება

6. უფასო ნიმუშების სახლში მიწოდება და სხვა კომერციული ქმედებები

7. შეზღუდული გამოყენების ნივთების მიტანის პოლიტიკა

8. კონტენტის კონტროლი და/ან შეცვლა

9. სოლიდარობა Glovo-ში

10. გეოლოკაცია

11. პასუხისმგებლობები და გარანტიები

12. განახლებები და ცვლილებები აპლიკაციაში

13. ინტელექტუალური საკუთრება

14. ურთიერთობის შეწყვეტა

15. გამოსაყენებელი სამართალი

16. მომხმარებლის მხარდაჭერა და დავის ალტერნატიული გადაწყვეტა

„GLOVOPRIME”-ის სპეციალური „წესები და პირობები“

Member Get Member (MGM) მომხმარებელთა რეფერალური პროგრამის „სპეციალური წესები და პირობები“

მოთხოვნაზე დამყარებული „On Demand“ Glovo Business-ის „სპეციალური წესები და პირობები“

„Food Rescue“ მომსახურების „სპეციალური წესები და პირობები“

 ᲓᲐᲜᲐᲠᲗᲘ I — ᲓᲔᲢᲐᲚᲣᲠᲘ ᲘᲜᲤᲝᲠᲛᲐᲪᲘᲐ GLOVO-ᲡᲗᲐᲜ ᲓᲐᲙᲐᲕᲨᲘᲠᲔᲑᲣᲚᲘ ᲙᲝᲛᲞᲐᲜᲘᲔᲑᲘᲡ ᲨᲔᲡᲐᲮᲔᲑ

1. მიზანი

Glovo წარმოადგენს ტექნოლოგიურ კომპანიას, რომლის ძირითადი საქმიანობაა ტექნოლოგიური პლატფორმის შემუშავება და მართვა, რისი მეშვეობითაც გარკვეულ ადგილობრივ ობიექტებს (შემდგომში, „მოვაჭრეები“) მთელ რიგ ტერიტორიებზე შეუძლიათ თავიანთი პროდუქტის და/ან მომსახურების შეთავაზება აპლიკაციაზე და, დამხმარე წესით, საჭიროების შემთხვევაში და თუ ამის მოთხოვნა აპლიკაციის საშუალებით ხდება აპლიკაციისა და ამ ადგილობრივი ობიექტების მომხმარებლების მიერ, მოქმედებს, როგორც შუამავალი, პროდუქციის დაგეგმილი ან დაუყოვნებელი მიტანის თვალსაზრისით მესამე პირთა მიერ (შემდგომში, „რწმუნებულები“). ამრიგად, „რწმუნებულები“ წარმოადგენენ ადამიანთა ქსელს, რომლებიც თავიანთ მომსახურებას აპლიკაციის საშუალებით სთავაზობენ. როდესაც მათ სურთ თავიანთი მომსახურების გაწევა, ისინი შედიან Glovo-ს აპლიკაციაზე და პასუხისმგებლობას იღებენ, დროის გარკვეული შუალედის განმავლობაში განახორციელონ მათთვის „მომხმარებლის“ მიერ მინდობილი მომსახურების მიწოდება.

დამატებით, Glovo წარმოადგენს ელექტრონული საშუალებებით „On Demand“ მომსახურებათა შეძენის საშუამავლო მრავალკატეგორიულ „ტექნოლოგიურ პლატფორმას“. მისი მიზანია, ნებისმიერი პირისთვის, რომელსაც ესაჭიროება დახმარება გარკვეული დავალებების შესრულებაში, მომსახურების შეძენაში, პროდუქტების პირადად შეძენასა და/ან აღებაში ადგილობრივი მოვაჭრეებისგან, გაამარტივოს აღნიშნული ქმედებების დელეგირება მესამე პირებზე, „რწმუნებულებზე“, რომლებიც მზად არიან, ნებაყოფლობით შეასრულონ მათთვის „მომხმარებელთა“ მიერ მინდობილობით გადაცემული ქმედებები.

ყველა შემთხვევაში, Glovo-ს როლი არის უბრალო შუამავლობა და, შესაბამისად, მისი ერთადერთი პასუხისმგებლობა და ამოცანაა, მართოს აპლიკაცია, რომელიც ხელს უწყობს მომხმარებლის, მოვაჭრისა და რწმუნებულის კონტაქტს. Glovo არანაირად არ არის პასუხისმგებელი აპლიკაციის მეშვეობით შემოთავაზებულ პროდუქტებსა და/ან მომსახურებებზე, ან ნებისმიერი დავალების შესრულებასა ან მიტანაზე, რომელიც მოთხოვნილია აპლიკაციის მეშვეობით, „პასუხისმგებლობისა და გარანტიების“ შესახებ მე-11 ნაწილის შესაბამისად.

საიტსა და/ან აპლიკაციაზე წვდომითა და პროფილის ნებაყოფლობითი შექმნით, ყველა „მომხმარებელი“, „მოვაჭრე“ და „რწმუნებული“ აღიარებს და მკაფიოდ და არაორაზროვნად ეთანხმება წინამდებარე „ძირითად წესებსა და პირობებს“, ისევე როგორც „კონფიდენციალურობის პოლიტიკასა“ და „ქუქი-ფაილების დებულებას“, ხელმისაწვდომს ონლაინ. ნებისმიერმა მომხმარებელმა, მოვაჭრემ და/ან რწმუნებულმა, რომელიც არ ეთანხმება აღნიშნულ ძირითად წესებსა და პირობებს და/ან დებულებებს, თავი უნდა შეიკავოს მათი გამოყენებისგან.

2. „მომხმარებელთა“ წვდომა და რეგისტრაცია

2.1. ძირითადი მოთხოვნები რეგისტრაციისთვის

იმისათვის, რათა გახდეთ „აპლიკაციის“ „მომხმარებელი“, აუცილებელია, დააკმაყოფილოთ შემდეგი მოთხოვნები:

• „მომხმარებელი“ უნდა იყოს სულ მცირე 18 წლის.
• „მომხმარებლებმა“ კეთილსინდისიერად უნდა შეავსონ სარეგისტრაციო ფორმის სავალდებულო ველები, რომლებიც ითხოვს ისეთ პერსონალურ ინფორმაციას, როგორიცაა „მომხმარებლის“ სახელი, ელფოსტის მისამართი, ტელეფონის ნომერი და საბანკო ბარათის ნომერი.
• აპლიკაციაზე შესვლის დროს, „მომხმარებლები“ ვალდებულნი არიან, ყურადღებით გაეცნონ წინამდებარე „ძირითად წესებსა და პირობებს“. გარდა ამისა, „ძირითადი წესებისა და პირობების“ მიღება არის მნიშვნელოვანი ნაბიჯი, რომელიც რეგისტრაციამდე უნდა გადაიდგას. 
• „მომხმარებლები“ უნდა დაეთანხმონ „კონფიდენციალურობისა და მონაცემთა დაცვის პოლიტიკას“.
• „მომხმარებლები“ უნდა დაეთანხმონ „ქუქი-ფაილების დებულებას“.
• მომხმარებლები უნდა დაეთანხმონ მესამე პირთა ეთიკისა და საქმიანი ქცევის სტანდარტებს , რაც ხელმისაწვდომია მისამართზე:  https://compliance.glovoapp.com/public/compliance 

ყველა მოთხოვნის დაკმაყოფილებისა და აპლიკაციაზე რეგისტრაციის დასრულებისთანავე, Glovo მომხმარებელს რეგისტრაციის დადასტურების შესახებ ინფორმაციას მიაწვდის, მოქმედი კანონმდებლობის შესაბამისად საჭირო ნებისმიერ სხვა ინფორმაციასთან ერთად.

ყველა მომხმარებელი, რომელიც კლასიფიცირებული შეიძლება იყოს მოქმედი კანონმდებლობით, როგორც „მომხმარებლები“, აპლიკაციის გამოყენებისას სარგებლობს და დაცულია მომხმარებელთა დაცვის ყველა შესაბამისი კანონითა და რეგულაციით. 

2.2. „მომხმარებლის“ პროფილი და პასუხისმგებლობები

„აპლიკაციაზე“ რეგისტრაციისას, „მომხმარებლებმა“ უნდა შეარჩიონ მომხმარებლის სახელი და პაროლი. მომხმარებლის სახელი და პაროლი მკაცრად კონფიდენციალური, პირადი და გადაუცემადია. ანგარიშების უსაფრთხოების გაუმჯობესების მიზნით, Glovo-ს რჩევაა, „მომხმარებლებმა“ არ გამოიყენონ შესვლის იგივე მონაცემები, რომლებსაც სხვა პლატფორმებზე წვდომისთვის იყენებენ. ნებისმიერ შემთხვევაში, Glovo არ იძლევა ანგარიშის ან პროფილის უსაფრთხოების გარანტიას.

„აპლიკაციაზე“ რეგისტრაციის დასასრულებლად, „მომხმარებლებმა“ უნდა წარმოადგინონ კონკრეტული მონაცემები, მათ შორის: მომხმარებლის სახელი, ელფოსტის მისამართი, ტელეფონის ნომერი და საბანკო ბარათის რეკვიზიტები. რეგისტრაციის პროცესის დასრულების შემდეგ, „მომხმარებლებს“ მიეცემათ შესაძლებლობა, მიიღონ წვდომა, დაასრულონ და სურვილისამებრ შეცვალონ საკუთარი პროფილი. Glovo არ ინახავს მომხმარებელთა გადახდის მონაცემებს, რომელთა დამუშავება და შენახვა ხდება გადახდის მომსახურების მიმწოდებლის მიერ, როგორც ეს აღწერილია წინამდებარე „ძირითად წესებსა და პირობებში“ და „კონფიდენციალურობის პოლიტიკაში“.

„მომხმარებელი“ იძლევა გარანტიას, რომ „აპლიკაციისთვის“ საჭირო სარეგისტრაციო ფორმების მეშვეობით მის მიერ Glovo-სთვის მიწოდებული ინფორმაცია საკუთარი პიროვნებისა და ქმედუნარიანობის შესახებ არის სწორი, ზუსტი და სრულყოფილი. დამატებით, „მომხმარებლები“ იღებენ ვალდებულებას, განაახლონ დეტალები. იმ შემთხვევაში, თუ „მომხმარებელი“ წარმოადგენს მცდარ, არაზუსტ ან არასრულ ინფორმაციას, ან თუ Glovo გადაწყვეტს, რომ არსებობს ასეთი ინფორმაციის სისწორეში, სიზუსტესა ან მთლიანობაში ეჭვის შეტანის საფუძველი, Glovo-მ შეიძლება არ დაუშვას „მომხმარებლის“ მიერ „აპლიკაციის“ ან მისი ნებისმიერი კონტენტის და/ან მომსახურების როგორც ამჟამინდელი, ისე სამომავლო გამოყენება.

„მომხმარებლები“ იღებენ პასუხისმგებლობას, არ გაუზიარონ თავიანთი ანგარიშის დეტალები ან არ მისცენ მასზე წვდომა მესამე პირებს. „მომხმარებლები“ იღებენ ერთპიროვნულ პასუხისმგებლობას მესამე პირთა მიერ აღნიშნული დეტალების ან საიტის მომსახურებათა გამოყენების ნებისმიერ შემთხვევაზე, რაც მოიცავს განცხადებებს და/ან კონტენტს, რომლის შეყვანაც „აპლიკაციაზე“ ხორციელდება, ან ნებისმიერ სხვა ქმედებას, რომელიც განხორციელდება მათი მომხმარებლის სახელითა და/ან პაროლით. Glovo მოკლებულია შესაძლებლობას, უზრუნველყოს „მომხმარებლის“ იდენტურობა და, აქედან გამომდინარე, არ არის პასუხისმგებელი არარეგისტრირებული მესამე პირების მიერ რეგისტრირებული „მომხმარებლის“ იდენტურობის გამოყენებაზე. „მომხმარებლები“ იღებენ პასუხისმგებლობას, დაუყოვნებლივ შეატყობინონ Glovo-ს, ამ უკანასკნელის მიერ განსაზღვრული საკომუნიკაციო არხების მეშვეობით, თუ მათი ანგარიშის მონაცემების მოპარვა, გამჟღავნება ან დაკარგვა მოხდება.

2.3. „მომხმარებლის“ ვალდებულებები და პასუხისმგებლობები

„მომხმარებლები“ სრულად არიან პასუხისმგებელნი საკუთარი პროფილისა და „აპლიკაციის“ სხვა კონტენტის სათანადო გამოყენებასა და წვდომაზე, მოქმედი კანონმდებლობის თანახმად, იქნება ეს ადგილობრივი თუ საერთაშორისო, იმ ქვეყნისთვის, რომლიდანაც „აპლიკაციას“ იყენებენ, ისევე, როგორც კეთილსინდისიერების, ზნეობის, საზოგადოდ მიღებული ჩვეულებებისა და საჯარო წესრიგის პრინციპების შესაბამისად. კერძოდ, ისინი იღებენ ვალდებულებას, გულმოდგინედ შეასრულონ წინამდებარე „გამოყენების ძირითადი წესები და პირობები“.

„მომხმარებლები“ წარმოადგენენ მათ მიერ „აპლიკაციაზე“ შეყვანილი კონტენტის ერთპიროვნულ მესაკუთრეებს. Glovo-ს შეიძლება არ გააჩნდეს სარედაქციო პასუხისმგებლობა და მკაფიოდ აცხადებს, რომ ის არ აიგივებს თავს აპლიკაციის „მომხმარებლების“ მიერ გამოთქმულ მოსაზრებებთან, რომელთა შედეგებზე პასუხისმგებლობაც ეკისრება მხოლოდ მათ გამომთქმელებს.

„მომხმარებლები“ ვალდებულნი არიან, არ გამოიყენონ საკუთარი პროფილი და „აპლიკაციის“ სხვა კონტენტი არაკანონიერი მიზნებისათვის ან უკანონო შედეგებით, რაც დაარღვევს მესამე პირთა უფლებებსა და ინტერესებს, ან რამაც შეიძლება რაიმე ფორმით დააზიანოს, მწყობრიდან გამოიყვანოს, ავნოს ან გააფუჭოს „აპლიკაცია“ და მისი კონტენტი და მომსახურებები. ამასთანავე, მათ ეკრძალებათ, ხელი შეუშალონ სხვა „მომხმარებლის“ მიერ „აპლიკაციის“ ნორმალურ გამოყენებას ან მისით სარგებლობას.

ზემოაღნიშნული ვალდებულებების დამრღვევი ნებისმიერი პირი პასუხისმგებელია მის მიერ გამოწვეულ ნებისმიერ დანაკარგსა თუ ზიანზე. Glovo არ აიღებს პასუხისმგებლობას მესამე პირთა მიერ მსგავსი უკანონო გამოყენების ან შეღწევის შედეგად წარმოქმნილ დანაკარგსა თუ ზიანზე.

ზოგადად, „მომხმარებლები“ შეუზღუდავად იღებენ ვალდებულებას, მაგალითად:

• თავი შეიკავონ აპლიკაციის რაიმე სახით შეცვლისგან, სრულად ან ნაწილობრივ, მისი ფუნქციების ან მომსახურებების გვერდის ავლით, მწყობრიდან გამოყვანით ან რაიმე სხვა გზით ხელყოფით;
• თავი შეიკავონ სამრეწველო ან ინტელექტუალური საკუთრების უფლების ან პერსონალური მონაცემების დაცვის კანონმდებლობის დარღვევისგან;
• თავი შეიკავონ აპლიკაციის გამოყენებისგან სხვა მომხმარებლების შეურაცხყოფის, ცილისწამების, დაშინების ან შევიწროების ან მათზე თავდასხმისათვის; 
• თავი შეიკავონ სხვა მომხმარებლების ელფოსტის ანგარიშებზე წვდომისგან;
• თავი შეიკავონ კომპიუტერული ვირუსების, დაზიანებული ფაილების ან ნებისმიერი სხვა პროგრამის დანერგვისგან, რამაც შეიძლება გამოიწვიოს Glovo-ს ან მესამე პირთა კონტენტის ან სისტემის დაზიანება ან შეცვლა;
• თავი შეიკავონ სხვებისთვის მასობრივი და/ან პერიოდული ელფოსტების გაგზავნის, ან მესამე პირთა ელფოსტის მისამართის გაგზავნისგან, ამ უკანასკნელთა თანხმობის გარეშე;
• თავი შეიკავონ საქონლისა და მომსახურების რეკლამირებისგან, Glovo-ს წინასწარი თანხმობის გარეშე.
• ნებისმიერმა „მომხმარებელმა“ შეიძლება უჩივლოს სხვა „მომხმარებელს“, თუ იგი დარწმუნებულია, რომ ეს უკანასკნელი არღვევს წინამდებარე „ძირითად წესებსა და პირობებს“. ანალოგიურად, ნებისმიერ „მომხმარებელს“ შეუძლია Glovo-ს ინფორმირება წინამდებარე წესების ნებისმიერი ბოროტად გამოყენების ან დარღვევის შესახებ, აპლიკაციის „დახმარების“ განყოფილების საშუალებით. Glovo აღნიშნულ საჩივრებს შეძლებისდაგვარად მოკლე დროში შეამოწმებს და გადადგამს ისეთ ნაბიჯებს, რასაც მიზანშეწონილად ჩათვლის, უფლების დატოვებით, წაშალოს და/ან შეაჩეროს ნებისმიერი „მომხმარებლის“ ანგარიში „აპლიკაციიდან“, წინამდებარე „ძირითადი წესებისა და პირობების“ დარღვევისთვის. ამასთანავე, Glovo იტოვებს უფლებას, წინასწარი გაფრთხილების ან შემდგომი შეტყობინების გარეშე, წაშალოს და/ან შეაჩეროს ნებისმიერი შეტყობინება, რომელიც შეიცავს უკანონო ან შეურაცხმყოფელ კონტენტს.

2.4. „მომხმარებლის“ შეფასებები

Glovo-მ შეიძლება შეაგროვოს „მომხმარებელთა“ მიმოხილვები, რომლებიც დაკავშირებულია გარკვეულ „მოვაჭრეებსა“ და/ან მათ მიერ შემოთავაზებულ პროდუქტებსა ან მომსახურებებთან. Glovo იტოვებს უფლებას, გამოაქვეყნოს აღნიშნული მიმოხილვები აპლიკაციაში და გახადოს ისინი ხელმისაწვდომი ნებისმიერი სხვა „მომხმარებლისთვის“, მოახდენს რა მათ იდენტიფიცირებას „მომხმარებლის“ სახელით, რომელმაც დატოვა მიმოხილვა, Glovo-ს „კონფიდენციალურობის პოლიტიკის“ შესაბამისად. 

„მომხმარებლებს“ მოეთხოვებათ, აპლიკაციის მეშვეობით მიაწოდონ აღნიშნული მიმოხილვა, მხოლოდ იმ შემთხვევაში, თუ მათ განათავსეს შეკვეთა აპლიკაციის მეშვეობით შესაბამის მოვაჭრესთან. მიუხედავად ამისა, დებულება სრულიად ნებაყოფლობითი იქნება „მომხმარებლისთვის“, რომელსაც შეუძლია წარადგინოს ან არა ის. მიმოხილვის წარდგენით, „მომხმარებელი“ ეთანხმება მის შეგროვებასა და გამოქვეყნებას, თუ ეს ასეა, Glovo-ს მიერ. 

მიმოხილვების სიგრძე შეიძლება შეზღუდული იყოს სიმბოლოების გარკვეული რაოდენობით. გარდა ამისა, „მომხმარებელი“ იღებს ვალდებულებას, დატოვოს მხოლოდ შესაბამისი მიმოხილვები და რომლებიც არავითარ შემთხვევაში არ არის შეურაცხმყოფელი, სალანძღავი, ცრუ, დისკრიმინაციული და ა.შ. მოვაჭრის ან ნებისმიერი სხვა „მომხმარებლის“ თუ რწმუნებულისთვის. Glovo იტოვებს უფლებას, გაფილტროს მიმოხილვები წინამდებარე „ძირითადი წესებისა და პირობების“ მე-8 ნაწილის მიხედვით და წაშალოს ნებისმიერი მიმოხილვა, რომელიც არ შეესაბამება ამ „ძირითად წესებსა და პირობებს“ ან რომელიც შეიძლება ჩაითვალოს შეურაცხმყოფლად ან ეწინააღმდეგება კანონსა და საჯარო წესრიგს. 

2.5. საკრედიტო ბარათის ქურდობა ან მითვისება

იქიდან გამომდინარე, რომ Glovo-ს არ შეუძლია რეგისტრირებული „მომხმარებლების“ იდენტურობის გარანტირება, „მომხმარებლები“ ვალდებულნი არიან, შეატყობინონ Glovo-ს, თუ მათ გააჩნიათ იმის მტკიცებულება, რომ Glovo-ს მათ ანგარიშთან დაკავშირებული ბარათი მოპარულია და/ან მისი გამოყენება თაღლითურად ხორციელდება მესამე პირის მიერ. Glovo, გადახდის მომსახურების მიმწოდებელთან ერთად, ყველაფერს გააკეთებს იმისათვის, რათა დაბლოკოს შემდგომი გადახდები „მომხმარებლის“ მხრიდან სათანადო ინფორმირებულობის შემთხვევაში; თუმცა, Glovo არ იქნება პასუხისმგებელი მათ თაღლითურ გამოყენებაზე, რომელიც შეიძლება განხორციელდეს მესამე პირთა მიერ „მომხმარებლის“ ანგარიშზე და არ არის ვალდებული, ჩაატაროს რაიმე გამოძიება მესამე პირთა მიერ მომხმარებლების გადახდის მეთოდების თაღლითური გამოყენების შესახებ და არც დაბლოკოს რაიმე საეჭვო გარიგება. Glovo ურჩევს „მომხმარებლებს“, შეატყობინონ პოლიციას ქურდობის, ძარცვის ან მათი საკრედიტო ბარათის სავარაუდო არამიზნობრივი გამოყენების შესახებ. საჭიროების შემთხვევაში, Glovo იღებს პასუხისმგებლობას, მხარი დაუჭიროს „მომხმარებლებს“ და ითანამშრომლოს ხელისუფლების კომპეტენტურ ორგანოებთან არასწორად ჩამოჭრილ თანხასთან დაკავშირებული მტკიცებულებების გაზიარების კუთხით. 

თაღლითობის შემთხვევაში, Glovo იტოვებს უფლებას, განახორციელოს შესაბამისი ქმედება, თუ „აპლიკაციის“ გამიზნულად არამიზნობრივმა გამოყენებამ გავლენა იქონია მასზე.

2.6. „მომხმარებელთა“ ანგარიშების რეგისტრაციის გაუქმება და ანულირება

„მომხმარებლებს“ შეუძლიათ, ნებაყოფლობით გააუქმონ რეგისტრაცია აპლიკაციიდან, აპლიკაციის „დახმარების“ განყოფილების გამოყენებით. 

გარდა ამისა, Glovo იტოვებს უფლებას, შეაჩეროს და/ან გააუქმოს „მომხმარებლის“ ნებისმიერი ანგარიში აპლიკაციაზე იმ შემთხვევაში, თუ შეამჩნევს, რომ მან შეწყვიტა რეგისტრაციისთვის ყველა ძირითადი მოთხოვნის შესრულება, ისევე, როგორც თაღლითური ან უკანონო გამოყენების საფუძვლიანი ეჭვის შემთხვევაში, მათ შორის, „მომხმარებლის“ ანგარიშის იმგვარი გამოყენებისას, რაც ეწინააღმდეგება წინამდებარე „ძირითად წესებსა და პირობებს“. 

3. მომსახურების ექსპლუატაცია და მომსახურების მოდელები

Glovo, როგორც მრავალკატეგორიული ტექნოლოგიური პლატფორმა, საშუალებას აძლევს „მომხმარებლებს“, რომლებიც სათანადოდ არიან დარეგისტრირებული აპლიკაციაში, განათავსონ სხვადასხვა ტიპის შეკვეთები. აპლიკაციაზე წვდომით, „მომხმარებლებს“ შეუძლიათ იყიდონ პროდუქტები და/ან მომსახურებები უშუალოდ „მოვაჭრეებისგან“ და, ასევე, მოითხოვონ პროდუქტის შეგროვება და შემდგომი მიტანა „რწმუნებულების“ მიერ, „მოვაჭრეების“ მისამართებიდან მომხმარებლის მიერ დადგენილ მისამართზე ან აირჩიონ შეკვეთის უშუალოდ შეგროვება მოვაჭრის ობიექტიდან „შეკვეთის წაღების“ და/ან „ობიექტზე აღების“ ფუნქციების მეშვეობით, რაც განსაზღვრულია ქვემოთ (შემდგომში, „სავაჭრო მოდელი“), იმ პირობით, რომ ისინი იმყოფებიან იმ ტერიტორიაზე, სადაც Glovo საქმიანობს. ანალოგიურად, „მომხმარებელს“ შეუძლია სთხოვოს რწმუნებულს, შეასრულოს დავალებები და/ან შეიძინოს პროდუქტები პირადად მისი სახელით და შეაგროვოს და მიიტანოს ისინი მითითებულ მისამართებზე (შემდგომში, „რაც გინდა“ მოდელი), ისევე, როგორც შეასრულოს მოთხოვნაზე დამყარებული მიტანა „მომხმარებლის“ სახელით (შემდგომში, „გლოვერის“ მოდელი). 

3.1. „სავაჭრო მოდელი“

„სავაჭრო მოდელის“ მეშვეობით, „მომხმარებლებს“ აქვთ წვდომა აპლიკაციაში არსებულ marketplace-ზე და შეუძლიათ შეიძინონ პროდუქტები და/ან მომსახურებები, რასაც სთავაზობენ ის „მოვაჭრეები“, რომლებმაც Glovo-სთან ხელშეკრულებას ხელი მოაწერეს. გარდა ამისა, „მომხმარებელს“ შეუძლია მოითხოვოს აპლიკაციის მეშვეობით შეძენილი პროდუქტების მიტანა ნებისმიერი რწმუნებულის მიერ, რომელიც იღებს შეკვეთას ნებისმიერ მისამართზე შესაბამისი მოვაჭრისა და რწმუნებულის მიერ მოცული ტერიტორიის ფარგლებში. 

„მომხმარებელი“ აცნობიერებს და თანხმდება, რომ აპლიკაციაზე არსებული პროდუქტის და/ან მომსახურების აღწერა და, სადაც შესაბამისია, ფასები ან ფოტოსურათები მოცემულია „მოვაჭრეების“ მიერ მოწოდებული ინფორმაციისა და დოკუმენტაციის საფუძველზე, და რომ Glovo-ს არ შეუძლია, აღნიშნული აღწერის, ფასების და/ან ფოტოსურათების შესაძლო უზუსტობაზე რაიმე სახის გარანტია გასცეს. Glovo იტოვებს უფლებას, გამოიხმოს ნებისმიერი პროდუქტი საკუთარი აპლიკაციიდან, ასევე, ნებისმიერ დროს შეიტანოს ცვლილება საინფორმაციო ფურცელზე მის შინაარსში, აღნიშნულით რაიმე სახის პასუხისმგებლობის დაკისრების გარეშე.

„მომხმარებელი“ თანხმდება, რომ Glovo-ს აპლიკაციაზე არსებული ყველა პროდუქტი ექვემდებარება ხელმისაწვდომობას და, ამ მხრივ, ეთანხმება შესაძლებლობას, რომ შეკვეთის განხორციელების პროცესში, შესაძლოა, პროდუქტი და/ან მომსახურება დაწესებულებაში ხელმიუწვდომელი აღმოჩნდეს.

„მომხმარებელი“ აღიარებს, რომ Glovo არავითარ შემთხვევაში არ არის პასუხისმგებელი „მოვაჭრეებისა“ და/ან „რწმუნებულების“ მიერ შემოთავაზებული პროდუქტების ან მომსახურებების ხარისხსა და/ან მახასიათებლებზე, რომლებიც არიან პროფესიონალები, რომლებიც საქმიანობენ აპლიკაციის მეშვეობით შემოთავაზებული პროდუქტების ან მომსახურებების მიწოდებით. „მოვაჭრეები“ და/ან „რწმუნებულები“ პასუხისმგებელნი არიან ნებისმიერი ლიცენზიის ან ნებართვის მიღებაზე, რომელიც შეიძლება კანონიერად იყოს საჭირო აღნიშნული საქონლის ან მომსახურების მიწოდებისა და შეთავაზებისთვის და, აპლიკაციის საშუალებით მათი შეთავაზებით, „მოვაჭრეები“ და/ან რწმუნებულები აცხადებენ, რომ მათ სათანადოდ აქვთ ისინი მიღებული. 

ობიექტზე ასაღები და წასაღები შეკვეთები

„შეკვეთის წაღების“ და/ან „ობიექტზე აღების“ ფუნქცი(ებ)ის მეშვეობით, „მომხმარებლებს“ შესაძლებლობა აქვთ, შეუკვეთონ სხვადასხვა პროდუქტის და/ან მომსახურების ასორტიმენტი, რომლებიც გარკვეული „მოვაჭრეების“ მიერ არის შემოთავაზებული. ეს ფუნქციები „მომხმარებლებს“ საშუალებას აძლევს, თავად წაიღონ შეკვეთა სავაჭრო დაწესებულებიდან. ეს ფუნქციები ხელმისაწვდომი იქნება მხოლოდ იმ ობიექტებში, სადაც გააქტიურებულია აღნიშნული ფუნქცია და იმ ქვეყნებში, რომლებიც არჩეულია Glovo-ს მიერ. გარდა ამისა, აღნიშნული მომსახურება ხელმისაწვდომი იქნება ფიზიკური პირებისთვის მხოლოდ მათი პირადი გამოყენებისათვის. ეს მომსახურებები არცერთ შემთხვევაში არ იქნება შეთავაზებული კომერციული გამოყენებისათვის.

Glovo-ს შეუძლია, ნებისმიერ დროს ცალმხრივად ჩართოს, გამორთოს და/ან შეიტანოს ახალი ფუნქციები, რომლებიც დაკავშირებულია „წასაღებ“ და „ობიექტზე ასაღებ“ შეკვეთებთან, მომხმარებლებისთვის წინასწარი შეტყობინებით, თუ და როგორც ამას მოქმედი კანონმდებლობა მოითხოვს. ცვლილებები ვრცელდება ყველა „მომხმარებელზე“, წინამდებარე „ძირითად წესებსა და პირობებში“ მათი გამოქვეყნების შემდეგ.

იმის გათვალისწინებით, რომ წინამდებარე „ძირითადი წესები და პირობები“ დამატებით ვრცელდება ყველა იმ საკითხზე, რომელიც არ არის გათვალისწინებული ამ განყოფილებით, „შეკვეთის წაღებისა“ და „ობიექტზე აღების“ მომსახურების გამოყენება შესაძლებელია მხოლოდ იმ შემთხვევაში, თუ შესრულდება ამ განყოფილებით განსაზღვრული სპეციფიკური პირობები. 

A) „ობიექტზე ასაღები“ შეკვეთები

„ობიექტზე აღების“ ფუნქციის აპლიკაციაში ჩართვის შემთხვევაში, „მომხმარებელს“ შეუძლია პირდაპირ განათავსოს შეკვეთა ყველა იმ რესტორანში, რომელსაც აღნიშნული ფუნქცია აქვს ჩართული და განსაზღვრულ დროს აიღოს თავისი შეკვეთა ობიექტიდან.

როგორ მუშაობს „ობიექტზე ასაღები“ მომსახურება?

1. „ობიექტზე ასაღები“ მომსახურების გამოსაყენებლად, „მომხმარებელმა“ უნდა დაასკანეროს QR კოდი, რომელიც ნაჩვენები იქნება თითოეული „მოვაჭრის“ ობიექტზე საჯაროდ თვალსაჩინო ადგილას.
2. როდესაც QR კოდის დასკანერების პროცესი დასრულდება, ის „მომხმარებელს“ ახლომდებარე რესტორნების მენიუზე გადაამისამართებს, რათა შეკვეთა განათავსოს. „მომხმარებელს“ შეეძლება, აირჩიოს „მოვაჭრის“ მიერ შემოთავაზებული პროდუქტები და დაეთანხმოს ყიდვას „ობიექტზე ასაღები“ ვარიანტის მონიშვნით.
3. თუ QR კოდის დასკანერება რაიმე ხარვეზის გამო ვერ მოხდება, „მომხმარებელს“ შეუძლია შეამოწმოს, შეიძლება თუ არა შეკვეთის განთავსება Glovo-ს აპლიკაციიდან პირდაპირ საკუთარ მოწყობილობაზე „მოვაჭრის“ ობიექტის მოძიებით.
4. შეკვეთის დადასტურების შემდეგ, ამ მიზნისთვის არჩეული გადახდის მეთოდის გათვალისწინებით, მისი გაუქმება აპლიკაციაზე შესაძლებელია მხოლოდ იმ დრომდე, ვიდრე „მოვაჭრე“ მიიღებს და დაიწყებს შეკვეთის მომზადებას. თუ „მომხმარებელი“ მოგვიანებით მოისურვებს შეკვეთის შეცვლას ან თუ „მოვაჭრე“ დააგვიანებს შეკვეთის მომზადებას, „მომხმარებელი“ პირდაპირ უნდა დაუკავშირდეს „მოვაჭრეს“.
5. შეკვეთის დადასტურების შემდეგ, შეკვეთის ნომერი „მომხმარებლის“ მოწყობილობის ეკრანზე გამოჩნდება. შეკვეთის წაღების დროს, აღნიშნული ნომერი „მომხმარებელმა“ „მოვაჭრის“ პერსონალს უნდა აჩვენოს.
6. „ობიექტზე აღების“ ფუნქციის მეშვეობით განთავსებული შეკვეთის ფასი არ მოიცავს მიტანის დამატებით ხარჯს.
7. „ობიექტზე აღების“ ფუნქციის მეშვეობით განთავსებულ შეკვეთებზე გარკვეული პრომოკოდები არ გავრცელდება.

ბ) „წასაღები“ შეკვეთები

„წასაღები“ შეკვეთების ფუნქციის აპლიკაციაში ჩართვის შემთხვევაში, „მომხმარებელს“ შეუძლია, აპლიკაციის მეშვეობით პირდაპირ განათავსოს შეკვეთა „მოვაჭრის“ იმ დაწესებულებებში, რომლებსაც აღნიშნული ფუნქცია აქვს ჩართული და განსაზღვრულ დროს წამოიღოს თავისი შეკვეთა ობიექტიდან.

1. „წასაღები“ ფუნქციის გამოსაყენებლად, „მომხმარებელმა“ აპლიკაციაზე უნდა აირჩიოს ეს ფუნქცია იმ დაწესებულებისთვის, სადაც ის ხელმისაწვდომია, მიუთითოს პროდუქტები, რომელთა შეძენაც სურს აღნიშნულ დაწესებულებაში და დაადასტუროს შეკვეთა აპლიკაციაზე.
2. შეკვეთის დადასტურების შემდეგ, ამ მიზნისთვის არჩეული გადახდის მეთოდის გათვალისწინებით, მისი გაუქმება აპლიკაციაზე შესაძლებელია მხოლოდ იმ დრომდე, ვიდრე „მოვაჭრე“ მიიღებს და დაიწყებს შეკვეთის მომზადებას. 
3. შეკვეთის დადასტურების შემდეგ, შეკვეთის ნომერი „მომხმარებლის“ მოწყობილობის ეკრანზე გამოჩნდება. შეკვეთის წაღების დროს, აღნიშნული ნომერი „მომხმარებელმა“ ობიექტის პერსონალს უნდა აჩვენოს.
4. „წასაღები“ ფუნქციის მეშვეობით განთავსებული შეკვეთის ფასი არ მოიცავს მიტანის დამატებით ხარჯს.

Marketplace-ის ფუნქცია

„მომხმარებელი“ აღიარებს და ეთანხმება, რომ იმ შემთხვევაში, თუ მოითხოვება აპლიკაციით შეძენილი პროდუქტის მიტანა, ზოგიერთ შემთხვევაში, ის უზრუნველყოფილი შეიძლება იყოს მოვაჭრის მიტანის მომსახურებით, ნაცვლად რწმუნებულებისა. „მომხმარებელს“ შესაბამისად ეცნობება ამ სპეციფიკის შესახებ შეკვეთის განთავსების მომენტში.

ასეთ შემთხვევებში, მიტანაზე პასუხისმგებლობა სრულად ეკისრება „მოვაჭრეს“, რომელიც ერთადერთია, ვისაც შეუძლია შეკვეთის მიტანაზე თვალყურის მიდევნება და ნებისმიერი ინციდენტის მოგვარება. შედეგად, ამ შემთხვევებში, „მომხმარებელი“ ვერ შეძლებს პროდუქტის ადგილმდებარეობისთვის თვალყურის მიდევნებას და მიტანის სავარაუდო დრო შეიძლება განსხვავდებოდეს. ამ შემთხვევებში, რაიმე შეფერხების და/ან პროდუქციის მიტანასთან დაკავშირებული საკითხის შემთხვევაში, „მომხმარებელი“ უშუალოდ დაუკავშირდება „მოვაჭრეს“.

3.2. „რაც გინდა“ მოდელი

„რაც გინდა“ მოდელის საშუალებით, „მომხმარებელი“ აცხადებს სურვილს, შეკვეთის სახით შეიძინოს გარკვეული პროდუქტები, ხოლო „რწმუნებული“ იქნება მხოლოდ და მხოლოდ აგენტი, რომელიც „მომხმარებლის“ სახელით მოქმედებს. „მომხმარებელს“ შეუძლია, პროდუქტი დააკონკრეტოს თავისუფალი ტექსტისთვის გამოყოფილი ადგილით, რომელიც იმისთვისაა მოცემული, რომ შეივსოს დეტალური ინფორმაციითა თუ ინსტრუქციით იმ „რწმუნებულისთვის“, რომელმაც უნდა შეასრულოს დავალება. „მომხმარებელი“ ერთპიროვნულად პასუხისმგებელია სწორი მისამართების მიწოდებასა — მათ შორის, არა მხოლოდ წერილობითი მისამართების, არამედ, რუკაზე მისი სწორი ადგილმდებარეობის, რომელიც ხელმისაწვდომია აპლიკაციაში — და „რწმუნებულისთვის“ აპლიკაციაში მითითებებზე და საკუთარ თავზე უნდა აიღოს ნებისმიერი ხარჯი და უხერხულობა, რომელიც გამოწვეულია მისი შეცდომით და/ან დაუდევრობით. გარდა ამისა, „მომხმარებელმა“ მაქსიმალურად დეტალურად უნდა მიაწოდოს ინსტრუქციები, რათა „რწმუნებულმა“ სათანადოდ შეასრულოს მოთხოვნილი მომსახურებები. თუ „მომხმარებელს“ შემადგენლობისა და კვებითი ღირებულების შესახებ ინფორმაციის მიღება სურს პროდუქტზე, რომლის შეძენაც „რწმუნებულს“ ევალება, „მომხმარებელი“ პირდაპირ კონკრეტულ დაწესებულებას უნდა დაუკავშირდეს, რათა დაწვრილებითი ინფორმაცია მიიღოს პროდუქტზე. 

„მომხმარებელმა“ არ უნდა მოითხოვოს რაიმე დავალების და/ან შესყიდვის შესრულება, რომელიც ეწინააღმდეგება კანონსა და საჯარო წესრიგს, როგორც მისი შინაარსის, ისე იმ გარემოებების გამო, რომლებშიც აღნიშნული მომსახურება მოითხოვება. ზემოაღნიშნულის შედეგად, „მომხმარებელი“ არის ერთპიროვნულად პასუხისმგებელი და, შესაბამისი ვითარების წარმოქმნის შემთხვევაში, მას დაეკისრება პასუხისმგებლობა პროდუქტის მახასიათებლიდან გამომდინარე (მაგალითად: სანქცია, სამოქალაქო- და/ან სისხლისსამართლებრივი პასუხისმგებლობა, ფინანსური პასუხისმგებლობა და ა.შ.) ნებისმიერ ინციდენტზე. აღნიშნულთან დაკავშირებით, „მომხმარებლებს“ გაცნობიერებული უნდა ჰქონდეთ, რომ Glovo აქტიურად თანამშრომლობს თითოეული ქვეყნის ადგილობრივ ხელისუფლებასთან, რათა ერთად ებრძოლონ ისეთ დანაშაულებს, როგორიცაა: თაღლითობა, ნარკოტიკებით ვაჭრობა, ფულის გათეთრება, ტერორიზმი და პერსონალური მონაცემების ქურდობა. ამგვარად, „მომხმარებელი“ აცნობიერებს, რომ შესაძლოა Glovo-მ მისი მონაცემები, მისსავე თანხმობის საფუძველზე, ხელისუფლების ორგანოებს გაუმჟღავნოს, რათა თავიდან აიცილოს აღნიშნული ან სხვა სისხლისსამართლებრივი დანაშაულის ჩადენა.

„რაც გინდა“ შეკვეთის განთავსებისას, „მომხმარებლებმა“ უნდა დაადგინონ სავარაუდო ფასი; „მომხმარებელი“ პასუხისმგებელია სწორი მიახლოების განსაზღვრაზე. ამრიგად, Glovo დააკავებს საკმარის თანხას „მომხმარებლის“ გადახდის მეთოდიდან აღნიშნული მიახლოების საფუძველზე; ეს დაკავება გაუქმდება შეკვეთის დასრულების შემდეგ და Glovo დააკისრებს „მომხმარებელს“ შეკვეთისთვის მიკუთვნებულ ზუსტ თანხას, იმ ფასის გათვალისწინებით, რომელიც ფაქტობრივად დაერიცხება „რწმუნებულს“ დავალების შესრულებისას. იმ შემთხვევაში, თუ „რწმუნებულის“ მიერ შეძენილი მომსახურება ან პროდუქტი აჭარბებს „მომხმარებლის“ შეფასებას 30%-ზე მეტად, „რწმუნებული“ და/ან Glovo დაუკავშირდებიან „მომხმარებელს“, რათა აცნობონ მას ამ სიტუაციის შესახებ, და ეს იქნება ის, ვინც იღებს საბოლოო გადაწყვეტილებას, განაგრძოს თუ არა პირადად შესყიდვა მოვაჭრის შენობაში. თუ „მომხმარებელი“ თანახმაა, განაგრძოს შესყიდვა უფრო მაღალი თანხით, შეკვეთა გაგრძელდება; თუ „მომხმარებელი“ არ დათანხმდება გაგრძელებას, შეკვეთა გაუქმდება და „მომხმარებელი“ პასუხისმგებელია ნებისმიერ ხარჯზე, რომელიც შეიძლება მოიცავდეს გაუქმებას, მათ შორის, ნებისმიერი საკომისიოს გადახდას Glovo-სა ან „რწმუნებულისთვის“. 

მინდობილობის საფუძველზე, „რწმუნებული“, ვინც იღებს შეკვეთას აპლიკაციაში, კისრულობს პასუხისმგებლობას, შეიძინოს „მომხმარებლის“ მიერ შეკვეთილი პროდუქტები ამ უკანასკნელის ნაცვლად და მისი მითითებებისა და სპეციფიკაციების გათვალისწინებით. თუ პროდუქტი და/ან მომსახურება, როგორც ეს „მომხმარებლის“ მიერ არის აღწერილი აპლიკაციაში, ხელმიუწვდომელია, „რწმუნებულმა“ შეიძლება დაურეკოს „მომხმარებელს“, რათა განიხილოს ნებისმიერი ალტერნატიული ან ხელმისაწვდომი ვარიანტი, არსებობის შემთხვევაში. თუ არ არსებობს ალტერნატიული ხელმისაწვდომი ვარიანტები ან „მომხმარებელი“ არ მიიღებს „რწმუნებულის“ მიერ განსაზღვრულ რომელიმე ვარიანტს, შეკვეთა გაუქმდება წინამდებარე „ძირითადი წესებისა და პირობების“ შესაბამისად (მეცხრე ნაწილი). თუ „მომხმარებელი“ არ უპასუხებს ტელეფონს, „რწმუნებული“ მას წასვლამდე და შეკვეთის გაუქმებამდე 5 წუთის განმავლობაში დაელოდება.

ანალოგიურად, მინდობილობით გათვალისწინებული ქმედების შესრულებამდე, „რწმუნებულის“ მიერ ნებისმიერი სხვა ცვლილების შეტყობინება უნდა მოხდეს „მომხმარებლისათვის“, ამ უკანასკნელისგან თანხმობის მიღების მიზნით. თუ „მომხმარებელს“ სურს რაიმე სახის კომენტარის გაკეთება შეკვეთაზე, მას ყოველთვის შეუძლია პირდაპირ დაუკავშირდეს იმ „რწმუნებულს“, რომელიც მინდობილობით გათვალისწინებულ ქმედებას ასრულებს.

მინდობილობის დასრულების შემდეგ, თუ მოთხოვნა მოიცავდა პროდუქტის შეძენას, „რწმუნებული“ „მომხმარებელს“ ქაღალდის ქვითარს აძლევს ამ პროდუქტის და/ან მომსახურების შესახებ, რომელიც გაცემულია პროდუქტის და/ან მომსახურების გამყიდველის მიერ შეძენის მომენტში, „მომხმარებლის“ მოთხოვნისამებრ. ეს ყოველივე მომსახურების შესახებ დეტალური ინფორმაციის შეფერხების გარეშე, რომელსაც „მომხმარებელი“ მიიღებს მის ანგარიშთან დაკავშირებულ ელფოსტის მისამართზე. 

3.3. „გლოვერის“ მოდელი 

„გლოვერის“ მოდელის მეშვეობით, „მომხმარებელს“ შეუძლია მოითხოვოს აპლიკაციის საშუალებით გარკვეული ობიექტის შეგროვებისა და მიტანის მომსახურებები „მომხმარებლის“ მიერ მითითებულ მისამართებზე, იმ პირობით, რომ ისინი იმ ტერიტორიებზეა, სადაც Glovo საქმიანობს. მინდობილობის საფუძველზე, „რწმუნებული“ იღებს პასუხისმგებლობას, შეასრულოს „მომხმარებლის“ მიერ მოთხოვნილი მომსახურებები ამ უკანასკნელის ნაცვლად და მისი მითითებებისა და სპეციფიკაციების გათვალისწინებით.

„მომხმარებელმა“ არ უნდა მოითხოვოს რაიმე შეგროვება და/ან მიტანა, რომელიც ეწინააღმდეგება კანონსა და საჯარო წესრიგს, როგორც მისი შინაარსის, ისე იმ გარემოებების გამო, რომლებშიც აღნიშნული მომსახურება მოითხოვება. „მომხმარებელი“ ერთპიროვნულად პასუხისმგებელია სწორი მისამართების მიწოდებასა — მათ შორის, არა მხოლოდ წერილობითი მისამართების, არამედ, რუკაზე მისი სწორი ადგილმდებარეობის, რომელიც ხელმისაწვდომია აპლიკაციაში — და „რწმუნებულისთვის“ აპლიკაციაში მითითებებზე და საკუთარ თავზე უნდა აიღოს ნებისმიერი ხარჯი და უხერხულობა, რომელიც გამოწვეულია მისი შეცდომით და/ან დაუდევრობით. 

3.4. „SuperGlovo”-ს მოდელი

SuperGlovo-ს მოდელის მეშვეობით, აპლიკაციაში, Glovo „მომხმარებელთათვის“ ხელმისაწვდომს ხდის კატეგორიას, სადაც მათ შეუძლიათ აირჩიონ მთელი რიგი პროდუქტებიდან, რომლებიც ჩვეულებრივ გვხვდება სუპერმარკეტებში, უნივერსალურ მაღაზიებსა და/ან პირადი მოვლის დაწესებულებებში, ასე რომ, „რწმუნებული“, რომელიც იღებს შეკვეთას, „მომხმარებლის“ მიერ მითითებულ მისამართზე განახორციელებს მიტანას. ეს პროდუქტები ინახება ოთახებში, რომლებიც პირდაპირ ან ირიბად შეიძლება იმართებოდეს Glovo-ს მიერ; ასეთ შემთხვევებში, Glovo იქნება პასუხისმგებელი მოქმედი კანონმდებლობით დადგენილი წესით.

3.5. ზოგადი დებულებები. ვრცელდება ყველა ზემოთ მოყვანილ მოდელზე

აპლიკაციის საშუალებით „მომხმარებლებისთვის“ ხელმისაწვდომი მომსახურებები, მოდელის მიუხედავად, განხორციელდება მხოლოდ გადახდის დროს შემდეგი პირობების დაკმაყოფილების შემთხვევაში:

• არჩეული საათის მონაკვეთში „მომხმარებლის“ მიერ მოთხოვნილი მომსახურება მოქმედი უნდა იყოს.
• შეძენილი პროდუქტები, მიტანილი საქონელი და/ან შესასრულებელი დავალება უნდა მდებარეობდეს Glovo-ს სამოქმედო ქალაქსა და ხელმისაწვდომ ადგილზე.
• დანიშნულების ადგილი უნდა მდებარეობდეს იმავე ქალაქის ტერიტორიაზე, სადაც პროდუქტი მდებარეობს და/ან შეგროვების მისამართია.
• შეკვეთილი პროდუქტ(ებ)ის პარამეტრები არ უნდა აღემატებოდეს შემდეგ ზომებს: 40 სმ x 40 სმ x 30 სმ*
• ცალკეული შეკვეთის მაქსიმალური წონა არ უნდა აღემატებოდეს 9 კგ-ს*

*ზემოაღნიშნული პარამეტრები და წონა არ ვრცელდება იმ სატრანსპორტო საშუალებაზე, რომელსაც შეუძლია ასეთი მოცულობის გადატანა.

„მომხმარებლები“ ერთპიროვნულად არიან პასუხისმგებელნი „აპლიკაციაზე“ მიტანისა და აღებისთვის სწორი მისამართის მითითებაზე — მათ შორის, არა მხოლოდ წერილობითი მისამართები, არამედ მისი სწორი ადგილმდებარეობა რუკაზე, რომელიც ხელმისაწვდომია აპლიკაციაში — და, აქედან გამომდინარე, ათავისუფლებენ Glovo-სა და „რწმუნებულს“ ყოველგვარი პასუხისმგებლობისგან დაუდევრობისა და შეცდომის დროს, რომელიც დაკავშირებულია აღებისა და მიტანის არასწორი მისამართების განსაზღვრასთან. ანალოგიურად, „მომხმარებლებმა“ უნდა მიაწოდონ ყველა ინფორმაცია, რაც შეიძლება დეტალურად, მომსახურებისა და/ან პროდუქტის შესახებ, რომელსაც ეხება დავალება. ამისათვის, მათ შეუძლიათ მიაწოდონ ნებისმიერი კომენტარი, რომელიც სასარგებლოდ შეიძლება ჩათვალონ, „კომენტარების“ განყოფილებაში.  „მომხმარებელი“ ათავისუფლებს Glovo-სა და „რწმუნებულს“ ნებისმიერი პასუხისმგებლობისგან, რომელიც გამომდინარეობს „მომხმარებლის“ მიერ მიცემულ მითითებებში დაუდევრობის ან შეცდომისაგან. ზემოაღნიშნულის შედეგად, შეგროვებისა და მიტანის არასწორი მისამართის მიწოდების შედეგად გამოწვეული ხარჯები, აგრეთვე, არასწორი მითითებები შესასყიდ პროდუქციასთან, შესასრულებელ დავალებებსა და/ან გასაწევ მომსახურებებსა და/ან ნებისმიერი სხვა დავალების შესრულებასთან დაკავშირებით, ეკისრება „მომხმარებელს“.

თუ „მომხმარებელი“ არ იმყოფება მიტანისთვის მითითებულ ადგილზე და, შესაბამისად, შეკვეთის მიტანა შეუძლებელია, „მომხმარებელმა“ უნდა დაფაროს საბაზისო საკურიერო მომსახურების ღირებულების 100%, ასევე, პროდუქტის ფასი, თუ ის შეძენილია ან ხელშეკრულებითაა გაფორმებული „მომხმარებლის“ მოთხოვნით. ეს ზიანს არ აყენებს „მომხმარებლის“ შესაძლებლობას, განათავსოს და გადაიხადოს სხვა შეკვეთისთვის, რომელიც იმის იდენტურია , რომლის მიტანაც ვერ მოხერხდა, მიიღოს აღნიშნული პროდუქტები ან მომსახურება.

„მომხმარებლის“ მიერ შეკვეთის მიღება მითითებულ მიტანის მისამართზე ჩაითვლება შეკვეთის მიღებად. იმ შემთხვევაში, თუ შეკვეთა არასწორია, არასრულია ან შეიცავს რაიმე დეფექტს, „მომხმარებელი“ შეკვეთის მიღებისთანავე დაუკავშირდება Glovo-ს „დახმარების განყოფილების“ მეშვეობით. არც Glovo და არც „რწმუნებული“ არ კისრულობს რაიმე ვალდებულებას შეკვეთის მიმღების ვინაობის შემოწმების შესახებ; ეს უკანასკნელი ჩაითვლება სწორად, იმ პირობით, რომ იგი იქნება მითითებულ მიტანის მისამართზე. ამრიგად, Glovo არ იღებს პასუხისმგებლობას შეკვეთის არასწორი პირისთვის გადაცემაზე მიტანის სწორ მისამართზე. 

4. ეკონომიკური პირობები

4.1. აპლიკაციის საშუალებით მიწოდებულ მომსახურებათა ფასები

„მომხმარებლებს“ შეუძლიათ დარეგისტრირდნენ აპლიკაციაში უფასოდ; მიუხედავად ამისა, აპლიკაციაში რეგისტრაციის უფასო ხასიათი ნებისმიერ დროს ექვემდებარება განხილვას Glovo-ს მიერ. ნებისმიერ შემთხვევაში, „მომხმარებლებს“ შესაძლოა მოუწიოთ კონკრეტულ მომსახურებათა ღირებულების გადახდა „აპლიკაციაზე“, როგორც ეს განსაზღვრულია წინამდებარე „ძირითად წესებსა და პირობებში“. Glovo იტოვებს უფლებას, ნებისმიერ დროს შეცვალოს ფასები აპლიკაციაში, „მომხმარებლების“ ინფორმირებით, როგორც და თუ ამას მოითხოვს მოქმედი კანონმდებლობა. ასეთი ცვლილებები ძალაში შევა გამოქვეყნებისთანავე. 

ჩვენი აპლიკაციით სარგებლობისთვის Glovo „მომხმარებელს“ დააკისრებს მომსახურების გადასახადს, რომელიც ხელს უწყობს ჩვენი მომსახურებების ზოგადი ხარისხის უწყვეტ გაუმჯობესებას, სავაჭრო ობიექტების უფრო ფართო არჩევანის შემოთავაზებას, მომხმარებლებისთვის უფრო კომფორტული გარემოს შექმნასა და სხვა. პროდუქტების ღირებულების მიხედვით, მომსახურების გადასახადის ოდენობა შეიძლება იყოს ფიქსირებული ან ცვლადი. Glovo ადგენს მომსახურების საფასურს და ხდის მას ხილულს „მომხმარებლებისთვის“ თითოეული შეკვეთისთვის ანგარიშსწორებისას.  მომსახურების აღნიშნული გადასახადი ჩამოიჭრება იმ საკრედიტო ბარათით, რომელიც „მომხმარებელმა“ შეკვეთის ღირებულების გადასახდელად აირჩია. თუ „მომხმარებელი“ ნაღდი ფულით გადახდის ვარიანტს ირჩევს (Glovo, შესაძლოა, ვერ სთავაზობდეს ამ ვარიანტს ზოგიერთ ქვეყანაში), მომსახურების გადასახადის გადახდა „მომხმარებელს“ დაეკისრება ნაღდი ფულის სახით, შეკვეთის შეგროვების ან მიტანისას, რა შემთხვევაშიც აღნიშნული თანხის Glovo‑ს სახელით მიღებაზე პასუხისმგებელი იქნება „მოვაჭრე“. ნაღდი ფულით გადახდის შემთხვევაში, Glovo იტოვებს უფლებას, დააკავოს თანხა „მომხმარებლის“ ბარათიდან, სანამ არ განხორციელდება გადახდა პროდუქტის მიტანის მომენტში და/ან მიტანის ადგილზე დავალების დასრულებამდე. თუ გადახდა არ განხორციელდა, Glovo იტოვებს უფლებას, მოახდინოს ჩამოჭრა ბარათიდან, რომელზეც თანხა იყო დაკავებული.

აღნიშნული მომსახურების საფასურის გარდა, „მომხმარებელმა“ უნდა გადაიხადოს აპლიკაციის საშუალებით მოთხოვნილი პროდუქტებისა და/ან მომსახურებების გადასახადი, ისევე, როგორც „რწმუნებულების“ მიერ მიწოდებული საკურიერო ან შეკვეთის მომსახურებები ყოველ ჯერზე, როდესაც შეგროვებას ან/და მიტანას მოითხოვს. ცუდი ამინდის პირობების, გადამეტჯერების, მაღალი მოთხოვნის და/ან ნებისმიერი სხვა მდგომარეობის შემთხვევაში, რამაც გავლენა შეიძლება მოახდინოს „რწმუნებულის“ მიერ მიტანის მომსახურებების გაწევაზე, „მომხმარებელმა“ შეიძლება განიცადოს საფასურის დროებითი ზრდა ამ მომსახურებებისთვის. ნებისმიერ შემთხვევაში, მიტანის მომსახურების ღირებულება, ასევე, შეიძლება შეიცვალოს ფორსმაჟორული სიტუაციის შესაბამისად, რომელიც არ ექვემდებარება Glovo-ს მიერ კონტროლს.

„რაც გინდა“ და/ან „გლოვერის“ მოდელების მიხედვით შეკვეთების შემთხვევაში, თითოეული მომსახურების სრული ღირებულება შეიძლება შედგეს ცვლადი პროცენტების მეშვეობით, რომლებიც ეფუძნება განვლილი კილომეტრების რაოდენობასა და „რწმუნებულის“ მიერ დახარჯულ დროს, ისევე, როგორც ყოველი „მოვაჭრის“ მიერ განსაზღვრულ ფასს, ისეთ შემთხვევებში, როდესაც „მომხმარებელი“ ითხოვს პროდუქტის ან მომსახურების ფიზიკურ შეძენას. Glovo იტოვებს უფლებას, შეცვალოს ფასი განვლილი მანძილის და/ან დღის იმ დროის შესაბამისად, რომლის განმავლობაშიც მოხდა მომსახურების გაწევა. წინამდებარე წესების შესაბამისად, „მომხმარებელი“ უფლებამოსილია, იცოდეს მომსახურების მიახლოებითი ღირებულება შეკვეთამდე და სანამ გადაიხდის ღირებულებას, გარდა იმ შემთხვევებისა, როდესაც „მომხმარებელი“ არ აკონკრეტებს აღების მისამართს. 

გარდა ამისა, საფასური შეიძლება შეიცავდეს დამატებით გასამრჯელოებს „რწმუნებულისა“ და/ან ადგილობრივი ობიექტისთვის, რომლის ოდენობა ერთპიროვნულად და მთლიანად „მომხმარებლის“ შეხედულებისამებრ იქნება განსაზღვრული; აქედან გამომდინარე, მხოლოდ „მომხმარებელი“ გადაწყვეტს, გადაიხადოს თუ არა, და რა თანხა. ნებისმიერ შემთხვევაში, Glovo-მ შეიძლება შესთავაზოს „მომხმარებლებს“, დაიმახსოვრონ დამატებითი გასამრჯელოს გადახდის არჩეული ვარიანტი; იმ შემთხვევაში, თუ „მომხმარებელი“ თანახმაა, შეინახოს მისი პრეფერენციები გადახდისას, ეს პრეფერენციები ავტომატურად იქნება გამოყენებული ყველა მომდევნო შეკვეთაში. „მომხმარებელს“ ექნება შესაძლებლობა, ნებისმიერ დროს შეცვალოს არჩეული პრეფერენციები. 

4.2. აპლიკაციაზე შემოთავაზებული პროდუქტებისა და/ან მომსახურებების ფასი 

აპლიკაციაში შემოთავაზებული თითოეული მომსახურებისა და/ან პროდუქტისთვის მოქმედი ფასები დადგენილია „მოვაჭრეების“ მიერ და დგინდება ერთპიროვნულად და თავისუფლად ამ უკანასკნელის მიერ. Glovo ყველაფერს აკეთებს იმისათვის, რომ აპლიკაციაში ფასები განახლდეს და სათანადოდ აისახოს „მოვაჭრის“ მიერ გამოყენებული რეალური ფასი; თუმცა, Glovo-ს კონტროლის მიღმა, გარკვეულ სიტუაციებში, „მოვაჭრის“ მიერ აპლიკაციაში მითითებული ფასი შეიძლება განსხვავდებოდეს. ასეთ შემთხვევაში, ფასის ცვალებადობაზე პასუხისმგებელი იქნება „მოვაჭრე“ და „მომხმარებელი“ მას უნდა დაუკავშირდეს ნებისმიერი შესაბამისი პრეტენზიისთვის. აპლიკაციის საშუალებით მოთხოვნილი შესყიდვა გაგრძელდება ფასის 30%-მდე ცვალებადობის შემთხვევაში. თუ სხვაობა აღნიშნულ 30%-ზე მაღალია, „მომხმარებელს“ დაუკავშირდებიან ვითარების გაცნობის მიზნით და აცნობებენ ხელმისაწვდომი ვარიანტების შესახებ. ნებისმიერ შემთხვევაში, „მომხმარებელი“ შეიძლება დაუკავშირდეს „რწმუნებულს“ ან „მოვაჭრეს“ შეკვეთილი პროდუქტის საბოლოო ფასის დასადგენად.

„მოვაჭრეებს“ თავისუფლად შეუძლიათ დააწესონ პასუხისმგებლობის შეზღუდვა იმ პროდუქტებზე/მომსახურებებზე, რომლებსაც ისინი სთავაზობენ აპლიკაციის მეშვეობით, იმის უზრუნველსაყოფად, რომ აპლიკაციაში ნაჩვენები ფასები შეესაბამებოდეს მათ საკუთარ დაწესებულებებში არსებულ ფასებს. ამ შემთხვევაში, „მოვაჭრეები“ პასუხისმგებელნი არიან ნებისმიერ ცვალებადობაზე, ცვლილებასა და/ან შეცდომებზე, რაც შეიძლება აისახოს ასეთ ფასებზე. Glovo არანაირად არ ერევა პასუხისმგებლობის შეზღუდვის დადგენაში.

აპლიკაციაზე არსებული ნებისმიერი ფასი მოიცავს ყველა იმ გადასახადს, რაც შეიძლება გამოყენებულ იქნას იმის მიხედვით, თუ რომელ ტერიტორიაზე მოქმედებს „მომხმარებელი“, და, ნებისმიერ შემთხვევაში, სახელდებული უნდა იყოს იმ ვალუტაში, რომელიც ძალაშია და გამოიყენება „მომხმარებლის“ სამოქმედო ადგილას.

„მომხმარებელი“ აღიარებს, რომ „მოვაჭრეების“ მიერ აპლიკაციაში მითითებული პროდუქტებისა და მომსახურებების ფასები ყოველთვის არ შეიძლება მოიცავდეს მათი შეფუთვის ფასს, რომელიც ცალკე შეიძლება დაერიცხოს „მომხმარებელს“, თუ ამას მოითხოვს მოქმედი კანონმდებლობა და/ან სტანდარტები. კერძოდ, მაგრამ ნებისმიერი სხვა შემთხვევის გამორიცხვის გარეშე, „მომხმარებელი“ აღიარებს, რომ ცალ-ცალკე შეიძლება ჩამოეჭრას ნებისმიერი პლასტიკური შეფუთვის ფასი, რომელიც თან ახლავს მის შეკვეთას.

„რაც გინდა“ მოდელის შეკვეთის შემთხვევაში, „მომხმარებელი“ ანიჭებს უფლებას „რწმუნებულს“, აპლიკაციის მეშვეობით შეძენისა და მიტანის მოთხოვნის საშუალებით, რათა შეიძინოს პროდუქტები პირადად, მისი სახელით, ობიექტების მიერ დადგენილ ფასად, რომელშიც ისინი არის შეძენილი; აპლიკაციაში შეტანილი ასეთი ფასის ნებისმიერი მითითება მხოლოდ საჩვენებელია და არასოდეს არ უნდა იქნეს განმარტებული, როგორც საბოლოო ან სავალდებულო არც Glovo-ს და არც ობიექტის ან „რწმუნებულისთვის“. შეკვეთის განხორციელების პროცესში, „მომხმარებელს“ შეუძლია პირდაპირი კომუნიკაცია აწარმოოს „რწმუნებულთან“.

Glovo და/ან „მოვაჭრეები“ იტოვებენ უფლებას, შემოიღონ დამატებითი საფასური შეკვეთის ფასში (შემდგომში, „მცირე შეკვეთის გადასახადი“), როგორც მოთხოვნა მცირედ მიჩნეული შეკვეთების დამუშავებისა და მომზადებისთვის. მცირედ მიჩნევა შეიძლება განსხვავდებოდეს ქვეყნის და/ან იმ მომენტის მიხედვით, რომელშიც შეკვეთა განთავსდება. Glovo მკაფიოდ შეატყობინებს „მომხმარებელს“ აპლიკაციის საშუალებით, როდესაც მოქმედებს მცირე შეკვეთის გადასახადი და მის ზუსტ თანხას; და „მომხმარებელს“ ექნება ნებართვა, ან გააგრძელოს შეკვეთა და გადაიხადოს აღნიშნული დამატებითი საფასური, შეცვალოს შეკვეთა და/ან გააუქმოს აღნიშნული შეკვეთა მის საბოლოო განთავსებამდე. 

4.3. ანგარიშის გამოწერა

„აპლიკაციის“ მეშვეობით რეგისტრაციითა და შესაბამისი საბანკო რეკვიზიტების წარდგენით, „მომხმარებელი“ გარკვევით აძლევს Glovo-ს უფლებამოსილებას, რომ გასცეს გადახდის ქვითრები მოთხოვნილი მომსახურებისთვის, მიტანის საფასურისა და შეკვეთილი პროდუქტების ფასის ჩათვლით.

„მომხმარებელი“ აძლევს Glovo-ს უფლებას, ელექტრონულად გაუგზავნოს მას ქვითრები შეკვეთილი მომსახურებისათვის და/ან როგორც აპლიკაციის გამოყენებით, ისე „რწმუნებულების“ და/ან „მოვაჭრეების“ მიერ მიწოდებული მომსახურებებით შექმნილი ფაქტურები იმ ელფოსტაზე, რომელიც „მომხმარებელმა“ მიუთითა რეგისტრაციისას. თუ საჭიროა ინვოისი, „მომხმარებელმა“ უნდა მიუთითოს შესაბამისი საგადასახადო მონაცემები აპლიკაციაზე შეკვეთის განთავსებამდე.

ასევე, „მომხმარებელი“ აღიარებს, რომ GLOVO-ს აპლიკაციის მეშვეობით გაფორმებული მომსახურებების მიხედვით, მას შეუძლია მიიღოს „რწმუნებულებისგან“ მიტანის, საკურიერო ან მართვის მომსახურებების შესაბამისი ინვოისები.

4.4. გადახდის პლატფორმები

ნებისმიერი პროდუქტის ღირებულების გადახდა (როგორიცაა საჭმელი, სასმელი, საჩუქარი და ა.შ.) Glovo-სთვის, გაათავისუფლებს „მომხმარებელს“ დაკავშირებული რესტორნების და/ან დაწესებულებებისთვის აღნიშნული ღირებულების გადახდის ვალდებულებისგან, ისევე, როგორც „რწმუნებულს“, გაწეული მომსახურებებისთვის. Glovo არ მოქმედებს „მომხმარებლების“ სახელით და ამ დოკუმენტში მოცემული არცერთი ნებართვა არ უნდა ჩაითვალოს Glovo-სთვის მიცემულ მინდობილობად.

Glovo აძლევს გადახდების დამადასტურებელ ქვითარს „მომხმარებლებს“, რომლებიც მოქმედებენ როგორც აგენტი (გადახდების შეგროვებისთვის), დაკავშირებული რესტორნების და/ან დაწესებულებებისა და „რწმუნებულების“ სახელით, ელექტრონული ფულის დაწესებულების მეშვეობით. „ელექტრონული ფულის დაწესებულებები“ (შემდგომში, „გადახდის პლატფორმები“) პასუხისმგებელი არიან, ნებისმიერი საჭირო ნებართვის ან ლიცენზიის მოპოვებისთვის მიაწოდონ გადახდის რეგულირებული მომსახურება, პირდაპირი ან არაპირდაპირი წესით, იმ ტერიტორიებზე, რომლებშიც Glovo ოპერირებს და მოქმედ კანონმდებლობასთან შესაბამისობაში ყოფნისთვის, რომელიც ვრცელდება გაწეულ გადახდის მომსახურებებზე. ამიტომ, Glovo არ იღებს პასუხისმგებლობას ნებართვის ან ლიცენზიის არარსებობის ან რაიმე მოქმედი რეგულაციის დარღვევისთვის; ამის საპირისპიროდ, ერთპიროვნული და ექსკლუზიური პასუხისმგებლობა ეკისრება გადახდის პლატფორმას.

Glovo იტოვებს უფლებას, როგორც თაღლითობის პრევენციის ღონისძიება, მოითხოვოს გადახდის წინასწარი ნებართვა აპლიკაციის საშუალებით შეკვეთილი პროდუქტებისთვის, ყოველთვის გადახდის პლატფორმის მეშვეობით და მხოლოდ იმ მიზნით, რათა შეამოწმოს მიწოდებული გადახდის საშუალებები და უზრუნველყოს აპლიკაციის სწორი ფუნქციონირება და „მომხმარებლების“ მიერ მისი გამოყენება. ამგვარი წინასწარი დაკავება არცერთ შემთხვევაში არ უნდა ითვალისწინებდეს შეკვეთის სრული ღირებულების გადახდას, რადგან ეს უკანასკნელი მხოლოდ მაშინ მოხდება, როდესაც „მომხმარებელი“ პროდუქტს მიიღებს, ან წინამდებარე „ძირითადი წესებითა და პირობებით“ გათვალისწინებული სხვა მიზეზებით.

თუ „მომხმარებელს“ აქვს რაიმე პრობლემა პლატფორმის მეშვეობით გადახდასთან დაკავშირებით, რომელიც ხელმისაწვდომია აპლიკაციაში, „მომხმარებელს“ შეუძლია დაუკავშირდეს Glovo-ს მომხმარებელთა მხარდაჭერის გუნდს აპლიკაციის „დახმარების“ განყოფილების მეშვეობით. Glovo ყველაფერს გააკეთებს, რათა უზრუნველყოს საკითხის გადაწყვეტა და შეძლებისდაგვარად კავშირი დაამყაროს გადახდის პლატფორმასთან; როგორც არ უნდა იყოს, Glovo არ არის პასუხისმგებელი ნებისმიერ ისეთ საკითხზე, რომელიც შედის გადახდის პლატფორმების, „მომხმარებლის“ ბანკის ან მსგავსი ფინანსური ინსტიტუტის საქმიანობასა და პასუხისმგებლობაში. 

4.5. გადახდის მეთოდები

„მომხმარებელს“ შეუძლია, პროდუქტის და/ან მომსახურების ღირებულება გადაიხადოს ნაღდი ფულით ან საკრედიტო ბარათით. შეკვეთის მიცემის დროს, „მომხმარებელს“ ეცნობება გადახდის სხვადასხვა ხელმისაწვდომი მეთოდის შესახებ იმ ადგილისთვის, სადაც მომსახურების მოთხოვნა ხდება. გარდა ამისა, გარკვეულ ტერიტორიებზე, „მომხმარებელს“ შეიძლება ჰქონდეს შესაძლებლობა, გადაიხადოს მობილური ფულით, ან აპლიკაციის მეშვეობით, ან შეკვეთის აღების ან მიღების მომენტში, როგორც ეს მითითებულია აპლიკაციის მეშვეობით ცალკეულ შემთხვევაში. 

საკრედიტო ბარათით გადახდის შემთხვევაში, „მომხმარებელი“ ვალდებულია, ბარათის რეკვიზიტები აპლიკაციის მეშვეობით წარადგინოს, როგორც მის ანგარიშთან დაკავშირებული გადახდის მეთოდი. Glovo საკუთარ სერვერზე არ ინახავს ბარათის რიცხვებს და მხოლოდ ბოლო ოთხი ციფრის დანახვა შეუძლია. სრული ინფორმაცია ინახება გადახდის პლატფორმის სერვერებზე, რომლის მეშვეობითაც ხდება გადახდები. 

თუ შეუძლებელია გადახდის დასრულება შერჩეული გადახდის მეთოდის გამოყენებით, „მომხმარებელი“ ნებართვას აძლევს Glovo-ს, ჩამოაჭრას მოქმედი საკომისიო ნებისმიერი სხვა საკრედიტო ან სადებეტო ბარათიდან, რომელიც „მომხმარებელმა“ უკვე დაარეგისტრირა თავის Glovo-ს ანგარიშზე.

შესაძლოა, ნაღდი ფულით გადახდა შეუძლებელი იყოს ზოგიერთ ქვეყანაში, რომელშიც Glovo მოქმედებს. თუ შესაძლებელია, ნაღდი ფულით ანგარიშსწორების შემთხვევაში, Glovo იტოვებს უფლებას, დააკავოს თანხა „მომხმარებლის“ ბარათიდან, სანამ არ განხორციელდება გადახდა პროდუქტის მიტანის მომენტში და/ან მიტანის ადგილზე დავალების დასრულებამდე. თუ გადახდა არ განხორციელდა, Glovo იტოვებს უფლებას, მოახდინოს ჩამოჭრა ბარათიდან, რომელზეც თანხა იყო დაკავებული. 

თუ მომსახურების საფასურს „მომხმარებელი“ რაიმე მიზეზით არ გადაიხდის, „მომხმარებლის“ ანგარიში დაიბლოკება მანამ, სანამ სიტუაცია არ გამოსწორდება და დავალიანების გადახდა არ მოხდება.

4.6. თანხის დაბრუნება

დავის შემთხვევაში, Glovo-მ შეიძლება უზრუნველყოს პირველადი მხარდაჭერა და მოახდინოს „მომხმარებლის“ კომპენსირება, თუ აღნიშნული მიზანშეწონილად იქნა მიჩნეული. ნაღდი ფულით გადახდის შემთხვევაში, Glovo ანაზღაურებს თანხას, „მომხმარებლის“ Glovo-ს ანგარიშზე პრომოკოდის დამატებით. იმ შემთხვევაში, თუ Glovo გაიგებს, რომ „მომხმარებელმა“, რომელიც ითხოვს შეკვეთის თანხის დაბრუნებას, თაღლითურად გამოიყენა აპლიკაცია, ეს მოთხოვნა დაუყოვნებლივ იქნება უარყოფილი.

ზემოაღნიშნულის მიუხედავად, Glovo არ არის ვალდებული, განახორციელოს რაიმე თანხის დაბრუნება „მოვაჭრის“ პროდუქტებზე ან „რწმუნებულების“ მიერ მიტანის მომსახურებების გაწევის დეფექტების გამო. გარდა ამისა, Glovo-ს მიერ შესრულებული ნებისმიერი თანხის დაბრუნება „მომხმარებლის“ კმაყოფილების მაღალი სტანდარტების გამო, არ განიხილება, როგორც უარის თქმა პასუხისმგებლობის ამ გამორიცხვაზე, რაც დამახასიათებელია Glovo-სთვის, როგორც უბრალო შუამავლისთვის. გარდა ამისა, პროდუქტის ნებისმიერი დაბრუნება, ისევე, როგორც მისი შესაბამისი თანხის დაბრუნება „მომხმარებლის“ მიერ განხორციელდება უშუალოდ „მოვაჭრესთან“, „მოვაჭრის“ თანხის დაბრუნების პოლიტიკისა და წინამდებარე „ძირითადი წესებისა და პირობების“ მე-5 მუხლის შესაბამისად.

4.7. პრომოკოდები და/ან სხვა შეთავაზებები თუ ფასდაკლებები

Glovo-ს შეუძლია, ნებისმიერ დროს ცალმხრივად მიაწოდოს კრედიტები აპლიკაციაში გამოსაყენებლად, ფასდაკლებები, უფასო გადაზიდვა, ისევე, როგორც ნებისმიერი სხვა პრომოაქცია გარკვეულ „მომხმარებლებს“ (შემდგომში, „ფასდაკლებები“ და/ან „პრომოაქციები“). ნებისმიერი ფასდაკლება და პრომოაქცია ნებისმიერ დროს ცალმხრივად შეიძლება გააუქმოს Glovo-მ. 

„მომხმარებელი“ აღიარებს და ეთანხმება, რომ მინიჭებული ნებისმიერი „ფასდაკლება“ ან „პრომოაქცია“ უნდა იქნეს გამოყენებული მხოლოდ Glovo-ს მიერ დადგენილი მოქმედების პერიოდის განმავლობაში, თითოეული „ფასდაკლებისა“ და/ან „პრომოაქციისთვის“. თუ ასეთი „ფასდაკლების“ ან „პრომოაქციის“ შეტყობინების და/ან მინიჭების მომენტში Glovo-ს მიერ არ არის მითითებული მოქმედების ვადა, ნაგულისხმევად გამოყენებული მოქმედების ვადა იქნება ექვსი (6) თვე იმ დღიდან, როდესაც ისინი ხელმისაწვდომი გახდა „მომხმარებლისთვის“. Glovo-ს მიერ მითითებული „ფასდაკლების“ და/ან „პრომოაქციის“ შეტყობინების ან მინიჭების მომენტში ნებისმიერ სხვა მოქმედების პერიოდს ექნება უპირატესი ძალა ზემოთ მითითებულ ექვსი (6) თვის ნაგულისხმევ მოქმედების პერიოდთან შედარებით.

ანალოგიურად, „მომხმარებელი“ აღიარებს და ეთანხმება, რომ მინიჭებული ნებისმიერი „ფასდაკლება“ და/ან „პრომოაქცია“ შეიძლება გავრცელდეს მხოლოდ გარკვეულ პროდუქტებსა და/ან მომსახურებებზე, რომლებიც შემოთავაზებულია Glovo-ს აპლიკაციით ან მხოლოდ კონკრეტულ გარემოებებსა და პირობებში (მაგ., პირველი შეკვეთა, შეკვეთა ტერიტორიის ფარგლებში, შეკვეთა დღის კონკრეტულ დროს, გარკვეული ტიპის შეკვეთა, მცირე შეკვეთის გადასახადი და ა.შ.). 

„მომხმარებლებისთვის“ მინიჭებული „ფასდაკლება“ და/ან „პრომოაქციები“ „მომხმარებელმა“ სწორად უნდა შეიყვანოს აპლიკაციაში შეკვეთის განთავსებამდე. სხვაგვარად, ისინი ვერ შევა ძალაში და „მომხმარებელი“ ვერ შეძლებს მათ გამოყენებას. „მომხმარებელი“ პასუხისმგებელია, დარწმუნდეს, რომ „ფასდაკლება“ და/ან „პრომოაქცია“ ვრცელდება აპლიკაციის საშუალებით მოთხოვნილ კონკრეტულ პროდუქტებსა ან მომსახურებებზე და რომ „ფასდაკლება“ ან „პრომოაქცია“ კვლავ ძალაშია და სრულად მოქმედებს. 

„მომხმარებელი“ აღიარებს, რომ „ფასდაკლებები“ და/ან „პრომოაქციები“ შეიძლება შეფერხდეს მისი გამოყენებისას, იმ მომენტიდან, როდესაც ისინი მიეწოდება და/ან მიენიჭება „მომხმარებელს“. კერძოდ, სხვებს შორის, პირველი „მომხმარებლების“ ან აპლიკაციაში პირველი შეკვეთებისთვის Glovo-ს მიერ შემოთავაზებული „ფასდაკლებები“ და/ან „პრომოაქციები“ შეიძლება გახდეს ხელმისაწვდომი „მომხმარებლის“ ანგარიშის შექმნის მომენტიდან 24-დან 72 საათის განმავლობაში. „მომხმარებელი“ პასუხისმგებელია, დარწმუნდეს, რომ „ფასდაკლება“ და/ან „პრომოაქცია“ სწორად იქნა შეყვანილი აპლიკაციაში და გადახედოს, რომ ის სწორად იქნა გამოყენებული შეკვეთაზე. თუ განაცხადის შეფერხება აღემატება 72 საათს, „მომხმარებელს“ შეუძლია გამოიყენოს „დახმარების“ განყოფილება Glovo-ს მომხმარებელთა მხარდაჭერასთან დასაკავშირებლად. 

„მომხმარებელი“ აღიარებს და ეთანხმება, რომ ყველა „ფასდაკლება“ და/ან „პრომოაქცია“ მოქმედებს მხოლოდ ერთხელ თითო „მომხმარებლისთვის“ და, შესაბამისად, შეიძლება შეიზღუდოს სხვადასხვა მახასიათებელზე დაყრდნობით, როგორიცაა მოწყობილობა, საკრედიტო/სადებეტო ბარათი, ელფოსტის მისამართი, ტელეფონის ნომერი ან მომხმარებლის ID, გარდა იმ შემთხვევებისა, რაც Glovo-ს მიერ პირდაპირ არის გათვალისწინებული კონკრეტულ „ფასდაკლებასა“ და/ან „პრომოაქციასთან“ დაკავშირებით. 

ნებისმიერ შემთხვევაში, Glovo იტოვებს უფლებას, ცალმხრივად გააუქმოს და უარი თქვას ნებისმიერ „ფასდაკლებასა“ და „პრომოაქციაზე“, იქნება ეს შეთავაზებული თუ უკვე მინიჭებული, იმ შემთხვევაში, თუ შეიტყობს მათი თაღლითური გამოყენების შესახებ (როგორიცაა, მათ შორის, პრომოკოდის გამოსყიდვა იმ პირისგან, ვინც არ არის მისი კანონიერი მიმღები, კოდების გადაცვლა ან კოდებისა თუ ფასდაკლების გაყიდვა). ამასთანავე, ის იტოვებს „მომხმარებლებზე“ სანქციების გამოყენების უფლებას იმ ოდენობით, რა ოდენობითაც Glovo გამოვლენილი თაღლითობისგან დაზარალდა, ისევე, როგორც „მომხმარებლის“ Glovo-ს ანგარიშის შეჩერებისა და/ან გაუქმებისთვის.

Glovo არ იღებს პასუხისმგებლობას, თუ ფორსმაჟორული მოვლენის ან მის კონტროლს მიღმა მყოფი სხვა მოვლენის გამო ან რომლის საჭიროებაც გამართლებული იქნება, იძულებული გახდება, გააუქმოს, შეამციროს, გააგრძელოს ან შეცვალოს „ფასდაკლებებისა“ და „პრომოაქციების“ პირობები. კერძოდ, Glovo არ იღებს პასუხისმგებლობას, თუ ვებსაიტი არ იქნება ხელმისაწვდომი ნებისმიერ დროს „ფასდაკლებებისა“ და „პრომოაქციების“ განმავლობაში ან ავტომატიზებული პრომოაქციების სისტემაში არსებული გაუმართაობის გამო.

5. შეკვეთების გაუქმება და უარის თქმის უფლება

5.1. „მომხმარებლის“ მიერ შეკვეთების გაუქმება

Glovo-ს მიერ შეთავაზებული შუამავლობის მომსახურების სახეობიდან გამომდინარე, „მომხმარებელი“ აცნობიერებს, რომ მას შემდეგ, რაც „რწმუნებული“ და „მოვაჭრე“ ნებაყოფლობით მიიღებენ შეკვეთას, მინდობილობის შესრულება დაწყებულადაა ჩათვლილი და „მომხმარებელს“ აღარ ექნება მომსახურების მოთხოვნის ანაზღაურების გარეშე გამოხმობის უფლება. მას შემდეგ, რაც „მომხმარებელი“ გააუქმებს შეკვეთებს, პროდუქციის მიტანა არ მოხდება. Glovo გადაჭრით აცხადებს, რომ ზემოაღნიშნული წესი ეხება მხოლოდ Glovo-ს აპლიკაციის მეშვეოვით შეკვეთის გაუქმებას და მისი არსებობა განპირობებულია აპლიკაციის ტექნიკური თავისებურებით. ყოველგვარი ეჭვის გამოსარიცხად, აღნიშნული წესი არ ზღუდავს მომხმარებელს, უპირობოდ დაუბრუნოს შესაბამის ,,მოვაჭრეს” შეძენილი პროდუქცია ზემოაღნიშნული ,,საქართველოს კანონმდებლობის საფუძველზე დადგენილი წესები და პირობები”-ს მე-6 პუნქტის შესაბამისად (,,პროდუქციის უპირობოდ დაბრუნების პირობები”).

Glovo-ს აპლიკაციის მეშვეობით შეკვეთის გაუქმების შემთხვევაში, გაუქმების გადასახადი შემდეგ ფაქტორებზე შეიძლება იყოს დამოკიდებული:

1. თუ „მოვაჭრეს“ უკვე მიღებული აქვს შეკვეთა და დაიწყო მისი მომზადება, პროდუქტის საფასურის გადახდა „მომხმარებელს“ დაეკისრება. „მომხმარებელი“ ინფორმირებული იქნება „მოვაჭრის“ დათანხმების შესახებ აპლიკაციის მეშვეობით და/ან „მომხმარებლის“ მიერ დარეგისტრირებული ელფოსტის მისამართზე. 
2. თუ „მომხმარებელი“ აუქმებს შეკვეთას მას შემდეგ, რაც „რწმუნებული“ უკვე დაეთანხმა მის დამუშავებას, გაუქმების გადასახადი „მომხმარებელს“ დაეკისრება. „მომხმარებელი“ აპლიკაციის საშუალებით იქნება ინფორმირებული „რწმუნებულის“ დათანხმების შესახებ. „მომხმარებელს“ შეუძლია, გაუქმების გადასახადი აპლიკაციაში იხილოს. თუ „მოვაჭრე“ და „რწმუნებული“ შეკვეთას დაეთანხმებიან დამუშავებისთვის, „მომხმარებელს“ პროდუქტის ფასისა და გაუქმების გადასახადის გადახდა დაეკისრება.
3. თუ შეკვეთა Glovo-მ და/ან „მოვაჭრემ“ უნდა გააუქმოს იმ მიზეზების გამო, რომლებიც პირდაპირ არ არის დაკავშირებული „მომხმარებელთან“, მაგრამ Glovo-ს კონტროლის მიღმაა (მაგ., მარაგის ნაკლებობა, ფასის ცვლილება „მოვაჭრის“ მიერ და ა.შ.), Glovo-ს აგენტები ან „რწმუნებულები“ დაუკავშირდებიან „მომხმარებელს“, რათა ამ უკანასკნელს აცნობონ ხელმისაწვდომი ალტერნატივების შესახებ და იმ ხარჯების თაობაზე, რაც ამას მოჰყვება, ასეთის არსებობის შემთხვევაში.

„მომხმარებელს“ შეეძლება, გაუქმების ჯამური ფასი იხილოს აპლიკაციაზე, „გაუქმების“ ღილაკზე ხელის დაჭერით, ზემოთ აღწერილი ფაქტორების საფუძველზე. 

5.2. არამალფუჭებადი პროდუქტების დაბრუნება. გაუქმების უფლება

თუ „მომხმარებელს“ სურს, დააბრუნოს მალფუჭებადი პროდუქტი ან განაცხადოს პრეტენზია მომსახურების გაწევაზე, „მოვაჭრე“, რომელმაც გაყიდა აღნიშნული პროდუქტი, ერთპიროვნულად იქნება პასუხისმგებელი ამგვარი დაბრუნების მიღებასა და/ან უარყოფაზე, მისი საკუთარი შიდა პოლიტიკისა და ყველა მოქმედი კანონმდებლობის შესაბამისად. ამიტომ, ნებისმიერ შემთხვევაში, მალფუჭებადი პროდუქტის დაბრუნება ექვემდებარება „მოვაჭრის“ დაბრუნების პოლიტიკას და საბოლოო გადაწყვეტილებას იმასთან დაკავშირებით, უნდა მოხდეს თუ არა დაბრუნება, მიიღებს „მოვაჭრე“. ანალოგიურად, „მოვაჭრე“ გადაწყვეტს, როგორ განახორციელოს თანხის დაბრუნება (ნაღდი ფული, საკრედიტო ბარათი, ობიექტის ვაუჩერი და ა.შ.) დაბრუნების საკუთარი პოლიტიკის შესაბამისად.

Glovo არ იქნება პასუხისმგებელი ასეთ დაბრუნებაზე და არც „მოვაჭრის“ დაბრუნების პოლიტიკის ყველა მოქმედ კანონთან შესაბამისობაზე. ეს ზიანს არ აყენებს Glovo-ს შესაძლებლობას, იმოქმედოს როგორც შუამავალმა „მომხმარებელსა“ და „მოვაჭრეს“ შორის საჩივრის განხილვისას. „მომხმარებელმა“ უნდა აცნობოს Glovo-ს „მოვაჭრის“ მიერ მოწოდებული გადაწყვეტილებების შესახებ, დავის წარმოშობის შემთხვევაში.

გარდა ამისა, რამდენადაც ზოგიერთ „მოვაჭრეს“ შეიძლება არ ჰქონდეს საჯაროდ გახსნის შესაძლებლობა, „მომხმარებლებს” არ ექნებათ მათთან პირადი წვდომა არცერთი მოთხოვნის ან დაბრუნების დასამუშავებლად. ასეთ შემთხვევებში, ისინი უნდა დაუკავშირდნენ Glovo-ს „მომხმარებელთა დახმარების მომსახურებას“ იმისათვის, რათა მიიღონ საჭირო დახმარება და მხარდაჭერა იმ არხების გამოყენებით, რომლებიც ხელმისაწვდომია აპლიკაციაში.

„მომხმარებელმა“ უნდა შეამოწმოს „რწმუნებულის“ მიერ მიტანილი არამალფუჭებადი პროდუქტები მიტანის მისამართსა და მიტანის მომენტში; ამგვარად, „მომხმარებელი“ პასუხისმგებელია იმის შემოწმებაზე, რომ მიწოდებული მომსახურება და/ან პროდუქტები ადეკვატურია, ასევე, საჭიროების შემთხვევაში, საკმარისი მტკიცებულებების შეგროვებაზე, რათა დაამტკიცოს, რომ ისინი არ იყო ასეთი. ამიტომაც, თუ „მომხმარებელს“ სურს, მოახდინოს არამალფუჭებადი პროდუქტის დაბრუნების დამუშავება, მან უნდა წარმოადგინოს სრული შეკვეთის ფოტო და არასწორი ან არმიტანილი პროდუქტების ჩამონათვალი, ისევე, როგორც მოთხოვნილი პროდუქტის შეუსაბამობის დამადასტურებელი სხვა მტკიცებულებები. ნებისმიერ შემთხვევაში, საბოლოო გადაწყვეტილებას იმასთან დაკავშირებით, უნდა მოხდეს თუ არა დაბრუნება, მიიღებს „მოვაჭრე“ და არა Glovo. 

Glovo-ს ოფიციალური საჩივრის ფორმები ხელმისაწვდომია „მომხმარებელთათვის“ იმ ქვეყნების ოფიციალურ ენებზე, რომლებშიც Glovo მის მიერ შეთავაზებული მომსახურებით მოქმედებს. შესაძლოა „მომხმარებლებმა“ Glovo-ს „მომხმარებელთა დახმარების მომსახურების“ საშუალებით მოითხოვონ ზემოაღნიშნული საჩივრის ფორმები, რაც ავტომატურად გაეგზავნებათ. „მომხმარებლის“ ელფოსტაში აღნიშნული უნდა იყოს ის ზუსტი მისამართი, საიდანაც თხოვნა გამოიგზავნა, რაც უნდა დაემთხვეს იმ მისამართს, რომელზეც მომსახურება უნდა განხორციელდეს. გაურკვევლობის შემთხვევაში, საჩივარი ამ უკანასკნელიდან უნდა გაკეთდეს.    

6. უფასო ნიმუშების სახლში მიწოდება და სხვა კომერციული ქმედებები

Glovo იტოვებს უფლებას, კომერციულ შეთანხმებაში შევიდეს სხვა კომპანიებთან, ბრენდებთან, ობიექტებთან, მეწარმეებთან, პროფესიონალებთან და ა.შ., რათა გააგზავნოს სარეკლამო შეტყობინებები მათთან, მათ შორის, უფასო ნიმუშების დამატება „მომხმარებლისთვის“ მიტანილ ნებისმიერ შეკვეთაზე, დროდადრო ან ნიმუშების შერჩევის განმეორებითი სარეკლამო კამპანიის ფარგლებში. ამასთან დაკავშირებით, ნიმუშის შერჩევის ნებისმიერი ტიპის სარეკლამო კამპანიის დროს, ზოგიერთ სავაჭრო ობიექტს ან ბრენდს შეიძლება ჰქონდეს გამორჩეული პოზიცია, თუ ეს შეთანხმდება Glovo-სთან, „მოვაჭრის“ ან ბრენდის პოპულარიზაციის მიზნით. ნიმუშების მიწოდება არ გამოიწვევს „მომხმარებლისთვის“ დამატებით ხარჯებს.

„მომხმარებელი“ აღიარებს და ეთანხმება, რომ Glovo-ს მეშვეობით შეკვეთით, მას შეუძლია მონაწილეობის მიღება ნიმუშის შერჩევის ნებისმიერ სარეკლამო კამპანიაში და სხვადასხვა ნიმუშის მიღება აპლიკაციის მეშვეობით მიცემულ შეკვეთებთან ერთად, ძირითადად, სარეკლამო მიზნებისათვის. 

Glovo არავითარ შემთხვევაში არ არის პასუხისმგებელი ნიმუშად მოწოდებული პროდუქციის ხარისხსა და მახასიათებლებზე და არ იქნება პასუხისმგებელი აღნიშნული ნიმუშის მიტანით გამოწვეულ რაიმე ზიანსა და/ან სამართალდარღვევაზე. გარდა ამისა, Glovo არ არის პასუხისმგებელი ნიმუშის შერჩევის არცერთ სარეკლამო კამპანიაზე, რომელიც შეიძლება მოაწყონ და განახორციელონ სავაჭრო ობიექტებმა, რომლებიც სთავაზობენ პროდუქტებს ან მომსახურებებს აპლიკაციის მეშვეობით; მიუხედავად იმისა, რომ Glovo ყველანაირად ცდილობს, უზრუნველყოს „მოვაჭრეების“ საქმიანობის კანონიერება და „მოვაჭრეები“ ვალდებულნი არიან, პატივი სცენ კანონს აპლიკაციის გამოყენებისას, Glovo-ს არ შეუძლია, შეამოწმოს „მოვაჭრეების“ მიერ ორგანიზებული შეკვეთების და/ან ნიმუშის შერჩევის არცერთი სარეკლამო კამპანიის შინაარსი, მათი დამოუკიდებელი პროფესიონალების/კომპანიების სტატუსიდან გამომდინარე. 

7. შეზღუდული გამოყენების ნივთების მიტანის პოლიტიკა

7.1. ზოგადი პოლიტიკა

ეს განყოფილება წარმოგიდგენთ იმ ნივთების მაგალითების არასრულ ჩამონათვალს, რომლებიც კანონიერად შეიძლება იყოს შეზღუდული გარკვეულ ქვეყნებსა და/ან ქალაქებში, რომლებშიც აპლიკაცია მუშაობს, ადგილობრივი კანონმდებლობის მიხედვით:

7.2. კონკრეტული მოსაზრებები ალკოჰოლის შეძენასთან დაკავშირებით

„მომხმარებლებს“, რომლებიც ეთანხმებიან წინამდებარე „წესებსა და პირობებს“, შეუძლიათ ნახონ და განათავსონ შეკვეთები, რომლებიც მოიცავს ალკოჰოლური პროდუქტების შეძენას და/ან მიტანას Glovo-ს აპლიკაციის მეშვეობით. შეკვეთით „მომხმარებელი“ ადასტურებს, რომ არის იმ ტერიტორიაზე მოქმედი კანონმდებლობით გათვალისწინებული და ნებადართული ასაკის, სადაც განთავსებულია შეკვეთა.

ნებისმიერ შემთხვევაში, Glovo იტოვებს უფლებას, არ დაამუშაოს/მიუტანოს რაიმე შეკვეთა, მათ შორის, ალკოჰოლი, შეკვეთის იმ მიმღებებს, რომლებიც ვერ ამტკიცებენ, რომ არიან Glovo-ს აპლიკაციაში იდენტიფიცირებული „მომხმარებელი“, ისევე, როგორც ვერ აკმაყოფილებენ მოქმედი კანონმდებლობით გათვალისწინებულ საჭირო ასაკობრივ/სხვა შეზღუდვებს იმ ტერიტორიაზე, სადაც „მომხმარებელი“ ათავსებს შეკვეთას. ზემოაღნიშნულის შედეგად, „მომხმარებელს“ ეკისრება პროდუქტის სრული ღირებულება და შეკვეთის განთავსებასა და გაუქმებასთან დაკავშირებული ხარჯები.

იმ ქალაქებში, სადაც ალკოჰოლური პროდუქტების გაყიდვა და/ან მიტანა შეზღუდულია გარკვეულ საათებში, „მომხმარებელმა“ პატივი უნდა სცეს აპლიკაციის სწორად გამოყენებას და, შესაბამისად, პატივი სცეს მოქმედი კანონმდებლობით აკრძალულ დროის სარტყლებს.

ნებისმიერ შემთხვევაში, Glovo იტოვებს უფლებას, უარი თქვას შეკვეთის დამუშავებაზე/მიტანაზე, მათ შორის, ალკოჰოლზე დაშვებული საათების მიღმა. ზემოაღნიშნულის შედეგად, „მომხმარებელს“ ეკისრება პროდუქტის სრული ღირებულება და შეკვეთის განთავსებასა და გაუქმებასთან დაკავშირებული ხარჯები.

იმ შემთხვევაში, თუ „მომხმარებელი“ თავის Glovo ანგარიშს გადასცემს არასრულწლოვანებს ან პირებს, რომლებიც, თავიანთი გარემოებების გამო, შეიძლება იმყოფებოდნენ სიტუაციებში, რაც საჭიროებს განსაკუთრებულ დაცვას, Glovo იტოვებს უფლებას, აღძრას ყველა სამოქალაქო/სისხლისსამართლებრივი სარჩელი ყველაზე მოწყვლადი ადამიანების უფლებების დასაცავად. ამასთან დაკავშირებით, Glovo იღებს ვალდებულებას, გამოიყენოს ყველა მატერიალური და ადამიანური საშუალება ამ ტიპის თაღლითობის გასაკონტროლებლად, მაგრამ არავითარ შემთხვევაში არ არის პასუხისმგებელი ანგარიშის უკანონო გადაცემაზე სხვა პირისთვის, რომელიც საგანგებოდ არ დაეთანხმა წინამდებარე „წესებსა და პირობებს“.

Glovo რეკომენდაციას უწევს შეძენილი ალკოჰოლური პროდუქტების ზომიერ და პასუხისმგებლობით მოხმარებას.

7.3. კონკრეტული მოსაზრებები სააფთიაქო პროდუქტებზე

Glovo არ ახორციელებს და არ შუამავლობს ადამიანის მოხმარებისთვის განკუთვნილი მედიკამენტების გაყიდვას ან რეკლამას აპლიკაციის მეშვეობით იმ ქვეყნებსა და/ან ქალაქებში, სადაც ეს დაუშვებელია კანონით, ადამიანის მოხმარებისთვის განკუთვნილი მედიკამენტების საცალო ვაჭრობის შესახებ მოქმედი რეგულაციების შესაბამისად.

იმ ქვეყნებსა და/ან ქალაქებში, სადაც ეს კანონით არ არის ნებადართული, „მომხმარებლებს“ არ შეუძლიათ მედიკამენტების შეკვეთა აპლიკაციის საშუალებით, მათ შორის, „რაც გინდა“ ბუშტით. იმ შემთხვევაში, თუ „მომხმარებელი“ განათავსებს შეკვეთას მედიკამენტებზე, რომლებიც ექვემდებარება ტელემატიკური შუამავლობის, მიტანის და/ან გაყიდვის მოქმედ აკრძალვას, აპლიკაცია უარს იტყვის შეკვეთაზე ადამიანის მოხმარებისთვის განკუთვნილი სამკურნალო საშუალებების საცალო ვაჭრობის შესახებ მოქმედი კანონმდებლობის შესაბამისად.

იმ ქვეყნებსა და/ან ქალაქებში, სადაც მედიკამენტების შუამავლობა, მიტანა და/ან ტელემატიკური გაყიდვა კანონით არ არის ნებადართული, GLOVO-ს მხოლოდ აქვს კომერციული ხელშეკრულებები აფთიაქებთან, რათა შუამავლობდეს პროდუქტებს, რომლებიც დაკავშირებულია პარაფარმაციასთან, სილამაზესა და/ან მოვლასთან, მოქმედი კანონმდებლობის შესაბამისად.

იმ ქვეყნებში და/ან ქალაქებში, სადაც მედიკამენტების შუამავლობა, მიტანა და/ან ტელემატიკური გაყიდვა ნებადართულია, „მომხმარებლებს“ შეუძლიათ ამ ტიპის პროდუქტის შეკვეთა. 

იმ ქვეყნებში, სადაც Glovo-ს მეშვეობით მედიკამენტების (შუამავლების გარეშე გასაყიდი და/ან რეცეპტით გასაცემი მედიკამენტების) შეკვეთა კანონიერადაა შესაძლებელი, მისი ბიზნეს მოდელის მიხედვით, Glovo არ ყიდის და არ არეკლამებს ადამიანის მოხმარებისთვის განკუთვნილ მედიკამენტებს აპლიკაციის მეშვეობით; „რწმუნებულები“ მოქმედებენ როგორც იმ „მომხმარებლების“ აგენტები, რომლებიც აპლიკაციის მეშვეობით შეუკვეთავენ ადამიანის მოხმარებისთვის განკუთვნილი ურეცეპტო წამლების შეგროვებას.

ამ შემთხვევაში, Glovo „მომხმარებლებს“ ფარმაცევტის რჩევის ხელმისაწვდომობის გარანტიას აძლევს, სანამ შეუკვეთავენ მათ სამკურნალო საშუალებას ზარის ან შეტყობინების არხებით, რათა, ეჭვის შემთხვევაში, „მომხმარებელმა“ შეძლოს კონსულტაციის გავლა ფარმაცევტთან, რომელმაც უნდა გასცეს პროდუქტ(ებ)ი აპლიკაციის მეშვეობით, ეს ყველაფერი კი, იმის უზრუნველსაყოფად, რომ ფარმაცევტმა შეძლოს სწორი პროდუქტის გაცემა.

ნებისმიერ შემთხვევაში, Glovo ვერ აიღებს პასუხისმგებლობას „მომხმარებლების“ მიერ „აფთიაქის“ განყოფილებაში შეკვეთილი პროდუქტების გამოყენებაზე და ვერ იქნება პასუხისმგებელი აფთიაქებიდან გაცემული პროდუქტების რაოდენობასა და/ან მდგომარეობაზე.

დამატებით, აპლიკაციას შეუძლია, აფთიაქს, რომელმაც „მომხმარებლის“ მიერ შეკვეთილი მედიკამენტი გასცა, მიაწოდოს ამ უკანასკნელის სარეგისტრაციო სახელი და ტელეფონის ნომერი, რათა ამ აფთიაქმა „მომხმარებლის“ კითხვებს უპასუხოს. აღნიშნული გამჟღავნება ნებისმიერ შემთხვევაში ექვემდებარება „მომხმარებლის“ მიერ გამოხატულ ერთმნიშვნელოვან თანხმობას, მონაცემთა დაცვის მოქმედი კანონმდებლობის შესაბამისად.

8. კონტენტის კონტროლი და/ან შეცვლა

ზემოაღნიშნულიდან გამომდინარე, Glovo იტოვებს უფლებას, სრულად ან ნაწილობრივ შეზღუდოს კონკრეტული „მომხმარებლის“ აპლიკაციაზე წვდომა, ასევე, შესაბამისი ტექნოლოგიური საშუალებების გამოყენებით, შეაჩეროს, დაბლოკოს ან ამოიღოს გარკვეული ტიპის კონტენტი, თუ Glovo შეიტყობს ან არსებობს იმის ნიშნები, რომ აქტივობა ან შენახული ინფორმაცია უკანონო ან საზიანოა მესამე პირის უფლებების ან საკუთრების მიმართ. გარდა ამისა, Glovo არ მოითმენს შეურაცხმყოფელი ენის გამოქვეყნებას ან შეურაცხმყოფელ დამოკიდებულებას Glovo-ს, მისი მუშაკების, „მოვაჭრეების“, „რწმუნებულების“ ან აპლიკაციაში გამოქვეყნებულ კონტენტში ჩართული ნებისმიერი სხვა პირის მიმართ. 

აღნიშნულთან დაკავშირებით, Glovo-მ, შესაძლოა, შექმნას ნებისმიერი ფილტრი, რომელიც საჭირო შეიძლება იყოს, რათა არ მოხდეს მომსახურების გამოყენება უკანონო ან საზიანო კონტენტის ინტერნეტში ასატვირთად. ნებისმიერ „მომხმარებელს“ და/ან მესამე პირს შეუძლია დაუკავშირდეს Glovo-ს აპლიკაციაში არსებული „დახმარების“ განყოფილების მეშვეობით, რათა შეატყობინოს აპლიკაციაში უკანონო კონტენტის არსებობა. Glovo ყურადღებით შეისწავლის ნებისმიერ შეტყობინებას ამასთან დაკავშირებით, იმ პირობით, რომ ის შეიცავს საკმარისად დასაბუთებულ ახსნას იმ მიზეზების შესახებ, რატომ ამტკიცებენ, რომ შესაბამისი ინფორმაცია არის უკანონო კონტენტი და მკაფიო აღწერასა და მითითებებს, რომლებიც საშუალებას აძლევს Glovo-ს, დაადგინოს შესაბამისი ინფორმაცია და მისი შენახვის ადგილი. ამრიგად, Glovo ყველაფერს გააკეთებს იმისათვის, რომ გამოიძიოს დაგმობილი ინფორმაცია და მიიღოს შესაბამისი ზომები მისი ამოღებისთვის, თუ ის უკანონო აღმოჩნდება. 

გარდა ამისა, Glovo იტოვებს უფლებას, მიიღოს გადაწყვეტილება ალგორითმებისა და პარამეტრების თაობაზე, რომლებიც გამოიყენება „მოვაჭრეებისა“ (რესტორნებისა და/ან ობიექტების) და პროდუქტების იმ რეიტინგის დასადგენად, რომელიც აპლიკაციაში ჩანს; ასევე, შეცვალოს და განაახლოს ის. „მომხმარებელი“ აღიარებს და ეთანხმება, რომ აღნიშნული რეიტინგი შეიძლება განისაზღვროს მრავალი ფაქტორითა და მეტრიკით, რომელიც მოიცავს, მაგრამ არ შემოიფარგლება, შენობის სიახლოვითა და ხელმისაწვდომობით, წინა მიმოხილვებით, ასევე, Glovo-სთან მიღწეული ნებისმიერი შეთანხმებით აღნიშნულ სავაჭრო ობიექტებსა ან პროდუქტების დისტრიბუტორებთან, რომლებიც დაკავშირებულია მათ პოზიციონირებასა და ხილვადობასთან.

9. სოლიდარობა Glovo-ში

Glovo-ს შეუძლია ითანამშრომლოს თავისი აპლიკაციის ან სხვა ინტერფეისის მეშვეობით, როგორიცაა https://social.glovoapp.com/ ან https://laaspartners.glovoapp.com/, სხვებს შორის, სხვადასხვა დაწესებულებასთან, კორპორაციულ ჯგუფსა და არასამთავრობო ორგანიზაციასთან საქველმოქმედო და სოლიდარობის გამომხატველ პროექტებში, შემოწირულებების სარეკლამო კამპანიებსა და არაკომერციულ სარეკლამო კამპანიებში, ზოგიერთ ქვეყანაში, სადაც ის მოქმედებს (ექვემდებარება გამოყენებადობას თითოეულ ქვეყანაში). Glovo შუამავლის როლს ასრულებს ასეთ პროექტებში, რაც ემყარება მხოლოდ მის კეთილსინდისიერებასა და სოციალურ ინიციატივებში მონაწილეობის სურვილს.

Glovo პასუხისმგებლობას არ იღებს ასეთი სარეკლამო კამპანიების საბოლოო გამოყენებასა ან შედეგზე. აგრეთვე, Glovo არ იძლევა რაიმე გარანტიას, არ იღებს სამართლებრივ პასუხისმგებლობას და არ აქვს კონტროლი იმაზე, თუ როგორ იყენებენ შემოწირულობებს ზემოხსენებული დაწესებულებები.

10. გეოლოკაცია

Glovo-ს შეუძლია, „მომხმარებლის“ ნებართვის საფუძველზე, შეაგროვოს, გამოიყენოს ან გააზიაროს მდებარეობის ზუსტი მონაცემი, მათ შორის, „მომხმარებლის“ კომპიუტერის ან მობილური მოწყობილობის რეალურ დროში არსებული გეოგრაფიული ადგილმდებარეობა. Glovo-ს შეუძლია შეაგროვოს და გამოიყენოს აღნიშნული ადგილმდებარეობის მონაცემი, რათა აჩვენოს „მომხმარებლებს“ შეკვეთის წარმოშობის და/ან დანიშნულების ადგილი. ამასთან დაკავშირებით, „მომხმარებელი“ პირდაპირ ეთანხმება საკუთარი გეოლოკაციის მონაცემის გაზიარებას ნებისმიერ „მოვაჭრესა“ და „რწმუნებულთან“, რათა მოთხოვნილი შეკვეთის წარმატებით შესრულება ნებისმიერ დროს მოხდეს. მონაცემთა კონფიდენციალურობის პოლიტიკისმიხედვით, „მომხმარებლებს“ შეუძლიათ აირჩიონ მათ მოწყობილობებზე გეოლოკაციის გათიშვა.

11. დამატებითი ინფრომაცია GLOVO-ს პასუხისმგებლობებისა და გარანტიების შესახებ

11.1. დამატებითი ინფორმაცია აპლიკაციასთან დაკავშირებით

„მომხმარებლები“ პასუხისმგებელნი არიან, იქონიონ ინტერნეტსა და აპლიკაციაში შესვლისთვის საჭირო მომსახურება და აღჭურვილობა. „მომხმარებლებს“ შეუძლიათ, Glovo-ს საჩივარი წარუდგინონ ნებისმიერ ინციდენტსა ან აპლიკაციაზე წვდომასთან დაკავშირებით, „მომხმარებელთათვის“ ხელმისაწვდომი საკონტაქტო არხების მეშვეობით. Glovo გააანალიზებს ინციდენტს და „მომხმარებელს“ მიუთითებს, როგორ გადაჭრას ეს პრობლემა რაც შეიძლება სწრაფად.

Glovo არ იძლევა შეცდომების ან წყვეტის არარსებობის გარანტიას აპლიკაციასა ან მის კონტენტზე წვდომის დროს, ან იმის გარანტიას, რომ ის ყოველთვის განახლებული იქნება. ამიტომაც, Glovo პასუხს არ აგებს რაიმე მომსახურების შეწყვეტაზე, დაკავშირების პრობლემაზე, ინტერნეტმომსახურების ხელმიუწვდომლობასა ან გაუმართაობაზე, ან ინტერნეტის შეწყვეტასა თუ სხვა ისეთ საკითხზე, რაც Glovo-ს კონტროლს მიღმაა. ყოველივე ზემოაღნიშნულის მიუხედავად, Glovo, გარდა იმ შემთხვევისა, როდესაც ამის გაკეთება გაუჭირდება ან ეს შეუძლებელი იქნება, ყველა ნაბიჯს გადადგამს ასეთი შეცდომების გამოსასწორებლად, კომუნიკაციის აღსადგენად და კონტენტის გასაახლებლად, როგორც კი შეიტყობს შეცდომების ან გათიშვის, ან კონტენტის განახლების საჭიროების შესახებ.

Glovo არ იღებს პასუხისმგებლობას არცერთ იმ უსაფრთხოების პრობლემაზე, რაც შეიძლება წარმოიშვას ან შეექმნას „მომხმარებლის“ კომპიუტერულ სისტემას (აპარატურა და პროგრამული უზრუნველყოფა), ან მასში შენახულ ფაილებს ან დოკუმენტაციას, შემდეგის შედეგად:

• ვირუსის არსებობა „მომხმარებლის“ იმ კომპიუტერულ სისტემასა ან მობილურ ტელეფონში, რომელსაც „აპლიკაციის“ კონტენტსა და მომსახურებაზე წვდომისთვის იყენებს;
• ბრაუზერის გაუმართავი მუშაობა;
• მისი ძველი ვერსიის გამოყენება.

ამრიგად, Glovo ადასტურებს, რომ მას გააჩნია ყველა საჭირო ნებართვა იმისათვის, რომ განახორციელოს ტექნოლოგიური შუამავლობა ქვეყნებში, რომლებშიც ის საქმიანობს.

11.2. დამატებითი ინფორმაცია კონტენტთან მიმართებით

Glovo-ს არ აკონტროლებს და არ არის პასუხისმგებელი „მომხმარებელთა“, „მოვაჭრეთა“ და „რწმუნებულთა“ მიერ „აპლიკაციის“ საშუალებით ატვირთულ კონტენტზე; ამიტომაც, „მომხმარებლები“, „მოვაჭრეები“ და „რწმუნებულები“ ერთპიროვნულად არიან პასუხისმგებელნი ასეთი კონტენტის კანონიერებაზე. ანალოგიურად, Glovo არ აკონტროლებს (და არ აქვს კონტროლის ვალდებულება) იმას, თუ როგორ იყენებენ „მომხმარებლები“, „მოვაჭრეები“ და „რწმუნებულები“ აპლიკაციას. აქედან გამომდინარე, იგი არ იძლევა გარანტიას, რომ ისინი აპლიკაციას იყენებენ წინამდებარე „ძირითადი წესებისა და პირობების“ დაცვით ან გულმოდგინე და/ან კეთილგონივრული გზით და ყველა მოქმედი კანონის შესაბამისად. გარდა ამისა, Glovo არ ამოწმებს (და არ აქვს შემოწმების ვალდებულება) „მომხმარებლების“ იდენტურობას ან მათ მიერ მოწოდებული მონაცემების სისწორეს, ამჟამინდელ ნამდვილობას, სისრულეს და/ან ავთენტურობას.

Glovo არ იძლევა გარანტიას „რწმუნებულებად“ და/ან „მოვაჭრეებად“ წარმოდგენილი მესამე პირის უფლებების ნამდვილობაზე, სიზუსტეზე, სიახლეზე, საიმედოობაზე, კანონიერებასა და დაურღვევლობაზე იმ ფარგლებს მიღმა, რაც არ ექცევა GLOVO-ს, როგორც შუალედური მომსახურების მიმწოდებლის პასუხისმგებლობის ფარგლებში ,,მომხმარებლის უფლებების დაცვის შესახებ” და ,,ელექტრონული კომერციის შესახებ” საქართველოს კანონებით დადგენილ სფეროებში. Შესაბამისად, გარდა ზემოხსენებული საკანონმდებლო აქტებით დადგენილი ვალდებულებებისა (რაც განმტკიცებულია ზემოაღნიშნულ ,,საქართველოს კანონმდებლობის საფუძველზე დადგენილ წესებსა და პირობებში”. სხვა ვალდებულებებთან მიმართებით, ვრცელდება შემდეგი წესი:

„მომხმარებლები“ აცხადებენ, რომ მათ ესმით, რომ GLOVO უბრალოდ შუამავალია და, აქედან გამომდინარე, არ იღებს არანაირ პასუხისმგებლობას „რწმუნებულების“ და/ან „მოვაჭრეების“ მიერ მიწოდებულ ინფორმაციაზე ან მათ მიერ განცდილ ნებისმიერ შესაძლო დანაკარგსა ან ზიანზე, რომელიც წინამდებარე „ძირითადი წესებისა და პირობების“ დარღვევით მოხდა. როდესაც აპლიკაციაზე შეკვეთის განთავსება და „რწმუნებულის“ მიერ მისი მიღება ხდება, „მომხმარებელსა“ და „რწმუნებულს“ შორის პირდაპირი კომუნიკაცია მყარდება. Glovo არ მონაწილეობს აღნიშნულ ურთიერთობაში.

11.3. ინფორმაცია მომხმარებელთა გამოხმაურებებთან დაკავშირებით

Glovo არ არის პასუხისმგებელი არცერთი „მომხმარებლის“ მიერ დატოვებული გამოხმაურების შინაარსზე, განურჩევლად იმისა, არის თუ არა ისინი გამოქვეყნებული აპლიკაციაში და არ აიღებს პასუხისმგებლობას აღნიშნული გამოხმაურებებით გამოწვეული ზიანისა და/ან სამართალდარღვევისთვის. Glovo-ს შეუძლია მხოლოდ იმის გარანტირება, რომ ექსკლუზიურად „მომხმარებლებს“, რომლებმაც შეიძინეს გარკვეული პროდუქტი ან მომსახურება აპლიკაციის საშუალებით, მოეთხოვებათ გამოხმაურების მოწოდება მასზე; თუმცა და, მიუხედავად იმისა, რომ Glovo ყველაფერს გააკეთებს იმისათვის, რომ დანერგოს ნებისმიერი გონივრული ზომა, რათა თავიდან აიცილოს თაღლითური, შეურაცხმყოფელი და არაჰუმანური გამოხმაურებები, Glovo-ს არ შეუძლია, სისტემატურად გადაამოწმოს შეგროვებული გამოხმაურებები და, შესაბამისად, არ ძალუძს, უზრუნველყოს მომხმარებლების მიერ დატოვებული გამოხმაურებების სიზუსტე და სისწორე. 

11.4. დამატებითი ინფორმაცია აპლიკაციის საშუალებით შემოთავაზებულ პროდუქტებსა და მომსახურებებზე

როგორც შუამავალი, Glovo, აპლიკაციის საშუალებით, მხოლოდ ხელს უწყობს იმ საშუალებებს, რომლითაც მონაწილე მხარეებს (მაგ., „მოვაჭრეებს“, „მომხმარებლებსა“ და „რწმუნებულებს“) შეუძლიათ დაუკავშირდნენ ერთმანეთს, რათა მოაწყონ გაყიდვა და, სურვილის შემთხვევაში, პროდუქციისა და მომსახურების მიტანა „მომხმარებლის“ მიერ მითითებულ მისამართზე. ამიტომაც, Glovo არავითარ შემთხვევაში არ არის პასუხისმგებელი და არ იძლევა გარანტიას და არ იღებს პასუხისმგებლობას „მოვაჭრეების“ მიერ შემოთავაზებულ პროდუქტებსა ან მომსახურებებზე ან „რწმუნებულების“ მიერ მოთხოვნილი მიტანის მომსახურების გაწევაზე. Glovo არ ამოწმებს და ის არ არის პასუხისმგებელი, შეამოწმოს აპლიკაციის მეშვეობით შეკვეთილი პროდუქტების გაგზავნა ან მიტანა. გარდა ამისა, Glovo არც ამზადებს, არც ყიდის და არც მიაქვს რაიმე პროდუქტი და, შესაბამისად, არ არის პასუხისმგებელი მის ინგრედიენტებსა ან მის მანიპულირებაზე და ალერგენებზე რაიმე ინფორმაციის მიწოდებაზე. ზემოაღნიშნულის მიუხედავად, Glovo ითხოვს ყველა „მოვაჭრისა“ და „რწმუნებულისგან“, დაიცვან ყველა მოქმედი კანონი და ჯანმრთელობისა და უსაფრთხოების უმაღლესი სტანდარტები პროდუქტების მომზადებისა და მანიპულირებისას, ისევე, როგორც „მომხმარებლებისთვის“ ინფორმაციის მიწოდებისას. გარდა ამისა, იმის გათვალისწინებით, რომ აპლიკაციის საშუალებით შეთავაზებული ნებისმიერი საკვები პროდუქტი მზადდება და იფუთება „მოვაჭრის“ დაწესებულებებში, Glovo არ არის პასუხისმგებელი იმის უზრუნველყოფაზე, რომ საკვების შეკვეთები „მომხმარებლებთან“ მიტანილია სათანადოდ დახურულ პაკეტებში. 

გარდა ამისა, აპლიკაციაში ნაჩვენები პროდუქტის/მომსახურების ფოტოები მოცემულია მხოლოდ საილუსტრაციო მიზნებისათვის და საბოლოო პროდუქტი/მომსახურება, რომელსაც „მომხმარებელი“ ყიდულობს, შეიძლება ოდნავ განსხვავდებოდეს ამ ფოტოებისგან.

„მომხმარებელი“, „მოვაჭრე“ და „რწმუნებული“ ათავისუფლებენ Glovo-ს რაიმე პასუხისმგებლობისაგან, რაც შეიძლება წარმოიშვას სპეციალური ნებართვის ან ლიცენზიის საჭიროების მქონე პროდუქტის ხელმისაწვდომობიდან და/ან ტრანსპორტირებიდან, ან ნებისმიერი მოქმედი კანონმდებლობით აკრძალული პროდუქტისგან. თუ Glovo შეიტყობს, რომ „მომხმარებელი“, „მოვაჭრე“ და/ან „რწმუნებული“ აპლიკაციას აკრძალული პროდუქტების გადასატანად იყენებენ, Glovo-ს შეუძლია, დაიწყოს შიდა გამოძიება ფაქტების დასადგენად, მიიღოს საჭირო კანონიერი ზომები და/ან დაბლოკოს აღნიშნული „მომხმარებელი“, „მოვაჭრე“ ან „მინდობილი პირი“, სანამ პოტენციური გამოძიება არ დასრულდება. Glovo-ს მიერ ზომების მიღებაში შედის „მომხმარებლებზე“, „მოვაჭრეებსა“ და „რწმუნებულებზე“ არსებული მონაცემისა და ინფორმაციის მიწოდება ხელისუფლების ორგანოებისთვის.

Glovo უარყოფს ნებისმიერ პასუხისმგებლობას, რაც შეიძლება წარმოიშვას „მომხმარებლის“, „მოვაჭრისა“ და/ან „რწმუნებულის“ მიერ აპლიკაციის უკანონო გამოყენებისას ან ამ უკანასკნელის მხრიდან სხვა „მომხმარებლებისთვის“, „მოვაჭრეებისა“ და/ან „რწმუნებულებისთვის“ მიწოდებული ინფორმაციის საფუძველზე, იქნება ეს არასწორი, ძალადაკარგული, არასრული და/ან ცრუ და, კერძოდ, შეზღუდვის გარეშე, ნებისმიერი სახის დანაკარგსა ან დაზიანებაზე, რომელიც შეიძლება წარმოიშვას მაშინ, როდესაც „მომხმარებელი“, „მოვაჭრე“ და/ან „რწმუნებული“ განასახიერებს მესამე პირს, აპლიკაციის საშუალებით განხორციელებულ ნებისმიერ კომუნიკაციაში.  კერძოდ, Glovo არ იღებს პასუხისმგებლობას აპლიკაციის გამოყენებით არცერთი შეკვეთის გაკეთებისას, რაც შეიძლება განხორციელდეს მესამე პირის მიერ „მომხმარებლების“, „მოვაჭრეების“ და/ან „რწმუნებულების“ ანგარიშიდან. 

11.5. დამატებითი ინფორმაცია აპლიკაციის მეშვეობით მოთხოვნილ მიტანასთან დაკავშირებით

Glovo არ შეიძლება იყოს პასუხისმგებელი მიტანის დროზე, რადგან ეს დამოკიდებულია „მოვაჭრეების“ წარმატებულ ოპერაციებზე, შეკვეთების მომზადებაზე, „რწმუნებულებსა“ და იმ ინფორმაციაზე, რომელსაც თავად „მომხმარებელი“ უთითებს შეკვეთის განთავსებისას ან მის ხელმისაწვდომობასა და მზადყოფნაზე შეკვეთის მიტანის დროს; ამიტომაც, აპლიკაციაზე მითითებული მიტანის დრო მოცემულია მხოლოდ საორიენტაციო მიზნებისათვის. გარდა ამისა, Glovo ვერ იქნება პასუხისმგებელი „რწმუნებულების“ ხელმისაწვდომობასა ან მათ მიერ დავალების ადეკვატურად და დამაკმაყოფილებლად შესრულებაზე.

„რწმუნებული“ არის ექსკლუზიურად პასუხისმგებელი საქონლის მიტანასა და/ან მართვაზე, იმ ფაქტისთვის ზიანის მიყენების გარეშე, რომ ინციდენტის შემთხვევაში, „მომხმარებელი“ „რწმუნებულსა“ და Glovo-ს უკავშირდება აპლიკაციის ან სხვა აქტიური არხების მეშვეობით, რათა მიმართოს შესაძლო სადაზღვევო პოლისს.

ასევე, Glovo არ არის პასუხისმგებელი საქონლის რაიმე დაზიანებასა ან გაფუჭებაზე. „მომხმარებლის“ პასუხისმგებლობაა „რწმუნებულისა“ და Glovo-სთვის იმის დამტკიცება, რომ სავარაუდო დაზიანება ან გაფუჭება, ფაქტობრივად, მოხდა საქონლის წარმოშობის ადგილიდან შეგროვების მომენტიდან „მომხმარებლისთვის“ მიტანამდე, რა შემთხვევაშიც, „მომხმარებელი“ „რწმუნებულსა“ და Glovo-ს უნდა დაუკავშირდეს აპლიკაციის ან სხვა აქტიური არხების მეშვეობით, რათა მიმართოს შესაძლო სადაზღვევო პოლისს.

თუმცა, Glovo, როგორც პლატფორმა, რომელიც შუამავლობს „მომხმარებელსა“ და „რწმუნებულს“ შორის, შეუძლია შეძლებისდაგვარად შუამავლობდეს დავაში, რომელიც, შესაძლოა, წარმოიშვას „მომხმარებელსა“ და „რწმუნებულს“ შორის აპლიკაციის მეშვეობით საქონლის მიტანის და/ან მართვის დროს.

დავის შემთხვევაში, „მომხმარებელი“ პასუხისმგებელია Glovo-ს ინფორმირებასა და „რწმუნებულთან“ დაკავშირებაზე, ნებისმიერი კომპენსაციის მოთხოვნისათვის.

გარდა ამისა, ნებისმიერი პრეტენზია, რომელიც დაკავშირებულია საქონლის მიტანასა და/ან მართვასთან, უნდა იყოს წაყენებული ექსკლუზიურად „რწმუნებულის“ და არა Glovo-ს წინააღმდეგ.

12. განახლებები და ცვლილებები აპლიკაციაში

Glovo იტოვებს უფლებას, ნებისმიერ დროს შეცვალოს წინამდებარე „ძირითადი წესები და პირობები“, „კონფიდენციალურობის პოლიტიკა” და „ქუქი-ფაილების დებულება“. Glovo მიაწვდის წინასწარ შეტყობინებას ამ ცვლილებების შესახებ, როდესაც ეს მოქმედი კანონმდებლობის შესაბამისად სავალდებულოა. 

გარდა ამისა, Glovo იტოვებს უფლებას, განაახლოს, შეცვალოს ან წაშალოს მის აპლიკაციაში მოცემული ინფორმაცია ნებისმიერ დროსა და წინასწარი შეტყობინების გარეშე, გარდა იმ შემთხვევებისა, როდესაც ეს სავალდებულოა მოქმედი კანონმდებლობის შესაბამისად, მისი განლაგების, პრეზენტაციისა და წვდომის პირობებთან დაკავშირებით, ამასთან კავშირში რაიმე პასუხისმგებლობის აღების გარეშე. 

13. ინტელექტუალური საკუთრება

Glovo არის ყველა ინტელექტუალური და სამრეწველო საკუთრების უფლების მფლობელი ან ლიცენზიანტი, რომელიც ეხება პროგრამულ უზრუნველყოფასა და აპლიკაციას, ისევე, როგორც კონტენტს, რომელზე წვდომა შესაძლებელია მისი მეშვეობით, რომელიც ატვირთულია აპლიკაციაში Glovo-ს მიერ და/ან მისი სახელით. ეს ინტელექტუალური საკუთრების უფლებები, ასევე, მათში შემავალი ტექსტი, სურათი, გრაფიკული დიზაინი, ნავიგაციის სტრუქტურა, ინფორმაცია და კონტენტი არის Glovo-ს საკუთრება, რომელსაც აქვს ექსკლუზიური უფლება, ნებისმიერი ფორმით გამოიყენოს მისი უფლებები, კერძოდ, რეპროდუცირების, განაწილების, გამოქვეყნებისა და ტრანსფორმაციის უფლება, ინტელექტუალური და სამრეწველო საკუთრების უფლებების შესახებ ესპანეთის კანონმდებლობის შესაბამისად. 

ნებისმიერი მესამე პირის მიერ ან მისი სახელით აპლიკაციაში ატვირთული კონტენტი, მათ შორის, მაგრამ არა ამომწურავად, „მომხმარებლების“, „მოვაჭრეებისა“ და „რწმუნებულების“ მიერ, რჩება მათ ექსკლუზიურ საკუთრებაში; ამიტომაც, ისინი სრულად არიან პასუხისმგებელნი ნებისმიერ ზიანზე, პრეტენზიასა და/ან მოვალეობაზე, რომელიც პირდაპირ ან ირიბად შეიძლება გამომდინარეობდეს მათ მიერ და/ან მათი სახელით ატვირთული კონტენტიდან. 

ზემოაღნიშნულის მიუხედავად, Glovo არ შეიძლება იყოს ისეთი კონტენტის მფლობელი ან ლიცენზიანტი, როგორიცაა სახელები ან სურათები, მათ შორის, იმ კომპანიების, რომლებთანაც Glovo-ს ბიზნესურთიერთობა არ გააჩნია. ასეთ შემთხვევებში, Glovo კონტენტს იძენს საჯაროდ ხელმისაწვდომი წყაროებიდან და Glovo არავითარ შემთხვევაში არ ჩაითვლება Glovo-ს საკუთრებაში არსებულ არცერთ უფლებასთან დაკავშირებულად.

„მომხმარებლის“ მხრიდან აპლიკაციაზე წვდომის ნებართვა არ გულისხმობს Glovo-ს მიერ ინტელექტუალური ან სამრეწველო საკუთრების უფლებაზე უარის თქმას, გადაცემას, ლიცენზირებას, ან სრულად ან ნაწილობრივ დათმობას. აკრძალულია Glovo-ს აპლიკაციის კონტენტის წაშლა, გვერდის ავლა ან რაიმე გზით ფალსიფიკაცია. ამასთანავე, აკრძალულია Glovo-ს აპლიკაციაში არსებული კონტენტის საჯარო ან კომერციული მიზნებისათვის ნებისმიერი გზით შეცვლა, ასლის გაკეთება, ხელახლა გამოყენება, ექსპლუატაცია, აღდგენა, გამოქვეყნება, მეორე ან შემდგომი პუბლიკაციების განთავსება, ფაილების ატვირთვა, ფოსტით გაგზავნა, გადაცემა, გამოყენება, დამუშავება ან გავრცელება, გარდა იმ შემთხვევებისა, როცა Glovo-ს არაორაზროვანი წერილობითი თანხმობა არსებობს ან, საჭიროების შემთხვევაში, უფლებების მფლობელს უკავშირდება.

„აპლიკაციაზე“ რეგისტრაციითა და წინამდებარე „ძირითად წესებსა და პირობებზე“ დათანხმებით, „მომხმარებელი“, მის მიერ მოწოდებულ კონტენტთან დაკავშირებით, აძლევს Glovo-ს აღნიშნული კონტენტის მსოფლიო მასშტაბით მოქმედ, გამოუხმობად და გადაცემად ლიცენზიას მის ქველიცენზირებაზე, გამოყენებაზე, ასლის შექმნაზე, მოდიფიცირებაზე, ნაწარმოები ნაშრომების შექმნაზე, დისტრიბუციაზე, პუბლიკაციასა და ნებისმიერი ფორმით გამოყენებაზე, რაც საჭიროდ იქნება მიჩნეული Glovo-ს მიერ, „მომხმარებელთან“ ყოველგვარი დამატებითი კომუნიკაციისა და ყოველგვარი თანხის გადახდის გარეშე. ყოველივე ზემოაღნიშნული გაგებული იქნება, როგორც მითითებული უფლებების მინიჭება მხოლოდ მოქმედი კანონმდებლობით ნებადართული მაქსიმალური ზომით. 

14. გამოყოფადობა

თუ წინამდებარე „ძირითადი წესებისა და პირობების“ რომელიმე პუნქტი საცილოდ ან ბათილად იქნა ცნობილი კანონის ძალით, ასეთი პუნქტ(ებ)ი არ ჩაითვლება შეტანილად. ამგვარი ბათილობის განცხადება არ გამოიწვევს სხვა მუხლების ბათილად ცნობას და ისინი ძალაში დარჩება და ჩვეულებრივ იმოქმედებს მხარეებს შორის.

15. მოქმედი კანონმდებლობა

Glovo-სა და „მომხმარებელს“ შორის ურთიერთობა რეგულირდება და განიმარტება „ძირითადი წესებისა და პირობების“ და შესაბამისი ქვეყნის კანონმდებლობის მიხედვით, სადაც Glovo საქმიანობს და ნებისმიერი დავა წარედგინება Glovo-ს რეგისტრირებული ადგილსამყოფელის სასამართლოებს შესაბამის ქვეყანაში, თუ სხვა რამ არ არის დადგენილი მოქმედი კანონმდებლობით.

16. მომხმარებლის მხარდაჭერა და დავის ალტერნატიული გადაწყვეტა

იმისათვის, რომ მოხდეს „რწმუნებულთან“ საჭიროებისამებრ კომუნიკაციის უზრუნველყოფა, შეკვეთის დამუშავებისას წარმოქმნილ ინციდენტებთან გამკლავება
და/ან ცვლილებების შესახებ შეტყობინება, Glovo „მომხმარებლებისათვის“ აპლიკაციაში არსებული მისი „დახმარების“ განყოფილების მეშვეობით უზრუნველყოფს ჩეთის შიდა სისტემის არსებობას, რაც შესაძლებელს ხდის „მომხმარებელსა“ და „რწმუნებულს“ შორის პირდაპირ და დაუყოვნებლივ კომუნიკაციას შეკვეთის შესრულების პროცესში. იმ შემთხვევაში, თუ „მომხმარებელს” სურს, „რწმუნებულს” ან Glovo-ს შეკვეთის დასრულების შემდეგ დაუკავშირდეს, მან უნდა გამოიყენოს „დახმარების“ განყოფილება, რომელიც ხელმისაწვდომია „აპლიკაციაში”.

გარდა ამისა, Glovo იმოქმედებს, როგორც შუამავალი ნებისმიერი პრეტენზიის გადასაჭრელად, რომელიც დაკავშირებულია „მომხმარებლის“ მიერ განთავსებულ შეკვეთასთან, „მომხმარებლის“ ანგარიშთან და/ან ნებისმიერ სხვა დებულებასა და/ან მომსახურებასთან, რაც მოწოდებულია აპლიკაციით. ამ მიზნით, მომხმარებელი დაუკავშირდება Glovo-ს აპლიკაციაში არსებული „დახმარების“ განყოფილების მეშვეობით.

ყოველივე ზემოაღნიშნული ზიანს არ აყენებს „მომხმარებლების“ უფლებას, წარუდგინონ თავიანთი საჩივრები და/ან მოთხოვნები მომხმარებლისთვის ხელმისაწვდომი ნებისმიერი სამართლებრივი გზით, მათ შორის, სასამართლოსგარე/დავის ალტერნატიული გადაწყვეტის ორგანოების ჩათვლით, რომლებიც კანონიერად ახორციელებენ დავის გადაწყვეტის მომსახურებებს.

„GLOVOPRIME”-ის სპეციალური „წესები და პირობები“

წინამდებარე წესები და პირობები იმ „მომხმარებლებზე“ გავრცელდება, რომელთაც მოითხოვეს „GLOVOPRIME”-ის გამოწერა. წინამდებარე „წესები და პირობები“ არ ჩაანაცვლებს „ძირითადი წესებისა და პირობების“ გამოყენებას; ნებისმიერ შემთხვევაში, ისინი ავსებს მათ და ნებისმიერ დროს შეიძლება იქნეს შეცვლილი ან გახანგრძლივებული Glovo-ს მიერ. ამიტომაც, Glovo-ს „ძირითადი წესები და პირობები“ არეგულირებს ყველაფერს, რაც კონკრეტულად არ არის განხილული ამ „სპეციალურ წესებსა და პირობებში“. 

1. რა არის „GLOVOPRIME”?

„GLOVOPRIME” არის Glovo-ს აპლიკაციის მიერ წარმოებული მომსახურება, რომლის ფარგლებშიც, ყოველთვიური გადასახადის სანაცვლოდ, აპლიკაციის „მომხმარებლებს“ შეუძლიათ გამოიყენონ ყველა იმ პროდუქტის ულიმიტო მიტანა „მოვაჭრეებისგან“, რომელსაც ისინი შეუკვეთავენ, იმ პირობით, რომ „GLOVOPRIME”-ის ლოგო პირდაპირ გამოჩნდება იმ შესაბამისი ობიექტის აპლიკაციაში, რომელშიც შეთავაზება კეთდება, დამატებითი გადასახადის გარეშე, ზემოთ აღნიშნული ყოველთვიური ფიქსირებული გადასახადის გარდა.

„GLOVOPRIME” არ იქნება გამოყენებული იმ ობიექტებსა ან მომსახურებებზე, რომელთაც შეკვეთის განთავსების პროცესში „GLOVOPRIME” ლოგო არ ექნებათ. „GLOVOPRIME“-ის მომსახურების გამოყენება შესაძლებელია იმ პირობით, რომ დაცული იქნება წინამდებარე „სპეციალური წესებისა და პირობების“ დებულებები, „ძირითადი წესები და პირობები“, ისევე, როგორც ნებისმიერი სხვა პირობა, რომლებიც შეიძლება იყოს მოქმედი.

2. რეგისტრაციის პროცესი

„GLOVOPRIME”-ის მომსახურებისთვის დასარეგისტრირებლად, „მომხმარებელს“ უნდა ჰქონდეს მიმდინარე აქტიური ანგარიში, უნდა იყოს სრულწლოვანი და მოითხოვოს „GLOVOPRIME”-ისთვის რეგისტრაცია Glovo-ს „მომხმარებლის“ მისი პირადი პროფილის „ჩემი ანგარიშის“ განყოფილებიდან. ეს ზიანს არ აყენებს არცერთ სხვა მოთხოვნას, რომელიც შედის წინამდებარე „სპეციალურ წესებსა და პირობებში“ ან „ძირითად წესებსა და პირობებში“, ისევე, როგორც ნებისმიერ სხვა წესებსა და პირობებში, რომლებიც შეიძლება იქნეს გამოყენებული.

„GLOVOPRIME”-ის მომსახურების გააქტიურება შემდეგი პროცედურით ხდება:

• „ჩემი ანგარიშისა“ და „GLOVOPRIME”-ის განყოფილებებში შესვლის შემდეგ, „მომხმარებელმა“ უნდა აირჩიოს „რეგისტრაციისა და გადახდის“ განყოფილება და ზემოაღნიშნული ყოველთვიური გადასახადი გადაიხადოს.
• გადახდის თარიღი იქნება „GLOVOPRIME“-ის გამოწერის დაწყების თარიღი (შემდგომში, „გააქტიურების თარიღი“), ხოლო გამოწერა მოქმედი იქნება ერთი თვის განმავლობაში. „აქტივაციის თარიღში“, „მომხმარებლები“, რომლებიც აღნიშნულ მომსახურებაზე დარეგისტრირდნენ, მიიღებენ მათი რეგისტრაციის დამადასტურებელ ელფოსტას იმ მისამართზე, რომელიც მათი Glovo-ს ანგარიშიდან იქნა მითითებული.
• „გააქტიურების თარიღის“ შემდგომ, „მომხმარებელს“ შეუძლია „GLOVOPRIME”-ის მომსახურების 30 კალენდარული დღით, ერთი თვის განმავლობაში გამოყენება. გთხოვთ, გაითვალისწინოთ, რომ „მომხმარებელმა“ შეიძლება განიცადოს გარკვეული შეფერხება მისი ანგარიშის ეფექტიან გააქტიურებაში „გააქტიურების თარიღიდან“; თუ ეს შეფერხება აღემატება 72 საათს, მომხმარებელი დაუკავშირდება Glovo-ს „მომხმარებელთა მხარდაჭერას“ აპლიკაციაში არსებული „დახმარების“ განყოფილების მეშვეობით.
• „მომხმარებლებს“ „GLOVOPRIME”-ის გამოწერასთან დაკავშირებული ნებისმიერი ინფორმაციის ნახვა აპლიკაციის „ჩემი ანგარიშის“ განყოფილებაში შეუძლიათ. იქ მათ შეუძლიათ შეამოწმონ „უფასო საცდელი პერიოდის“ დარჩენილი დღეები, სადაც ეს ხელმისაწვდომია, ასევე, სხვა ფუნქციებთან ერთად, გააუქმონ „GLOVOPRIME”-ის გამოწერა ან განაახლონ გადახდის მეთოდი.

3. გამოწერის პერიოდი

3.1. “GLOVOPRIME”-ის გამოწერის პერიოდის ხანგრძლივობა უნდა იყოს ერთი თვე, შემდეგი თვის ეკვივალენტურ დღემდე (შემდგომში, „გამოწერის პერიოდი“), დაწყებული „აქტივაციის თარიღიდან“ და განახლებული ყოველთვიურად, სანამ „მომხმარებელი“ გამოწერას არ გააუქმებს. აქედან გამომდინარე, თუ „აქტივაციის თარიღია“ 10 ოქტომბერი, „გამოწერის პერიოდი“ განახლდება 10 ნოემბრამდე.

3.2. წინამდებარე წესებსა და პირობებზე დათანხმებით, „მომხმარებლები“ ადასტურებენ, რომ „GLOVOPRIME”-ის გამოწერა ავტომატურად განახლდება და გამოწერის შესაბამისი გადასახადი ავტომატურად დაკავდება „მომხმარებლის“ მიერ განსაზღვრულ ანგარიშზე.

3.3. თუ „მომხმარებელს“ არ სურს გამოწერის ავტომატურად განახლება და, აქედან გამომდინარე, „მომხმარებელს“ სურს „GLOVOPRIME”-ის მომსახურების გაუქმება, მას შეუძლია გაუქმების უფლების ნებისმიერ დროს გამოყენება, როგორც ეს მითითებულია შემდეგ მუხლში, იმ პირობით, რომ Glovo-ს იგი შეატყობინებს განახლების თარიღამდე, სულ მცირე, ორი სამუშაო დღით ადრე. თუ „მომხმარებელი“ ამ მოთხოვნას ვერ შეასრულებს, მას შემდეგი თვის გამოწერის თანხის გადახდა მოუწევს.

4. გაუქმების უფლება

4.1. თუ „მომხმარებელს“ სურს, „GLOVOPRIME”-ის „გამოწერის პერიოდში“ გამოიყენოს გაუქმების უფლება, იგი უნდა შევიდეს მისი ანგარიშის პროფილზე და მონიშნოს „გამოწერის გაუქმება“.

4.2. ანგარიშის დეაქტივაცია მოხდება „გამოწერის პერიოდის“ დასასრულს. რაც იმას ნიშნავს, რომ „გამოწერის გაუქმების“ პროცესის დასრულების შემდეგ „მომხმარებელი“ კვლავ შეძლებს მისი „GLOVOPRIME”-ის ანგარიშის გამოყენებას, მომდევნო თვის „გააქტიურების“ ან „განახლების თარიღის“ ეკვივალენტი თარიღის წინა დღემდე.

4.3. იმისათვის, რომ თავიდან აიცილოს საფასურის გადახდა, „მომხმარებელმა“ გაუქმების უფლებით უნდა ისარგებლოს გამოწერის განახლების თარიღამდე, სულ მცირე, ორი (2) სამუშაო დღით ადრე.

4.4.  გადახდები არ ბრუნდება და არც თანხები ან კრედიტები არ გაიცემა ერთი თვის განმავლობაში გამოუყენებელი ან ნაწილობრივ გამოყენებული წევრობის პერიოდისთვის. Glovo არც ნაწილობრივი ყოველთვიური გამოწერის პერიოდში აბრუნებს თანხას ან კრედიტებს.

4.5. თუ „მომხმარებელმა“ გააუქმა მომსახურების გამოწერა, თუმცა, გაგრძელება სურს, ამისათვის მას შეუძლია თავიდან დარეგისტრირება, რათა განაახლოს მისი „GLOVOPRIME”-ის გამოწერა, წინამდებარე „სპეციალური წესებისა და პირობების“ შესაბამისად.

5. მომსახურების გადასახადი

5.1. „GLOVOPRIME”-ის გადასახადი იქნება კომერციული შეთავაზების ან „ჩემი ანგარიშის“ განყოფილებაში მითითებული თანხა, თუ „მომხმარებელს“ არ მიენიჭა „GLOVOPRIME”-ის უფასო საცდელი პერიოდი, „უფასო საცდელი პერიოდის“ მე-10 მუხლის შესაბამისად.

5.2. “GLOVOPRIME”-ის აღნიშნული საფასური მოიცავს ნებისმიერ არაპირდაპირ გადასახადს, რომელიც შეიძლება გამოყენებულ იქნეს.

5.3. საფასურის ჩამოჭრა ავტომატურად უნდა მოხდეს ყოველთვიურად „გააქტიურების თარიღში“, თითოეული „მომხმარებლის“ მიერ „გააქტიურების თარიღისთვის“ ანგარიშში მითითებული ბარათიდან, ერთი თვის განმავლობაში. თუ შეუძლებელია გადახდის დასრულება შერჩეული გადახდის მეთოდის გამოყენებით, „მომხმარებელი“ ნებართვას აძლევს Glovo-ს, ჩამოაჭრას მოქმედი საკომისიო ნებისმიერი სხვა საკრედიტო ან სადებეტო ბარათიდან, რომელიც „მომხმარებელმა“ უკვე დაარეგისტრირა თავის Glovo-ს ანგარიშზე.

5.4. „მომხმარებლებს“ “GLOVOPRIME”-ის გამოყენება შეუძლიათ იმ ტერიტორიაზეც, სადაც პროდუქტის/შეკვეთის გადახდა ნაღდი ანგარიშსწორებით ხდება, რაც აღნიშნულ მომსახურებაზე არანაირ გავლენას არ მოახდენს.

5.5. Glovo იტოვებს უფლებას, გამომწერთა გაფრთხილების შემდეგ, ნებისმიერ დროს შეცვალოს გადასახადის საფასური. როდესაც ასეთი შეტყობინება უკვე გაგზავნილი იქნება Glovo-ს მიერ, შესაძლოა, ახალი ტარიფის ჩამოჭრა მოხდეს.

6. მომსახურების სპეციალური „წესები და პირობები“

“GLOVOPRIME”-ის მომსახურებაზე შემდეგი სპეციალური წესები და პირობები გავრცელდება:

• „GLOVOPRIME“ მომსახურება ვრცელდება მხოლოდ იმ შესყიდვებზე, რომლებიც განხორციელდება პირადად „რწმუნებულის“ საშუალებით, იმ დაწესებულებებში, რომლებთანაც Glovo-ს აქვს გაფორმებული კომერციული ხელშეკრულება, „კალათის მინიმალურ ზომაზე“ მეტი თანხებისთვის, რაც ვრცელდება აპლიკაციაში მითითებულ თითოეულ შეკვეთაზე.
• “GLOVOPRIME”, შესაძლოა, Glovo-ს მოქმედების მხოლოდ რამდენიმე ქვეყანაში იყოს აქტიური.
• „GLOVOPRIME”-ის გამოწერის გადასახადი გავრცელდება მხოლოდ იმ ქვეყანაზე, საიდანაც „GLOVOPRIME”-ის გამოწერა იქნა გააქტიურებული. სხვა სიტყვებით, თუ გამოწერა მოხდა ესპანეთში და „მომხმარებელი“ იტალიაში მოგზაურობს, “GLOVOPRIME”-ის გამოწერის საფასური მხოლოდ ესპანეთში გავრცელდება და არა იტალიაში.
• ეს ხელმისაწვდომი იქნება მხოლოდ ინდივიდუალური და პირადი, არაკომერციული გამოყენებისთვის.
• არცერთი გარემოებიდან გამომდინარე არ შეიძლება გამოწერის გაზიარება ან გადაცემა სხვა პირისთვის, გარდა მისი მფლობელისა, ხოლო კომპანიები და „B2B” მომსახურება პირდაპირაა გამორიცხული აღნიშნული მომსახურებიდან.

7. მომსახურების „ძირითადი წესები და პირობები“

7.1. ყოველთვიური გადასახადი მოიცავს „რწმუნებულების“ მიერ შეგროვებისა და მიტანის ფასს და არა იმ რომელიმე პროდუქტის თანხას, რომელიც შეიძლება „მომხმარებლებმა“ შეუკვეთონ, ან რომელიმე სხვა გადასახადს, რომელიც შეიძლება იყოს გამოყენებული.

7.2. Glovo-ს შეუძლია, ცალმხრივად და ნებისმიერ დროს შეცვალოს წინამდებარე „სპეციალური წესები და პირობები“ „GLOVOPRIME”-ის მომსახურების გამომწერების წინასწარი შეტყობინების მეშვეობით, როგორც და თუ ეს მოითხოვება მოქმედი კანონმდებლობით. ამგვარი შესწორებები უნდა გავრცელდეს ისეთ კერძო პირებზე, რომლებიც აქტიური არიან აპლიკაციაში, ასევე, საჭიროების შემთხვევაში, მის პირველად მომხმარებლებზე.

7.3. “GLOVOPRIME”-ის გამოწერები არის ექსკლუზიური და გადაუცემელი, მათი სათანადოდ განსაზღვრული „მომხმარებლების“ მიერ, ხოლო მათი გამოყენების მესამე პირისთვის გადაცემა არცერთ შემთხვევაში არ უნდა მოხდეს. 

7.4. Glovo იტოვებს უფლებას, გააუქმოს “GLOVOPRIME”-ის გამომწერების ანგარიშები, ასევე დეაქტივაცია გაუკეთოს მომსახურებას, მათი გამომწერების წინასწარი გაფრთხილების შემდეგ.

7.5. პირდაპირ არის გაცხადებული, რომ აქ მოცემული სპეციალური წესებისა და პირობების გარდა, „ძირითადი წესები და პირობები“ ყოველთვის გამოიყენება წინამდებარე „სპეციალურ წესებსა და პირობებთან“ ერთად, ნებისმიერ საკითხთან დაკავშირებით, რომელიც არ შეცვლილა.

8. თაღლითობა და ანგარიშის გაყინვა

Glovo გამოავლენს თუ არა „GLOVOPRIME”-ის ანგარიშის ბოროტად და/ან თაღლითურად გამოყენების ნიშნებს, უფლებამოსილია, ავტომატურად და წინასწარი გაფრთხილების გარეშე, გამოწერის, ისევე, როგორც, დამატებით და ნებისმიერ დროს, „მომხმარებლის“ ანგარიშის დეაქტივაცია მოახდინოს, რითაც იტოვებს უფლებას, ნებისმიერი კანონიერი ქმედება განახორციელოს, განსახილველი გარემოებების სერიოზულობიდან გამომდინარე. ამასთანავე, Glovo-ს უფლება აქვს, „მომხმარებელთან“ წინასწარი გაფრთხილების გაგზავნით, საკუთარი შეხედულებისამებრ გააუქმოს მომსახურება და გამოწერა.

9. „მომხმარებლის“ დახმარების მომსახურება

Glovo ყველა „მომხმარებლისთვის“ ხელმისაწვდომია აპლიკაციაში არსებული „დახმარების“ განყოფილების მეშვეობით, „GLOVOPRIME”-ის მომსახურებასთან დაკავშირებული ნებისმიერი ინციდენტისთვის.

10. „უფასო საცდელი პერიოდი“

10.1. Glovo-ს უფლება აქვს, საკუთარი შეხედულებისამებრ, უფასოდ განახორციელოს „GLOVOPRIME”-ის მომსახურების მიწოდება, რა პერიოდითაც საჭიროდ ჩათვლის. როდესაც ეს უფასო საცდელი ვერსია გადაეცემა „GLOVOPRIME“-ის „ახალ მომხმარებლებს“, მხოლოდ ისინი, ვინც აქამდე არასოდეს ყოფილა გამომწერი, ისარგებლებენ უფასო საცდელი პერიოდით. „მომხმარებელი“ პასუხისმგებელია იმის შემოწმებაზე, მოქმედებს თუ არა უფასო საცდელი ვერსიის აქცია თითოეულ შემთხვევაში. 

10.2. „უფასო საცდელი პერიოდის“ დასრულებისას, „მომხმარებლებს“ ავტომატურად მოეთხოვებათ საფასურის გადახდა და, „GLOVOPRIME”-ის „მომხმარებლების“ მსგავსად, იმავე წესებისა და პირობების შესრულება.

10.3. თუ “GLOVOPRIME”-ის გამოწერა გაუქმდა შემთხვევით ან ნებისმიერი მიზეზით, შესაბამისი „უფასო საცდელი პერიოდის“ დასრულებამდე, უფასო საცდელი შეთავაზება დასრულებულად ჩაითვლება და ახალი უფასო საცდელი პერიოდის შეთავაზება არცერთ შემთხვევაში არ მოხდება.

10.4. Glovo იტოვებს უფლებას, შემთხვევითობის პრინციპით შეარჩიოს ის „მომხმარებლები“, რომელთაც „უფასო საცდელ პერიოდს“ ან, საჭიროების შემთხვევაში, მომსახურებასთან დაკავშირებულ სხვა პრომოაქციებს შესთავაზებს.

Member Get Member (MGM) მომხმარებელთა რეფერალური პროგრამის „სპეციალური წესები და პირობები“

წინამდებარე წესები და პირობები ვრცელდება Glovo-ს მიერ შემოთავაზებულ MGM პროგრამებზე. წინამდებარე „წესები და პირობები“ არ ჩაანაცვლებს „ძირითადი წესებისა და პირობების“ გამოყენებას; ნებისმიერ შემთხვევაში, ისინი ავსებს მათ და ნებისმიერ დროს შეიძლება იქნეს შეცვლილი ან გახანგრძლივებული Glovo-ს მიერ. ამიტომაც, Glovo-ს „ძირითადი წესები და პირობები“ არეგულირებს ყველაფერს, რაც კონკრეტულად არ არის განხილული ამ „სპეციალურ წესებსა და პირობებში“. 

1. რა არის MGM პროგრამები?

Glovo-ს შეუძლია განახორციელოს მომხმარებელთა რეფერალური პროგრამები (შემდგომში, „MGM პროგრამები“), რაც სარგებელს მოუტანს როგორც „მომხმარებლებს“, ისე ახალ მომხმარებლებს, რომლებზეც მიმართულია აპლიკაცია. ანალოგიურად, Glovo იტოვებს უფლებას, გააუქმოს და/ან შეაჩეროს აღნიშნული „MGM პროგრამები“ ნებისმიერ დროს, მხოლოდ „მომხმარებლების“ ინფორმირებით, როგორც და თუ ეს მოითხოვება მოქმედი კანონმდებლობით. 

2. „MGM პროგრამებზე“ დასაშვებობის პირობები

როგორც „MGM პროგრამების“ ნაწილი, არსებულ „მომხმარებლებს“ („რეფერერი“), რომლებიც აგზავნიან მეგობრებსა და ოჯახს ახალ მომხმარებლებად („ახალი მომხმარებლები“) Glovo-ს აპლიკაციაში, შეიძლება ჰქონდეთ უფლება, მიიღონ რეფერალური კრედიტები („კრედიტ(ებ)ი“). როგორც „რეფერერმა“, ისე „ახალმა მომხმარებელმა“ რომ ისარგებლოს „MGM პროგრამებით“, „ახალი მომხმარებელი“ უნდა დარეგისტრირდეს „რეფერერის“ მიერ მისთვის მიწოდებული უნიკალური ბმულის („ბმული“) გამოყენებით. „რეფერერებს“ ეკრძალებათ რეფერალური ბმულების გამოქვეყნება საიტებზე, მათ შორის, მაგრამ არამარტო, Google-ზე, Chollo.ex-ზე, Craigslist-ზე, Twitter-ზე, RetailMeNot-სა და სხვა მსგავს საჯაროდ ხელმისაწვდომ საიტებზე. Glovo იტოვებს უფლებას, მოახდინოს დეაქტივაცია ან გააუქმოს ამ არხებით მიღებული ნებისმიერი „კრედიტი“, ისევე, როგორც ნებისმიერი სხვა „კრედიტი“, რომელზეც Glovo გონივრულად ეჭვობს, რომ მიღებულ იქნა თაღლითური და/ან შეურაცხმყოფელი ქმედებებით. 

„ახალი მომხმარებლები“ დისკვალიფიცირებულნი იქნებიან და არ მიიღებენ „კრედიტებს“, თუ Glovo დაადგენს, რომ ამ უკანასკნელებმა ადრე შექმნეს Glovo-ს ანგარიში, იმავე ან განსხვავებული მონაცემებით. გარდა ამისა, Glovo იტოვებს უფლებას, დააკავოს ან გააუქმოს „MGM პროგრამების“ მეშვეობით მიღებული „კრედიტი“, თუ Glovo დაადგენს ან თვლის, რომ „კრედიტი“ მიღებულ იქნა შეცდომით, თაღლითობით, უკანონოდ ან წინამდებარე „სპეციალური წესებისა და პირობების“, „ძირითადი წესებისა და პირობების“ ან სხვა მოქმედი პირობების ან დებულებების დარღვევით.

3. „MGM პროგრამების“ ფარგლებში გაცემული „კრედიტები“

თუ სხვაგვარად არ არის მითითებული „MGM პროგრამის“ და/ან „კრედიტების“ მინიჭების მომენტში, „რეფერერები“ მიიღებენ „კრედიტებს“ მხოლოდ პირველი 10 „ახალი მომხმარებლისთვის“, ვისაც ისინი გამოაგზავნიან, რომლებიც იმყოფებიან იმავე ქვეყანაში, სადაც „რეფერერი“. „ახალი მომხმარებელი“ მიიღებს „კრედიტებს“ ბმულის საშუალებით დარეგისტრირებისას, იმ პირობით, რომ ის აკმაყოფილებს წინამდებარე „სპეციალურ წესებსა და პირობებში“ მითითებულ ყველა მოთხოვნას, „ძირითად წესებსა და პირობებს“ და შეთავაზებაში მითითებულ პირობებს; „რეფერერი“ მიიღებს „კრედიტებს“ მხოლოდ მას შემდეგ, რაც „ახალი მომხმარებელი“ დაასრულებს მის პირველ წარმატებულ შეკვეთას, რომელიც აკმაყოფილებს წინამდებარე „სპეციალურ წესებსა და პირობებში“, „ძირითად წესებსა და პირობებში“ და შეთავაზებაში მითითებულ ყველა მოთხოვნას. Glovo იტოვებს უფლებას, მოახდინოს დეაქტივაცია ან გააუქმოს ნებისმიერი „კრედიტი“, რომელიც მიღებულია „მომხმარებლის“ ან „რეფერერის“ მიერ ამ თანხების გადაჭარბებით და/ან სხვაგვარად, მითითებული წესებისა და პირობების დარღვევით. 

„კრედიტის“ ოდენობა განსხვავდება რეგიონების მიხედვით და „რეფერერის“ ადგილმდებარეობა განსაზღვრავს განაცხადის რეგიონსა და „კრედიტის“ ოდენობას. „კრედიტის“ ოდენობა მოყვანილი იქნება MGM პროგრამებზე მითითებულ შეთავაზებებსა და პუბლიკაციებში. Glovo-მ შეიძლება მოითხოვოს მინიმალური ჯამი ან ქვეჯამი (გადასახადებისა და მოსაკრებლების გამოკლებით) „ახალი მომხმარებლის“ პირველ შეკვეთაზე, რომელიც უნდა შესრულდეს იმისათვის, რომ როგორც „ახალმა მომხმარებელმა“, ისე „რეფერერმა“ მიიღონ „კრედიტები“. „კრედიტები“ ავტომატურად იქნება გამოყენებული შეკვეთის გაფორმებისას. „კრედიტების“ გამოსყიდვა შესაძლებელია მხოლოდ იმ კატეგორიებსა და/ან პროდუქტებში, რომლებიც მითითებულია „მომხმარებლებთან“ („რეფერერი“ და „ახალი მომხმარებელი“) გაგზავნილ „MGM პროგრამის“ შეტყობინებებში და Glovo-ს სამოქმედო სფეროებსა და სამუშაო საათებში. „კრედიტები“ არ შეიძლება იქნეს გამოსყიდული ნაღდი ფულით ან ფულადი ეკვივალენტით. „კრედიტები“ არ არის გადაცემადი და დაუშვებელია აუქციონზე გატანა, ვაჭრობა, გაცვლა ან გაყიდვა. თუ Glovo-მ პირდაპირ არ მიუთითა „MGM პროგრამის“ შესახებ შეტყობინების და/ან „კრედიტების“ მინიჭების მომენტში, „კრედიტები“ არ შეიძლება გამოყენებულ იქნეს შერჩეულ პრომოაქციებთან ერთად. 

Glovo იტოვებს უფლებას, ნებისმიერ დროს შეცვალოს თანხები, მოქმედი პირობები, მოთხოვნები და წინამდებარე „სპეციალური წესები და პირობები“, მხოლოდ „მომხმარებლების“ ინფორმირებით, როგორც და თუ ეს მოითხოვება მოქმედი კანონმდებლობით. Glovo-ს „ძირითადი წესები და პირობები“ ვრცელდება „MGM პროგრამებზე“ და არეგულირებს ყველაფერს, რაც კონკრეტულად არ არის განხილული წინამდებარე „სპეციალურ წესებსა და პირობებში“.

მოთხოვნაზე დამყარებული „On Demand“ Glovo-ს ბიზნეს მომსახურებების „სპეციალური წესები და პირობები“

GLOVO ფლობს პროდუქტების გაგზავნისა და მიტანის შუამავლობისთვის პლატფორმას, რომელიც ხელმისაწვდომია „მომხმარებლების“, ბიზნესისა და პროფესიონალებისათვის. წინამდებარე განყოფილება ვრცელდება GLOVO-ს მიერ შეთავაზებული მომსახურების მახასიათებლებზე, რაც მოცემულია შემდეგ ვებსაიტზე: https://business.glovoapp.com/ (შემდგომში, „Glovo Business Platform“). 

წინამდებარე „წესები და პირობები“ არ ჩაანაცვლებს „ძირითადი წესებისა და პირობების“ გამოყენებას; ნებისმიერ შემთხვევაში, ისინი ავსებს მათ და ნებისმიერ დროს შეიძლება იქნეს შეცვლილი ან გახანგრძლივებული Glovo-ს მიერ. ამიტომაც, Glovo-ს „ძირითადი წესები და პირობები“ არეგულირებს ყველაფერს, რაც კონკრეტულად არ არის განხილული ამ „სპეციალურ წესებსა და პირობებში“. 

1. მიზანი

„მომხმარებელს” შეუძლია, პლატფორმაზე დარეგისტრირებული სახელითა და პაროლით შევიდეს „Glovo Business Platform“-ზე, რათა მოითხოვოს სასურველი პროდუქტის შეგროვება და მიტანა ერთი ან მეტი აღების ადგილიდან და ერთ ან მეტ მიტანის ადგილზე, ხოლო მათი ტრანსპორტირება პირდაპირ „რწმუნებულების” მიერ უნდა განხორციელდეს.

„Glovo Business Platform“-ზე „მომხმარებლის“ მიერ მოთხოვნილი მომსახურება არ გულისხმობს პროდუქტების შეძენას, ის გულისხმობს მხოლოდ შუამავლობის მომსახურებას, სასურველი პროდუქტის მიტანაში, შეგროვების მისამართიდან მიტანის მისამართამდე.

2. მომსახურების სახე

„Glovo Business Platform“-ის გამოყენებისას, „მომხმარებლებს“ საშუალება აქვთ, აირჩიონ მომსახურების შემდეგი სახეები:

• „ცალმხრივი შეკვეთა“: პროდუქტების შეგროვება ხდება ერთი ადგილიდან, ხოლო მიტანა კი, მიტანის ერთ მისამართზე.
• „დაბრუნების შეკვეთა“: პროდუქტების შეგროვება ხდება ერთი ადგილიდან, მიტანა — მეორე მისამართზე და შემდგომ დაბრუნება თავდაპირველ წერტილში (პირველ მისამართზე).
• „მრავალჯერადი აღების შეკვეთა“: შეგროვების რამდენიმე მისამართი და მიტანის მხოლოდ ერთი მისამართი არსებობს.
• „მრავალჯერადი დატოვების შეკვეთა“: შეგროვების ერთი მისამართი და მიტანის რამდენიმე მისამართი არსებობს.

თითოეული შეკვეთა თავისუფალი ტექსტის ადგილს შეიცავს, რათა „მომხმარებელმა“ საკუთარ შეკვეთას ნებისმიერი საჭირო კომენტარი დაურთოს, რაც „რწმუნებულს“ დაეხმარება.

როგორც კი შეკვეთა განთავსდება, „რწმუნებული“ „მომხმარებლის“ მიერ მითითებულ ადგილას/ადგილებში მიდის, რათა შეაგროვოს შეკვეთა/შეკვეთები, „პლატფორმაზე“ მათ დადასტურებასთან ერთად. შეკვეთის ასაღებად, „რწმუნებულმა“ „პლატფორმაზე“ შეკვეთის დადასტურება უნდა წარადგინოს. დაბოლოს, შეკვეთა „რწმუნებულის“ მიერ მიტანილი იქნება მიტანის მითითებულ მისამართ(ებ)ზე.

„მომხმარებლებს“ შეუძლიათ, უფასოდ გააუქმონ შეკვეთა, სანამ „რწმუნებული“ დაეთანხმება მის მიღებას. თუმცა, თუ „მომხმარებელი“ ისეთ შეკვეთას გააუქმებს, რომელიც „რწმუნებულის“ მიერ უკვე მიღებულია, „მომხმარებელი“ ვალდებულია, მიმდინარე შეკვეთის გაუქმებისთვის 100%-იანი საფასური გადაიხადოს.

თუ „რწმუნებული“ მიტანის მისამართზე მივა და შეკვეთის წინასწარ გათვალისწინებული მიმღები პირი 10 (ათი) წუთის განმავლობაში ლოდინისა და დაკავშირების ცდის საფუძველზე არ გამოჩნდება, შეკვეთა დაბრუნებული იქნება „რწმუნებულის“ მიერ აღების საწყის ადგილზე, ხოლო Glovo უფლებამოსილია, „მომხმარებელს“ აანაზღაურებინოს დამატებითი ხარჯები, რაც ახალ მომსახურებასთან ერთად წარმოიშვა.

აღნიშნული დამატებითი ხარჯების დაანგარიშება მოხდება ცვლადი ღირებულების საფუძველზე, რაც დამოკიდებული იქნება მიტანის ადგილამდე გავლილი კილომეტრების რაოდენობასა და ფიქსირებულ ფასზე, რომელიც შეესაბამება შეკვეთის დაბრუნებას მის თავდაპირველ მისამართზე.

თუ „მომხმარებელს“ შეკვეთის განთავსების დროს რაიმე პრობლემა წარმოეშვება, იგი GLOVO-ს დახმარების მომსახურებას უნდა დაუკავშირდეს.

„Glovo Business Platform“ ხელმისაწვდომია იმ დღეებსა და დროებში, როდესაც პლატფორმა აქტიურია.

ამანათების ზომა, რომლებსაც შესაძლოა, „რწმუნებული“ ატარებდეს, გარკვეულ პირობებში შეიძლება დაექვემდებაროს შეზღუდვებს და უნდა შეესაბამებოდეს „გამოყენებისა და ხელშეკრულების დადების ზოგადი წესებისა და პირობების“ 3.6 მუხლში დადგენილ შეზღუდვებს. პროდუქტები იმ ქალაქებში უნდა იყოს, სადაც Glovo საქმიანობს, ხოლო მისი შეგროვებისა და მიტანის ადგილები უნდა მდებარეობდეს იმავე ქალაქსა და Glovo-ს მიერ დაფარულ ზონებში.

3. საფასური Glovo-ს ბიზნეს მომსახურებებისთვის

თითოეული შეკვეთის ფასი შედგება ცვალებადი საფასურისგან (დამატებით, ნებისმიერი არაპირდაპირი გადასახადი, რომელიც, შესაძლოა, კანონით იქნეს გამოყენებული), რაც ემყარება გავლილ მანძილს (კმ) (შემდგომში, „გადასახადი“).

GLOVO იტოვებს უფლებას, შეცვალოს ფასები მოცემულ მანძილსა და/ან შეკვეთის მიტანის განხორციელების დღის მონაკვეთზე დაყრდნობით.

აღნიშნული პირობების მიხედვით, „მომხმარებელი“ უფლებამოსილია, იცოდეს შეკვეთის მიახლოებითი ღირებულება მის განთავსებამდე. „გადასახადი“ შესაძლოა შეიცვალოს ფორსმაჟორულ სიტუაციაში, რაც Glovo-ს კონტროლს მიღმა იქნება და რაც„ გადასახადის“ გაზრდას გამოიწვევს. „გადასახადი“ გაიზრდება მაშინაც, თუ „მომხმარებელი“ წარადგენს ისეთ დაგვიანებულ ინფორმაციას „მინდობილი პირისათვის“, როგორიცაა შეგროვების და/ან მიტანის მისამართ(ებ)ის ცვლილება ან თავდაპირველი შეკვეთის მიტანის დამატებითი მისამართები.

გაწეული მომსახურების გადახდა განხორციელდება შემდეგი მეთოდებით, რომელთა შორისაც არჩევანს თავად „მომხმარებელი“ გააკეთებს:

• საკრედიტო ბარათი: „მომხმარებლებს“ შეუძლიათ, თითოეული შეკვეთა ინდივიდუალურად გადაიხადონ, საკრედიტო ბარათის გამოყენებით იმავე წესებითა და პირობებით, რაც გათვალისწინებულია „გამოყენებისა და ხელშეკრულების დადების ძირითად წესებსა და პირობებში“.
• ყოველთვიური გადასახადი / პირდაპირი დებეტი: Glovo ყოველ კალენდარულ თვეში შეკრებს „მომხმარებლის“ ჯამურ ხარჯებს პირდაპირი დებეტის მეშვეობით, ამ უკანასკნელის მიერ მიწოდებული ინფორმაციის საფუძველზე.

თუ პირდაპირი დებეტი გაუქმდა და შესაბამისი თანხის გადახდა შეუძლებელია, „მომხმარებლის“ ჯამური თანხის ჩამოჭრა მისი დაკავშირებული საკრედიტო ბარათიდან მოხდება იმავე დღეს, როდესაც GLOVO-სთვის ცნობილი გახდება პირდაპირი დებეტის გაუქმების შესახებ. ასეთ შემთხვევაში, „მომხმარებელს“ პირდაპირი დებეტის შეწყვეტის შედეგად გაჩენილი გადასახადი დაეკისრება (მაგ., ბანკის საკომისიო გადახდები).

4. „On-Demand“ გადაწყვეტის მომსახურებები

ასევე, Glovo ბიზნესსა და პროფესიონალებს სთავაზობს „On-Demand“ გადაწყვეტის მომსახურებებს. „Glovo Business Platform“-ის ფარგლებში, „მომხმარებელს“, ასევე, შეუძლია მოითხოვოს „On-Demand“ გადაწყვეტის მომსახურებები, რომლითაც Glovo აკავშირებს „მომხმარებლის“ გაყიდვების ონლაინ-არხებს Glovo-ს აპლიკაციასა და შუამავლებთან, რათა ხელმისაწვდომი გახადოს ასეთი არხებით გაყიდული პროდუქტები და მომსახურებები „მომხმარებლებისთვის“, „რწმუნებულთა“ მეშვეობით. 

„On-Demand“ გადაწყვეტის მომსახურებათა გამოყენებით, „მომხმარებელი“ პირდაპირ ეთანხმება „პარტნიორებისთვის მოთხოვნაზე დამყარებული გადაწყვეტის მომსახურებების გამოყენებისა და ხელშეკრულების დადების ზოგად წესებსა და პირობებს“, რაც ანაცვლებს წინამდებარე „გამოყენებისა და ხელშეკრულების დადების ზოგად პირობებს“. „პარტნიორებისთვის მოთხოვნაზე დამყარებული მომსახურებების გამოყენებისა და ხელშეკრულების დადების ზოგადი წესებისა და პირობების“ მომხმარებლის მიერ მიღება ხელს არ უშლის კონკრეტულ წესებსა და პირობებზე დათანხმებას.

„Food Rescue“ მომსახურების „სპეციალური წესები და პირობები“

წინამდებარე „სპეციალური წესები და პირობები“ ვრცელდება იმ „მომხმარებლებზე“, რომლებიც განათავსებენ „Food Rescue“ შეკვეთას აპლიკაციის გამოყენებით, იმ ქვეყნებში, სადაც აღნიშნული მომსახურება ხელმისაწვდომია. წინამდებარე „სპეციალური წესები და პირობები“ არ ჩაანაცვლებს „ძირითადი წესებისა და პირობების“ გამოყენებას; ნებისმიერ შემთხვევაში, ისინი ავსებს მათ და ნებისმიერ დროს შეიძლება იქნეს შეცვლილი ან გახანგრძლივებული Glovo-ს მიერ. „ძირითადი წესები და პირობები“ გავრცელდება ყველაფერზე, რაც წინამდებარე „Food Rescue“ მომსახურების სპეციალურ წესებსა და პირობებში არ იქნება პირდაპირ გათვალისწინებული.

1. რა არის „Food Rescue“?

„Food Rescue“ არის Glovo-ს აპლიკაციაში წარმოდგენილი მომსახურება, რომლის ფარგლებშიც „მომხმარებლებს“ შეუძლიათ განათავსონ შეკვეთა ზედმეტ საკვებსა და Glovo-ს აპლიკაციაში არსებული საკვებით მოვაჭრეების სხვა პროდუქტებზე.

„მომხმარებლებს“ გაცნობიერებული აქვთ, რომ Glovo-ს მიერ „Food Rescue“-ის პროექტის დაწყება მიზნად ისახავს საკვები ნარჩენების შემცირებას. კონკრეტულად, პროექტი მოიცავს „მომხმარებლებისთვის“ ხელმისაწვდომი ვარიანტის შეთავაზებას Glovo-ს აპლიკაციაში, რომლის მიხედვითაც მათ შეეძლებათ, აპლიკაციაში მითითებული „მოვაჭრეებისგან“ ფასდაკლებით შეუკვეთონ საკვების შეკვრა/შეკვრები, რაც დღის განმავლობაში ვერ გაიყიდა და რომლის ზუსტი შიგთავსი „მომხმარებლისთვის“ არ იქნება ცნობილი შეკვეთის განთავსების დროს (შემდგომში, „საკვების შეკვრა/შეკვრები“, „პროდუქტები“ ან „საიდუმლო ყუთი“).

„Food Rescue“-ის შეკვეთის განთავსებით, „მომხმარებლები“ ეთანხმებიან წინამდებარე „სპეციალურ წესებსა და პირობებს“.

2. მომსახურება

Glovo მხოლოდ ხელს შეუწყობს „მომხმარებელსა“ და „მოვაჭრეს“ შორის ხელშეკრულების დადებას. მას არანაირი პასუხისმგებლობა არ ეკისრება „საკვების შეფუთვის“ შიგთავსის ან „მოვაჭრესა“ და „მომხმარებელს” შორის ხელშეკრულების შესრულებასთან დაკავშირებით.

Glovo არ არის პასუხისმგებელი „მომხმარებლის“ მიმართ სახელშეკრულებო ვალდებულებების შესრულებაზე პროდუქტებთან დაკავშირებით, მათ შორის: პროდუქტის წარმოებაზე, გაყიდვაზე, შეძენაზე, შენახვაზე, მომზადებაზე, რეალიზაციაზე, დამუშავებაზე, ეტიკეტირებაზე, ხარისხზე, ინგრედიენტებზე, ალერგენებსა ან მოვლაზე, ან მოქმედი კანონმდებლობის შესრულებაზე, თუ Glovo არ არის ნახსენები, როგორც აპლიკაციაში პროდუქტის მწარმოებელი ან გამყიდველი.

„მომხმარებლებს“ შეეძლებათ, აპლიკაციაში ფასდაკლებით იპოვონ „საკვების შეკვრა/შეკვრები“, რაც დღის განმავლობაში ვერ გაიყიდა და რომლის ზუსტი შიგთავსი „მომხმარებლისთვის“ არ იქნება ცნობილი შეკვეთის განთავსების დროს.  „მოვაჭრეს“ ეკისრება პასუხისმგებლობა პროდუქციის შესახებ ინფორმაციის მიწოდებასა და იმის უზრუნველყოფაზე, რომ ეს ინფორმაცია არის ზუსტი და განახლებული. Glovo არ იღებს პასუხისმგებლობას „მოვაჭრის“ მიერ მიწოდებული ინფორმაციის ან, შესაბამისად, „პროდუქტის“ შიგთავსის ან მასთან დაკავშირებული ინფორმაციის არსებობაზე.

Glovo არ იღებს პასუხისმგებლობას არანაირ რეაქციაზე, რაც „მომხმარებელმა“ შეიძლება მიიღოს „პროდუქტის“ შედეგად, მათ შორის, მისი მოხმარებით ეტიკეტზე მითითებულის ან უშუალოდ „მოვაჭრის“ მიერ გაცემული ინფორმაციის საწინააღმდეგოდ. „მოვაჭრე“ არის მხარე, რომელიც „პროდუქტს“ აწარმოებს, ყიდის, ინახავს, ამზადებს, ეტიკეტირებას უკეთებს, ფუთავს და უვლის, და Glovo, აქედან გამომდინარე, არ იღებს პასუხისმგებლობას ასეთი პროდუქტისგან მიღებულ რაიმე შესაძლო ზიანსა ან უარყოფით რეაქციაზე.

3. შეკვეთის შეგროვება

„Food Rescue“-ის შეკვეთის განთავსებისას, „მომხმარებელს“ ორი არჩევანი აქვს:

• შეგროვება „მოვაჭრის“ დაწესებულებიდან. ასეთ შემთხვევებში, „მომხმარებლებმა“ ფიზიკურად უნდა შეაგროვონ „Food Rescue“-ის შეკვეთა „მოვაჭრის“ დაწესებულებიდან, რომელიც მითითებულია აპლიკაციაში, რაც მომხმარებლებს საშუალებას აძლევს, ფიზიკურად თავადვე შეაგროვონ შეკვეთები.
• სახლში მიტანა. ასეთ შემთხვევაში, „მომხმარებელი“ „რწმუნებულის“ მიერ „მოვაჭრის“ დაწესებულებიდან აღებულ შეკვეთას მიიღებს Glovo-ს აპლიკაციაში „მომხმარებლის“ მიერ მითითებულ მისამართზე.

 დანართი I — დეტალური ინფორმაცია Glovo-სთან დაკავშირებული კომპანიების შესახებ

ანდორა

კომპანიის სახელწოდება

Glovoapp, S.L.U. 

საგადასახადო საიდენტიფიკაციო ნომერი (NIF) ან სხვა საგადასახადო ნომერი

L-716443-L 

რეგისტრირებული მისამართი

Ingeni coworking, Passatge d’Europa 1, მე-4 სართული, AD500, ანდორა-ლა-ველა

სომხეთი

კომპანიის სახელწოდება

Glovo, LLC

საგადასახადო საიდენტიფიკაციო ნომერი (NIF) ან სხვა საგადასახადო ნომერი

2841979

იურიდიული პირის კოდი: 52677306

რეგისტრირებული მისამართი

ვ. სარქისიანი / 26/1 Center 0010 ერევანი, სომხეთი

ბოსნია და ჰერცეგოვინა

კომპანიის სახელწოდება

Glovoapp d.o.o. სარაევო

საგადასახადო საიდენტიფიკაციო ნომერი (NIF) ან სხვა საგადასახადო ნომერი

JIB: 4202880430005

რეგისტრირებული მისამართი

Ul. Branilaca Sarajeva 17

ბულგარეთი

კომპანიის სახელწოდება

Glovoapp Bulgaria EOOD

საგადასახადო საიდენტიფიკაციო ნომერი (NIF) ან სხვა საგადასახადო ნომერი

UIC BG203039843

რეგისტრირებული მისამართი

ჰლადილნიკას ინდუსტრიული ზონა 1407, №2, სრებარნას ქ., Mobi Art-ის შენობა, მე-2 სართული, ბულგარეთი, სოფია

ხორვატია

კომპანიის დასახელება

GlovoApp Technology d.o.o.

საგადასახადო საიდენტიფიკაციო ნომერი

48879371584

რეგისტრირებული მისამართი

Radnicka cesta 52 10000, ზაგრები, ხორვატია

საქართველო

კომპანიის დასახელება

შპს Glovoapp Georgia

საგადასახადო საიდენტიფიკაციო ნომერი (NIF) ან სხვა საგადასახადო ნომერი

402099475

რეგისტრირებული მისამართი

დ. აღმაშენებლის გამზირი, №129ა, ობიექტი №4, დიდუბის რაიონი, თბილისი

განა

კომპანიის სახელწოდება

Glovoapp Ghana Limited Company

საგადასახადო საიდენტიფიკაციო ნომერი (NIF) ან სხვა საგადასახადო ნომერი

C0060036362

რეგისტრირებული მისამართი

Impact Hub Accra F 393/4 Otswe, Osu, აკრა, განა

იტალია

კომპანიის დასახელება

Foodinho, S.R.L.

საგადასახადო საიდენტიფიკაციო ნომერი (NIF) ან სხვა საგადასახადო ნომერი

09080990964

რეგისტრირებული მისამართი

Via Giovanni Battista Pirelli n. 31, 20124, მილანი, იტალია

კოტ-დ’ივუარი

კომპანიის სახელწოდება

Glovoapp Cote D´ivoire sarl

საგადასახადო საიდენტიფიკაციო ნომერი (NIF) ან სხვა საგადასახადო ნომერი

53703324719

რეგისტრირებული მისამართი

Abidjan Rue du 7 Décembre, Marcory Sud Lot 76737, 27 BP 654 Abidjan 27, კოტ-დ'ივუარი

ყაზახეთი

კომპანიის დასახელება

Glovoapp Kazhastan LLP

საგადასახადო საიდენტიფიკაციო ნომერი (NIF) ან სხვა საგადასახადო ნომერი

1227888

რეგისტრირებული მისამართი

 საკონტაქტო მონაცემები

ყაზახეთი, ქალაქი ალმათი, ბოსტანდიკის რაიონი, ალ-ფარაბის გამზირი, სახლი 17/1, PFC "Nurly-Tau", 5B ბლოკი, №18 ოფისი, საფოსტო კოდი: 050059

liveops.comms@glovoapp.com

87272643068

კენია

კომპანიის სახელწოდება

Glovapp Kenya, Llc

საგადასახადო საიდენტიფიკაციო ნომერი (NIF) ან სხვა საგადასახადო ნომერი

P051739866F

რეგისტრირებული მისამართი

Westcom Point-ის შენობა, მე-2 სართული, საფოსტო ყუთი 13423-00800,მაჰიგა მაირუს გამზირი, ნაირობი

ყირგიზეთი

კომპანიის სახელწოდება

“GLOVO KG” LLC

საგადასახადო საიდენტიფიკაციო ნომერი (NIF) ან სხვა საგადასახადო ნომერი

2109202010145

რეგისტრირებული მისამართი

Erkindik 64B, ოფისი 18, ბიშკეკი, ყირგიზეთი

მონტენეგრო

კომპანიის სახელწოდება

 Glovo Montenegro d.o.o.

საგადასახადო საიდენტიფიკაციო ნომერი (NIF) ან სხვა საგადასახადო ნომერი

PIB: 03351475

რეგისტრირებული მისამართი

Rimski Trg br 4, 8100, პოდგორიცა

მოლდავეთი

კომპანიის სახელწოდება

 GlovoAppMOL SRL

საგადასახადო საიდენტიფიკაციო ნომერი (NIF) ან სხვა საგადასახადო ნომერი

1020600034411

რეგისტრირებული მისამართი

Vlaicu Pircalab St 77- კიშინიოვი 2012, მოლდავეთი

მაროკო

კომპანიის დასახელება

Glovoapp Morocco sarl

საგადასახადო საიდენტიფიკაციო ნომერი (NIF) ან სხვა საგადასახადო ნომერი

ICE: 002086928000050 

რეგისტრირებული მისამართი

Rue Soumaya Résidence Shehrazade 3, 5ème étage, n° 22 Palmiers 20340 — კასაბლანკა.

ნიგერია

კომპანიის სახელწოდება

Glovoapp Nigeria Limited

საგადასახადო საიდენტიფიკაციო ნომერი (NIF) ან სხვა საგადასახადო ნომერი

23916307-0001

რეგისტრირებული მისამართი

მე-4 სართული, Adamawa Plaza Plot 1099, Off Shehu Shagari Way-ს 1-ელი გამზირი, ცენტრალური ბიზნეს უბანი FCT, აბუჯა, ნიგერია

პოლონეთი

კომპანიის სახელწოდება

პარტნიორი რესტორანი Polska sp. z o.o. 

საგადასახადო საიდენტიფიკაციო ნომერი (NIF) ან სხვა საგადასახადო ნომერი

7252012779

რეგისტრირებული მისამართი

Piotrkowska 276, 90-361 ლოძი, პოლონეთი

პორტუგალია

კომპანიის სახელწოდება

Glovo Portugal Unipessoal LDA

საგადასახადო საიდენტიფიკაციო ნომერი (NIF) ან სხვა საგადასახადო ნომერი

61010-R3

რეგისტრირებული მისამართი

Rua Alexandre Herculano, 50, 4.º, Freguesia de Santo António

1250 048 ლისაბონი, პორტუგალია

 *Se o Utilizador quiser efectuar uma reclamação online poderá acessar o link (https://www.livroreclamacoes.pt/inicio) ou entrar em contacto diretamente no Chat do App

რუმინეთი

კომპანიის დასახელება

GlovoappRo, S.R.L.

საგადასახადო საიდენტიფიკაციო ნომერი (NIF) ან სხვა საგადასახადო ნომერი

39053728

რეგისტრირებული მისამართი

Calea Serban Voda, nr 206, Cladirea U-Center, Etaj 4, სექტორი 4, ბუქარესტი

სერბეთი

კომპანიის სახელწოდება

GlovoApp Technology d.o.o. Beograd-Stari Grad 

საგადასახადო საიდენტიფიკაციო ნომერი (NIF) ან სხვა საგადასახადო ნომერი

111507569

რეგისტრირებული მისამართი

Žorža Klemensoa 19, 11000 ბელგრადი, სერბეთი

სლოვენია

კომპანიის სახელწოდება

Glovoapp Sl, d.o.o.

საგადასახადო საიდენტიფიკაციო ნომერი (NIF) ან სხვა საგადასახადო ნომერი

Sl 82705844

რეგისტრირებული მისამართი

Cesta Ljubljanske brigade 21, 1000, ლიუბლიანა

ესპანეთი

კომპანიის სახელწოდება

Glovoapp Spain Platform, S.L.U 

საგადასახადო საიდენტიფიკაციო ნომერი (NIF) ან სხვა საგადასახადო ნომერი

 B67282871

რეგისტრირებული მისამართი

Calle Llull, 108, 08005, ბარსელონა, ესპანეთი

ტუნისი

კომპანიის სახელწოდება

Glovoapp Tunisia S.U.A.R.L. 

საგადასახადო საიდენტიფიკაციო ნომერი (NIF) ან სხვა საგადასახადო ნომერი

1739051W

რეგისტრირებული მისამართი

Complexe Vital Cube - Bloc E, nº2 & 3, Rue de L’Île de Tasmanie, Berges du Lac 2, Tunis - 1053 Mat. 

უგანდა

კომპანიის სახელწოდება

Glovo Uganda Limited

საგადასახადო საიდენტიფიკაციო ნომერი (NIF) ან სხვა საგადასახადო ნომერი

1017265563

რეგისტრირებული მისამართი

მე-4 სართული, DFCU Towers, 26 Kyadondo Road, Nakasero, საფოსტო ყუთი 1520, კამპალა

უკრაინა

კომპანიის დასახელება

Glovoapp Ukraine LLC

საგადასახადო საიდენტიფიკაციო ნომერი (NIF) ან სხვა საგადასახადო ნომერი

425555226591

რეგისტრირებული მისამართი

უკრაინა, 01011, კიევი, პანასა მირნოჰოს ქუჩა, შენობა 11, ოფისი 2/21